اقتباس:
المشاركة الأصلية كتبت بواسطة سيد احمد محمد علي المامون
... مى هاشم
.. لك التحيه ... نغض البصر ( لمتاوقتك ) .. ..
.. ودعينى استعير توقيعك ... السودان زمان كون ومنشا ..للحب والجمال ...
... تحياتى
|
عمنا سيد أحمد
عادة المتاوقة والتصنت على ونسة أبوي مع خالتي (الكبيرة) التي كانت بت حلتهم.. وهم يعيدون ذكريات زمن يصفونه بالجميل..أدمنتها..لأني أجد ذلك الجمال فعلاً..
يذكرون فلان الذي تزوج بت ناس فلان وكان شغال شنو وكان يسكن في البيت مع منو وكان بيسكر مع ناس منو!!وكنت أستغرب جداً في حكاية السكر العادي ده!!
فسألتهم يوماً (عاااااادي كده بسكروا وبالعلني؟؟)قالوا عادي جدا وما عيب كمان..وكمان ناس محترمين واولاد عوائل..لكن كل زول بيسكر حسب قدرته، وذكروا اماكن (لانادي-جمع انداية-)ليست بالبعيده من الحلة ،بل وفي قلبها..دون أن يمس ناس الحلة أي ضرر!!
يحكي والدي عن ذلك الزمن..فيقول لي (دائماً) ان الآباء لم يكونوا يهتمون ويتابعون دراسة أولادهم، بل كان الولد حريص من نفسه على دراسته، بل ويعمل في الاجازات ليوفر (حق لبس المدرسة وبعض المصاريف)، وحكى عن الجلسات الدبية التي كانوا يقومون بها في (الخور الكبير ببحري) وهم في الوسطى، فكان مجلساً نفتقده الآن في أرقى المنتديات..ولاحظ العمر الصغير!!وعندما يكلمني عن الكتب التي قرأوها استغرب!!واللغة الانجليزية التي يستعملونها حتى يومنا هذا هي التي تعلموها في المدارس..(هسي أتكلم ليك مع طالب جامعي إز من واز ما يعرفها)..
من الأشياء الحقيقي أعتقد انها كانت جميلة نفوس الناس..مع انه ملابس الفتيات كانت (كت) وقصيرة إلا انه مافي راجل (بيعاين) زي رجال الزمن ده (ما كلهم عشان ما تهجموا علي) ، هسي والله الوحده كان لبست أوضة تلقاهم دايرين يشوفوا تحتها في شنو!!الله يجيرنا..
شكلي شطحت ونضمت كتير
متابعة ويديك العافية وكل الأعمام
