اقتباس:
المشاركة الأصلية كتبت بواسطة أمين محمد سليمان
سلام يا عبد الله و لعلك بخير ياخي إنت عندك مقدرة فذة جدا على الفهم الغلط بخلي النقاش معاك صعب جدا، و شايفك لسه شايل غباينك و مراراتك و حايم، و في بوست بكة جيت طاعنتني بالكلام و أنا جليتك تماما .
فياخي والله - و الحلف بالله ما خلى شي - ما عندي أي مانع تشوفني bully، متضخم الذات و بحاول أظهر التفوق و باقي تحليلاتك السطحية دي، بس سألتك بالذي سواك أبعد مني ياخي لاني بالجد ما فاضي ليك !!
والسلام ختام
|
و عليكم السلام يا بروف أمين
طبعاً يا دابي لاحظت لي مداخله امال..أصلو في بعض المدخلات بقيت البس منها نظارة شمس بعيد عنك...غايته سوأً تعليقك أو غمزها فوق إن دل يدل على أن إبن موسى نادراً ما ينطق عن هواه والحمدلله.. أهو هي برضة مرة ختيت ليها مرآه صغيرة أمامها انتفخت و قالت نفس كلامك دة بالحرف...زمان لمن قلنا "Birds of a feather, flock together" الواحد كان عارف بقول إيه.
طبعاً اجابتك فوق تبرئني من سوء الظن الذي رميتني به تماماً والحمدلله...كان ممكن أن أبريء نفسي بالمنطق لكن جزاكم الله خيراً أهو جات منك جاهزة.
1- إذا كان على بوست بابكر عباس، قلتة لي طاعنتك و جليتني ، كمان خيال واسع يا بروف
؟؟ .. راجع البوست المعني شوف كلامك القلتة إذا كان في إختلاف بينة و بين كلام 4 متداخلين على الأقل ممكن تقول عبدالله كان قاصدني، و فيهم من تداخلت معهم و كانوا راقيين جداً في ردهم..مافي واحد افتكره" مطاعنة" لأنه أنا اتحدث عن مدارس لا اتحدث عن أفراد يا سيد، إنته كلامك كان بعبر عن فقه مدرسة كاملة يحمله من تأثر بفكرها كالأسفار، مافي حاجة ضفتها من عندك عشان نقول ده كلام أمين و ننتقدك فيو، فحق عليك وصف "حامل البطحة" في تلك.
2- الزول الما عارف معنى " Shoot first, aim last" "إطلاق الرصاص قبل معرفة الهدف"...أهو دة مثال لها...
مثلاً تفتح بوست طويل عريض "تقول فلان إلى المزبلة" لماً تروق المنقة تلقى إنه دة كان تسرع و طيش فقط، برضه تدخل مع إنسان لا تعرفة أصلاً في إساءة و ترميه بكل ما يمكن أن ترميه به و هلم جرا من فارغة يحسدك عليها أكبر "Bully" في سنة خامسة ثم تقول
اقتباس:
المشاركة الأصلية كتبت بواسطة أمين محمد سليمان
بالنسبة للموضوع التاني، رخيت منو لاني لمن دخلت فيهو كان بصدفة بحتة و بعداك واصلت for the fun of it و ما كان عندي خلفيات عن أي شئ، رخيت لاني لقيت المسألة ما مستاهلة .
|
دة أكثر كلام مهذب ممكن أن أصفه به هو "Bullying" و تسرع يصل لحد الهبالة.
3- أما تضخم الذات...أنا قلت أن كل برج الحمل لديهم مسألة تضخم الذات متفاوتة، و مالو ياخي أنا ذاتي عندي حبة تضخم ذات بيني و بينك، لكن بشبعة في نواحي ذاتية نادراً ما تخرج بسلبية إلا أهو في حالات دفاعية أحياناً بنجيبة نوقف بيها إنسان في حده. فدي برضه حاجة ما تستحق ال "overreaction" الفي ردك دة...أهو ياهو ده ذاته تضخم الذات الكعب
أما أبعد منك دي فأنا احرص عليها منك شكراً للتذكير، و أتذكر أن في أول مداخلة لي معك رجوتك أن تبتعد عني تماماً و كررت الطلب لكن الموضوع زي ما قلتة كان بالنسبة لك لعب و ضحك "for the fun of it".
ما زلت على حرصي و برضه والله ما فاضي لكن مرة مرة, في قمراً أزرق
اسمح لي أجي أدقل بيك شوية كدة على قول شليل...برضه "for the fun of it"
.
أصله ما بتحبوا المرايات
عذراً و إحترام لصاحب البوست و الكرام ضيوفه....اعتبروها نوع من تسخين الكرسي "Spice up" للمحتفى به
تحياتي
-
