كــولاچ ...

[سمراء]

اقتباس:
المشاركة الأصلية كتبت بواسطة أشتر
الباذخة دي قلبها شغّلتو طرمبة قالت هعهعهعهعهعهعهع

وبعد مرات هبابة
لمن الواطة تسخن ...

[أشتر]

المشاركة الأصلية كتبت بواسطة سمراء

النبى يا اشتر سلفنى التلاتة نقط ديل ياخ !!
الله يعلم مغرووووضة فيهن جنس قروووض ماتتخيلو
دايرة احكى لى نكته حناكيش وماعارفة القاهن وين لمزيد من التصوير !!

والله هن ما ينفعن إلا للحناكيش ..
لكن مع كمبيوتراتكم دي طريقة حنكشة مافي ليكن ...
الله يعلم الحنكوش كمبيوتري دا من شكلو ...
ناهيك عن اسرارو ال في ازرارو ...
ماكينتوش يا بت ...
رقيق جنس رقة

[فيصل سعد]

المشاركة الأصلية كتبت بواسطة سمراء

ديل جت ليك براااك اتا بس يافيصلنا

و دي ليك انت اكسكلوزف يا مرهفة الحواس
و زعيمة الخرمجة الحسنة كما قال كومنداننا النور ليلتئذ

http://www.youtube.com/watch?v=1zRKQ...eature=related

[أشتر]

المشاركة الأصلية كتبت بواسطة سمراء

وبعد مرات هبابة
لمن الواطة تسخن ...

لكن ردك بتاع الشاسيه مبالغة ..
ياخ قعدت اضحك ستة ساعات ..
عايني
صلاة العشاء باقي ليها تلاتة دقائق وإن باريتك ياني المجليها ..
قومي إلى هبابتك يرحمك الله ...

[جيجي]

فيها تراويح
ولا لسه

[سمراء]

اقتباس:
المشاركة الأصلية كتبت بواسطة فيصل سعد

و دي ليك انت اكسكلوزف يا مرهفة الحواس
و زعيمة الخرمجة الحسنة كما قال كومنداننا النور ليلتئذ

والله ليلتئذ كانت من احلى الليالى وانت بدرها
شفتة كيف الكلام الحلو ده ..اكسكلوزف برضو ليك ..اها
المافى شنو يابازخ
شوكرن ياخ لمن تصبح عندكم

[رأفت ميلاد]

المشاركة الأصلية كتبت بواسطة أشتر
المسألة يا حبيب مسألة أغنية سادت ثم نامت ..
أها يقوم يجي واحد زي حامد اب سبح يصحيها من ثُباتا ..
وأكيييييد ماب تصحى بكامل الأبهة والجنتلة ... بتحصل فروقات آيوا لكن ما لدرجة يشيلا حمار النوم ..
لو ما فيها آثار نعاس بتكون فيها شخشخة ...
صوت فارق .. رتم مِنشّز .. أوتار مرخية .. وبنقز مِتختخ ...
يا أستاذ ياخ لا الألحان ولا الايقاع بنقدر نظبط رتمو .. ولا الأيادي البتجلد في الجلد دا خِبيت وطربقة ...
مفهومك إتا بكون مقرّط على موجة واحدة .. واحنا الحمدلله إضنينا ديل فاتحين إنداية عديل كدا وعندنا القبول مستعد في أحلك الأغنيات علا براااها تابى تخش ...
الربوب بنسمعو والمزيكا الراقية ما مقصرين فيها وزاحمناكم في الروّاد سمع واحتكاك ...
وحامد دا من الجيل التالت منكم ولى جاي .. ونقرشتو دي عليك الله أقعد اسمعا برواقة كدا
فاااا مت لوم الزول ساكت وأهو طارق صديق ادتو احساس الليل وبراك عارف سخانة المملكة ..
سمعك ليها الكل يوم دا خرب عليك متعة التجديد .. الغير مقبول لأندادك كلهم ..
غايتو أنا عشت معاها بأجمل ما يكون الاحساس تجاه مؤدي حاول يمرق بالاعتيادية لحتة تخصنا ...
وقد هبشنا ...
وإتا لو ما هبشك ما ضراك ..
إذن خلينا نستمتع بوكتنا وإتا لو مستمتع بوكتك الله يسهّلا علينا وعليك ...
حسي لو قتا لحامد دا غنيها لي في حفلة قطع شك ما حتكون بنفس النقرشة دي ..
ياخ اتخيّل حامد قاعد وقدامو حاجة ... حاجة كدا تفتح ليك أفق مضلّم تقدر من خلالو تشوف بارقة أمل في شكل شمعة وشاموه أحمر ...
وسّع لينا خيالك حبببببة بس واظبط اضانك على كدا ...
حتشوف ذات الرداء الأسود الذي يصلح لفراشة تتسنكح قدامك
المسألة وما فيها احساس ذاتي ممكن جدا تغتس حجر زول تاني وممكن لأ بكليمات زي حقاتك ديل ..
عافي ليك والله .. وشديد ..
من غير ما أقول عفوي ورضاي لاحقك ...
فـ إن مافي فايدة ادينا خيرك على الأقل ...
وشكرن ...

