ضيف على مائدة سودانيات ...! - 1 - خالد الحاج الحسن

[أبو أماني]

المشاركة الأصلية كتبت بواسطة ياسمين

انا كدا مستقبلي ضاع وسطكم
يعني حسى لو كنت سودانية واحمل الجواز السوداني
ما كنتوا عاملتوني بالقسوة دي
طيب اعتبروني اخت سودانية ولو بالكضب

هي يا الما .. ناقشة شئ .. على الليمان إتي بي جواز بجنسية بدونهم .. سودانية مية المية في عين اليرضى واليابا .. وكان للجنسية كفاية الدموع السائلة ليل ونهار في توقيعك دي .. خوفي يا ياسمين تطلعي بعد خلودي .. مباشرة .. شيلي شيلتك يمة .. تشاووووو

[أبو أماني]

المشاركة الأصلية كتبت بواسطة سارة

امانة ما وقع راجل

انا من دربى دا بمشى اعدل دماغى واجيب سعوالاتى واجيكم واسئلتى يا خال كلها اجبارى


ابو امانى والله بس المرة دى ( عفيت منك )

أدخلي على الخال .. تووووووووش .. وبالحتة الفيها .. الحزام كمان .. يلا وأنا وراك ..

[أبو أماني]

المشاركة الأصلية كتبت بواسطة المليجي

ابو اماني الراجل الهمام
دائما سباق للخيرات
والمرة دي عملتها مائدة عدييييل كدا
انا من اسي حربط لي حجر في بطني
وحستنى زول يدردق لي الدور
واجيكم خاشي بنفس مفتوحه
تحياتي يا وهاج
على قولتك (اتشاااااااوات)

الدور جايييك جايييك .. بس هسع دي .. عاوزنك تجيه لنا الخال الحبوب ده بسوعالين تلاتة فروم ذا هاوس أو ذا كلاوي .. وعليك الله ما ترحموا خسوسا لو عرفتو إنه هلالابي .. يلا يا مليجي .. عاوزك تكون (مليجي) بالجد .. لك مودتي

[أبو أماني]

المشاركة الأصلية كتبت بواسطة بابكر مخير

إتا وصلك الشمار،،
لكن المطعم كان حق أخويا،،
أريتو كان حقي كان عوازيم طواااااااااااااالي لمن أفلس...
بعدين شوقي بدري ما قالها قبال كدي "بابكر، كلامك ما بتفهم" وأنا يابا قصدي من دي كانت التورية، أنو أوري الناس كرمك والملان قدحك، لي درجة أنو السيدة الفضلى، ما بتمرق من المطبخ،، الحبيب وقع ليييييييييييييك "طاخ ودقا الدلجة؟؟"...
بعدين ياهو فكرتك صايبة، (قوووووووووووون تكون سجلتو براك في ود الهادي يعني آلشآ على قول المصاروآ) وما في سبب أنه ما تكتر البوستات البتوثق الخوة والصداقة بين الأعضاء وربنا يديمها محبة...
وما شايف وما شفتا ولا قصدتا أنه ما يكون في تاني وتالت، لكن بس لزوم التحشري وبقت عليا، جيت أظارف، ظبزتها وأنا ما عارف...
بس ما قلتا ليا حكاية الكُوبر ما إتعرضتا ليها ليييييييييييه؟؟
ولا حرقووووووووووووو

سلام يابا

فاهمك يا أخوي وخابزك وعاجنك وكان حدرت لي وإت ساكت بعرفك بدور بخلدك شنو .. وماني بعتب عليك تب .. ما العتب مرفوع بين الحبائب .. بياخذوه ناس الحيكومة بس .. الله لاجاب طاريها يا حبيب قساي وشريك همي وبلاي .. ومتل ماني فاهمك لقيتك خابزني وعاجني برضو .. ووحات خووتك المقامها عقب الشهادة .. كلامك في المتبخ ما وقع واطا ..وأحمد الله بيت أخوك ما بيقل عن بيتك.. بيت ضيفان وحبان وحبائب رحمن والمرآة مكتبها أياهو المتبخ.. وحاشاك أبو سيدة النساء (زنوبة) من التحشر والكلام الشين .. يا الكلك زين .. ياعجب العين وفي حكاية الكبر .. كضبا كاضب .. وكيف يكبر من يحمل قلب طفل رضيع .. تسلم يا الحبيب تكعيب ويسلموا بيك كل الحداك .. لك حبي .. عليك الله .. مارس معزتك عند الخال وخلو يبل راسو ..ويجينا بي جاي .. الجري ده ما حقنا .. تشاووووو

