عرضحال ... عرض _ حال ... فقدك كتم حزن المُغني ..

[3mk-Tango]

عرض _ حال ..


نائحٍ فى غصون الدَّوح أَرقَّنىِ ... و ما عيي بِشئ ظلَّ بَعنيه عرض

مطَوَّقٍ بعقود ما تزايلة ... حتى تزايلِه إحدى تَراقيه عرض

قد بات يَبكى بشَجوٍ ما دَرَيت به ... و بتَّ أَبكِى بَشَجوٍ ليسَ يَدريهِ حال

أحمد بن عبد ربه الأندلسى


يا نَسِيمَ الصَّبا الوَلُوعَ بوجْدِي حبّذا أنتَ لو مررْتَ بنجدِ

ابن الخياط



فيك رايح بالي... تفديك الروح اظهر لاتبالي يا غزال الروض
في دجاك يا ليل كم طيب هب لي.... ده الجنن قيس وكسير قبالي
ما بسمع فيك أقوال عزالي... بسمع وأطيع أمرك يا غزالي
طيفك في النوم لو كان يصحا لي.... أتغزل فيهو وينظر لي حالي
حبك يمزج اعضاي إجمالي... لو كنت يمين يهواك شمالي
متي مني يعود عقلي ويصحا لي... ده رحيق مختوم بي لجيجو الحالي
فيك راحت بالي تفديك الروح اظهر لاتبالي

او

أنا يا حبيبي تجدني على هواك أمين
وما بيعجز عن أفكاري في التخمين
حواسي تحسد نظري في حسنك منتظمين
شمالي تاخده الغيره اذا جلست يمين
من المنام ما معاي ولا السته من ستين
عندي التلت من عقلي وعندك التلتين

[frame="10 80"]فقدك كتم حزن المُغني
وانقطع شدو الفصول
ورجعت زي ما كنت قبلك
ساكته في عصبي الطبول
لمس البرد عرقي وشرد مني الوتر
كانو ريدك كان هلال اخر شهر
بعدو انتحر في الدنيا تاريخ الربيع ..........[/frame]


للبوست بقية وكشف حال ...

جهزوا حالكم اذا بتريدو ...

[التباري]

عمك تنقو
التحايا العابقات .. من هنا لا عندك ...

مستحيل في يوم أخونك يا الوفاك لي مستحيل
الصبر علشان عيونك يلزمو الصبر الجميل
**
**
الغريبة بعد دا كلو ريدي ليك لسه في محلو
مش جميل يا جميل أقلو ترحم البهواك قليل
**

ذلة وهوان كمان ... وكشف حال ... وعرض-حال ونشره على الملأ

[التباري]

العزيز عمك تنقو ...
التحايا العابقات ... من هنا لا عندك
جهّزنا حالنا... إذا بدك تواصل

تحت أي بند يندرج هذا:
الليل حيلو روّح وآخرو جابلو سموم
لا شعاع الحمار عينيّ مابية النوم
بعد سهري العلي قضيت نهاري بحوم
سببي الأمو حافظا ودينو فوقي ردوم

أو :
يا خالق الأرض والصيدة في مرعاها
حلحل روحي من حبل المهانة كفاها
وكت إتذكر الديس المعلي قفاها
أشب من نومي وإتلافى الهبوب وأختاها

التبّاري

[خالد الحاج]

المشاركة الأصلية كتبت بواسطة 3mk-Tango

للبوست بقية وكشف حال ...

جهزوا حالكم اذا بتريدو ...

كشف الحال والبكاء لا يحتاج إذن يا نديدي
منتظرين

[3mk-Tango]

التباري تحياتي في اول مداخلة تجمعنا ..

ارحب بقدومك مرة اخري دماء جديدة في جسد سودانيات ....

_____

ذلة وهوان كمان ... وكشف حال ... وعرض-حال ونشره على الملأ

من هنا نبدأ يا عزيزي ... تخيل معي عدد الذين ماتو كمد في هذه الحياة بدون ان يسمع
بهم احد .. قد لا يقدم كشف الحال وعرض الحال اي فائدة تذكر ولكن احساس الجماعة
يقلل من الوحشة ..

