تـيه وإتـاكا .. ود الرضي ( الشاعر) !!! عبد الحكيم

نظرية المؤامرة !!! وجيدة

المسخوته !!! الفاتح

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 31-10-2022, 05:38 AM   #[166]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

العالم دا كلو ما نافع...
لا الخليج، لا العالم الاول، لا استراليا، وما تقول لي اليابان والشرق وغموض وبتاع..
كلو ما نافع..
.....
حلتنا بس..



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 05-11-2022, 12:00 AM   #[167]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

ليس هنالك علاقة بين التغيير الجذري والحرب الاهلية..
بل ان الحروبات القائمة الان سببها المظالم والفرز الطبقي الحاد،
وبسبب فشل الاحزاب القديمة من طرح برنامج سياسي واقتصادي يلبي وينسجم مع طموحات واماني واحلام الشعب،
الحل الجذري ببساطة هو تحطيم جهاز الدولة القديمة فكرا وممارسة، وقيام دولة الشعب والحرية والديمقراطية مكانها.. يتصدى لها نفس الشعب والطلائع التي لها مصلحة في انهاء احتكار النادي السياسي القديم، واحلال قوى مستنيرة مكانه من كل اهل البلد..
والتغيير الجذري هو القطيعة مع القديم بكل شخوصه قيادة وبرامج..
والدولة القديمة منذ الاستقلال اثبتت الايام فشلها بل ان البلد نفسها كفكرة وكذكرى وكوطن في مهب الريح،،
..
التغيير الجذري سلمي بطبعه وتكوينه لانه ينبع ويصب في الشخصية السودانية التي هي شخصية سلام بامتياز،
والله بكره الحرابة
والله بحب السلام..

..



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 05-11-2022, 05:27 PM   #[168]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي


يا عنكبة الحياة كلها مجاسفات..
وليكن استثمارنا في تعليم اولادنا تعليم جيد
الحياة صعبة يصحبي،
ونحن نكتفي من الغنيمة بالاياب،
وبيت واوسي اجمل سكن...
الليمونات مثمرات والنيم ضلو وصل الجيران،
وشجرة القرض امتدت ثمارها لدرجة ان ام اكبر دكتور في حلتنا بتاخد منها😂😂😂
..
ويبدو ان الطموح يتقهر كلما تقدمنا في العمر
زمان عاوزين نغترب لاوروبا وامريكا شوية اكتفينا بالخليج..
حلمنا ببيت في المدينة..
لاحقا
رجعنا لمحل دفنوا اهلنا زمان صرتنا
حنينا لمراتع الصبا، والدهشة الاولى..
والعريجة لمراحا
..



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 06-11-2022, 12:57 PM   #[169]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة عبدالمنعم الطيب حسن مشاهدة المشاركة

يا عنكبة الحياة كلها مجاسفات..
وليكن استثمارنا في تعليم اولادنا تعليم جيد
الحياة صعبة يصحبي،
ونحن نكتفي من الغنيمة بالاياب،
وبيت واوسي اجمل سكن...
الليمونات مثمرات والنيم ضلو وصل الجيران،
وشجرة القرض امتدت ثمارها لدرجة ان ام اكبر دكتور في حلتنا بتاخد منها😂😂😂
..
ويبدو ان الطموح يتقهر كلما تقدمنا في العمر
زمان عاوزين نغترب لاوروبا وامريكا شوية اكتفينا بالخليج..
حلمنا ببيت في المدينة..
لاحقا
رجعنا لمحل دفنوا اهلنا زمان صرتنا
حنينا لمراتع الصبا، والدهشة الاولى..
والعريجة لمراحا
..



عبد المنعم تحياتي و أشواقي



فوق المعني كدي هسي يعني العريجا رجعت لمراحها خلاص ؟؟



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 08-11-2022, 12:59 PM   #[170]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

اقتباس:
المشاركة الأصلية كتبت بواسطة ناصر يوسف مشاهدة المشاركة


عبد المنعم تحياتي و أشواقي



فوق المعني كدي هسي يعني العريجا رجعت لمراحها خلاص ؟؟
قَرَّبَتْ
....
لو القرار بيدي مطلوب، كنت من زمان اكون بجواركم في بلد الاحباب والصِحاب،
لكنها الظروف..
..
محمد صاحبك الذي قابلته وهو طفل ويحب الحيوانات، هسا بقى شاب على اعتاب الجامعة..
وفطومة اتفلهمت شديد وبقت تتكلم بالحروف،
وتترنم سرا، وترسم احيانا..
وعاوزين اجازة على الاقل في الحوش الكبير..



