نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 15-07-2006, 12:22 PM   #[1]
Dr. Mohammed Hassan
:: كــاتب نشــط::
 
افتراضي شمار حااااااااار من بيت بكا دولي

[align=justify]تخيلت آن حكومة السودان وبعض حكومات العالم التقين في بيت بكا ودار بينهن الحوار التالي

حكومة السودان: هييييييييي بتعايني لي كدة مالك ما عاجباك!
حكومة امريكا:من ناحية ما عاجبتني ما عاجباني لكن يا ختي شوفي البعاين ليك منو ،الحقيقو انا كنت مستغربة ريحة الكوليرا دي جات من وين؟!
حكومة السودان : كوليرا في عينك يا جاهلة دي ما ريحة كولير ولو ما عارفة اعرفي دي اسهالات مائية
حكومة امريكا: التسمية ما عندكم! انتو في حاجة بتغلبكم، وعلى كل حال روقي في علبك لحد ما يجو اولادي يورك مواعينك
الحكومة المصرية بهمسة لي الحكومة السودانية: اسكتي يا ختي دي انت مش ادها دي ست مفترية وما يهمهاش حاجة
الحكومة السودانية : تفتري على منو القاهر الفاجر دي
حكومة امريكا : آآآآآآآي انا فاجر وما دساها بس انت اتلمي يا بتاعة الواقي الذكري
انجلتر تضحك بي تحت تحت ( سجم خشمي ) وتدي فرنسا لكزة، يا ختي صاحبتك من متين بتتوقى ذكريا
فرنسا تطنش وتكشكش في غويشاتها وتهمس ليها يا ختي انا خيري كله منها ما بقطع فيها
انجلترا بي غيظ شديد: انت ما كروك بي كارلوس وغشيتيهم وشلتي دهبهم
فرنسا: اهي ديك الصين امشي اقطعي معاها
انجلترا: البكما دي ، عاملة عيونها المشرطات ديل ، بري منهم ناس هاجوج وما جوج ديل ، البوديني ليها شنو عشان اقطع معاها، بري يا اختي شوفي لي زول تاني افش غبينتي معاه والا اقول ليك النمشي لليابان دي اصلها اليومين ديل متصاحبة معانا انا وامريكا
المصريةوما زالت تهمس للسودانية : ما تسكتي امال ، هاكالمهالك عشان تسكت منك
المصرية: ماتروأي يا امريكا يا مزيكا ، انت عارفاها السودانية هي آه حمأية بس هي طيبة والله
وخليك انت اكبيرة امال، نهارك أشطة يا عسل انت
امريكا: هي ولسانها الطويل ده الماقادرة عليهو كلما اولادة يقلوا ادبهم عليها تجيني جارية وهاك ياتحانيس وجنس تخسم، تتخيلي دي مرة قالت لي شنو قالت لي أي قوالة من جيراني مستعدة اجيبها ومستعدة ابقى ليك عين واضان بس عليك الله ما تزعلى، ويا موؤمن يا مصدق كلمت ليها اولادهها واكتر واحد كان معصلج الاسمو قرن ده ورضيتو وقبل ، اها الجماعة فرحو وما قصرت معاي ادتني ملفاتكم كلها لمن انا زاتي احترت اها لمن قام عليهم ودالغرب جاتني جارية وضاربة الجرسة الشديدة قلت ليها اسمعي هييييييييييي وفتحي عينك كويس المرة دي انا باصلحك بي ولدك لكن عيالي الفي الامم المتحدة يجو يقعدو يحرسوكم براحة قالت لي ما عندي مانع ، اها اول ما ولدها رجع ليها، لحست كلامها ونكرته وقالت اصلي ماقلت
حكومة السودان : آي انا ماقلتا انت بتقوليني ساكت ودايرة ليك سبب، كدي خلى اولادك ديل واحد فيهم يعتب هنا
المصرية: انت مجنونة انت، انت ناسية انو اولادك الكتار كلهم عيانين شئ كلزار
وشي تايفويد
وعندكو اللي مانأدرش نجيب اسمه ، شايفة اولادك يأولوا عليه ادريس
والتانين تنابلة وكروش وخوافين ما يأدروش عالحرب
اهمدي ياختي وانت ساكتة آل ايه ما يجوش عندها آل
هو انت حيلتك حاجة؟!
اريتريا : انت يا ختي الزولة دي ما لها معصرة فينا الواطة بي اباطاتها، هسي قبال يومين ما جاتني جارية
وووووووووووووب الحقيني يا اريتريا شوفي لي اولاد الشرق ديل كان يرضو، هسة جاية تشاكل امريكا
العراقية: انت يا امريكا زعلانة ليه ما ترسلي ليها كوندليزا توايكها
امريكا : يا ختي كوندليزا ما فاضية ليهم لكن ولدي برونك بقدر عليهم
تجي اللبنانية داخلة بيت البكا آخر شياكها التقول اسرائيل ما داقاها
اللبنانية: شو هالريحي، اورجينال كوليرا
تونس تغمز ليها من بعيد: اقعدى انت كمان نحن ما نقصنك
السودانية تعاين للبنانية بي طرف عينها، الجنجخيس يا النبق الرخيس
ابزغ والجداد يلقط
اللبنانية بدهشه للمصرية : شو عم بتأول هالبأرة؟!
المصرية: تطسني جاموسة عميا آن كنت فاهمة حاجة، بس اظنها بتشخر لك وبتأولك احا احمد يا عووووووووومر ، بالبلدي كده اظنها بتردح
ايران تعاين باشمئزاز لروسيا وتجمجم بي خشمها،
روسيا تتكلم مع سورية بي تحت: ايران دي بتعاين لي وتمص في العرديب مالها
سورية: والله حالك ده ما عاجبها، راخية لي امريكا شديد وجارة واطي
روسيا: جارة واطي لانها هي زاتها امريكا جارة واطي معاي وبتغسل لي قروشي احسن لي من السودانية
سوريا: سجم خشمي يا روسي السودانية بتفسل؟!
روسيا: غسيل هناك بس بعد ده ما عاجباني
سوريا : ليه ما عاجباك؟!
روسيا: السودانية مكشوفة حال، وغسيلها واضح الغاشي والماشي شايفه، اخير لي امريكا شغلها كله بالغمتي
سويسرا تعاين للسويد نظرة بيفهموها الاتنين
سويسرا : قومي يا سوسو ده بكا بيئة جدا لو كنا عارفين كدة كنا رسلنا التعزية أي ميل

