إستمراريـــــة سودانيــــات

[عكــود]

المشاركة الأصلية كتبت بواسطة عبدالمنعم الطيب حسن

أدعموا سودانيات
بالمقال
والمتابعة
انا شخصيا ملتزم التزام اخلاقي بالكتابة هنا..
وهنالك قراء يقرؤون في صمت
قد يكونوا غير عضوية ولكنهم متابعون ما يكتب هنا..
وطالما كتبت مداخلة واحدة وعملت فرقا
لقاري لا تعرفه شخصيا،
ولكنه يتابع ويقرا ويستمتع
وبسال عنك كان غبت..
لقد تواصل معينفر عزيز من السودانيين في مناطق مختلفة من العالم
واكدوا لي ان ما انشره يصنع لديهم فرقا
لهذا انا مستمر في الارسال هنا في سودانيات
ولو هنالك شخص واحد يقرا وينفعل
لكفاني فما بالك بالمئات وبالالاف..
نحن السودانيين والسودانيات في مٍحْنة حقيقية
فدعونا ننعصر على بعض ونتشايل
حتى نعبر..
كل الود..

تسلم يا حبيب،

نعم، هناك من يقرؤون في صمت، وبعضهم أعضاء كانوا قد أثروا الصفحات لكنهم آثروا المتابعة دون المشاركة، ولهؤلاء نوجّه النداء.

تحياتي

[عكــود]

المشاركة الأصلية كتبت بواسطة أزهري سيف الدين

تحية وشوق عمدتنا الغالي وجميع الأحباب هنا
والله متلومين في حق سودانيات والخالد
ما عندنا عذر، منصات التواصل الاجتماعي الساهلة كسّلتنا من التواصل المستمر هنا.

العزيز أزهري،

أتابع ما يكتبه بعض الأعضاء على صفحات الفيسبوك وأشارك بالتعليق ما استطعت.
لو أنهم نسخوا هنا ما يكتبونه هناك لأثروا المنتدى.

تحياتي

[حسين عبدالجليل]

أنا من المقصرين ألأخ العمدة.

و أوعدك أن شاء الله أن أكون أكثر نشاطا في حوشنا الجامع هذا.
لك الشكر و المودة علي محافظتك عليه!

[النور يوسف محمد]

بسم الله الرحمن الرحيم


سودانيات زى البيت الكبير
وين ما مشيت مصيرك تجى راجع

قاتل له الوسائ والتلفونات الذكية
اقترح نتوافق على يوم من كل اسبوع يلتزم فيه الكل بالحضور وسيسفر هذه الحضور بدوره عن حركة جاذبة ذاتية ويخلق مواضيع مشتركة

[عكــود]

المشاركة الأصلية كتبت بواسطة حسين عبدالجليل

أنا من المقصرين ألأخ العمدة.

و أوعدك أن شاء الله أن أكون أكثر نشاطا في حوشنا الجامع هذا.
لك الشكر و المودة علي محافظتك عليه!

تحياتي العزيز حسين،

فلتكن وقفة لإعادة الإعمار، فلا تحرمنا من بوستاتك ذات القيمة العالية.

تسلم

[عكــود]

المشاركة الأصلية كتبت بواسطة النور يوسف محمد

بسم الله الرحمن الرحيم


سودانيات زى البيت الكبير
وين ما مشيت مصيرك تجى راجع

قاتل له الوسائ والتلفونات الذكية
اقترح نتوافق على يوم من كل اسبوع يلتزم فيه الكل بالحضور وسيسفر هذه الحضور بدوره عن حركة جاذبة ذاتية ويخلق مواضيع مشتركة

سلام يا جنابو،

بيتنا الكبير ده يحتاج لترميم، وأنت من الأسطوات، فارمي طوبة حب ومونة محنة

[بابكر مخير]

كوكي الحبيب
شكرا ليك وتبارك الله..
شايف الناس تنادت وهم أصلن بس الظروف...
ربنا يغطيهم من كل ظرف يحجبهم من أنهم يقيلوا في الخميلة الجميلة ويمسوا في حوش سودانيات الرحب وصباحهم يكون منور بي شوفتهم لي بعض عبر السطور..
كتر خيرك وخيرهم وكتر خير حبيبنا الحاضر في القلوب ديمة..
يا خلودي أكدي بتكون في الاعالي هناك علت وشيك الطاهر بسمة..
ربنا يديم اللقاء بين الأحباء..
نورتو داركم الحبان..

[عكــود]

سلام حبيب الكل بابكر،

أنت من دايماً تنادي بمعاودة الكتابة، وحرصك على سودانيات مشهود.
مناداتي للعضووية كانت صدى صوتك الحادب.

