من ذاكرة المدمرق !!! النور يوسف محمد

اوبريتـــات سودانيـــة (اوبريت) !!! عبد الحكيم

هَكَذَا يَمْضِي الغفاريون نَحْوَ الله: في رحيل مظفر النواب !!! عبد الله جعفر

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 28-01-2022, 08:43 PM   #[1]
علي الشيخ الحنين
:: كــاتب جديـــد ::
 
افتراضي و رحل بشير عباس،،،،،،

*بي 📝الحنين،،،،،*
*د. علي الشيخ ،،،،*

*رحل بشير عباس،،،، ،،*
زول بعرف المزاج السوداني،، ،،، بروقوه ،،،،،، و بعدلوهو،،،،،
اكتر زول نقرش على أوتار العود،،،، و نقرش اعصابنا معاهو،،،،، و ريحها،،،،
اطربنا،،،، وغنينا ،،،، و رقصنا،،،. علي ترانيم الحانه،،، و بالدس سلام لي الحان،،،،
بشير عباس،،،،، ما زول نضم،.َ،، ما بحب الكلام الكتير،، في فهمه حروف الكلام تنزل على الاوتار،،، نغم،،، و فهم و تجاسيد مرحي ،،،
بشير عباس،،. حاولنا نديه من حقه،،، و عكسنا التيار من خلال قروبات رومانيا بأن نحتفي به و هو بيننا و معنا،،،، و كتبنا للتاريخ ذلك،،،،
ودي من أجمل و أنبل المعاني في رد الدين للناس المبدعين في بلادي،،،،
كتب علينا أن نحتفي بهم بعد ان يغادورا محطة الحياة،،، و متى ما ينعي الناعي نباء وفاتهم،،، تتهافت المحطات الفضائية،،، في بث إنتاجهم،،، ،، و نكتب نحن عنهم،،،
*أين كناء،،،*🤔
دي عادتنا،،،، َ و ما بنخليها،،،
المهم نتذكرهم،،،،
بشير عباس،،،،
انا لا بقدر،،،،
لا بعرف اكتب عنه،،،
زي لمن تقول لي يا *علي الشيخ*،،، ،،
اكتب لينا عن الحضارة،،،
و اكتب لينا عن التاريخ،،
و اكتب لينا عن الوجدان،،،
و عن المزاج السوداني،،، واكتب لينا عن السودان القديم و السودان الكبير،،، وكت كان السودان من نمولي لي حلفا،،،
زمن بشير عباس ،،،، بلحن
و هو مستمع بي أجواء نمولي و جوبا و،،، واو،،،،
احداثيات الخريطه ما بالضروره تكون أرقام او مسطره و قلم،،، دي اختزلها بشير عباس في نغم،،،
و لحن ،،، خلانا نرقص و نغني و نتمايل،، ،،،،
*عيبنا نحن السودانين،،، ما بنعرف نسوق بضاعتنا*،،،، ما بنعرف نقول نحن،،،
نحن و الخجل اخوان،،،،
بس ما مسلمين،،،، 😀😀😀😀 بس بالرضاعه،،، الخجل كاسينا،،، نحن مساكين ،،، سااااااي ،،،
ما عزني،،،،
خبر النعي في قناة العربية،،،
*وفاة الموسيقار العالمي السوداني بشير عباس*
بالله شوفوا،،،، خبر قد نكون في حوجه له برغم جراحات الوطن الان،،، انه في موسيقار سوداني عالمي توفي،،، ما بأيدينا الا الدعاء له بالرحمه و المغفره و الصبر لأهله و أحبابه،،،
لكن كونك تشوف خبر زي ده،،، بدينا احساس و لون انه السودان ده ضيعوهو أولاده،،،
للأسف،،، كان بيننا،،، و رحل مننا،،،
بشير عباس،،،، موهبة فطريه،،، كنز من كنوز الدنيا،،. لم نفلح بالحوار معه،،، و في كيفية وضع الحان لأصعب الجمل الموسيقيه،،، و في كيفية تفرده في العزف علي الة العود،،،
تعاملنا معه ببساطه كعادتنا،،.
و ياليته كان من جنسيات دول أخرى،،، بكل تأكيد كانت وجدت له من المكانه ما فشلنا نحن فيه،،.
لا نرجع و نقول نحن طيبين و سودانيين،،،
دي الضيعتنا و ضيعت معاها حاجات كتيره،،،
رحل بشير عباس،،،
رحل مطمئنا،،،
رحل و ترك أجمل الوصايا لنا،، يا ليتنا نعي الدرس،،،
في الامنيات و الخاطر،،.
أن يأتي جيل،، يبحث و ينقب في هذا الجبل الاشم،،. في هذا الذهب ،،، في هذا التاريخ،،، فهي اطروحات،،، وهي مادة دسمه للدراسه،، ،،
يمكن أن يسامحنا الزمن،، ،،، إذا روينا ما زرعه بشير عباس من ألحان،،،، فهي بيننا،،،، و مننا،،، و فينا،،،.
و في ألحان تاني،،،، دي بعرفوها ناس رومانيا،،،،

