*** مصطلحات عامّية سودانية ***

[شبارقة]

المشاركة الأصلية كتبت بواسطة سارة

ويا شبارقة

البجى بجى : دا ملاح مشهور فى كردفان وكردفان مشهورة بعدم كفاية الماء خاصة فى فترة الصيف

وهذا الملاح يصنع من موية البطيخ ..يعنى بيجمعوا موية البطيخ وبيخمروها وبيعملوا منها ملاح

للعصيدة

وملاح ام تلاتة : دا موية وويكة وملح

وملاح الابديب: دا نوع من النبات اسمو ابديب يستعمل كالويكة فى ملاح الروب

بعدين نجيكم لى ملاح دفروا رمى ومشروب قام زوت

[align=justify]أختنا سارة كتر خيرك ونحن في إنتظارك وفي إنتظار الدفرو رمى ومشروب قام زوت وأم بقبق
أين أنت يا ود أبو عااااااقلة ... ألحقنا وأفزعنا [/align]

[شبارقة]

المشاركة الأصلية كتبت بواسطة فيصل سعد

الربة دي يا معلم البهرة او اللعبة يعني حفلة رابة غناء و رقيص و دلوكة و توستي ، ممكن تكون قيدومة ، حنة ، دخلة ، صبحية ، كرسمس ، راس سنة ، اوفرنايت بس اهم حاجة الرصاصات تكون سنينة ، و السيرة و التمتم في السلك يا حبوب..

[align=justify]الكلام صحيح وما مشيت بعيد .... والمثل : رفاعة الربه لا مسيد لا قبة .. المقصود بالربه هنا هو الخليط أي أجناس وقبائل متفرقة ..ولو كانو جميعهم أبناء رجل واحد لكان وجدت لهم قبة لذلك الرجل أو مسيد بإسمه كما في باقي قرى السودان التي تنحدر من صلب رجل واحد ..والله أعلم [/align]

[شبارقة]

المشاركة الأصلية كتبت بواسطة شبارقة

[align=justify]رجعنالكم رجوع القمره لوطن القماري ..وذلك بعد غيبة قصيرة لعدم التفرغ ..[/align]
[align=justify]وهاكم المسدار ده شوفوهو وترجمو لينا كلماتو التي باللون الأحمر ...والحناكيش يمشو يلعبو بعيد بعيد :[/align]

[align=center] اخوك سمتان محرق خاتي قولة لسه
عايش فرقة المن السحاب مندسه
قوقيت بالصقيع جنيت دخلت العسه
من نسمة هوادا غايبة مامن هسه[/align]

[align=justify]في الإمتحان أعلاه لم ينجح أحد...للأسف الناس كلها بقت حناكيش ...والواحد عاوز ينفقع من الزعل [/align]

[شبارقة]

المشاركة الأصلية كتبت بواسطة شبارقة

[align=justify]هاكم إلى أن ألقاكم :

1- الفوسيب 2- الشوشه 3- السروبه 4- الباصور 5- الشالع

6- القراف 7- الشايه 8- الهو 9- الصي 10- من الأقوال الشائعة :

رفاعة الربه لا مسيد لا قبه ...فما هي الربه؟


النجاح للحناكيش 3 من 10 وللغبش 11 من 10 [/align]

[align=justify]لم ينجح أحد حتى الآن ...ونديكم فرصة أخيرة لغاية بكرة إن شاء الله وبعدها ح نشوف لينا بوست زي ده ولكن مع الغبش البياكلو العصيدة والبني كربو والبيشربو المويه بدغلوبا ...ناس دابي الكر ..والفي الخشش بنتر ...وح نفارق درب الحناكيش ده [/align]

[منال]

المشاركة الأصلية كتبت بواسطة شبارقة

[align=justify]لم ينجح أحد حتى الآن ...ونديكم فرصة أخيرة لغاية بكرة إن شاء الله وبعدها ح نشوف لينا بوست زي ده ولكن مع الغبش البياكلو العصيدة والبني كربو والبيشربو المويه بدغلوبا ...ناس دابي الكر ..والفي الخشش بنتر ...وح نفارق درب الحناكيش ده [/align]

سلامات يا ناس البوست الغبش البياكلو العصيدة والبني كربو والبيشربو المويه بدغلوبا ...ناس دابي الكر ..والفي الخشش بنتر ...
تحياتى يا شبارقة و كل الحناكيش

5- الشالع ( بسمع بقولة الشالع عمتو يعنى فى طريقة لبسها - و الشالع توبها)
7- الشايه تبقى شاية وراية يعنى شى ذو قيمة و معنى8- الهو اول من تهب الهبوب و الريح9- الصي حر الشمس (فيافى الصى و بيوضة )

[فيصل سعد]

سلام للجميع هنا و عساكم بخير:

نعرج بيكم لمصطلحات اخرى جديدة :

ماهو الخزام و الشيح و البراح ؟؟ ، لتسهيل الاجابة استمتع باغنية خليل فرح "في الضواحي طرف المدائن" تجد تلك الكلمات ..

