اقتباس:
المشاركة الأصلية كتبت بواسطة رأفت ميلاد
والله النسوان ديل بطينيات شديد ياخ
أللهم أنى صايم 
|
عارف يا انتيمو بالانابة
مرات كتيرة الحاجات بتجي بالغفلة زي مابقولوا
زي كباية الليمون الجابات لينا الوصف اعلاه
انا زولة مابحب الاكل خالص حتى من صغيرة امي قالوا كانت بتبكي لاني كنت برفض الاكل
وابوي كان بيقول انه خلى التدخين عشاني عشان عرف انه من اثار التدخين غير المباشر عدم الشهية عند الاطفال
وصاحباتي في فسحة الفطور كان بيخطفوا مني الساندويتش يجدعوا عشان بحرق روحهم في الاكل
بتذكر مرة وانا عشت في بيت كان مبرمج ومضبوط بصوريصعب التحايل فيها على قوانينه الا اذا حاجة جاتك من الله
المهم كنا ممنوعين ونحن اطفال من الزيارات الا بيت حبوباتي الاتنين وعماتي وخالاتي في اوقات محددة زيادة على الاماكن العامة المبرمجة برضو بايام معينة
وعليه ماحصل مشينا بيت عرس واول مرة نشوف المراسم دي جات من الله وانا عمري يمكن ستة سنوات
المهم شاءت الاقدار او جات من الله انه امي تكون مضطرة تصحبني معاها
وحسب مايحكي انه كان عقد
وانا منبهرة بكل ماحولي تم العقد وبعده بدا تقديم الحلويات والفواكه على حسب العادات المتبعة في هذه المناسبة وكان بيمروا عليك بالحاجات دي واحد وراء التاني على طوول وكانهم في استعجال من امرهم
اول حاجة جات مارة الحلاوة اخدت بيميني قطعة وقبل ما افكر في تناولها مر نوع من الفاكهة فنظرت سريعا حولي استطلع كيفيه التصرف شفت ليك الناس عادي شايلين الاتنين حولت الحلاوة ليسراي واخدت قطعهة الفاكهة بيدي اليمني وانا ارفع نظري نحو والدتي فوجدتها تبتسم لي ربما اعجبها ارتباكي وتصرفي السريع وانا لم افق من ذلك الارتباك اذا بطبق اخر به نوع اخر من الفاكهة ومعاه بسمة من مقدمته وحلاتها ياسلمى دي بتك وتفضلي ياحلوة فما كان مني الا ان افكر بتصرف سريع متشجعة ببسمة امي في المرة السابقة وطوالى ميلت بوجهي على الصحن واخدت القطعة بخشمي وطبعا تاني ماتسالني عن باقي الموقف وخاصة لقب الغليانةا والفجعانة الذي اتخذته اختي موقفا لازلالي به ولحدي هسه معقدة من حاجات العقد
