نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > خـــــــالد الـحــــــاج > ما كُتــب عن خـــــــالد الحــــــاج

 
 
أدوات الموضوع انواع عرض الموضوع
قديم 02-03-2011, 03:27 AM   #[16]
محمد مصطفي
:: كــاتب نشــط::
الصورة الرمزية محمد مصطفي
 
افتراضي

أشتر .... يا أشتر
اناديلك فتُبكيني ...
لساك موجوع والوجع ما زاد طريقاً زين ... شن بنسوي لو الزمن بقي شين
مستفين بيك في جوانا ... في حدقاتنا ... وفي ودالعين وبيك حاسين يا زول
حقك تكابس في الكواليس عشان نتوهط في قعدتنا لكنك عارف يا الحبيب براك ما بتحلي قعدتنا
حقنا فيك لما نفتش في البوستات عن حاجاتك في كل صباح ده حقنا منك وحق شرعي
ده الحق الفرضتو مودتنا وسماحة حرفك النديان ... وحتي لو الكلام صبح حزنان
ما تديرنا من وراء الظلام ات زولاً ضؤ وحرفك نور
اشتر ...
اول مرة راسلتك في الخاص قلت لي ابقي عشرة علي الصلاة
عرفت عمق ايمانك والايمان مصدر قوانا والدنيا ساقية .....
شوف حرفك صانع الود البيني وبينك وبينك وبين كل الناس الحبت قولك
يا اشتر ... لن تبقينا الدنيا ان طال حزننا فيها ... ولا حتي لو زاد الفرح قيراط
عرفت ليه بنغني للزمن وبنقول ليهو وقف شوية ...
وقف شوية عشان نمتع روحنا بي لمة حبايبنا
وقف شوية عشان الموت ما احكم مصايرنا
وقف شوية عشان نتلاقي بي ريدنا النسجنا حرف
وقف شوية عشان البينا خالص ريدة وحب ... وولف
ياخ وقف
وبرضو ما بقيف .. ندعي ليهو وندعي عليهو وبرضو ماشي وشايت شوتو
هي الدنيا دي شنو يا أشتر ؟
تصدق يا ود ابوعاقلة نفسي اجاوب السؤال لي زمن ولسة ما مرت في الخاطر اجابة
تعرف يا اشتر ... رغم اني تميت قراية ردك ما بين الدموع وكان حزنك مدادك
بس ياخي برضو بركة انك بتقرانا وجيت تكتب
ياخ تعال اكتب
تعال ورينا شكل الكتابة في موسمها الجديد ... تعال قالدنا بي حرفك
تعال ابكيهو فراق صاحبك ... تعال خلينا نبكي معاك .. تعال تلقانا ديمة حداك
تعال اكتب



التوقيع: أتوق لينابيع شعر ، تتهيأ مفردات الحب فيها للتحليق بعيدا داخل احلامي
أشواق يضحك الفجر لها وتضمها مدائن الفرح

اشراق ضرار

ستبقي في قلوبنا ابداً يا خال
محمد مصطفي غير متصل  
قديم 02-03-2011, 11:02 AM   #[17]
أشتر
:: كــاتب نشــط::
 
افتراضي

اقتباس:
المشاركة الأصلية كتبت بواسطة محمد مصطفي مشاهدة المشاركة
هي الدنيا دي شنو يا أشتر ؟
تصدق يا ود ابوعاقلة نفسي اجاوب السؤال لي زمن ولسة ما مرت في الخاطر اجابة
موش قالو لينا ضل شدرة نقعمز تحتو حبة ثم نتخارج ...
بس ...
وحميد قال هي كلها كمها ...
لو دخلت على اهلك الصوفية السؤال دا ذاتو ما بجي على بالك ...
اول امبارح سألت نفسي قتا بعدين في الجنة مافي كمبيوترات ولا ماكروميديا فلاش
ولحدي تاريخو غير وعدونا بالجنة ما عارفين شي ...
تفتكر بعدين حنقضي اليوم الـ من الف سنة مما تعدون دا كيف ...
تعاين للجوافة تقوم تقع من شدرتا .. نعاين للمنقة الفرع يجيك مايل ... نعاين للبان نلقى الفريع رويان ...
المهم كلامي دا ما تشتغل بيو كتير لأنو قالو لينا لا اذن سمعت ولا خطر على بالك ..
لكن والله عندي فضول غريب وتكهنات موجبة في المسألة دي ...
طبعن كلامي معاك ما كلام زول ضامن جنتو لكن العشم فيهو كبير يشملنا برحمتو ...
إتو بس اقعدو ادعو لروحكم ولأمواتنا جميعا بمغفرة من عندو ..
الدنيا دي كببا بقت كتيرة يا ود مصطفى .. وكل يوم اولاد الحرام في ازدياد مضطرد دا غير اولاد اللزينا القاعد معاهم ديل ...
فغير ناخد الساتر من حسي مافي مفر ...
والـ ربنا كتبو تعيس من قولت تيت اللياكل نارو ... وبلا ديل مافي شي مغتّس حجرنا ...
الحمد لله على كل حال ...
الحجر لسه راسو قوي ...



أشتر غير متصل  
قديم 02-03-2011, 11:24 AM   #[18]
أشتر
:: كــاتب نشــط::
 
افتراضي

اقتباس:
المشاركة الأصلية كتبت بواسطة الرشيد اسماعيل محمود مشاهدة المشاركة
محمد مصطفي تحيّاتي..
شكراً ياصاحب..
فقد قلتَ كلَّ ما في الخاطر..
فقط لو نسمو قليلاً فوق جراحنا الكبيرة..
فقط.
تحيّاتي وعزائي أشتر.
إتا موش قتا جراحنا الكبيرة دي احنا البقيناها بهذه الدرجة من السمو ...
اساسا الجراح دي لو ما جابت دمها ما بنشيل همها ...
دي جراح ارتوازية ياخ ... لو نسيتا بتجي نابلة ليك براها في أي لحظة تكسر فيك ركبة أو تطفج فيك مخروقة ...
الوجدان دا ما عندو علاقة نهائي بكنترولاتنا الفشنك دي ...
قال ليك الجعلي قلع جلابيتو ووقف نص الحفلة اخد ليو كم سوط ...
وبالليل خالص قبل ينوم سأل نفسو ...
الكان جابرني شنو ساااي بس !!!!
تقول شنو !!!
لكن مافي علاقة بين قصتي القطعتها من راسي دي وبين الاحاسيس الآكتيف الـ بنمسو بيها عاااادي ...
ياخ خلينا نسمو بيها وين المشكلة ...
هو لو ما سمونا بيها القاعدين ليها شنو ...
هو ذاتو لو ما اشتغلتا بيها تلقى روحك سموت بها ...
لكن في نفس اللحظة ماب نقدر نقول ليها انسينا ...
دي والله غسول الروح من درن كتير ...
ياخ الأوجاع دي بتحسسك انك في .. وساري المفعول .. وزي ما بظهر ضعفنا في اضعف صورو كمان بتلقى الشهامة ذااااتا تجيك مطفرة من وين ما تعرف ..
هي المسأله موش مسام نشط وعروق فيها خير ... ينشّف ريقا اللحظة المرة .. وتنتح لو (..........)
اعتقد دا تفاعل طبيعي مع مستجدات الدنيا وطقس الحاجات المميز .. والـ زي الواطة دي ...
ولّ شنو ؟؟؟ ( دا ما سؤال جرجرة لكن حبيت اقول العندي وامضي في الحال)



أشتر غير متصل  
 

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:44 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.