[فيصل سعد]

المشاركة الأصلية كتبت بواسطة منال

سلامات يا ناس البوست الغبش البياكلو العصيدة والبني كربو والبيشربو المويه بدغلوبا ...ناس دابي الكر ..والفي الخشش بنتر ... تحياتى يا شبارقة و كل الحناكيش

5- الشالع ( بسمع بقولة الشالع عمتو يعنى فى طريقة لبسها - و الشالع توبها ..

تمام يا عزيزتي منال و لك التحية و اجابتك مظبوطة ، لكن علي باليمين كلمة الشالع القاصدها الحبوب شبارقة ان ختت "البرق" انت عارفة معناها و فايتة اضانك لكن جليتيها ساي يا بت عمك خوفا من الانضمام للستة فتحي و معتصم و مافي زول بلومك تب .. زمان البنات كانوا بغنوا للعروس :

ما بدوك للسكارى
و ما بدوك للحيارى
بس للسائق الطيارة

و بالمناسبة دي احكي ليك طرفة حقيقية : كنا قاعدين محتفلين و محتفيين في عرس واحد اخونا، حبيبنا و قريبنا و جارنا و نديم سابق و الكنج بتاع قعداتنا ايام الجهل ، و الفنان بيغني في مسادير و رميات الشكر للعريس في الحنة في اغنية العديل و الزين :

الليل ليل العديل و الزين
الليلة العديلة تقدموا و تبرا
غني و شكري الليلة يا الراسية
لا دخن سجار لا بشرب الخمرة

طبعا اخوك انفقع بالضحك و الحفلة كلها فنان و عازفين و كورس تضحك معاي،
و العريس يضحك و العروس تضحك

[منال]

المشاركة الأصلية كتبت بواسطة فيصل سعد

تمام يا عزيزتي منال و لك التحية و اجابتك مظبوطة ، لكن علي باليمين كلمة الشالع القاصدها الحبوب شبارقة ان ختت "البرق" انت عارفة معناها و فايتة اضانك لكن جليتيها ساي يا بت عمك خوفا من الانضمام للستة فتحي و معتصم و مافي زول بلومك تب .. زمان البنات كانوا بغنوا للعروس :

ما بدوك للسكارى
و ما بدوك للحيارى
بس للسائق الطيارة

و بالمناسبة دي احكي ليك طرفة حقيقية : كنا قاعدين محتفلين و محتفيين في عرس واحد اخونا، حبيبنا و قريبنا و جارنا و نديم سابق و الكنج بتاع قعداتنا ايام الجهل ، و الفنان بيغني في مسادير و رميات الشكر للعريس في الحنة في اغنية العديل و الزين :

الليل ليل العديل و الزين
الليلة العديلة تقدموا و تبرا
غني و شكري الليلة يا الراسية
لا دخن سجار لا بشرب الخمرة

طبعا اخوك انفقع بالضحك و الحفلة كلها فنان و عازفين و كورس تضحك معاي،
و العريس يضحك و العروس تضحك

شكرا فيصل سعد
صحى كان فى ذهنى مدورة كلمة شالع يعنى سكران --- لط و صحى دى فايته اضانى ---لكن حكاية البرق ما اذكرت الا لما قريت ردك اصلو حناكيش نص كم يا شبارقة
طبعا صاحبك كان شفيف جدا و ما عايز شكر بالكدب ساكت عشان كدا انفقع بالضحك زى ما انا بقرقر و يا حليل زمان و الحفلة مدورة للصباح و الذكريات صادقة و نبيلة
تحياتى

[أشتر]

المشاركة الأصلية كتبت بواسطة فيصل سعد

[size=5]لا يا الحبيب القعدات بتاعة ابو بت و هواء و كشتنة و بشتنة size]

ومِيتة وخراب ديار !!!
مع الاعتذار للأغنية

[أشتر]

غايتو يا شبارقة
الا اخد لي لفة تاني عشان نخش في المود

[شبارقة]