ومازال العزاء مفتوح لكل الحريم والرجال[/align]



Dr. Mohammed Hassan غير متصل   رد مع اقتباس
قديم 15-07-2006, 12:39 PM   #[2]
بنت النيل
:: كــاتب نشــط::
 
افتراضي

دكتور محمد

قطعت الفضل من مصراينى

كوميدا سوداء غاية الروعة
والتعبير عن الواقع



إنشاء الله بجيك صادة


ودى

بنت النيل



التوقيع: [frame="7 80"]

[align=center]على نجمة الروح
جليلة أوراق العاشقين
تمشي برائحة الوقت البهيج
كلما أشعل النور نافِذة الحب البعيدة
يخرج الحزن عابراً طحلب الفاجعة
إلي وردةٍ تغسل السواد من جدارن المكان .

نصّار الحاج [/align]
[/frame]
بنت النيل غير متصل   رد مع اقتباس
قديم 15-07-2006, 02:17 PM   #[3]
نزار حسن علي
:: كــاتب نشــط::
 
افتراضي

[QUOTE=Dr. Mohammed Hassan][align=justify]تخيلت آن حكومة السودان وبعض حكومات العالم التقين في بيت بكا ودار بينهن الحوار التالي

حكومة السودان: هييييييييي بتعايني لي كدة مالك ما عاجباك!
حكومة امريكا:من ناحية ما عاجبتني ما عاجباني لكن يا ختي شوفي البعاين ليك منو ،الحقيقو انا كنت مستغربة ريحة الكوليرا دي جات من وين؟!
حكومة السودان : كوليرا في عينك يا جاهلة دي ما ريحة كولير ولو ما عارفة اعرفي دي اسهالات مائية
حكومة امريكا: التسمية ما عندكم! انتو في حاجة بتغلبكم، وعلى كل حال روقي في علبك لحد ما يجو اولادي يورك مواعينك
الحكومة المصرية بهمسة لي الحكومة السودانية: اسكتي يا ختي دي انت مش ادها دي ست مفترية وما يهمهاش حاجة
الحكومة السودانية : تفتري على منو القاهر الفاجر دي
حكومة امريكا : آآآآآآآي انا فاجر وما دساها بس انت اتلمي يا بتاعة الواقي الذكري
انجلتر تضحك بي تحت تحت ( سجم خشمي ) وتدي فرنسا لكزة، يا ختي صاحبتك من متين بتتوقى ذكريا
فرنسا تطنش وتكشكش في غويشاتها وتهمس ليها يا ختي انا خيري كله منها ما بقطع فيها
انجلترا بي غيظ شديد: انت ما كروك بي كارلوس وغشيتيهم وشلتي دهبهم
فرنسا: اهي ديك الصين امشي اقطعي معاها
انجلترا: البكما دي ، عاملة عيونها المشرطات ديل ، بري منهم ناس هاجوج وما جوج ديل ، البوديني ليها شنو عشان اقطع معاها، بري يا اختي شوفي لي زول تاني افش غبينتي معاه والا اقول ليك النمشي لليابان دي اصلها اليومين ديل متصاحبة معانا انا وامريكا
المصريةوما زالت تهمس للسودانية : ما تسكتي امال ، هاكالمهالك عشان تسكت منك
المصرية: ماتروأي يا امريكا يا مزيكا ، انت عارفاها السودانية هي آه حمأية بس هي طيبة والله
وخليك انت اكبيرة امال، نهارك أشطة يا عسل انت
