عليك السلام،

[imported_تماضر حمزة]

المشاركة الأصلية كتبت بواسطة هاشم أحمد خلف الله

سلام يغشاك وتبقى الدنيا فيها عٌمر عشان نقراءك ونسعد نحنا نبقى معاك
ونستلهم معاني الحكمة من مغناك ونيقى معاك ندور في مداك نستنشق رحيق
الريدة من جواك نسامر في نجوم الليل اكان نقدر نطولو علاك
تماضر عارفة إنك بتخربي في طبعنا الشين وبتزيد الوجع لمتين ؟؟
انا اشك في إنك تكتبي بحبر مسحور

سلام يبراك
يباركك بالعديل والزين
وقدر ماتشيلك الخطوات
إشيلك شوق معاهو حنين
وقدر ماتفوت تباري خُطاك
تدي هواك حنينو لمين؟
تدّي غناك شذى الياسمين
يرجع في حِداك مهموم
هناك بيشيلو ضي العين،
هناك بتوسّد الرمشين،
يغروّد في المحبّة سنين،

[imported_هاشم أحمد خلف الله]

المشاركة الأصلية كتبت بواسطة تماضر حمزة

سلام يبراك
يباركك بالعديل والزين
وقدر ماتشيلك الخطوات
إشيلك شوق معاهو حنين
وقدر ماتفوت تباري خُطاك
تدي هواك حنينو لمين؟
تدّي غناك شذى الياسمين
يرجع في حِداك مهموم
هناك بيشيلو ضي العين،
هناك بتوسّد الرمشين،
يغروّد في المحبّة سنين،

سلام يا السمحة مشتاقين
نفتش فيك عاد لمتين ؟؟
قدر ما نقول نفوت نرحل
يغالب فينا دمع العين
ونرجع تاني من اول
نرجاك بالعديل والزين
واشوفك يا نايرة الخدين
جمالك ما بختلفو فيو اتنين

[imported_تماضر حمزة]

المشاركة الأصلية كتبت بواسطة هاشم أحمد خلف الله

سلام يا السمحة مشتاقين
نفتش فيك عاد لمتين ؟؟
قدر ما نقول نفوت نرحل
يغالب فينا دمع العين
ونرجع تاني من اول
نرجاك بالعديل والزين
واشوفك يا نايرة الخدين
جمالك ما بختلفو فيو اتنين

سلام ياصاحب القلبين
منو البقدر يعيش بالو
وانت هواك بشيل بالين؟
قالوا زمان كمان وقيع
زول بيلاوي فوق سرجين
انا المشتاق بريد الزول
ومابشتاق أريد زولين
وأنا الفرحان ألاقي الريد
ومابفرح أعيش ريدين
وأنا الغلبان أشيل همي
مابقدر أشيل همين
يوم ماتزيد عليّ ناري
كيف العيش مع نارين
صحيح الشوق ملك قلبك؟؟
صحيح الشوق ملا العينين
ولا كمان فتر دربك
وبرضو قسمتو لي اتنين

[imported_هاشم أحمد خلف الله]

المشاركة الأصلية كتبت بواسطة تماضر حمزة

سلام ياصاحب القلبين
منو البقدر يعيش بالو
وانت هواك بشيل بالين؟
قالوا زمان كمان وقيع
زول بيلاوي فوق سرجين
انا المشتاق بريد الزول
ومابشتاق أريد زولين
وأنا الفرحان ألاقي الريد
ومابفرح أعيش ريدين
وأنا الغلبان أشيل همي
مابقدر أشيل همين
يوم ماتزيد عليّ ناري
مابديها لي نارين
صحيح الشوق ملك قلبك؟؟
صحيح الشوق ملا العينين
ولا كمان فتر دربك
وبرضو قسمتو لي اتنين

ليه يا الغالية عتابك فيهو حٌمرة عين
شوفي عيونك واحدة ولا إتنين
شوفي يدينك واحدة ولا إتنين
شوفي رجولك واحدة ولا إتنين
حتى القلوب فيها بطينين
بطين ايسر وبطين ايمن
يلا إختاري واحد في الإتين
عشان ما تقولي بتغابا
وتقولي علي زولاً شين
بجيك بالمهلة نتصافي ونكون إتنين

ما تزنقيني شديد كده

[imported_سامي]

عزرآ سيدتي
هذا اليراع جمد مداده وتلك الحروف تمردة علي حواف الخاطرة مبعثرة
لاتستطيع البوح في وصف جمال الروح وجزالة الكلمة.
ولاكني اعترف لكِ سيدتي بأنكي سرقتي انتباهي من الدواخل واجبرني براعة حرفك في قراءات كل مايخطة قلمك لنا ها هنا.


لكِ خالص شكري وتقديري

[imported_هشام تاج السر]

مررت شفيف
ثم انى (دنقرتا) اجلب حروفى من هنا
سقطت منى دهشتى
عزرا
نسيت الحوت امضى واتيك غدا حين الحروف تجود

[imported_تماضر حمزة]

ايييه زمن