اقتباس:
المشاركة الأصلية كتبت بواسطة ناصر يوسف
تعرف رجعت للبوست الخاص ( بالضيف ) خالد الحاج الحسن
قريتو من أولو يا العوض ،،
كنت عاوز أسأله زمان وما إتداخلت في البوست
وسؤالي لسسسه هاجص لي في روحي دي ،،
كنت عاوز أدخل وأسلِم عليه وأقول ليه إني مشتاق ليه يا العوض
لكن ،،،
لا حولة ولا قوة إلا بالله العلي العظيم
أستغفر الله ،، أستغفر الله ،، أستغفر الله
يا ربي ترحم عبدك خالد الحاج وتغفر ليه وترحمنا يا الله
|
لا حول ولا قوة إلا بالله
رحمه الله بواسع رحمته
والله فعلاً نحن بنفرط في كثير من كنوزنا
وما بنعرف قيمتها إلا بعد نفقدها
خالد يا ناصر كان كنز من معارف متشابكة وخبرات متراكمة
فشلنا إننا نستفيد منها
أو على الأقل أتكلم عن نفسي
حتى فوجئت برحيله
لن تصدق كمية الأسئلة التي أريد أن اسأله اياها
...
عشان كدي ما تأجل حاجة لى بكرة
بكرة دي ما معروفة البيكون فيها منو فينا
رحمه الله بواسع رحمته وبارك في ذريته