امريكا: هي ولسانها الطويل ده الماقادرة عليهو كلما اولادة يقلوا ادبهم عليها تجيني جارية وهاك ياتحانيس وجنس تخسم، تتخيلي دي مرة قالت لي شنو قالت لي أي قوالة من جيراني مستعدة اجيبها ومستعدة ابقى ليك عين واضان بس عليك الله ما تزعلى، ويا موؤمن يا مصدق كلمت ليها اولادهها واكتر واحد كان معصلج الاسمو قرن ده ورضيتو وقبل ، اها الجماعة فرحو وما قصرت معاي ادتني ملفاتكم كلها لمن انا زاتي احترت اها لمن قام عليهم ودالغرب جاتني جارية وضاربة الجرسة الشديدة قلت ليها اسمعي هييييييييييي وفتحي عينك كويس المرة دي انا باصلحك بي ولدك لكن عيالي الفي الامم المتحدة يجو يقعدو يحرسوكم براحة قالت لي ما عندي مانع ، اها اول ما ولدها رجع ليها، لحست كلامها ونكرته وقالت اصلي ماقلت
حكومة السودان : آي انا ماقلتا انت بتقوليني ساكت ودايرة ليك سبب، كدي خلى اولادك ديل واحد فيهم يعتب هنا
المصرية: انت مجنونة انت، انت ناسية انو اولادك الكتار كلهم عيانين شئ كلزار
وشي تايفويد
وعندكو اللي مانأدرش نجيب اسمه ، شايفة اولادك يأولوا عليه ادريس
والتانين تنابلة وكروش وخوافين ما يأدروش عالحرب
اهمدي ياختي وانت ساكتة آل ايه ما يجوش عندها آل
هو انت حيلتك حاجة؟!
اريتريا : انت يا ختي الزولة دي ما لها معصرة فينا الواطة بي اباطاتها، هسي قبال يومين ما جاتني جارية
وووووووووووووب الحقيني يا اريتريا شوفي لي اولاد الشرق ديل كان يرضو، هسة جاية تشاكل امريكا
العراقية: انت يا امريكا زعلانة ليه ما ترسلي ليها كوندليزا توايكها
امريكا : يا ختي كوندليزا ما فاضية ليهم لكن ولدي برونك بقدر عليهم
تجي اللبنانية داخلة بيت البكا آخر شياكها التقول اسرائيل ما داقاها
اللبنانية: شو هالريحي، اورجينال كوليرا
تونس تغمز ليها من بعيد: اقعدى انت كمان نحن ما نقصنك
السودانية تعاين للبنانية بي طرف عينها، الجنجخيس يا النبق الرخيس
ابزغ والجداد يلقط
اللبنانية بدهشه للمصرية : شو عم بتأول هالبأرة؟!
المصرية: تطسني جاموسة عميا آن كنت فاهمة حاجة، بس اظنها بتشخر لك وبتأولك احا احمد يا عووووووووومر ، بالبلدي كده اظنها بتردح
ايران تعاين باشمئزاز لروسيا وتجمجم بي خشمها،
روسيا تتكلم مع سورية بي تحت: ايران دي بتعاين لي وتمص في العرديب مالها
سورية: والله حالك ده ما عاجبها، راخية لي امريكا شديد وجارة واطي
روسيا: جارة واطي لانها هي زاتها امريكا جارة واطي معاي وبتغسل لي قروشي احسن لي من السودانية
سوريا: سجم خشمي يا روسي السودانية بتفسل؟!
روسيا: غسيل هناك بس بعد ده ما عاجباني
سوريا : ليه ما عاجباك؟!
روسيا: السودانية مكشوفة حال، وغسيلها واضح الغاشي والماشي شايفه، اخير لي امريكا شغلها كله بالغمتي
سويسرا تعاين للسويد نظرة بيفهموها الاتنين
سويسرا : قومي يا سوسو ده بكا بيئة جدا لو كنا عارفين كدة كنا رسلنا التعزية أي ميل

