والله زمااااااااااااااااااااااااااااااان

[بابكر مخير]

المشاركة الأصلية كتبت بواسطة بابكر مخير

في موضوع سبق للأخ الحبيب عمر
(هل هذه هى سودانيات التى عهدناها حلمنا المنشود واملنا المرتجى)
ورد عليهو الحبيب نزار، عماد وبسملة
بقول: كلامكم زين سمحاً تب مو شين
والله أنا عرفني الحبيب شوقي بدري بمنتدى سودانيات وقد قام بتقديمي للأحباء ووجدت نعم الإستقبال
في كلام شوقي ليا قال نفس كلمات الأخ عمر
ودخلت ولاقيت ناس عصمت العالم وبشرى أزرق مع أني بلاقيهم هنا في لندن ولكن بثوب أخر ....
لقيت ناس طولت ما لاقيتا وناس سمعت بيها وسمعت عنها، لاقيت الفنان والشاعر والأديب،
لاقيت السودان، إستمتعتا وإتونستا
في سودانيات لقيت وإتعرفت على دكتور سيد بقلمو وعلمو
لاقيت بندرشاه وتكنلوجتو العالية،
دي السودانيات جميلة بي ناسا وأخبارهم
بي تراثهم وأحبارهم
السودانيات حلوة نضرة ذي الجنينة
بي زهورا أم راشد والسيدة الحنينة
السودانيات لمت الخبر والمعلومة للمحتاج
من فضللك، كتر خيرك خالد ود الحاج
في السودانيات نبيل وبي أدبوو
في السودانيات البي كتابتو هزاني أمير الإسمو شعراني
في السودانيات الأستاذ الأديب عكود راقي، ولطيف ودود
وأخونا ود الطاهر البي قلموا علاما ظاهر
الحبيب رأفت ميلاد يعيدا عليه القريب أعياد (الكريسماس)
وود البدري سمين
شوقي عطر الياسمين
في السودانيات كم وكم من ناس خلت السودانيات إتملت أعراس
وبحبك يا سودانيات

الكلام دآ كان زمن سودانيات كانت
تلائم بلا فرقآ
قبل ينط علي البيت
زيد وعبيد وبياع الزيت البولع النيران
والله زمااااااااااااااااااااااااااااااان

[سمراء]

بببيكو ....
ياحليلك اتا دا زاتك عامل شنبك العجيب داك

ياكعب

[اشرف السر]

السؤال الذي يطرح نفسه بقوة.. كل الأسماء المشار اليها في الاقتباس لم تعد تكتب في سودانيات ما عدا ثلاثة منهم وهم شوقي وود ميلاد وود الطاهر، اضافة لعكود...
ما هو سبب غيابهم؟؟؟؟

[بابكر مخير]

المشاركة الأصلية كتبت بواسطة اشرف السر

السؤال الذي يطرح نفسه بقوة.. كل الأسماء المشار اليها في الاقتباس لم تعد تكتب في سودانيات ما عدا ثلاثة منهم وهم شوقي وود ميلاد وود الطاهر، اضافة لعكود...
ما هو سبب غيابهم؟؟؟؟

شروف الحبيب
قال ليك طفل من اهلنا الرباطاب واقف قدام بيتهم ويببببببببببببببببببكي، جآ ماري واحد وسأل الطفل عن سبب البكاء وأجابه الطفل أنه اخد علقة ساخنة من والده واستمر الرجل في السؤال والأسئلة، ود الرباطاب زهج وقرف فكان رده الاخير للرجل أنه سبب العلقة:
ياهو جنس دآ...
وأفتكر أنه باقي الاسماء لم تعد تكتب في الياهو جنس دآ..
دآ = البوستات البقت جمرآ للقاري وعسل للمتداخلين ومجال عرآك (ما عايز أقول مهاترات من البعض وقلة ذوق)
(أنظر في جدول "منتدى الحوار" تلقآ الدآ كتيييييييير،، مؤخرا)

[أبو أماني]

