اقتباس:
المشاركة الأصلية كتبت بواسطة حسين عبدالجليل
الرشيد :
مبروك و إن شاء الله عما قريب يشغلوك وليداتك بالإضافة ل أمهم , ولا نامت أعين الجبناء و الفلاسفة !
|
سحس يا
صاحبي كان بقول لي (انت قايل الغربة شنو؟ غير أتنين ساكنين سوا ويكضبوا علي بعض)
أها كلام صاحبي دا أنا ممكن أحورو ليك واقول (أنت قايل الزواج شنو؟ غير اتنين ساكنين سوا لكي يغتابوا الناس بالحلال)
حيث انه بعد اول ثلاثة شهور تتحول حياة الزوجين إلى روتين ممل لا يمكن كسره إلا بتناول شمارات الآخرين... ودائما ما تكون ليالي الأزواج معطرة بسيرة أحوال الآخرين... خصوصا عند العودة من مناسبة حزينة أو سعيدة، حينها ستكون هذه الليلة أمتع ليلة للزوجين... حيث نجد الحوار التالي متشابه في معظم البيوت:
الزوجة: يا اخوي قالوا علان نسيب فلان موضوعو استحمى..
الزوج: أيوة صاح، أخوهو فرتكان كلمني أنو موضوعو مستحمي من زمان، بس كانوا عاملين ليهو سيفون خاص لتصريف حمامه عشان ما تطلع في بلاعة الشارع...
الزوجة: لكن يا أخوي زوجتو ناكرة الحمام دا ... وقالت ابدا ما حصل زوجي موضوعو استحمى..
الزوج: قالوا علان داسي الحمام دا من مرتو، لأنو عندها حساسية من الحمامات...
الزوجة: يا سلاااام؟ أبوها فلان لمن موضوعو استحمى هي كانت كبيرة في الثانوية وما جاتها أيوووو شيء...
الزوج: قالوا الحساسية دي جاتها بعد ما استحم موضوع ابوها فلان...
الزوجة: وطيب مالوا فرتكان ما ساعد أخوهو علان، لو ما عندو بشكير كان يجيب ليهو أي جليبتو يتنشف بيها!
الزوج: فرتكان دا أكتر زول مقطع وما بساعد أهلو...
الزوجة: هو بصح زمان هناي شقيق مرتو لمن موضوعو استحمى، بدل ما يساعدو قام شغل ليهو الموتور عشان تزيد ليهو موية الحمام...
والخ الخ من نميمة وقطيعة وشمارات...
الزواج اصطلاحا معناه تحليل فعل النميمة بين المرأة والرجل...
إذا فليهنأ الفلاسفة الجبناء ورثة الجنان في الحياة الآخرى
الذين استبدلوا الحياة الدنيا بالحياة الآخرة