نص الرد هنا
[rams]http://www.sudanyat.org/upload/uploads/9MM.mp3[/rams]
والنص التانى .. الأغنية دى ما سادت ثم نامت .. أنت النايم فى العسل .. ومنو القال ليك نحن مقاطعين التجديد
ده سيدا
[rams]http://www.sudanyat.org/upload/uploads/as7ar1.MP3[/rams]
وهاك التجديد ده

[rams]http://www.sudanyat.org/upload/uploads/asrar-As7aar1.mp3[/rams]


موش جايب لى أبو سبح بيظبط فى العود قوم لف

[أشتر]

المشاركة الأصلية كتبت بواسطة رأفت ميلاد

نص الرد هنا
[rams]http://www.sudanyat.org/upload/uploads/9MM.mp3[/rams]
عمليتك ما ظريفة وجبخانتك فشنك ..
موش جايب لى أبو سبح بيظبط فى العود قوم لف

ألف دي بالفا ؟؟؟
بيظبط في العود ؟؟ اييييك ساي !!!
عود عراقي ولّ عود صندل يا جميل ؟؟؟
أرجع السمع كرّتين ... أو كروريات كتييييرة يا معلم وسلسلو لامن تبعزقو ..
أها شفتا مشيت وجيت كارّي سيد الشي .. القتا ليك عليهو قبييييل .. ودي في حد ذاتا تشبث بالموقف الذي ذكرته لسيادتكم من قبل .. وجبتا لي اسمها منو ديك !!!! أسرار .. يا ويحي !!!
ياخ الأغنية دي فيها من الوقار والتهذيب والتفاني والسمو واحترام الآخر لدرجة ما قادر يعلّي صوتو قدام الشخص المعني بالكلمات والتي مطلعها أنا في شخصك بحترم أشخاص ناهيك عن احترامو الخاص .. احييييي انا ياخ ...
خطاب من النوعية دي ما بقبل أي تون عالي أو حاد وإلّا فقد احترام لو طلع بأيّ شكل من الأشكال خلاف (قرار) الصوت ...
ربنا قال لينا اتفاهمو معاهم براحة براحة واخفض لهما جناح الذل من الرحمة تفتكر عشان شنو ؟؟؟
تجي اسرار تملانا كواريك وصخب وجوطة وحلقمة لامن قرّبت تقدهن في حتات كدا !!!
الأغنية محتاجة حرص في التعامل أو قول زي الداير تغسل ليك كباية شب رقيقة الكثافة في حوض سيراميك .. أبسط تشنج بمرقك من الموضوع على الرغم من وجود شكوى وبث وحايح .. لكنها جات على قلبو زي العسل ...
هو شنو غير النقرشة دي الطلْعت عين الواحد وزادت الكلمات إحترام ؟؟؟
تحس بيهو موطي صوتو وطبعا زول زي دا براحة ممكن يبطحك أرضاً من أدبو ... مرمطة بفهم يعني ...
حسي عليك الله لامن أسمع حلقمة أسرار دي موش بتطير الرحمة من الأغنية كلها بموسيقى حادة أكتر من اللازم وآلات نفخ سيطرت على الأغنية حتى كدت أرى شلاضيم العازفين منتفخة كقربة أعياها الإمتلاء .. بالاضافة للاورج الطفّش علينا الهدوء من دخل في الغنا بصورة أساسية وقام دفر ليك الكمنجات والاوكورديون وقعد يكورك هو لامن جاب لينا العصبي والأعور ذاتو طبظو ...