للاسرة و للأهل بالحلفايا
ندعو لكم بالصبر،،،،
و للموسيقيين سيظل الفراق واسع و المسافه بعيده،،،،
و نحن ندعو له بالرحمه و المغفره،،، ،،،

خاطره،،، تذكرت فيها،،، رجعنالك،،،
و كنوز محبه،،،،
و مشوار،،،، و يا سهارا ،،، و الشال قلبي و سلا،،،، و حبو زي النيل،،،
و أمير الناس و طائر الهوى،،
و بلادي يا سنا الفجر،،،،.
و كتير من مثير،،،
اصعب حاجه في الدنيا دي انك تخلي وصية للناس البعدك،،،،
بشير عباس كان بحب الحلفايا و ناسها و كان بحب السودان،،،،،
والكلام ده
تجسد في مقطوعاته الموسيقيه،،،،
*هي سيرة الإبداع،،،، كانت و ستظل تدفق كل ماهو جميل،،،* وستظل الحان بشير عباس موجوده بيننا،،،
دي جمله بعربوها ناس رومانيا،،،

*د. علي الشيخ*
*الحنين*
*امدرمان*
*٢٨ يناير ٢٠٢٢*



علي الشيخ الحنين غير متصل   رد مع اقتباس
قديم 29-01-2022, 10:58 AM   #[2]
عكــود
Administrator
الصورة الرمزية عكــود
 
افتراضي

رحم الله الإنسان الفنان المبدع بشير عباس
فقد كبيرعلى أسرته ومحبيه وقبيلة الموسيقيين والفنانين داخل وخارج السودان

التعازي موصولة لزميلة المنتدى الأخت ألحان بشير عباس وعموم أسرته وآل بشير نصر نصر داخل وخارج السودان ولأهل الحلفايا قاطبة

إنا لله وإنا إليه راجعون ولا حول ولا قوة إلا بالله



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 29-01-2022, 05:28 PM   #[3]
أبو جعفر
:: كــاتب نشــط::
الصورة الرمزية أبو جعفر
 
افتراضي


مشكور د. علي ورحم الله بشير عباس

وبعيداً عن الفن الذي أتحفنا فيه بالرائع والجميل ... كانت صلتي به تكمن في تدينه البسيط الذي يعكس حضارة كوشية عمرها 7 ألف سنة تؤمن بالإشارات وعالم النفحات بلسان المتصوفة ... فما أبدعه وهو يحكي عن من سبقوه بالرحيل عن عالمنا من زملاءه من الفنانين ... وأسأل الله أن يتغمده برحمته التي وسعت كل شيء.







التوقيع:
مسك العصا من النصف لا يوصلها إلى رأس الحية
آفة الرأي الهوى
أبو جعفر غير متصل   رد مع اقتباس
قديم 31-01-2022, 01:42 AM   #[4]
عبد المنعم حضيري
:: كــاتب نشــط::
الصورة الرمزية عبد المنعم حضيري
 
افتراضي

اقتباس:
المشاركة الأصلية كتبت بواسطة عكــود مشاهدة المشاركة
رحم الله الإنسان الفنان المبدع بشير عباس
فقد كبيرعلى أسرته ومحبيه وقبيلة الموسيقيين والفنانين داخل وخارج السودان

التعازي موصولة لزميلة المنتدى الأخت ألحان بشير عباس وعموم أسرته وآل بشير نصر نصر داخل وخارج السودان ولأهل الحلفايا قاطبة

إنا لله وإنا إليه راجعون ولا حول ولا قوة إلا بالله


يا ترى حجبوك عن عيني ليه
رحم الله بشير عباس

شكرا دكتور علي



التوقيع: إذا فتحت ابواب خير فأقبلوا

موائد أهل الله خير الموائد
عبد المنعم حضيري غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:40 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.