لحن الخميس ... عيوني عيونك

[3mk-Tango]

لماذا لا اقول لها
يا اجمل عينين علي الاطلاق
انني بلا عينيك لا استطيع ان اكتب بيتا واحداً

( الووو ...
لم تنطبق السماعة هذه المرة
امتد الصمت طويلا
امتد طويلا جدا ...
كانت تصغي علي الخط لصوت انفاسي المتقطعة ..
وكنت اسمع علي الخط الاخر
ايقاع المطر ... )

عدنان الصايغ ..


[media]http://sudaniyat.net/upload/uploading/3eone13.mp3[/media]

عيوني عينوك .... محمود عبدالعزيز .. حنان بلو بلو

.

.

[3mk-Tango]

للحفظ :

http://sudaniyat.net/upload/uploading/3eone13.mp3


الاغنية من اغنيات الخير عثمان علي ما اعتقد
لا اعتقد انني سمعتها بصوت الكاشف ولكن كلما حاولت اتذكرها وجدت صوت الكاشف
يملأ اذني ..
لم اتعرف علي اسم الشاعر
لو لم تكن الاغنية للخير عثمان لقلت انه الشاعر عبدالرحمن الريح ...
في انتظار مزيد من المعلومات حول الاغنية والشاعر

[haneena]

خالد تنقو
أخيييرآ
من أمس ما قادرة أدخل البوست دة رغم تكرار المحاولة
لأنه بتجيني رسالة غريبة جدآ و يقفل الأنترنت إكسبلورر..هو بوستك هذا و بوست ديامي الجديد و بوست عزيز خطاب ..لحن الخميس بتاريخ اليوم( أرفع عليه قضية سرقة )
يعني كلها فايلات صوتية
شكرآ علي الهدية و علي أبيات عدنان الصايغ

تحياتي

[خالد الحاج]

لماذا لا اقول لها
يا اجمل عينين علي الاطلاق

تعرف يا نديدي

انا غايتو قاعد أقول
خاصة العيون يا تنقو .....خاصة العيون

الود محمود ده غناي والله

يديك العافية

[3mk-Tango]

تحياتي حنينة ..

طبعا مزيد من الافراح لمحاربة الحزن هي شعار كل الالحان ..

لك الود

[3mk-Tango]

العيون يا نديدي سرها باتع ...

مدخل لي حديقة القلب

احيانا الواحد ما بقول خوفا من افساد الكلمات للامر ..
واحيانا بتقول وانت عارف نفسك بتقول .. يعني شايلاك الهاشمية
...

لاحظ هنا الاعياء الحاصل في الاغنية دي كلام زول شاف جد جد ما كلام شعر ساي

...

محمود فنان له امكانيات جميلة اضاعها في تكرار اغاني الغير ..
حنان انتبهت لامكانيات صوتها بعد ان تعب الجسد من ( الكشف ) السن برضو ليهو احكامو :o

[muatez jafeer]

تنقو شكرا على اللحن الرائع يا رائع دوما
اظن ان الصحيح ( أعيونى عيونك ) رايكم شنو يا ناس الحقيبة

[3mk-Tango]

الحبيب معتز

حبابك الف ...

طبعا ما عارف التصحيح اللغوي ليها لكن ( عيوني ) _ من إعياء _ كدا بحس بيها مريحة اكتر

وبعدين ما تنسي اللحن .. كدي قول معاي : اعيوني عيونك .. .. __ خشنة مش ؟

لك الود

[عاليه]

أسباب تشوقي نظرتك

وأسباب نفورك نظرتي

هواي يعجز فكرتك

وجمالك يعجز بكرتي

بالصد تزيد في خبرتك

وبالحب أزيد في خبرتي

دايماً أردد ذكرتك

هل مره فهت بذكرتي



مساءك سعيد خالد

إن كانت تخرج من ذاكرتك بصوت الكاشف

فهذا حتماً لأنه غناها

فأنا لم أسمعها بغير صوته قبل أن يغنيها محمود وحنان
أصواتهما جميلة

لكن الأخطاء في كلمات الأغنيه يفقدها بعض جمالها

شكراً عليها

مودتي نقيه

عالية

[3mk-Tango]

الاخت عاليه مساك خير وصباحك نور ...

يعني الذاكرة دائما علي حق ...

اصوات محمود وحنان متناسقة جدا في هذا التسجيل ولباقي الاغنيات في نفس الشريط ..

مشكلة الشباب الجدد لا يجتهدون قليلا في تجويد العمل وخصوصا من جانب الكلمات
ربما يجهلون ان للمستمع حساسية تجاه المعاني المقلوبة ..

لك الود ولمرورك التقدير ..