[أبو أماني]

المشاركة الأصلية كتبت بواسطة خالد الحاج

إزيك يا أبا أماني
إنت يا أخي الحكايا لو بالكبر ناس عمك بابكر مخير وشوقي بدري ورأفت ميلاد وحتى جيل ناس معتصم الطاهر والعمدة عكود ..مالك ديل هارب منهم ؟
ما قالوا ليك الخال من الجيل الوسيط
علي العموم مرحب بأي أسئلة و "تحقيقات"
حبابكم عشرة ...

عارفك من الجيل الوسيط ومن دورنا كده .. لكين يا الحبيب لقيت كل الكبار القلتهم خاتنك في الرأس عمة وشال يتباهوا بيك .. قلت يا أخوانا .. الحكاية تراها ما بالسن والعمر .. حاجة كدي من الله فوق .. أركز آل .. حبيب .. وجاوب على كل المداخلات البتخصك فوق بداية بأول البوستر .. وثق .. ستجدنا في داخلك حيث قال المرحوم إسماعين حسن ..
جوووه الجوووة .. زغرد فوقها صوت الناي ... وكان يرمز للسويداء حيث تقيم يا فخيم ..

[بابكر مخير]

المشاركة الأصلية كتبت بواسطة خالد الحاج

إزيك يا أبا أماني
إنت يا أخي الحكايا لو بالكبر ناس عمك بابكر مخير وشوقي بدري ورأفت ميلاد وحتى جيل ناس معتصم الطاهر والعمدة عكود ..مالك ديل هارب منهم ؟
ما قالوا ليك الخال من الجيل الوسيط
علي العموم مرحب بأي أسئلة و "تحقيقات"
حبابكم عشرة ...

خلودي،
تعرف يابا وأبو أماني،
عندي أخويا علي (ما عارف ليه ما بحب ذكر الآلقاب، بفتكر مناداة الزول بإسمهو بتغني، خاصة لمن يكون قدر الإسم ويشرفه).. المهم كان وهم أطفال مع عزوز ويوسف وشلة من أطفال الأسرة عندهم لعبة،، السؤال عن حاجات عملها الواحد ولمن ما يجاوب صاح،، طبعن في واحد أو أكتر يكون عارف القصة ومعاصر الحث، يطوع/وا ويقول غلط وينكشف أنه الواحد/ة خبآ الحقيقة، بيقوم أبو علوة بيديهو صقعة بالمسطرة في ضهر اليد...
دحن نخلي بالنا والإجابة تكون بصدق وإلااااااااااااااااااااااا،،
علي أخويا موجوووووود والمساطر ما أكترها




آها خلودي
برآآآآآآآآآآآآآآآآآآآآك درتها وهاك أنا بفرع ليك الأسعلة....

* بتتباهى بالإنتماء القبلي..
* إختيارك اللون السياسي في كبر ولا أيام المراهقة...
* تفتكر السودان ولا هولندا مستقبل وليداتك...


بداية جافة،
صعبة وسخيفة، لكنها بتهون كل قاسي جآي...
سلام ومحبة

[خالد الحاج]

سلامات يا شباب
نبدأ بأسئلة أبو أماني وشبارقة...

الاسم : خالد الحاج الحسن الحسين صالح ....
من مواليد البركل بالمديرية الشمالية عام 1961 شهر فبراير يوم 28 ...
يعني عمري 48 سنة
أو
2625 أسبوع
أو
17683 يوم
أو
424392 ساعة
أو
25463532 دقيقة

أما الثواني فخليناها للانتظار... "مليت ثواني الانتظار" أو كما قال خليل اسماعيل..

