نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتــــدي التوثيق > ارشيف ضيف على مائدة سودانيات

موضوع مغلق
 
أدوات الموضوع انواع عرض الموضوع
قديم 22-03-2010, 12:46 AM   #[61]
نادر السماني
:: كــاتب نشــط::
 
افتراضي

اهلا بك استاذ عسوم .حبابك عشرة .

شكرا لرؤيتك الجميلة ...

.اعرفك قبل هذا المنتدى في منتدى التوثيق

سلمى



نادر السماني غير متصل  
قديم 22-03-2010, 01:24 AM   #[62]
نادر السماني
:: كــاتب نشــط::
 
افتراضي

حبابك معتصم
اقتباس:
طلب صغير لو أمكن ..

ممكن السيرة الذاتية الأدبية ..

طلباتك أوامر يا ملك .
بداية أنا (والعياذ بالله ) متحفظ على مسألة السيرة الأدبية هذه، ولا أصنف نفسي أديبا ،لكني على الدوام مهتم بالأدب ، عاشق لأجناسه المختلفة . وكثيرا ما أبدي رأيا أو ملاحظة أو إعجابا بنص أدبي ولحسن ظن بعض الناس فيَّ يظنون ذلك نقدا . ويندر أن أكتب ما أقول .ولكن
في المرحلة الابتدائية وربما لعدم إجادتي ألعاب أندادي فلا أجد إلا أن أحدثهم عمَّا أقرأ في الغالب القصص أقوم بحكايتها لهم فأصبح ذلك مطلوبا إلى حد ما . مما حدا بي في المرحلة المتوسطة أن أساهم في تأسيس جمعية الموسيقى والمسرح في الثورة الحارة الرابعة ( رحلت إليها 74م ) وكنا نصدر جريدة نضعها في الميدان ولكن ذلك قوبل باستهجان من البعض المتفذ في الحي . والغريب أن حوربنا من بعض( الإخوان المسلمين ) واتهمنا بالشيوعية وكانت فرصة لي التعرف على الشيوعيين وقراءة شيئا من كتبهم وأدبهم فجعلني ذلك اهتم بالقراءة وأخجل مما كنت أكتب .
وهنا أذكر بالخير صبري والطاهر وعبد الرحمن نجدي والمنصوري وبدر الدين عجاج فقد ساعدونا في مشروعنا ذاك ، ولكن البعد الأدبي والفني خفت لدرجة العدم فانشغلت بالحوار ، بل قل الصراع مع متهمينا وبما إني كنت ضعيفا في أي صراع جسدي؛ فقد اهتممت بقراءة ما استطعت الحصول عليه من كتب الشيوعية والأخوان المسلمين والجمهوريين وقد بدا في أول 77م ظهور الأخوان في العمل وسط جيلنا ، فكنت لهم خصما حتى أن أميرهم في الحارة زعم أن من سلَّم عليَّ بطل وضؤوه ولست بعابئ ، ولكني منحاز لفكرة الاشتراكية ومنحاز لرؤية محمود في قضايا المرأة ومساواتها بالرجل وبساطة الحياة الاجتماعية للجمهوريين والجمهوريات وقد كانوا كثر في ثورتنا ، ولتقيت في تلك الأيام محمودا فأسرني ببساطته ولطف حديثه وكنت مع صديق لي اسمه ياسر ( أسرته جمهورية كلها ) كثيري التردد على بيت محمود في الأولى، ولم يقف أمامي في تلك الأيام والانخراط معهم إلا مسألة الصلاة . ومن جانب آخر يشدني نيكتين الذي لم أفهمه جيدا في أسس الآقتصاد السياسي ويبهرني ماو في زحف الثورة من الريف إلى المدينة ولين بياو ( يبدو أني صادقت الصينين والسوفيت من شيوعيي الثورة في ذلك الوقت ) وقرأت وصايا البنا ولم أحبها وملخص لجاهلية القرن العشرين وكرهت تزمته ،كذلك كانت النماذج البشرية من الإخوان ليست من النوع المحبوب عندي بعكس الجمهوريين والشيوعيين فكنت أجد متعة في مصادقتهم .
معتصم أنا في غاية الأسف فكما ترى فإني سرحت وليست هذه بسيرة أدبية ولا يحزنون . وصعُب عليَّ مسحها والعودة إلى ما تطلبه إن وجد فاصفح بعين الرضا واسمح بالعودة غدا إن مُدَّ لي في الأيام .



