اقتباس:
المشاركة الأصلية كتبت بواسطة النور يوسف محمد
بسم الله الرحمن الرحيم
مدخل لحكاوى وونسات
|
باين الموضوع ما جايب تمنو ومافى زول عندو مزاج
بمناسبة المزاج يا جنابو
قالوا:
الحاج بعد العيال فرتقوا وكل زول بقى فى بيتو البيت فضى ليهو هو والحجة والقعدات بقت مزاح وذكريات أحلى الأيام. يوم قاعدين فى قهوة الصباح ببخورا والراديو قداموا والحجة تنقى فى الرجلة وقهوتم بوخا طالع.عمك قال يشاغل الحجة شوية
قال ليها:
ـ يا حجة خلاس كبرتى وبقيتى زى كومر الرى دحين أنا داير أكوس لى كورولا آخر موديل ومكندشة فرأيك شنو
الحجة فى مساوات عيدان الرجلة بمزاج توزن فيهن مارفعت راسا عاينت ليهو. ظبطتت ليها ربطة مليانة تمام وحزتّ السكينة لامن أتكيفت.
قالت ليهو زى الموضوع أتفتح زمان:
ـ والله ياحاج الكرولات بتلقاهن وراقدات هملا وبدللن عليهن ومرات بحنسن حنسة لاكن ما قلت لى الكورلا دي ماش تسوقا متل سواقتك اللت الكومر دى ولّ ماش تجيب ليك سواق
الحاج ركز مع الراديو يا ريت يجيبو نسيد إنقلاب