اقتباس:
المشاركة الأصلية كتبت بواسطة رأفت ميلاد
سلامات يا عبد الحكيم
البوست ما أظن يتحفظ بعد ستة مداخلات حسب اللوائح .. لكن أنبسطت لامن عرفتك مجلكن زينا خوفتنا ساى يا راجل وختيناك 
بمناسبة ورود أسمى أقول ياخ بصراحة مشكلتنا مع عادل عسوم ما بتتقرى فى نظرة عابرة .. فعلاً القارى (الجديد) بينزهل لامن يلقى ناس نازلين فى زول واحد بعنف وهو فى قمة التسامح ورقيق الكلام .. دى زى ما تلقى ليك زول مفتّل بدق ليهو فى ولد ضغير ولّ بتهجم على مرة مكسورة الجناح .. الزول بتشيلو الهاشمية وينصر الضعيف.
لكن براحة كده نفكر .. يعنى البروف قال ليك عمرو 70 وأنا 61 وباقى الشلة ما قصّر .. ليه من دون الناس مضادين عادل عسوم .. لازم يكون فى أسباب وجيهة أو نحن صعاليك أو ناقصين
ياخ .. وأنا أتكلم عن نفسى وعن غيرى .. طولة البال القابلنا بيها عادل عسوم بتحرشو فينا كانت سلبة لكن كل أول وليهو آخر .. الراجل ده حرضنا على نفسه رغم أنفنا .. لسعنا بلسانه المعسول بالسم حتى كاد أن يقفل هذا المنتدى فى يوم من الأيام .. بموافقة الجميع هو الشخص الوحيد الذى كونّت له لجنة محاسبة لتقييم عقوبته وكانت عاماً كاملاً رغم المناداة بفصله نهائياً .. وبعد عام عاد كأن ما حصل لم يحصل وواصل فى بث نيرانه
القصة يا عبد الحكيم تاريخ أسود فى سودانيات فما من المعقول تقول لىّ نجى نتسامر بت الحلال دى
أنشاء الله وقعت ليك مداخلتو الأخيرة التى (يبشع) فيها صورة حسن فرح الذى لا يستطيع يجاريه نفاق بنفاق .. أتمنى يا عبد الحكيم أن تكون النية السليمة هى وراء هذا البوست .. وحقيقةً أحسست بذلك من طلبك بحذف البوست .. وحدة حسن فرح معك رد فعل لأحساسه بأن البوست مؤامرة من مؤامرات عادل عسوم .. وهكذا أعتقدت أنا فى البداية
|
اصبحنا واصبح الملك لله
يااااالهذا ال( ليل ) الذي لاتؤمن بوائقه!
ماان ينام المرء ثم يصبح الا ويجد من يحيله الى ( ولد صغير ) و( امراة مكسورة الجناح ) و( تاريخه اسود ) و( محرضا على نفسه ) و( كاد ان يقفل هذا المنتدى ) و(تلويح بشئ مهول يراد للاعضاء الجدد ان يظنوها جنحة وجريمة حري بها ان يشنق لاجلها عادل عسوم ولان كتب يرد موضحا للناس لايلبث رده الا ان يحذف بدعوى انه خارج عن سياق البوست ) و( مبشع بحسن فرح حيث ينصب القائل لذلك نفسه فهامة يري الناس ماينبغي لهم ان يروه في كتابات عادل عسوم )!
ولكن لاباس...
لاباس طالما تريد ادارتنا التي ينتسب اليها كاتب هذه المداخلة ان تراها مداخلة ترسخ وتعضد المحبة والتسامح في سودانيات او انها محترمة وتحترم الاعضاء والقراء!
على كل حال لايسعني الا ان اقول:
لاحول ولاقوة الا بالله العظيم
ولاضير من اعدك يااخ عبد الحكيم والاحباب ان اسعى- بعد كل هذا القبح الذي اعتاد صاحبه ان لا يكتبه الا انصاص الليالي واواخره- الى المواصلة في تحبير ما يعزز المسامرة الكريمة التي ترومها هنا ياحبيب
مودتي اخ عبدالحكيم وكل حادب -حقا -على سودانيات المحبة والتواصل