نادر السماني غير متصل  
قديم 22-03-2010, 06:00 PM   #[63]
أبو أماني
:: كــاتب نشــط::
 
Thumbs up والآن حصحص الحق يا ..توحة ..!!!

[QUOTE=نادر السماني;210717]عزيزنا فتحي لك التجلة والاحترام وكن قبل ذلك السلام :
فتحي ده يا ندورة .. رمانة منتدانا .. وتفاحة آدم القرضها ولحقنا أمات طه .. نزلنا أسفل سافلين هسع لو أبونا آدم خلى الطفاسة حقتو دي ما كنا نبرطع في الجنة لي يوم الليلة .. عشان كده أي كلام يقولوا على العين والرأس ولو إنو السمسمية عاملة عمايلة معاه مخلاياهو شغال شليخ سااااااكت!..تصدق لي يوم الليلة (جواهر الأدب ماجابو لي) وأنا الأول مرة في حياتي أعرف حاجة إسمها (ويكاب) فتشت ليها سلقط ملقط ورسلت ليو قنطار بدل يشكرني قام قال لي دي ويكة سااااك .. وأنا وحاة خوتو الماببدلها بغرزة سمسمية التانية ظاااطها أول مرة أسمع بيها
الزول منو ؟؟؟؟!!!! حدد أبن أفصح يا زين الشباب كيتا على الشمات وهم كثر .
(عجوز ) في القرآن وردت وصفا لامرأة إبراهيم الخليل تخاطب الملكين اللذين حملا لها ولزوجها البشرى بالإنجاب (عجوز عقيم ) وعندما وصفت زوجها (بعلي شيخ )وبهذا خرجت من وصف عجوز وعن الشياخة فهي مرتبة عند الخليجييين وأنت أدرى .

غايتو كلمة (عجوز) كان بتزعلوا ولا تعمل ليو تضخم في الأبوريا أنا بقولها ليو يا أخي بعضمة لسانو قال شاف شداد في جامعة الخرتوم بالسفنجة .. يعني يكون سنة كم؟ وكان عمره كم؟ لا بلااااي هو قايلنا هنود زيييييو ؟؟؟
اقتباس:
أمال أبو أماني الما عندو كمبيوتر يسوي شنو خصوصا بعد ما أم أماني نقصت المصروف البتديهو ليهو وبقي الألف بتاعة ساعة النت كافيه في مشكلة.[/quote]
يعمل نا ئم كما هو الآن !!!
هوووي يانادر وحاة جلابيتي الماعندي غيرها وبعزها أكتر منو..فتحي كضااااب يسرق الضحى الأعلى ..الرجال البيشلو المصاريف من نسوانهم ويسلموهم الماهية على دائرة الملين معروف لونهم شنو؟.. وكان للكومبيوتر وحاتك ياغالي .. موجود في البيت ومعاه تلات لابتوبات .. بس شلولخ ما شافهم .. أصلو خائفين من العين !.. قال أم أماني بتديو المصاريف يعني بقت على قصة (رمتني بدائها وإنسلت) دي صحوبية شنو البتوور النفس دي) وكان لازم لمعزتي ليو أكملهم خمسة .. بس ماحقت مازيمبي .. يلا واصل يا أجمل غيثار شرف البوستر .. تشششااااووو



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل  
قديم 22-03-2010, 06:31 PM   #[64]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي

انت يابو أماني قايل الناس عورا ولا شنو..أول حاجة نادر وسلمي ديل أنا عرفتهم وقابلتهم قبل ما أشوف وشك الشين دا وبعدين انت ما قلت هاشم جاب ليك الكتاب تاني داير شنو..أوعي تكون بتاجر فيهم..أما اللاب توبات دي زوية رهيبة ..انت نسيت كلامك لامن ود الزين نسي لاب توبو عندكم انت ما قلت أماني افتكرتو قولة خير..عليك الله شوف ليك طريقة عالج الزهايمر دا عشان ما تصل مرحلة الما بيعرف يرجع بيتو وبعد داك الا يربطوهو في السرير...سوري العنقريب..