المشاركة الأصلية كتبت بواسطة محمد أبوعاقلة

غايتو يا شبارقة
الا اخد لي لفة تاني عشان نخش في المود

[align=justify]وينك يا فردة ..فقدناك وإن شاء الله ما نفقدك بسبب شينه .. وفقدك كتب حزن المغني (زي ما قال أبو عركي) وسألنا عنك في البيت وفي الشارع وفي المطبخ (لأنك قاعد تنجض في الحاجة ديك بتاعت أخونا فيصل البقت زي كوجين الآبري ) ...المهم أخد ليك لفة كدي وتعال شوفنا في غيابك عملنا شنو ...وشوف معاي الحناكيش بيتاوقوا ويقوموا جاريين الكلام باقي ليهم زي الرطانة [/align] الحالة دي بنديهم من وش الملاح ..طيب كان غرّقنا شويه ح يعملوا شنو؟

[شبارقة]

المشاركة الأصلية كتبت بواسطة فيصل سعد

تمام يا عزيزتي منال و لك التحية و اجابتك مظبوطة ، لكن علي باليمين كلمة الشالع القاصدها الحبوب شبارقة ان ختت "البرق" انت عارفة معناها و فايتة اضانك

نعم القاصدا أنا هي الشالع بتاعت البرق وهي تعني اللامع أو المضئ .. وليست كما في فلان شالع التي تفيد بأن فلان سكران أو مشعشع

[أشتر]

المشاركة الأصلية كتبت بواسطة شبارقة

[align=justify]وينك يا فردة ..فقدناك وإن شاء الله ما نفقدك بسبب شينه .. وفقدك كتب حزن المغني (زي ما قال أبو عركي) وسألنا عنك في البيت وفي الشارع وفي المطبخ (لأنك قاعد تنجض في الحاجة ديك بتاعت أخونا فيصل البقت زي كوجين الآبري ) ...المهم أخد ليك لفة كدي وتعال شوفنا في غيابك عملنا شنو ...وشوف معاي الحناكيش بيتاوقوا ويقوموا جاريين الكلام باقي ليهم زي الرطانة [/align] الحالة دي بنديهم من وش الملاح ..طيب كان غرّقنا شويه ح يعملوا شنو؟

وييييييين يا استاذ شبارقة
والله الشوق ارادب ارادب ...
كان بقت حاجة اخونا دي براها ماااااا في السلك ...
قلت لي كوجين !!!!! هههههه الله لا وراك كوجين الفلاش ... كان ما راسك سخن ... بتفوت شنبر !!!
وما ادراك ما الحناكيش !!!!
ياخي ديل بتحنكشو على الفاضي ... وكان الحنكشة خلقة ما بتشوف وشي هنا ... لكن تقول شنو !!!
لكن اخوك( شحويط) وبحب الف واتعلم واعرف منكم ومن غيركم ...

[مهند بشير]

المشاركة الأصلية كتبت بواسطة فيصل سعد

الدفتر : ورق شفاف رهيف يستعمل في نظافة النظارات

لاااااااااااااااااااااا
كدا ما صاح ابدا
دي تسأل منها الخواجه المهترهش داك
قطع شكك بلقى ليها تفسير


قول يا خواجه و ما تخجل
و كان خجلتا
رسلا في الخاص

[شبارقة]

المشاركة الأصلية كتبت بواسطة شبارقة

[align=justify]هاكم إلى أن ألقاكم :

1- الفوسيب 2- الشوشه 3- السروبه 4- الباصور 5- الشالع

6- القراف 7- الشايه 8- الهو 9- الصي 10- من الأقوال الشائعة :

رفاعة الربه لا مسيد لا قبه ...فما هي الربه؟


النجاح للحناكيش 3 من 10 وللغبش 11 من 10 [/align]

حنحلحل ليكم بعض من المعضلات الفوق دي عشان تعم الفائدة إن كان هناك فائدة :

1- الفوسيب : القصبة المخضرة التي تنبت منفردة في وسط الماء فتمتص كمية كبيرة منه ... والفوسيب أيضاً هو مرحلة من مراحل الإنبات .
2-الشوشة : هي أعلى جزء من الشئ ...يقولوا ليك البتاع (زير أو برميل أو ...إلخ) ده مليان لشوشتو
3- السروبة : شجرة الطندب (أتمنى أن تكونو عارفين هو الطندب زاتو شنو)
4- الباصور : سرج الجمل
5- الشالع : اللامع

وح نواصل الحلحلة في الحلقة الجاية ....قالوا نحن ما حناكيش