اقتباس:
المشاركة الأصلية كتبت بواسطة بابكر مخير
شروف الحبيب
قال ليك طفل من اهلنا الرباطاب واقف قدام بيتهم ويببببببببببببببببببكي، جآ ماري واحد وسأل الطفل عن سبب البكاء وأجابه الطفل أنه اخد علقة ساخنة من والده واستمر الرجل في السؤال والأسئلة، ود الرباطاب زهج وقرف فكان رده الاخير للرجل أنه سبب العلقة:
ياهو جنس دآ...
وأفتكر أنه باقي الاسماء لم تعد تكتب في الياهو جنس دآ..
دآ = البوستات البقت جمرآ للقاري وعسل للمتداخلين ومجال عرآك (ما عايز أقول مهاترات من البعض وقلة ذوق)
(أنظر في جدول "منتدى الحوار" تلقآ الدآ كتيييييييير،، مؤخرا)


[justify]

أخونا وأبونا وحبيبنا وتاج رأسنا والجيكس بتاعنا ظااااطو كمان !! والله مشتاق ليك مووووووت شفت كيف الحب أعمى وكمان بداقش ؟..بوستك..مش العلى الخد !..بوستك دا .. والله العظيم قمة الروعة ورجعنا لزمن ماشى وزمن جاي وزمن لسه .. رائيك شنو يا الحبيب بكل ما جبلت عليه من دبلوماسية وحب الآخرين لك تحاول المستحيل ترجع لينا الناس الغائبين ديل .. وتسترجع لينا حبة ضليل من الضل الوريف بتاع زمااااان في سودانيات ..(عله يكفينا شر هجير النظام المولع نار ده) !!! يا اخوانا المية يوم دي لسع ما تمت؟ شايف أول ردة فعل للبوست عودة زهرة سودانيات السمراء الرائعة .. بعد طول غيبة كمان ما تنسى صديقك اللدود .. مواطن .. هشومي .. لك صادق الحب ولأسرتك الكريمة صادق التحايا .. ويا الله تلمنا في ساعة خير.. يلا .. تشششاااووو
[/justify]

[عكــود]

سلام بيكو وأبوأماني،

عادتي أن لا أرد على التلفون عندما أكون في إجتماع، بل أتركه على الصامت، وأرجع للمتصل لاحقاً.
أمس وقع نظري على التلفون وهو يومض بإتصال. دون شعور ردّيت، فكان في الطرف الآخر هاشم طه. كعادته، يتصل بين فترة وأخرى للسلام والتواصل، وهو أفضل مني في ذلك.

أخدت التلفون وطلعت لإكمال المحادثة، بعد الإستئذان.

هاشم يا أحباب لا يتغيّر ولا يتبدّل!
الوفاء، هو .. هو
الأصالة، هي .. هي
السماحة، هي .. هي
والخلق الحسن.

يقريكم السلام أجمعين، وهو بخير وسعادة، ووليداته من نجاح إلى نجاح (ما شاء الله).

له المحبّة والدعوات الصادقة.

تسلم بيكو على البوست السمح بالحيل.

[الجيلى أحمد]

بابكر
عمنا أبشنب

كيفك يازول يانضيف

انت ومعاك عمنا شوقى عندكم لسه باقى كلام كتير,
عمنا شوقى زول نضام, لكن انت زول براك, كلامك قليل
لكن زى الرصاص..
التحايا لأعمامنا عصمت العالم, ورأفت, وحسن فرح, وفتحى حنفى

[همس الشوق]

ازيك يا جميل
بجد بوست جميل يوجع القلب

لكن حقيقي يااااااااااااااا حليل سودانيات لمن كانت مرفأ ومتكى
الواحد كان من الصباح بشرب كباية الشاي بتصفحه لسودانيات
كل ما يتمناها المرء لبادية يوم يجده في سودانيات