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل  
قديم 23-03-2010, 01:19 PM   #[65]
نادر السماني
:: كــاتب نشــط::
 
افتراضي

فتحي تحياتي
أبا أماني لو طلبت جواهر الأدب لسلفتك إليه حتى تشبع منه وما زال العرض قائما .



نادر السماني غير متصل  
قديم 23-03-2010, 02:09 PM   #[66]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي

اقتباس:
المشاركة الأصلية كتبت بواسطة نادر السماني مشاهدة المشاركة
فتحي تحياتي
أبا أماني لو طلبت جواهر الأدب لسلفتك إليه حتى تشبع منه وما زال العرض قائما .

رجل والرجال قليل..ياخ ود الزين فهمني الفلم..الزول دا متفق مع مديرو في الشغل انو لو جاب ليهو الكتاب دا حيديهو علاوة.يعني لا قراية ولا يحزنون وهو لو داير يقرا الكتاب موجود في النت وبعدين الزول دا ولله قال هاشم جابو ليهو..أظنو متفق مع زول تاني غير المدير ..



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل  
قديم 24-03-2010, 05:44 PM   #[67]
أبو أماني
:: كــاتب نشــط::
 
Thumbs up والله يا توحة براااك بتجيبوا لي رقبتك!

اقتباس:
المشاركة الأصلية كتبت بواسطة فتحي مسعد حنفي مشاهدة المشاركة
رجل والرجال قليل..ياخ ود الزين فهمني الفلم..الزول دا متفق مع مديرو في الشغل انو لو جاب ليهو الكتاب دا حيديهو علاوة.يعني لا قراية ولا يحزنون وهو لو داير يقرا الكتاب موجود في النت وبعدين الزول دا ولله قال هاشم جابو ليهو..أظنو متفق مع زول تاني غير المدير ..

أولا هاشم طه طلع (كالعادة)أضكر منك .. صحيح دقيت سدرك وقلت ليو أنا برسلوا ليو ..لكين الراجل الله يطول عمره ماهان عليو يجيني ساي والكتاب لقاو .. رغم ظروفه الإنت أدرى بها مني آنذاك ووزنو الزائد .. بعدين قوقل وحاتك يا غالي عمري ما رجعت ليو عيلا في الشديد القوي (الله يطراك بالخير يا كانديك) وقرأة الكتاب صفحة صفحة متعة لا تعوض رغم كل التقنيات الحديثة .. ولا رائك شنو يا أبو العريييييف؟ أما نجرتك لقصة مديري والله ممكن تصدق لسبب بسييييط..إنو زميلي مصري.. نادر يا أخ إنت ومرتك الضكرانة دي ماتلحقوني تحلوني من صاحبي ده .. بعدين ما تنسى القفلة وإختيار الضيف القادم حسب ذوقك الرفيع .. وصدقني لو مرتك حرشتك (عارفك بتسمع كلامها) تعلني أنا زي ما قالت قبل ده صدقني .. مابقبل .. أنا لسع عندي قبيلة كاملة عاوز أعزمها .. يلا ننتظر



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل  
قديم 24-03-2010, 06:31 PM   #[68]
نادر السماني
:: كــاتب نشــط::
 