البتاعة دي دايره مًسًارقة .. ودي تحمد الله كبّتا لينا غير جاطتنا ومشت ما فهمنا شي بالرغم من محاولاتها الفاشلة في الرخيان حبة ...
في أغنيات بالعود أحلى بكتير من الأورغنز الفلّست طبلة سمعنا !!! وفي نماذج كتيرة جدا للمسألة دي ما داير اجيبا ليك هنا ...
هو سيدا ذاتو غناها براااااحة وكما يجب .. لأنو مضمون الرسالة أساساً محتاج كدا .. وأب سبح ما مشى بعيد عن الفكرة .. لكن اختلاف الآلة المعزوف عليها أحيانا بفرض نفسو وطبيعة الصوت .. وما باقي ليهو إلا يقعد في واطاتو دي عشان يوصّل حتّة الاحترام دي في أجمل صورة ممكنة . وما مهم يجيب اللحن بضبانتو أو من النوتة ... دي بتكون (مسحة) كدا على خفيف يوريك دي ياتو أغنية .. والباقي اجتهاد صوتي مصاحب يربطك بالحن والروح عشان تبقى المسألة في النهاااااااية ثلاثية يُشق لها ستار وضلوع كمان بين وتر وصوت وروح .. يا مرقتك لى بر آمن ودا احتمال ضعيف .. يا غتّستك في نشوة ما يعلم بيها إلّا الله ...
وزي ما .. ياما في الجمال (أسرار) كمان برضو ياما في السمع أضرار !!!
عليك الله عاين للبيت دا .. هكذا الاشواق تسمو بالعشاق
امبارح القريييبة دي نزلت حاجة مسموعة قريبة من كدا في بوست اسكابشنوز فيها شبه شديد لامن قلت ليها خلي الشوق يحترم أنفاسو .. ونفسي ... أو زي شدرة صندل يعطر فاسو فـي قليب ناسو .. الشوق لو ما هذّب احساس الزولــــ .. الفايدة شنو ؟؟؟؟ الشوق لو ما خلاك مليان بى زولـــــــ .. الشايلو منو ؟؟؟ الشوق لو ما طلّع عينك قدام عينيكـــــ .. الشايفو شنو ؟؟؟ طيب ممكن تديني شوية أنفاس .. اخخخخخخ يشيلوها كيف دي !!!!!!!!!

تصدق بعد سجّلت الرد غيرت رايي في مداخلتك الأولى .. تقوم تجي ترد علي بصوتيات ..
توارد لذيذ والله ..
بخليك أقرب للنفس وأعمق ...
وتاني لامن تسمع حاجة ما تحاول تربطا بسمع سابق عشان المسألة دي بتخليك تركّز على المقارنة أكتر من المتعة الوكتية للسمع .. وكان لقيتو شطح أوي تعمل استوب وتشوف غيرو ...
أرقد هبطرش أنا فصيح ونصيح ...

[بدور التركي]

كل سنة وانت طيب يا محمد
رمضان كريم
تصوم وتفطر على خير
دعواتك

[محمد فرح]

فعلاً أسرار صوتها حاد شديد يااشتر
غايتو (أنا في شخصك بحترم أشخاص) ماريحتني إلا عند سميرة دنيا
الزوله دي مبالغ فيها