محنة النبى لوط

[فتحي مسعد حنفي]

الكاتب تاج السر:
=======


يعني انت منتشر في جميع انحاء بحري لكن ما قلت لي انت من وين في الأصل وطبعا أنا قاصد
العاصمة عشان ما تقول لي من مدني ولا شندي0عموما انا ياسيدي من حلة حمد شارع الجنينة البلدية الاسمو حاليا شارع قصر الصداقة ودا بيبعد عن بيتنا حوالي 100 متر.احنا بيتنا لاصق في جامع
الصديق0 ودا ما حيفيدك كتير لاني طلعت من السودان سنة 64 ولغاية هسع علاقتي بقت بس الاجازات
وطبعا الزمن داك انت كنت صغير دا لوكنت مولود0 أنا عشت 14 سنة في اوروبا و17 سنة في الامارات وداخل في السنة التلتاشر في مصر0يعني زي أخوي شوقي تلتين حياتنا غربة وجوازات غريبة وجوازات دي بتشمل جوازات سفر وزواجات0
اما اخوك بابكر مخير فدا راجل خبيث انا عارفو بيضحك مالو واسألو يمكن يقول ليك0 ما بيرتاح الا يديني لكزة محل ما يلقاني وانا اليومين ديل مراقبو عشان اعرف بينوم متين عشان اكتب مداخلتي سريع ولمن هو يصحي يكون في زول تاني كتب بعدي وغطي الاسم يمكن ارتاح شوية0
فتحي

[بابكر مخير]

المشاركة الأصلية كتبت بواسطة فتحي مسعد حنفي

الكاتب تاج السر:
=======

طلعت من السودان سنة 64 وطبعا الزمن داك انت كنت صغير دا لوكنت مولود0 ([mark=FF0000]لا باللهي أعملو قدرك)[/mark] أنا عشت 14 سنة في اوروبا و17 سنة في الامارات وداخل في السنة التلتاشر في مصر0يعني زي أخوي شوقي تلتين حياتنا غربة وجوازات غريبة وجوازات دي بتشمل جوازات سفر وزواجات0

فتحي

[all1=CCFF00]وجد Grand Father[/all1]

[تاج السر الملك]

يا فتحى
وين لى بيت ناس لوط؟؟
انا هناك اصحابى ناس عبد الحليم بلدية و اولاد رستم وناس نديم
و المقبول و ناس على السيد الصديق رحمه الله
انا من ود مدنى قلبا و قالبا و الأصول شايقى من ناحية الأب جعلى ( مجاذيب) من ناحية الأم
حلة حمد دى حمناها بجربوكس كلب من زمن حديقة البلدية



يا بابكر
الراجل معترف

[بابكر مخير]

الحبيب تاج السر
كأنك بتشوف
هاك الحصل دا




ود فكيا جد

[تاج السر الملك]

يا بابكر انا فى روحى دى شيخ
اسم تاج السر ده فى كسلا بيأجرو منى عديل
بخرة بالأيميل ده برسلا ليك..أها!!!

[فتحي مسعد حنفي]

عبد الحليم صديق(بلدية)المريومابي ورانا وهم أقرب لي حلة الشلالية وناس رستم في زقاق متفرع من شارع بيتنا وناس صالح نديم برضو قراب مننا ومقبول الصديق بيتهم فاتح في الجامع واحنا بيتنا ملاصق الجامع وبيت المرحوم علي السيد بعد ما تفوت بيتنا وانت ماشي علي البلدية أول شارع علي يمينك وديل كلهم أولاد حلتي لكن أنا طبعا صاحب الأخوان الكبار الما كيزان زي عبد العزيز وعبد العظيم صديق أخوان بلدية والمرحوم عمر والشفيع ومحمد نور أخوان علي السيد ومصطفي رستم والطيب رستم ورستم ذاتو وأولاد عمتهم اولاد حسنين حامد0وغريبة انك ما تعرف سمير اخوي سيد الفولجا البمبية واحنا بيتنا بيقولو عليهو بيت الهندي0والاسم دا اكيد سمعتو مادام بتعرف حلة حمد0 ومدني ذاتها انا بعرفها كويس وكنت ساكن في ضهر نادي الاتحاد في البيت اللاصق في السينما القديمة وفاتح علي المحكمة والمكتبة القديمةوخالي انور كان مدير السينما0
لكن ناس لوط ديل منو؟أكيد دي اتعلموها بعد ما انا سافرت زمنا ما كانو في وبعدين دا اسم ولا صفة0تعرف انا عارفك داير تعمل لي مشاكل وأنا زول عقلت وسبت المشاكل واحنا العلمنا المرحوم علي السيد المشاكل وجات الطلقة الأخدها في اكتوبر كملت الباقي0
اها من حلة حمد ولا لأ؟وأنا من اعيان حلب الجعلية دي علي وزن عب شايقية القالها ابو داود للقاضي لما عاين ليه قال لقاه قاعد عامل زي كديس الكيتي كولا ولما قال ليه انت قبيلتك شنو قال ليه عب شايقية 0أداهو براءة0ما قلت ليك حتعمل لي مشاكل هسع الشايقية يزعلوا ومعظم مجلس الادارة منهم0
سلام ياخوي

[معتصم الطاهر]

لا حلم و لا قدرة على الحلم

من هنا نبدأ ..
ينادوننا أن تعالوا لأرض الاحلام
ونأتي بأحلامنا القصيرة .. الفاترة ..
وتناقضنا

و كيف انه كان يردد نشيد السلام الجمهورى السودانى فى سره اثناء اداء القسم

وبأسوأ عاداتنا ..و تخلفنا

و الذى اكاد اجزم بأنه لم يسمع فى حياته بكلمة ( كستمر سيرفيس)

وغبننا .. على بعض ..