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 13-11-2022, 06:12 AM   #[171]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

هبطتُ الرياضَ، في خواتيم الالفية الثانية،
عقابيلها، وقد أزِفت..
مثلي مثل ملايين السودانيين الذين ضاقت بهم بلاد النيل والخير، ولكن ذلك موضوع آخر..
سرعان ما اكتشفت ان الرياض مدينة افقية..
تتمدد عمقاً وحوافاً، تتربع هنيئة وتستطيل طويلاً..
تيقنت سريعا، ان السيارة اصيلة في العمل وحتمية في الحركة، وليست ترفاً..
شرعت مباشرةً في التعلم، ودخلت مدرسة القيادة،القيادة الرشيدة..
شهر كامل كانت الفترة المقررة لي لاستلام الرخصة..
سرعان ما دعاني المعلم للاختبار النهائي بعد اسبوعين، ربما اقتنع كوني خلاص سواق ، نجحت طوالي..
واستلمت رخصتي المي خمج.. وكانت مدتها خمس سنوات، وكنت متيقن اني لن اجددها، خمس سنوات طويلة وكافية في تقديري وقتها، ولكني جددتها مرات ومرات..وبرضو دا موضوع آخر..
واشتريت كرسيدا بيضاء فخيمة موديل ٨٢، اشرف على تدريبي عمليا في الشوارع احد الاصدقاء، علمني ان اركز كل ٤ ثواني بالمرايا على السيارات التي خلفي،
ظللت بالاسابيع منهمك ومنهك، في متابعة السيارات التي تسير خلفي، ولكني على كل حال تشجعت وامتلكت ناصية الطريق، وفي طريقي ان اصبح سواقا محترفاً،
اكتشفت ان لا داعي على الاطلاق لمراقبة السيارات خلفي، ومفروض ارمي قدام بس،،
اركز امامي، وقبل الشروع في تنفيذ فكرتي الجديدة، سالت للاطمئنان احد غلاة السواقين، قالي لي فيما معناه:
لا تنظر للسيارات التي خلفك نهائيا،
ركز قدامك،، ولا تنظر في المرايات الجانبية على الاطلاق، الا في حالة تؤد ان تلف شمال ترمي الاشارة شمال وتنظر في المراية اليسار، وتلف بعد التاكد من ان شمالك لك،
لا سيارة في الافق القريب،
وكذا اليمين،
يلا بكتب الكلام دا للمتعلمين الجدد، ولكل من يطيل النظر في مراية الوسط واليمين واليسار بلا داع، قدام بس..
#درب_السلامة



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 14-11-2022, 05:36 AM   #[172]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

الكمبيوتر لغة اي وظيفة، والانجليزية لغة اي ترقي للوظيفة،
والسيارة تكسب زمنك، وبرضو جزء من عدة الشغل خاصة لمناديب المبيعات،
تصدق خلال العشرين سنة الفاتت،
كنت وما زلت احاول ان اتعلم مزيدا من اللغة، الحاجة لمن تكون داخلة في اكل العيش،
مكرها عليها لا بطل..
وتظل لغتنا بتاعة عمل ومكاتب،
حاولت مرة ان اقرأ رواية بالانجليزية،
ترجم لي محمد ولدي اللهو دارس في مدارس لغات ترجم لي العنوان،
وسالته في السطر الاول من ترجمة كلمتين والتاني تلاتة وهكذا
في السطر الخامس قالي: يابابا كدة مش حا نخلص
الرواية دي فيها مئات الصفحات..
😂😂😂😂
ر



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 15-11-2022, 04:48 PM   #[173]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي


مدربنا، المعلم بتاعنا، كان مصريا قحا، تنبأ لي باني لن اتعلم القيادة ابدا، ولا اشتغلت بيهو، دا اكل عيش يصحبي مافيهوش يمة ارحميني،
المهم هو نفسه اختاري من ضمن السواقين الذين انهوا التدريب قبل موعده باسبوعين وامتحنت سريعا، واثناء فترة الاسبوعين كان معي في نفس القروب سوداني لاحقا عرفت انه طبيب
المعلم بتاعنا سالني عن السكر والضغط، وقد اسهبت (كمثقف) كان يقرأ طبيبك الخاص،
وعطيته برنامج مشي وغذاءات وعييك،،
وكانت مهنتي وقتها (عامل عادي)
و معه صور الاقامات،
بعد كم يوم اكتشف انو السوداني المعاي التاني هو الطبيب وليس حضرتي،
وجاءني معاتبا وزعلان واضاف حتى مهنتك مش دكتور ولا فني حتى
عامل عادي..
لقد بالغت يا زوووول
..
😂😂😂



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 20-11-2022, 11:54 AM   #[174]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

ان تتزوج في قرى السودان، معاها تنجب في نفس السنة..
لو تاخرت ساعة، تبدا الاسئلة من المحبين، والاشفاق من العاديين، والشماتة من الحمقى
ساعة بس يا باشا..
البنات سألن عروسة من حلة مجاورة تزوجت من جارهن،
عقب عودتها من شهر التعسيلة مباشرة،
سألنها؟ عما اذا كانت قد حملت
حسمتهن: افترضن اني حملت في الاسبوع دا، اعرف كيف..
..
بت شفتة من حلتنا، عرست وكان متبقي على سفر زوجها ٥ أيام فقط..
يقال انها اتعالجت من الالتهابات مبكرة، قبل الدخول مشت للدكتور،
وحملت في الابعة ايام دي..
وقد كانت حكيمة زوجها سافر للطائف ولم يرجع الا والولد في المدرسة
..



