المسخوته

[الفاتح]

المشاركة الأصلية كتبت بواسطة بابكر مخير

قالوا جدن لينا من هناك.. ما من دار صباح. سأل الوليد الشغلهو معاهو جديد في سعاية الألبي، عن إسمهو.. قال ليهو (إساقا) أباي..
أها جدنا كل ما يشوف ينادي الوليد يقول ليهو: يا هارون..
الوليد براحة وبي أدب أهلي الغرابة، هامسا يقول ليهو: إساقا..
أها تانيتن أول ما يدور جدنا ينادي الوليد برضهو ما يقول ليهو. إلا ياهو: هارون..
الولد المرة دي وبي زعلة قال: إساقا يا أباي..
اه الجد قال ليهو: هارون ما أخير ليك من إساقا
دحن يابا
شليل ما كانت حلوة وخفيفة ظل ودم..
الفاتح الحبيب
يا أخي حمد لله على السلامة وعقبال ناس كيشو كمان

أبانا الذي في سماء سودانيات ، كيفنك يا الحبيب لعلك طيب ، إشتقت ليك ولكلماتك الطيبة ، ولرفاقة الحوش ده.. بتمناكم نصاح وطيبين

[الفاتح]

المشاركة الأصلية كتبت بواسطة أزهري سيف الدين

جنس الكتابة الطاعمة دي المخليانا نتاوق بي جاي كل كم يوم

شكراً يا بنج

أبو الزهور إزيك.. الشوق كيمان يا الحبيب والله ..
أخوك بيتاوق من وكت لآخر ، نفس الخصايص البيتميز بيها المنتدى ده عن سابقاتو موجوده .. الله يديم الموده

[الفاتح]

المشاركة الأصلية كتبت بواسطة ناصر يوسف

صور مشهدية متنافرة و متحاوره و متلااااااااااصقة و مترادفة



يا بنج



مي تيييييييييييي ششششششششششششششش ك ظاتو ياخ



ثم إنو بوست يجيب كراع كي بوردك هني و يجيب معاه أبشلاليف الجيلي و أزهري سيف الدين و أمير الامين و يمرق العمدة عكود من جحره و كبارنا عمنا بابكر مخير و حسن فرح



ياخي ده بوست بيعمل للواحد ( عُشراااااااااااقة ) بــــــــس



أحبكم ياخ و بالله قرض لي علي مفحضة حبوبتنا دي و كتر لينا من هكذا حكي باتع ياخ

أبو رحيق ، الإنسان الفنان .. أول شي مبروك الفيلم يا صاحب ، ياها زي النجاحات دي البتدينا طاقات إيجابية .. تستاهل كل السمح يا صاحب .. تانيا مشتاقين للدين والله ، لعلك طيب

[عكــود]

المشاركة الأصلية كتبت بواسطة الفاتح

مساء الخير يا الأمير : بصوت عبله الشيخ
الشوق من حاصف والله ، إلا رتم اليومي ، والواقع السياسي اللي ألقى بضوءه على حياتنا كتًف حيل الكتابة وخلانا كل فرده من بلد خارج حدود المليون ويل مربع ..
كيفنكم آناس ، لعلكم شداد ولضاض

قلت لي بصوت منو؟
عبلة وللا عابدة!

عزال يا هوني

[الفاتح]

المشاركة الأصلية كتبت بواسطة عكــود

قلت لي بصوت منو؟
عبلة وللا عابدة!

عزال يا هوني

عبله دي جات من وين ..
كيفنك يا عمده

[وجيده]

المشاركة الأصلية كتبت بواسطة الفاتح

تشبهي:

* بداية الشهر.. ملئ بالديون الهالكة، والخضروات المجمدة، والفواكه الإستوائية..

*دهشة وداعية، إنكفأن كل ودعاتها دفعة واحده فلم تنبس ببنت شفه.

*القبلي وهو يغمز بنصف عين في سماء ملبدة بوعود رماديه ونجوم شاردة.

*شحوب وجه جدتي وهي تعبث بمحفضتها التي تتدلى من تحت تنورتها حين تكتشف أن تلك العملات معدنية لن تجد لها مكانا في درج بتاع الدكان الملئ برزم ورقيه ، والحصن الحصين ، وتعويذات لجلب الفأل الحسن

*إبتسامة عيال شمس وهم يظفرون ب كرته عظيمة في إحدى ضواحي العاصمة المتخمه بالمال السايب.

*مزيره نديه تتكوم على شارع يحترق سكانه من جحيم الإيجارات.

* أوراق بنكنوت بأرقام متسلسله يسهل تتبعها.

* نرد لا يكف عن الدوران مثل مجذوب تعلق بإله ، وحين يتوقف عن الدوران يجيب يك.

* أحجيه تناقلتها الأجيال فتكور كرشها، وأسقطت مولودها على إسبوعه الرابع .

*طبشورات ملونه ترسم شمسا زي شعر منكش وقارب يتمطى في خد النيل.
*صوت كنداكه نسيت صوتها في المواكب فتحولت إلى هيئة قمريه لتقوقي لحبيبها الذي كان يقوقي بدوره لقونه في حفلة صاخبة الارداف.

*كيسا من الأندومي زي أحرف هيروغلوفية وعلامات تعجب

* جغجيغ حله عزابه ، متعجله، ودسمه

وأشبه ب :
*رسالة وتسب محذوفة للجميع.

جميلة عفويه الحرف

[ناصر يوسف]

المشاركة الأصلية كتبت بواسطة الفاتح

أبو رحيق ، الإنسان الفنان .. أول شي مبروك الفيلم يا صاحب ، ياها زي النجاحات دي البتدينا طاقات إيجابية .. تستاهل كل السمح يا صاحب .. تانيا مشتاقين للدين والله ، لعلك طيب

تسلم يا بنج


تعال واصل كُب الحكي الطاعم ده هنا ياخ

[الفاتح]

المشاركة الأصلية كتبت بواسطة وجيده

جميلة عفويه الحرف

تسلمي يا وجيده