لكن ..
اليوم سودانيات أصبحت
دار للمعارك ويا فلان تعال طالعني
وزي ما بيقولوا اخوانا المصريين فرش ملاية وكلو يجب وسخ التاني
للأسف
الواحد بقى يخاف يدخل الصباح حتى ما يصدم بكلمات أو عبارات تعكر صفو يومه ... أصبح يخشى أن يرى قبيح الكلم وبزاءة الكيبورد....
ولسه ماشين في سكة عدم

[قوت القلوب]

الحصيف ابو الخير
الراقي الحساس

واهو ده الخلانا

نهج
وحاجات تانية
خالانييييييييييييييييييييي
ياخلانييييييييييييييييييي


لكن لابد
ان يزيل الغبار
وده الراجنه من
الاقلام القوية القديمة
والجديدة الشديدة
وبحكمة العمدة عكود
ومن يسانده
ربنا يثبت الخير في النفوس
ودام الود بين الجميع
الله يرحمك يا ابن عمي ود الحاج

[مرافي]

المشاركة الأصلية كتبت بواسطة قوت القلوب

الحصيف ابو الخير
الراقي الحساس

واهو ده الخلانا

نهج
وحاجات تانية
خالانييييييييييييييييييييي
ياخلانييييييييييييييييييي


لكن لابد
ان يزيل الغبار
وده الراجنه من
الاقلام القوية القديمة
والجديدة الشديدة
وبحكمة العمدة عكود
ومن يسانده
ربنا يثبت الخير في النفوس
ودام الود بين الجميع
الله يرحمك يا ابن عمي ود الحاج

ياقوتنا انتي من نعول عليهم لمد جسور المحبة فكتري الطلة
حبيبنا ود مخير بيكم كل الخير معاً لجعل سودانيات قوة جاذبة وليست طارده
وكلو بالحب فمنظومة سودانيات بُنيت على المحبة
والماعندو محبة ما عندو الحبه
عارف آفة سودانيات شنو..وبلواها التحزبات والترصد
زمان كنت اكتر من يدافع عن سودانيات بانها ليست ذات طابع شُللي بل قارده جناحا للجميع ..ولكن الآن وللاسف تغير الحال واضحت فئتين
متقاتلين بلا قتال..!!!
واخرى تسعى لجلب فتنة الاديان للمنتدى وبالها من فتنة...!!!
نسعى لايجاد قيمة الانسان بعيدا عن عرقه او دينه او حزبه
وسودانيات للجميع بكل ميولهم الحزبية
سودانيات للجميع بكل ميولهم واعتناقاتهم الدينية
ليتنا ندرك ان سودانيات تسع الجميع فقط اذا بذلنا المحبة في هذا المكان..
اشتقنا لبوستات الونسة والفرفشة والقفشات بدل هذه البوستات التي تعج خلافات
و(شتائم) وطالعني واطالعك..!!كل يريد ان ينتصر لذاته ..!!!!
ياجماعة المحبة عايزين المحبة وبس...(وش زعلان) وجداً
مودتي للجميع

[عزو الحاج]

حبيبنا وكبيرنا بابكر مخير لك التحية والود والاحترام اولا وكمية من الأشواق طالما ما زلنا عايشين ونفسنا طال لازم نقاوم كل الأشياء الما جميلة واكيد في الاخر بيظل الأفضل والارقي

[بابكر مخير]

أقلام لو سئلت أن تسطر لي حرفا!
لما إخترت غيرها
صادقة في قولها
ناعمة في تعابيرها
كريمة في إختيارها للحروف
شحيحة في صرف الشين من القول
بس بالله عليكم
ما فتحته بوست
لكن وجعة
والكلمات نطت من كيبوردي
تعبر عن دواخلي
ربنا يعدي الحال وما يبقى ضرب من المحال
وتعود الأقلام جارآ اصحابها
إثراء أكتر لسودانيات
وتعم الفرحة وروح التسامح والمغفرة
يديكم اللعافية وكتر الف خيركم




لاحظي يا عزو، الأيقونة الفي شمال البوكس صرفناها بكمية،،
كدآ وسط الجماعة مسموح ما فيها لا مسموح ولا دآك الممحوح