خلي بالك مني واكتر (نص لنج)

Dr. Mohammed Hassan · 19-08-2007, 02:35 PM

[align=center]لما نزلت من عيونك

دمعة لافح بوخها اسعر

وانت بتوصي وتقولي

(خلي بالك مني واكتر)

هوجست بي الظنون

وانت عارفة

من شهقتك

صرت اشعر

صرت مالك للقوافي

والحكايات الخوافي

والتباريح الشجون

والنجوم شربت ضياك

وصارت ابهر

وبرضو بتوصي وتقولي

خلي بالك من واكتر؟

جيبي راسك

هاك صدري

وفي كتوفي

كبي دمعك

صبي حزنك

خلي نيرانك تئز

جوة جوة تقيد وتزأر

انت بتوصي وتقولي

خلي بالك مني واكتر

وانت عارفة

انه جرحك

جوة نوسر

وشلته في جواي سهر

والعذابات في فراقك

مفردات تحمل انين

بين تفاصيل السفر

لا ملامح لقيا ترشح

لا قليب مليان صبر

خلي بالك مني واكتر

لسة بتردد صداها

وانت عارفة

في غرامك قلبي ازهر

وصرتي احلامي البعيشها

ورؤيا ما محدود مداها [/align]

أبومناهل · 19-08-2007, 03:36 PM

د. محمد حسن
وأنا أقول خلي بالك من صحتك
نص ولهان . . وقمة في الإيداع
الله يديك العافية

omrashid · 19-08-2007, 05:10 PM

يا دوك (دي مسروقه)

اي بركة الجيت بركة الجيت

وبالمناسبه انا جايه الرياض سوف اهاتفك في حينو

لك التحيه

معتصم الطاهر · 19-08-2007, 06:42 PM

دوك

كلام بكايين
مليان حنية ..

على الهامش
ارجو أن لا تقيدك القافية ..

abubakr sidahmed · 20-08-2007, 03:12 AM

انا بس لو عرفت ليه ما علموني اني الرطان عربي زي دة بدل "جلمود صخر حطه السيل من عل "العقدونا بيها ؟؟ بعدين في الصحرا الشفناها دي وين جلمود صخر دة ؟؟اها لي تلاتين سنة ما شايف غير عراقيب رمل ؟؟
وينو السيل ذاتوو .كان نزلت مطرة رشاشة تلقي الجرايد تاني يوم شارنها في البرندات "بشائر الخير " ؟

يا د.محمد حسن انت دكتور عيون وبتاع "دمعات " ؟
يسلم لسانك

mohmmed aldareer · 21-08-2007, 09:23 AM

الا دكتور محمد

جميل ان تجد من يستعير من السحر مزمارا ليعبر عن ما يختلج بداخلنا

قلمك مزمار السحر

شكرا لعزفك

حسين محي الدين · 21-08-2007, 03:59 PM

يلا دوزن في القوافي
ولينا سطر
وخلي بالك برضو أكتر

Dr. Mohammed Hassan · 25-08-2007, 10:51 AM

اقتباس:

المشاركة الأصلية كتبت بواسطة أبومناهل

د. محمد حسن

الله يديك العافية

ويديك الف عافية

تسلم ويخلي ليك مناهل

Dr. Mohammed Hassan · 25-08-2007, 11:00 AM

اقتباس:

المشاركة الأصلية كتبت بواسطة omrashid

يا دوك (دي مسروقه)

اي بركة الجيت بركة الجيت

وبالمناسبه انا جايه الرياض سوف اهاتفك في حينو

لك التحيه

في انتظار ك شديد

Dr. Mohammed Hassan · 25-08-2007, 11:06 AM

اقتباس:

المشاركة الأصلية كتبت بواسطة معتصم الطاهر

على الهامش
ارجو أن لا تقيدك القافية ..

حسيت بي؟!

شكرا ليك كتير

جيجي · 20-12-2009, 02:53 PM

عذب هو بوحك يا جميل الدواخل

Dr. Mohammed Hassan · 20-04-2010, 12:17 PM

يا منديل ريدتنا الحاني
امسح دمعالزولة الغالية
خلى دموعي تكبكب مطرا فيه كلام الردة
الجوة
زي النجمة السارية العالية

جيجي · 20-04-2010, 12:27 PM

كيف منديلك يمسح دمعا
لاحجزنه قيوف القسوة
ولاتوب ماما الكله محنة
ولا ضمة حبوبتي السمحة

Dr. Mohammed Hassan · 20-04-2010, 12:38 PM

اقتباس:

المشاركة الأصلية كتبت بواسطة جيجي

كيف منديلك يمسح دمعا
لاحجزنه قيوف القسوة
ولاتوب ماما الكله محنة
ولا ضمة حبوبتي السمحة

اقراك بعين القلب الشالت ريدك
وقلدة زول لي زولة حنينة
وكلمة ملانة فيها قصيدك
ارسم فوق الخاطر
مدة جيدك
وفدعة ايدك
وفي جواي بعربد صاخب
فيني
نشيدك

جيجي · 20-04-2010, 01:00 PM

اقتباس:

المشاركة الأصلية كتبت بواسطة Dr. Mohammed Hassan

اقراك بعين القلب الشالت ريدك
وقلدة زول لي زولة حنينة
وكلمة ملانة فيها قصيدك
ارسم فوق الخاطر
مدة جيدك
وفدعة ايدك
وفي جواي بعربد صاخب
فيني
نشيدك