ليك كل المحبة

[عكــود]

وما زلنا في إنتظار الإشراق

[عكــود]

ترحموا عليه


اللهم ارحم عبدك خالد الحاج وأحسن إليه
اللهم إن كان محسنا فزد في حسناته وإن كان مسيئا فتجاوز عن سيئاته
اللهم اغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس
اللهم وسع له في قبره مد بصره حتى يرى مقعده في الجنة
اللهم اجعل البركة في ذريته
اللهم ابدله داراً خيراً من داره واهلا خيرا من أهله
اللهم لا تفتنا بعده ولا تحرمنا أجره
اللهم صل وسلم على سيدنا محمد وعلى آله وصحبه أجمعين

[Hassan Farah]

اللهم ارحم عبدك خالد الحاج وأحسن إليه
اللهم إن كان محسنا فزد في حسناته وإن كان مسيئا فتجاوز عن سيئاته
اللهم اغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس
اللهم وسع له في قبره مد بصره حتى يرى مقعده في الجنة
اللهم اجعل البركة في ذريته
اللهم ابدله داراً خيراً من داره واهلا خيرا من أهله
اللهم لا تفتنا بعده ولا تحرمنا أجره
اللهم صل وسلم على سيدنا محمد وعلى آله وصحبه أجمعين
.................................................. ........
آمين يارب
ربنا يرحمك يا خالد ويغفر لك ويتقبلك قبولا حسنا ويجعلك فى اعلى عليين

[ناصر يوسف]

العمدة عكود
جميع الأحباب هنا أحباب البيت الوهيط سودانيات أبناء الذين أحبهم

عن نفسي بعتذر شدييييييد لامن سافي التراب ياخ
حقيقي انا مقصر كتيييير في حق هذا البيت الحب لأسباب عديدة

كنت في صراع للخروج من عنق زجاجة سجن الوظيفة
جات الحرب و التجوال المتكرر داخل و خارج السودان و لا زلت متسكعا بين ولايات السودان الجريح الآمنة بنفذ مع صديقي د. صالح عبد القادر في رحلتنا كترياق ضد الحرب

نشاطات جمعية سودانيات الثقافية متوقفة بسبب الحرب

و حاليا شغال إعداد لمهرجان سودانيات السينمائي النسخة الأولي و غالبا ما ينفذ خارج السودان

و بالرغم من الجري هنا و هناك لكن يبقي الوعد قائما بالتواجد الفاعل هنا

كونوا بعافية يا أحباب مشتاقي ليكم كلكم و مشتاق لأقلامكم

[عكــود]

المشاركة الأصلية كتبت بواسطة ناصر يوسف

العمدة عكود
جميع الأحباب هنا أحباب البيت الوهيط سودانيات أبناء الذين أحبهم

عن نفسي بعتذر شدييييييد لامن سافي التراب ياخ
حقيقي انا مقصر كتيييير في حق هذا البيت الحب لأسباب عديدة

كنت في صراع للخروج من عنق زجاجة سجن الوظيفة
جات الحرب و التجوال المتكرر داخل و خارج السودان و لا زلت متسكعا بين ولايات السودان الجريح الآمنة بنفذ مع صديقي د. صالح عبد القادر في رحلتنا كترياق ضد الحرب

نشاطات جمعية سودانيات الثقافية متوقفة بسبب الحرب

و حاليا شغال إعداد لمهرجان سودانيات السينمائي النسخة الأولي و غالبا ما ينفذ خارج السودان

و بالرغم من الجري هنا و هناك لكن يبقي الوعد قائما بالتواجد الفاعل هنا

كونوا بعافية يا أحباب مشتاقي ليكم كلكم و مشتاق لأقلامكم

سلام ومحبة راسخة يا حبوب،

عذرك بي سببو وأسبابو ومتابعين مسيرتك الضوّاية وما تقوم به من عمل وتوعية يحتاجهما الناس في هذه الظروف، ربنا يرفع البلاء إن شاء الله.
برضو متابعين نجاحاتك التي تتحدث عنها البلدان داخل وخارج الدولة، وده شي يفرحنا ويثلج صدورنا.
نتطلّع لمهرجان سودانيات السينمائي، وسيكون خطوة في مسيرة نجاحاتك بإذن الله.

ربنا يعدل مسيرتك وكُن معنا.

[عايد عبد الحفيظ]

فى قروب واتسابى مهتم بالأدب والفن سأل احد الأصدقاء
عن القراءة ، رددت على سؤاله بعد أسبوعين ، قلت له:
لعل الأسبوعان فيهما بعض الإجابات على تساؤلك .
إنقضت الآن عشرة أيام على بوست العمدة وأعتقد أن
فيهم بعض الأجابات على أسئلته التى طرحها فى بوسته .
لا أستطيع التأكيد على قدرتي فى الإستمرار أو عدم القدرة ،
لكن لزاماً وواجباً أن أذكر أن سودانيات كانت لى بمثابة
واحة وريفة إلتجأنا إليها هرباً من عنت الحياة وشظفها وهجيرها . كانت ملاذاً آمناً فى سنوات الإنقاذ ، وسودانيات
غنية ومليئة بكنوز لا تقدر بثمن ، بوستات مذهلة ومدهشة
ومحيرة .
دار نقاش كثير فى سودانيات حول ضمور المنتديات عموماً
وتاكلها وأحجام أعضائها على المشاركة المنتظمة فيها .
وتساءل الناس عن الأسباب وعن دور الواتس والفيس فى
ذلك .

[ناصر يوسف]

المشاركة الأصلية كتبت بواسطة عكــود

سلام ومحبة راسخة يا حبوب،

عذرك بي سببو وأسبابو ومتابعين مسيرتك الضوّاية وما تقوم به من عمل وتوعية يحتاجهما الناس في هذه الظروف، ربنا يرفع البلاء إن شاء الله.
برضو متابعين نجاحاتك التي تتحدث عنها البلدان داخل وخارج الدولة، وده شي يفرحنا ويثلج صدورنا.
نتطلّع لمهرجان سودانيات السينمائي، وسيكون خطوة في مسيرة نجاحاتك بإذن الله.

ربنا يعدل مسيرتك وكُن معنا.

تسلم كتير يا عمده و ربنا يقدرنا