افتراضي

مواصلة لسؤال معتصم حول السيرة الأدبية -إن وجدت -
في مرحلة الثانوي كنت واحدا من محرري جريدة الحارة وهي جريدة تكتب باليد على ورق الفلسكاب وتوزع في الحارة (11) وبقية الحارات الغربية من الثورات ومن المحررين أذكر عمر إدريس -أسامة عباس -عبد الوهاب ود شيخ الحارة -خالد -عماد وغيرهم وكنا نستغل منزل الشاعر الأنسان محجوب شريف الذي غالبا ما يكون معتقلا وتذهب زوجته إلى بيت أهلها فيخلو لنا المنزل وهو جزء من بيت عمر إدريس .
في الجامعة الفرع كنت وسلمى جزء من جمعية التراث والثقافة العربية وفيما أذكر قدمت عددا من الدراسات الأدبية حاليا غير موجودة عن الطيب صالح وآخر ما أذكره عنها حيازة محمد عبد الخالق لها ولا أذكر إعادتها إن أعادها كما قدمت حينها دراسة عن شعر محمد عبد القادر وهو أحد شعراء الجامعة المميزين حينها كما كنت مشاركا بالحضور والحوارات الأدبية في المنتدى الأدبي وسلمى للجامعة وهي فترة خصبة في حياتنا .
قاد ذلك الحراك الثقافي في منتصف الثمانينات إلى تكوين جمعية ثقافية من الجمعيات والكيانات الثقافية المختلفة عرفت باسم (تجاوز للثقافة والإبداع ) التي استمرت حتى الانتفاضة ثم منها كانت بدايات تكوين اتحاد الكتاب ولكني في تلك الفترة أخذتني السياسة بهما اليومي الثقيل ( والتافه ) بلغة صديقي حسين كمبيوتر .
في المنصورة كنت مهموما بالعمل السياسي في إطار الحركة الطلابية وعموما أنا كائن شفاهي جدا والكتابة ترهقني جدا .
بعد الانتفاضة أسسنا ندوة نهارية أسبوعية في دار المعلمين قدمت فيها فعاليات ثقافية متنوعة كنت مشاركا رئيسا في كثير منها -مشافهة في الغالب - وتندر الكتابة لكني أذكر كتبت دراسة عن الحكاية الشعبية لاقت قبولا كبيرا لكنها لم تنشر وضاعت كالعادة .
مؤخرا أصبحت مشاركا في الفعاليات الثقافية وفي الغالب تكون المشاركة غير مكتوبة أو كتبت في شكل نقاط أو تكتب ولم توثق كالعادة .
ذكرتني سلمى بعد زيارة درويش للسودان في 2006 م التقينا مجموعة من الأصدقاء وأعدنا فكرة منتدى يكون دوريا في بيت واح أو اثنين من الأصدقاء وتوقف ذلك من حوالي العام تقريبا .
نر جو ألا نكون قد أثقلنا عليكم وعليكن .
وأطلقوا سراحنا مشكورين ومقدرين



نادر السماني غير متصل  
قديم 24-03-2010, 06:42 PM   #[69]
نادر السماني
:: كــاتب نشــط::
 
افتراضي

أها يا أبو أماني نقول ليك مع السلامة وفتناكم بي غافية وعامرين إن شاء الله . خلاص يا نادر رشح ليهو زول [align=left]سلمى[/align]



نادر السماني غير متصل  
قديم 24-03-2010, 06:55 PM   #[70]
شامة ميرغني عبد الكريم
:: كــاتب جديـــد ::
 
افتراضي

نادر السماني أيها الرائع
شدتني مساجلاتكم البديعة ورجعت لمنتدى السرد والنقد واستبد بي الشوق لزينب بليل والاخوات وكوكبة النقادالرائعين انها أيام اشم عطرها وأحس نداها الربيعي في جدب ايامنا في هذه الغربة .....قريبا باذن الله سأكون معكم في اجازة قصيرة ويا رب ألقاكم كلكم بخير ومنتدياتكم مدورة



شامة ميرغني عبد الكريم غير متصل  
قديم 24-03-2010, 08:45 PM   #[71]
نادر السماني
:: كــاتب نشــط::
 
افتراضي

أستاذة شامة بيننا يا بختنا لقد سعدت جدا بهذا الاكتشاف وأحب أن أشير إل أن شامة صاحبة الحائزة التقديرية لمسابقة الطيب صالح للرواية السودانية في نسختها الأخيرة وهي إضافة حقيقية للمنتدى وأتمنى أن أشاهد لها مشاركات في المنتدى .
بخصوص زينب بليل تلك المرأة النخلة في الخاطر الكتابة عنها قريبا إن شاء الله ويدك معي لعلنا ننجز ذلك .
تحياتي لأسرتك .



نادر السماني غير متصل  
قديم 24-03-2010, 08:49 PM   #[72]
نادر السماني
:: كــاتب نشــط::
 
افتراضي

ويبدو أن قد وصلنا الختام فللجميع خالص التقدير والاحترام
أرشح المرأة الخيَّرة وصاحبة الصوت القوي والصريح والرأي السديد

[align=center]سارة [/align]



نادر السماني غير متصل  
موضوع مغلق

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 05:47 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.