وكيف لوغلبك دمعي الجارف
وفاتت في جواك سيوله
وخرب عين القلب الجوه
وهد حصون الريد الفوقه
كيف من تاني تغني الريدة
وتشدو نشيدها
وكيفن تفرح بترديدها

19-08-2007, 02:35 PM	#[1]
Dr. Mohammed Hassan :: كــاتب نشــط::	خلي بالك مني واكتر (نص لنج) [align=center]لما نزلت من عيونك دمعة لافح بوخها اسعر وانت بتوصي وتقولي (خلي بالك مني واكتر) هوجست بي الظنون وانت عارفة من شهقتك صرت اشعر صرت مالك للقوافي والحكايات الخوافي والتباريح الشجون والنجوم شربت ضياك وصارت ابهر وبرضو بتوصي وتقولي خلي بالك من واكتر؟ جيبي راسك هاك صدري وفي كتوفي كبي دمعك صبي حزنك خلي نيرانك تئز جوة جوة تقيد وتزأر انت بتوصي وتقولي خلي بالك مني واكتر وانت عارفة انه جرحك جوة نوسر وشلته في جواي سهر والعذابات في فراقك مفردات تحمل انين بين تفاصيل السفر لا ملامح لقيا ترشح لا قليب مليان صبر خلي بالك مني واكتر لسة بتردد صداها وانت عارفة في غرامك قلبي ازهر وصرتي احلامي البعيشها ورؤيا ما محدود مداها [/align]
Dr. Mohammed Hassan :: كــاتب نشــط::

19-08-2007, 03:36 PM	#[2]
أبومناهل :: كــاتب نشــط::	د. محمد حسن وأنا أقول خلي بالك من صحتك نص ولهان . . وقمة في الإيداع الله يديك العافية
أبومناهل :: كــاتب نشــط::	التوقيع: نِحْنَا المَا بْسَمُّـونَا العِرَيبْ وَين جِيتُو نِحْنَـا البِنَرْكَبْ الدُّرْشِي البِجَابِدْ خَيتُو نِحْنَا عَشِيرْنَا مَا بنُخُونُو ونَخَرِبْ بَيتُو نِحْنَـا عَدُونَا بِنَعَصْرُو وَنَطَلِّـعْ زَيْتُو

19-08-2007, 05:10 PM	#[3]
omrashid :: كــاتب نشــط::	يا دوك (دي مسروقه) اي بركة الجيت بركة الجيت وبالمناسبه انا جايه الرياض سوف اهاتفك في حينو لك التحيه
omrashid :: كــاتب نشــط::

19-08-2007, 06:42 PM	#[4]
معتصم الطاهر :: كــاتب نشــط::	دوك كلام بكايين مليان حنية .. على الهامش ارجو أن لا تقيدك القافية ..
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

20-08-2007, 03:12 AM	#[5]
abubakr sidahmed :: كــاتب جديـــد ::	انا بس لو عرفت ليه ما علموني اني الرطان عربي زي دة بدل "جلمود صخر حطه السيل من عل "العقدونا بيها ؟؟ بعدين في الصحرا الشفناها دي وين جلمود صخر دة ؟؟اها لي تلاتين سنة ما شايف غير عراقيب رمل ؟؟ وينو السيل ذاتوو .كان نزلت مطرة رشاشة تلقي الجرايد تاني يوم شارنها في البرندات "بشائر الخير " ؟ يا د.محمد حسن انت دكتور عيون وبتاع "دمعات " ؟ يسلم لسانك
abubakr sidahmed :: كــاتب جديـــد ::	التوقيع: ومعكم هنا في انتظار المطر ... [frame="7 80"]عاش بريق القبلي عاشْ ابشروا بالخير نقطت أي والله المطر !!![/frame] محمد الحسن سالم حميد ..كتمة ومطر

21-08-2007, 09:23 AM	#[6]
mohmmed aldareer :: كــاتب جديـــد ::	الا دكتور محمد جميل ان تجد من يستعير من السحر مزمارا ليعبر عن ما يختلج بداخلنا قلمك مزمار السحر شكرا لعزفك
mohmmed aldareer :: كــاتب جديـــد ::

21-08-2007, 03:59 PM	#[7]
حسين محي الدين :: كــاتب نشــط::	يلا دوزن في القوافي ولينا سطر وخلي بالك برضو أكتر
حسين محي الدين :: كــاتب نشــط::	التوقيع: تعددت الأسباب والوجد واحدُ!

20-12-2009, 02:53 PM	#[11]
جيجي :: كــاتب نشــط::	عذب هو بوحك يا جميل الدواخل
جيجي :: كــاتب نشــط::

20-04-2010, 12:17 PM	#[12]
Dr. Mohammed Hassan :: كــاتب نشــط::	يا منديل ريدتنا الحاني امسح دمعالزولة الغالية خلى دموعي تكبكب مطرا فيه كلام الردة الجوة زي النجمة السارية العالية
Dr. Mohammed Hassan :: كــاتب نشــط::

20-04-2010, 12:27 PM	#[13]
جيجي :: كــاتب نشــط::	كيف منديلك يمسح دمعا لاحجزنه قيوف القسوة ولاتوب ماما الكله محنة ولا ضمة حبوبتي السمحة
جيجي :: كــاتب نشــط::	التوقيع: http://m.youtube.com/watch?v=uIbZxhLEUyE