نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > مكتبات > مكتبة محي الدين عوض نمر (nezam aldeen)

إضافة رد
 
أدوات الموضوع انواع عرض الموضوع
قديم 16-12-2010, 07:09 PM   #[1]
nezam aldeen
:: كــاتب نشــط::
الصورة الرمزية nezam aldeen
 
افتراضي بتــ صبـاح ضلـ الحرفــ

كتبتك كلمة في العنوان
نثرتك نص
حروف بتحاكي قمرية
وصفتك رسمة من شمسك
صباح ضلك
و لي صفيق درب شافعة
تلاعب في وليد حلة
معاها في ليلة قمرية
كتبتك واضحة ذي ريدي
وضوح وش السماء الفوقنا
وضوح الصورة فوق النيل
وكت تعكس وجيها غنا
وضوح الصورة في الخاطر
وكت تنداح ضفافي منى
خاطر صورة منعكسة
ظاهرة الغيمة والزرزور
رقاد مركب
ونخلة لافحة التوب مطرز
وشايلة كم تمرات رطب
وصورتي هيمان يا اميرة
مرة سارح في الحقيقة
وفي الخيال مرات كتيرة
تاخد الموجة الملامح
مرة راكزة و مرة هايجة
الا ريدك ذي بيوت حلتنا ثابت
ساعة يجيها الضيف و يقيل
فرحة تملا سقوفها مطرة
تابا تنزل بالدراوي
تسيل تنقط بالسقوفة
بالسقوفة .



التوقيع:
يااااااااوجع الإحساس بالجمال
وياااااجمال ما أحس من وجع
nezam aldeen غير متصل   رد مع اقتباس
قديم 23-12-2010, 11:21 AM   #[2]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

محي الدين عوض نمر

ياخي حبابك وحبابو قلمك هني في سودانيات

وده حكي مُريح ياخ

مريح بالجد

شكراً ليك

وشكراً لهدي البِنَيَة التي قد أوقدت فيك نيرانُ البُكاء النبيل



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 23-12-2010, 11:38 AM   #[3]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
يااااااااوجع الإحساس بالجمال
وياااااجمال ما أحس من وجع
هكذا أحسست..
وامتلئت بالجمال..
بعدما امتلأ الجمال بك..
محي الدين..
شكرا ياخي علي بساطة الحرف وفصاحة التعبير



الرشيد اسماعيل محمود غير متصل   رد مع اقتباس
قديم 25-01-2011, 05:36 PM   #[4]
nezam aldeen
:: كــاتب نشــط::
الصورة الرمزية nezam aldeen
 
افتراضي

ياااااااحبايب
قبال ماارد ليكم بدور اعتزر عن التاخير

وداير اهديكم قصيدة
إختارو :
الممشى العريض للعميري
اكون كضاب للعميري
إختارو اني منتظر



التوقيع:
يااااااااوجع الإحساس بالجمال
وياااااجمال ما أحس من وجع
nezam aldeen غير متصل   رد مع اقتباس
قديم 25-01-2011, 08:49 PM   #[5]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

الممشى ..

وقبال دا داير أقول ..

الصور عندك جميلة ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 27-01-2011, 07:39 PM   #[6]
nezam aldeen
:: كــاتب نشــط::
الصورة الرمزية nezam aldeen
 
افتراضي

اقتباس:
المشاركة الأصلية كتبت بواسطة معتصم الطاهر
الممشى ..

وقبال دا داير أقول ..

الصور عندك جميلة ..

داير الممشى العريض ؟؟

يااااخ بالغت ياخ
الجو نسيمو علييييل
وانت داير تبكينا

ياخ عليييييييك الله شوف ابو السيد لامن يقول

وضحكت ماهماني شي
وبكيت ولا هماني شئ
عندك وقفت من المشي !!!!!!!

ياخ تتمنى يكون المسجل مشلول شان يقيف في الحتة دي ياخ

بس طلباتك اوامر
وبس قصدك ياتو صور ؟؟



التوقيع:
يااااااااوجع الإحساس بالجمال
وياااااجمال ما أحس من وجع
nezam aldeen غير متصل   رد مع اقتباس
قديم 17-08-2012, 09:48 AM   #[7]
هيثم علي الشفيع
:: كــاتب نشــط::
الصورة الرمزية هيثم علي الشفيع
 
افتراضي

و.......................

تقديم جديد

لنص قديم



التوقيع: ضُلَعاً ممنوعة من الفرحة..
من حقّها تبكي بحرية.


(حمــــيّـد)
هيثم علي الشفيع غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 07:06 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.