واحسب معي ايضا عدد الذين اشركونا معهم في كشف _ عرض / حالهم .. وقل لي ماذا قدمو لنا ..

بالنسبة لي لو وقف الحديث في هذا البيت التالي لكان كافي بالنسبة لي ولكفي الاخرين اي كلمة لانه كشف الحال تماما :

معاي تلت من عقلي وعندك التلتين ..

اكشف وبان عليك الامان ..

[elmhasi]

[frame="7 80"][move=right] ما بفيد البكي .[/move]
[move=right] في الزمن الصعب [/move][/frame]

[3mk-Tango]

تحياتي خلي ..

والله ما داير اذن لكن كمان ما دايرين نفاجئكم .. عندنا واحد صاحبنا اخد شاكوش و جعر ليهو جعرة
الدخلتا فينا لي اسة ما طلعت ..

ما تبر اخوك بي اغنية حزن المغني دي لو عندك
والله بفتش ليها لي زمن وواقفه لي هنا .. ( واشار الي قلبه )

[معتصم الطاهر]

بدأت الدموع بالانسياب
فبل أن يبدأ البوست بالانسكاب

[عبدالله الشقليني]

عزيزنا تنقو
خطير أنت وتتخفى ،
وحين تبوح .. سكت الكلام سكت النغم

[د.سيد عبدالقادر قنات]

بخاف أسأل عليك الناس

وسر الريدة بينا يضيع

بخاف من أيدي أنت تضيع

وتصبح حياتي جفاف



وهكذا فعلا كثيرون /ات


يموتون كمدا وكل شي مكتوم في الضلوع

يديكم العافية

[خالد الحاج]

المشاركة الأصلية كتبت بواسطة 3mk-Tango

تحياتي خلي ..

والله ما داير اذن لكن كمان ما دايرين نفاجئكم .. عندنا واحد صاحبنا اخد شاكوش و جعر ليهو جعرة
الدخلتا فينا لي اسة ما طلعت ..

ما تبر اخوك بي اغنية حزن المغني دي لو عندك
والله بفتش ليها لي زمن وواقفه لي هنا .. ( واشار الي قلبه )

تعرف يا نديدي
يا داب حسيت بالإنت فيه!
أنا كنت قايل الحكاية هظار...
الله يكون في عونك إنت لحقت أخوك
كنت داير أقول ليك (لحقت الصح) لكين الثلاثي الشايقي غائب
(الملكة، عكود ، حميد)

الله يكون في عونك

فقدك كتب حزن المغني (WMA)
ولنك (MP3)
هاي كولتي كان يخفف البيك وما أظن ..

[media]http://sudaniyat.net/Khalid/Huznalmugani.wma[/media]

http://sudaniyat.net/Khalid/huznalmugani.mp3

[3mk-Tango]

تعرف ياخلي اتذكرت اللقاء الكان معمول مع ابراهيم عبدالجليل وسالو الصحفي قال ليهو بتحب ؟

كان الرد :

- ج : حرام عليك .. ما طعنتني في اللحم الحي .. ذكرتني حاجات ما معقوله

http://sudaniyat.net/vb/showthread.p...8&page=2&pp=15

كتبت

فقدك كتب حزن المغني (WMA)
ولنك (MP3)
هاي كولتي كان يخفف البيك وما أظن

وانا بقول ليك :
: حرام عليك .. ما طعنتني في اللحم الحي .. ذكرتني حاجات ما معقوله

تشكر علي اللحن الفعلا روعة والاروع منو القفله الاخيرة واخر دقة في العود خلتني اشرد من البوست عديل .

[3mk-Tango]

المحسي كيفنك ..

ما بفيد البكي .
في الزمن الصعب

كل الأزمان صعبة والله يا المحسي والبكي خشوم بيوت ...

مش قال : بكينا بكينا بكينا ... وذوبنا الليالي شجن وبكي الوداع زاتو ..

او مرات البكاء بكون بكاء فرح ..
اعتبروا كدا ..


تحياتي ..