التعليم ..
الابتدائية : السجانة
المتوسطة : الخرطوم جنوب
الثانوية : الخرطوم بحري
الجامعي : الاسكندرية + الأفرويشن جامعة الخرطوم.

متزوج ...

أربعة أطفال ...
حباب
جعفر
سارة
نهلة

أعمل في مؤسسة (Rock Wool) في مدينة رورموند حيث أقيم حاليا في الجنوب الهولندي.

[خالد الحاج]

المشاركة الأصلية كتبت بواسطة بابكر مخير

آها خلودي
برآآآآآآآآآآآآآآآآآآآآك درتها وهاك أنا بفرع ليك الأسعلة....

* بتتباهى بالإنتماء القبلي..
* إختيارك اللون السياسي في كبر ولا أيام المراهقة...
* تفتكر السودان ولا هولندا مستقبل وليداتك...


بداية جافة،
صعبة وسخيفة، لكنها بتهون كل قاسي جآي...
سلام ومحبة

سلامات يا بابو..
لا أتباهي بانتمائي القبلي بتلك الصورة السلبية التي تثير النعرات فكلنا لآدم وآدم من تراب.. لكني أفخر بانتمائي لقبيلة لها تأريخ متجزر وأصول راسخة وصفت بالحنية وتشايلوا كتف الغنا الميَل فكان منهم
اسماعيل حسن
حمد سعيد دفع الله
محمد الحسن سالم حميد
السر عثمان الطيب
خالد الباشا

......
وكان منهم النعام آدم
ومنهم
محمد كرم الله
محمد النصري
....
...............

سؤالك الثاني:
كان والدي شيوعيا وهو من خريجي مدرسة عطبرة الصناعية وهذه مدينة الحديد والنار وصانعة الثورات حينها...
صار الوالد في أواخر أيامه صوفي وتبع الشيخ عبد الله البدري بمدينة بربر وصار من حيرانه...
كانت النشأة في منزل اعتاد رؤية البوليس (لم يكن حينها يوجد أمن) .. والمنشورات ورائحة مكنات الرونيو..
أما الانتماء فهو من صغر لكن الانتماء الفعلي للحزب الشيوعي فقد جاء متأخرا جدا.

أما سؤالك الأخير يا بابو فهو سؤال المليون والله ...

هولندا لا تحمل لي ولأبنائي إلا الشقاء .. أي والله ...
صدقني يا ابن عمي لو وجدت وظيفة في السودان تكفيني شر السؤال ما انتظرت يوما واحدا في هولندا والله علي ما أقول شهيد ..
يا بابكر يا أخوي نحن هنا شتلات استوائية مزروعة في مناخ قطبي

رد الله غربتنا جميعا ...

[بابكر مخير]

المشاركة الأصلية كتبت بواسطة خالد الحاج

سلامات يا بابو..
لا أتباهي بانتمائي القبلي بتلك الصورة السلبية التي تثير النعرات فكلنا لآدم وآدم من تراب.. لكني أفخر بانتمائي لقبيلة لها تأريخ متجزر وأصول راسخة وصفت بالحنية وتشايلوا كتف الغنا الميَل فكان منهم
اسماعيل حسن
حمد سعيد دفع الله
محمد الحسن سالم حميد
السر عثمان الطيب
خالد الباشا

......
وكان منهم النعام آدم
ومنهم
محمد كرم الله
محمد النصري
....
...............

سؤالك الثاني:
كان والدي شيوعيا وهو من خريجي مدرسة عطبرة الصناعية وهذه مدينة الحديد والنار وصانعة الثورات حينها...
صار الوالد في أواخر أيامه صوفي وتبع الشيخ عبد الله البدري بمدينة بربر وصار من حيرانه...
كانت النشأة في منزل اعتاد رؤية البوليس (لم يكن حينها يوجد أمن) .. والمنشورات ورائحة مكنات الرونيو..
أما الانتماء فهو من صغر لكن الانتماء الفعلي للحزب الشيوعي فقد جاء متأخرا جدا.