التعديل الأخير تم بواسطة عبدالمنعم الطيب حسن ; 20-11-2022 الساعة 07:33 PM.
التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 23-11-2022, 08:19 AM   #[175]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

وكتابه ابداع ما بعده،
يكتب عن اي موضوع، فتحس انك امام فيلم سينمائي شفيف ومبهر، تصوير بالكلمات، والحروف نابضة تتحرك، وكل حرف ياخد تمام موقعو، وكل كلمة تنساب، وكل جملة تتماسك، لتصمد وتعيد القراءة وتنبهر وتسعد ويكون قد صنع لك طلال لحظات هنية، تدوم..
له قاموس خاص، وتراكيب للجمل مبهر ..
وبصمة تسعدك وتبقى..
كل الحب لهذا الفنان الانسان...
......
......


مداخلة في بوست عن الانسان والكاتب والسينمائي طلال عفيفي..



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 23-11-2022, 04:02 PM   #[176]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي

عينيك وحاتك غربتي واهلي ودياري الفيها ضائع لي زمن،
....
وتصبح اماني كسيرة في خاطر الحَنان
...
وكتبت ليك والله يا قمر الزمان
عشان جيتي في الزمن المحنة
وشفتا في عينيك حس اهلى القُدام
..
الشاعر صلاح حاج سعيد، والفنان مصطفى رفيق لجلينا وسلوى، وكان الزمن ترابيا، موحشا، ومكندك بالحريق،
طمّنا جيلنا وصبراهوا، وقالوا لينا انو الدنيا لسا بخشها ضؤ،
كانا رفيقا جيلنا في ازقة ستوتة والغاز قاطع والشاي والسكر والعدس، ولاحقا في مكة وشقة العتيبية، وساحة اسلام، وملقية،
وجئنا باشرطتنا لرياض الخير، بمصطفانا وصلاح حاج سعيدنا..
وكان الكست والمسجل رفيقنا طوال هذه الرحلة الجبلية، الرحلة الصعبة، كانا وما زالا
سلوانا ومبتغانا، وقد تباعدت المسافات واستطالت الغربة، ونهض الف باب..
واصبحت العودة لوطن النجوم مجرد حلم..
..
لصلاح حاج سعيد ولمصطفى سيد احمد
عالي الفراديس،
ولنا الحزن الطويل،



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 26-11-2022, 10:18 AM   #[177]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي


نحن لفوتة يا هندسة،
جيلنا اكتر جيل بتلفت، وقد ضاعت علينا سنوات خصيبة،، اضاعتها الغربة، والشتات.والتلفت. تخيل كل طلبة وطالبات المنصورة في البلد، ياخ كنا لساتنا نكون شباب،، الغربة تعجز وتعجز في بلدك غير من ان (تعجز وانت ضيف)
الجيل الحالي كسر اي مرايا واعتمد على مرايات داخلية، مرايات الروح والدم، فانتصر..
ولسا قدامو معارك الانتصار النهائي،
نحن نصفق ونساعد بالموية الباردة..



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 27-11-2022, 09:08 AM   #[178]
عبدالمنعم الطيب حسن
:: كــاتب نشــط::
الصورة الرمزية عبدالمنعم الطيب حسن
 
افتراضي


...
صحيح ابوي كان عندو بقر، وامي عندها غنم
مشهورات باللبن والسماحة...
مرة عبدالوهاب اخوي قال: غنم امي ديل احسن غنم في الحلة، بعد يومين ماتت غنماية، امي زعلت وقالت لعبدالوهاب سحرت الغنماية، تغرما!!!
وبخرت باقي الغنم
..
انا كمثقف كانت علاقتي متوترة بالبقر والغنم،
مرات في الخريف نحن الصبيان بنكش غنمنا ونمشي نسرح بيها في السكة مرة او مرتين في العام...
ولم اكن بارعا في حش القش، وما حلبت مرة غنماية، وحتى اللبن علاقتي به كانت معدومة اصلا..
ههه



التوقيع: الثورة مستمرة
و
سننتصر
عبدالمنعم الطيب حسن غير متصل   رد مع اقتباس
قديم 27-11-2022, 09:30 AM   #[179]
بابكر مخير
:: كــاتب نشــط::
الصورة الرمزية بابكر مخير
 
افتراضي

اقتباس:
المشاركة الأصلية كتبت بواسطة عبدالمنعم الطيب حسن مشاهدة المشاركة
نحاول رفع صورة ابوي


لقد نجحت في تحميل صورة ابوي
ياخ حاولت يمين يسار ظبطت
عليه الرحمة وكل المغفرة



التوقيع:
بابكر مخير غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 05:58 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.