( الحبشى المعفن ده داير شنو)

و استخفافنا .. ببعضنا .. و تريقتنا ..

الى حد خفت فيه من اليوم الذى أفتح فيه ابواب منزلى فى صباح العيد لأفاجأ باهازيج ( ايدو مبارا الينا اليكم ..كل سنا مكو تايبين)

و لا ادعى النسبة اليه احد.

دى .. برجع ليك فيها ..

[تاج السر الملك]

اخى معتصم
تحليل عميق..و مؤلم معا
لك التحايا


يا شاب يا حنفى
اها انا دفعتى على السيد الصديق
التلحمة وين؟؟

[فتحي مسعد حنفي]

يازول التلحمة دي جبتها من وين؟انت سألت وأنا جاوبت وبعدين نسيت اقول ليك في اتنين ناس رستم الأنا قلتهم ليك هم الأصل وفي قرايبم ناس أحمد وكمال الموجود هسع في أمريكا واخوهم حسين المرحوم اتوفي قبل فترة بسيطة وديل ساكنين قدام بيتنا جنب بيت المقبول الصديق (العمدة) وبيت النور غانم كان متزكرو وأنت بتعزل من الكلام البيتفع معاك وبتزوغ من الباقي مالك0
وكان انت دفعة علي السيد الله يرحمو وبلدية يبقي واطاتك اصبحت 0تقول لي سنسميليا قايلني عوير وأنا من الناس الضربو السما جير!!!!!
أها وسمير ود الهندي ما اتذكرتو؟ومحمد هندي!!

[فتحي مسعد حنفي]

أي واحد من ناس رستم لازم يكون من العائلة الرستمية ومأمون دا أكيد منهم لكن أنا مافي قرابة بتربطني بيهم غير الحلة بكسر الحاء000وانت الوداك العين شنو؟أنا بعرف ناس كتار من ناس العين وكان عندي اقامة في البريمي وود خالي صلاح محمود شغال في بنك أبو ظبي الوطني فرع الدفاع وود خالتو محمد ميرغني الصعلوك0 الشغال في بلدية العين وتقريبا هو عمدة السودانيين في العين أكيد قابلتو أو سمعت بيهو0
معلومة ليك ما في زول عارفها آل رستم ديل مماليك تبع المملوك الهارب زمن مذبحة محمد علي في القلعة
النط بي حصانو من القلعة وهرب للسودان وهم برضو قرايب الفنان زكي رستم0

[فيصل سعد]

المشاركة الأصلية كتبت بواسطة فتحي مسعد حنفي

وانت الوداك العين شنو؟

مشيت اجيب ليك موية تشرب و لا يمكن لقيتها نعسانة دايرة تنوم؟ محمد ميرغني بعرفوا تب و بعرف حسين اخوه كمان ... ناس بهجة و كدا في بحري اهلنا كتار يا خواجة.

تحياتي..

[فتحي مسعد حنفي]

يا فيصل سعد0
محمد وحسين ميرغني ديل أولاد خالتي والبهجة كان فاتتهم بتنقرض00مناسب منو في الشلالية؟انت عارف بينا وبينم شارع وبينم وبين خوجلي شارع ولو ما كان الله ختاهم بين حمد وخوجلي ما عارف كان عملوا فينا شنو0

[فيصل سعد]

المشاركة الأصلية كتبت بواسطة فتحي مسعد حنفي

يا فيصل سعد0
محمد وحسين ميرغني ديل أولاد خالتي والبهجة كان فاتتهم بتنقرض00مناسب منو في الشلالية؟انت عارف بينا وبينم شارع وبينم وبين خوجلي شارع ولو ما كان الله ختاهم بين حمد وخوجلي ما عارف كان عملوا فينا شنو0

حقوا تدفع لتاج السر خلو طرف و تخليه يتخارج يشتت و فعلا زي ما قلت جدادة خلاء و لايوقة كمان

[فتحي مسعد حنفي]

يا أخوانا أشهدوا فيصل كضاب قال اتزكرني(تماما) ولاقاني في البريمي مع اني قلت كان عندي اقامة في البريمي وما قلت كنت قاعد في البريمي وبعدين أنا خليت البلد ديك من سنة93 وآخر 5 سنين كنت عايش في الشارقة لكن اقامتي علي البريمي00
الجير يا مولاي بجيبو من مغلق واحد اسمو عبدالله العجلاتي ومغلق عبد اللطيف 00أسأل منهم تاج السر بيوصف ليك مكانم0
انا موافق ندفع لي تاج السر لكن فيفتي فيفتي وبعدين يابركة انت قايل المواقع والمنتديات دي عاملنها ليه0ما هي بجانب الفايدة الثقافية بتلم شمل الغايبين وبتعرف الما عارفين وبطفش الشينين0

[تاج السر الملك]

يا جماعه العوة فوق شنو

يا حنفى اولاد رستم صحبانا كانو عبد الرؤف و احمد و صلاح ، عبد الرؤوف كان مشهور بكلمة ( نعنى) مشار اليه فى بوست حرامية و كلاب ( دعك الحرامى بالتلج فى سدرو) ، بعدين على السيد ( رحمة الله عليه) ، ضرب جير ما كان معانا يا شفت ، انت اظنك من جماعة الكضمى و سافرت من السودان عشان تنشر مذكراتك( كتاب الأغانى) .

يا فيصل انت الشلالية نسابتكم؟؟
البريمى دى سماها شايقى و لا شنو؟؟