أما سؤالك الأخير يا بابو فهو سؤال المليون والله ...

هولندا لا تحمل لي ولأبنائي إلا الشقاء .. أي والله ...
صدقني يا ابن عمي لو وجدت وظيفة في السودان تكفيني شر السؤال ما انتظرت يوما واحدا في هولندا والله علي ما أقول شهيد ..
يا بابكر يا أخوي نحن هنا شتلات استوائية مزروعة في مناخ قطبي

رد الله غربتنا جميعا ...

الحبيب الغالي
شكرن ودآ الكنتا متوقعه!
أن يكون الصدق هو خالص إجابتك...

أعجبني يا الحبيب

يا بابكر يا أخوي نحن هنا شتلات استوائية مزروعة في مناخ قطبي

تشبيه نادر أن يجي من مهندز
وأعجبني اللون اللبني (شفتا يا أبو أماني "حفر إيدك وغرق ليك")

[قمر دورين]

[align=center]أبو أماني
لك تحيّة محمّلة برحيق زهر نديّ في موسم الربيع....

فكرة البوست جميلة جداً....
وعبارة (ضيف على المائدة ) تختزن الحنين والكرم والأصالة بين جنبيها.....
نتابع....[/align]

[مرافي]

العزيز خالد..عرفنا الجانب الاجتماعي الاسرة ..ربنا يحفظهم ..والانتماء
السؤال..فكرة المنتدى كيف بدأت ومتى؟؟؟وبكم عضو بدأ؟؟
وسر التسمية..سودانيات..التاء للتانيث ولا دلالة للسودان يعني اشياء سودانية؟؟؟
خاصة وانتو الشوايقة حنيينين لكل رمز للأم..
المهجر مابه وماعليه يعني نصيحة لكل واحد شادي الرحال لارض المهجريمني النفس بتحقيق
المنى واولهم نفسي!!
افتكر كفاك وشكراً..لييك

[خالد الحاج]

المشاركة الأصلية كتبت بواسطة مرافي

العزيز خالد..عرفنا الجانب الاجتماعي الاسرة ..ربنا يحفظهم ..والانتماء
السؤال..فكرة المنتدى كيف بدأت ومتى؟؟؟وبكم عضو بدأ؟؟
وسر التسمية..سودانيات..التاء للتانيث ولا دلالة للسودان يعني اشياء سودانية؟؟؟
خاصة وانتو الشوايقة حنيينين لكل رمز للأم..
المهجر مابه وماعليه يعني نصيحة لكل واحد شادي الرحال لارض المهجريمني النفس بتحقيق
المنى واولهم نفسي!!
افتكر كفاك وشكراً..لييك

حبابك مرافي..

كنا جميعا أعضاء في الشقيقة س.اون لاين .. بل كنت أحد إدارييها وتركت بصمات واضحة فيها مثل الأقسام (بوستات مميزة) و (قضايا التعذيب) ..هما من أفكاري وتنفيذي.
اختلفت مع الأخ بكري أبوبكر في كيفية إدارة المنتدي إذ أن الأخ بكري كان يري أن المشاكل والتجاوزات التي تصل حد الشتائم تجلب القراء..
من ناحيتي كنت أري أن لا بد من وجود قوانين تحفظ للكل حقه .. عضو وقارئي وإدارة.
من هنا جاءتني الفكرة في انشاء سودانيات والاسم يعني (أشياء سودانية) ...
طرحت الفكرة علي مجموعة من الأصدقاء لأن فكرة أن يكون صاحب القرار فرد لم تكن تروقني فأردته عمل جماعي..
كان هؤلاء الأصدقاء هم :
الطيب بشير
حنينة
رجاء العباسي
راوية العباسي
علاء تمبس
فتحي البحيري

وعند التنفيذ لم يبق منهم إلا حنينة التي اقتنعت بالفكرة..
وتكونت سودانيات في بداية سنة 2004

عانت سودانيات في مسيرها من الكثير من المشاكل.. تعلبنا عليها ولا نزال هنا كما ترين ...


بخصوص سؤالك عن الغربة ...
لا أدري ماذا أقول .. أذكر هنا مقولة الطيب صالح علي لسان مصطفي سعيد في روايته الخالدة موسم الهجرة إلي الشمال حين قال للراوي في وصيته حول أبناءه :
(جنبهم مشقة السفر ) ...
صدق طيبنا الصالح والرجل ينطق عن تجربة غربة طويلة ...
هي قطعة من نار لا يقدر عليها إلا مجبورا كقول أهلنا في غرب السودان (المجبور بملح بالعسل) ...
نصيحتي لك ... (تجنبي مشقة السفر )
وتذكري قول درويش :
القمح مـرٌّ في حقول الآخرين

والماء مالح ، والغيــم فولاذ ٌ

وهذا النجم جارح

وعليك أن تحيــــا وأن تحيــــــا

وأن تعطي مقابل حبـّة الزيتون جلدك

[رأفت ميلاد]

المشاركة الأصلية كتبت بواسطة خالد الحاج

إزيك يا أبا أماني
إنت يا أخي الحكايا لو بالكبر ناس عمك بابكر مخير وشوقي بدري ورأفت ميلاد وحتى جيل ناس معتصم الطاهر والعمدة عكود ..مالك ديل هارب منهم ؟

ياخوى أنا حاشرنى هنا مالك .. أنا دى ما شلتى .. نحن مع الأيقونات وعضوية شلة البحر ناس كانديك وأبو ريم وعادل عسول وناس عثمان الطيب والشباب البفرح ده .. ناس شليل وشبارقة وفيصل سعد ما سائلين فيهم .. ود عثمان داك زول بتلصق ساكت .. ياهو دفعة ناس ود الطاهر ..

سؤالى الأول : الصلعة دى تساقط شعر ولا طاقية إخفاء ؟

[خالد الحاج]

المشاركة الأصلية كتبت بواسطة رأفت ميلاد

ياخوى أنا حاشرنى هنا مالك .. أنا دى ما شلتى .. نحن مع الأيقونات وعضوية شلة البحر ناس كانديك وأبو ريم وعادل عسول وناس عثمان الطيب والشباب البفرح ده .. ناس شليل وشبارقة وفيصل سعد ما سائلين فيهم .. ود عثمان داك زول بتلصق ساكت .. ياهو دفعة ناس ود الطاهر ..

سؤالى الأول : الصلعة دى تساقط شعر ولا طاقية إخفاء ؟

سلامات يا دفعة
تبرا إنت من الكبر ...
الصورة بتاعة البروفايل دي آخر صورة أخدتها يا رأفت .. بالعربي كده ما عندي صلعة لكن شعري صار أبيض كلبن كاني
حكاية الصلعة كالآتي :
جاء شوقي لزيارتي ومعه محجوب شريف ومجدي الجزولي وحسن الجزولي..
في الصباح قام مجدي الجزولي داير يعمل لي قطعية بقت زي "كارل لويس" أو "ال ... جنَ"
وكعلاج قمنا جزيناه صلعة ...
المهم يا زول الحكاية من ديك بقت عادية كل مدة أحلق صلعة تيمنا بشوقي بدري "يلحقنا وينجدنا"

[همس الشوق]

[align=right]الخال

سعيده بصفحي لكتاب يحمل بين جوانحه كل الشفافية والصدق والإعتزاز بالنفس والوطن والإنتماء

ولكن !!!!!!

سؤال يطرح نفسه كثيرا في بلاد المهجر حيث الإنتماء الطوعي والتجنس

اولا
هل تحمل الجواز الهولندي ؟
وهل ترى ان تحقيق الإنتماء لتلك البلدان يكفل لك ولأسرتك العيش بسلام فيها وخارجها ؟


ثانيا
الغربة لها وجهنا
مشرق
وعابس

كلنا تكبدنا مشاق تلكما الوجهان

فماذا اضافت لك هولندا؟
وماذا اخذت منك ؟

بجيك راجعة [/align]