ومازال العزاء مفتوح لكل الحريم والرجال[/align]


احييك يا دكتور يا راقي
سلامي لك والله الواحد بالهموم خلاص قرب يفوت مليون مشكلة وخاصة السودان كل ما تتحل مشكلة تجي مليون مشكلة تانية ومعضلة اكبر لكن والله نسيتنا كل شئ وسرحنا معاك وتسلم يا دكتور ومتعك الله بروح الدعابة وحفظك من كل شر
مع حبي
اخوك
نزار حسن علي
دوحة الجميع
دولة قطر



نزار حسن علي غير متصل   رد مع اقتباس
قديم 15-07-2006, 08:16 PM   #[4]
Dr. Mohammed Hassan
:: كــاتب نشــط::
 
افتراضي

اقتباس:
المشاركة الأصلية كتبت بواسطة بنت النيل
دكتور محمد

قطعت الفضل من مصراينى

كوميدا سوداء غاية الروعة
والتعبير عن الواقع



إنشاء الله بجيك صادة


ودى

بنت النيل
وحتى عودتك
أريد الصمت كي أحيا......... ولكن الذي ألقاه ينطقني .....
ولا ألقى سوى حزن...على حزن...على حزن .....
أأكتب أنني حي على كفني ؟
أأكتب أنني حر..... وحتى الحرف يرسف بالعبودية ؟

لك كل الود



Dr. Mohammed Hassan غير متصل   رد مع اقتباس
قديم 15-07-2006, 08:26 PM   #[5]
Dr. Mohammed Hassan
:: كــاتب نشــط::
 
افتراضي

[QUOTE=نزار حسن علي
احييك يا دكتور يا راقي
سلامي لك والله الواحد بالهموم خلاص قرب يفوت مليون مشكلة وخاصة السودان كل ما تتحل مشكلة تجي مليون مشكلة تانية ومعضلة اكبر لكن والله نسيتنا كل شئ وسرحنا معاك وتسلم يا دكتور ومتعك الله بروح الدعابة وحفظك من كل شر
مع حبي
اخوك
نزار حسن علي
دوحة الجميع
دولة قطر[/QUOTE]


الاخ نزار

سلامي لك ولك مثلي اضعاف ما تمنيت لي

سلم الله وطننا

ولك الحب
-



Dr. Mohammed Hassan غير متصل   رد مع اقتباس
قديم 15-07-2006, 09:14 PM   #[6]
wadosman
:: كــاتب نشــط::
 
افتراضي

[align=right]دكتور...محمد حسن

مبااالغة...و يا ريت ينفع..!!!!!
شكرا للنقد الدراامى الطريف
و زى ما قالوا الارضة جربت الحجر
مين عارف يمكن كدا ينفع...!!!

ربنا يديك العاافية...
تحيااات...[/align]



wadosman غير متصل   رد مع اقتباس
قديم 16-07-2006, 08:14 AM   #[7]
Deer
:: كــاتب نشــط::
 
افتراضي

[align=justify]د. محمد حسن...

ههههههههههه بيت البكا ما عندك !!!!.. والشمااااار الحااااااار بالغت فيهو... لكن يا أخوي مسئول من الخير ليبيا مالهاااااااااا؟ سمعته ولا جابوهو ليها؟؟؟؟؟؟؟ غايتو جنس حالة.... هي الزولة دي حتى في البكيات مشاترة؟؟؟؟؟

بكا حكومااات ... ولا عزاء للمواطنين!!!!

يديك ألف عااافية...
[/align]



Deer غير متصل   رد مع اقتباس
قديم 16-07-2006, 08:24 AM   #[8]
أبو العز الجنوبي
:: كــاتب نشــط::
 
افتراضي

يا دكتور...
ابداع .. وقمة في الروعة....
زي ما قالت دير : هي ليبيا دي وينا؟؟؟
اصلها مشاترة في كل شيء، لكن باين عليها انها حتجي مع ناس محور صنعاء، شاويشهم داك بيكون لسه بيربط في اشرطته
...



أبو العز الجنوبي غير متصل   رد مع اقتباس
قديم 16-07-2006, 11:45 AM   #[9]
Dr. Mohammed Hassan
:: كــاتب نشــط::
 
افتراضي

اقتباس:
المشاركة الأصلية كتبت بواسطة wadosman
[align=right]دكتور...محمد حسن

مبااالغة...و يا ريت ينفع..!!!!!
شكرا للنقد الدراامى الطريف
و زى ما قالوا الارضة جربت الحجر
مين عارف يمكن كدا ينفع...!!!

ربنا يديك العاافية...
تحيااات...[/align]
الارضة جربت الحجر

ونحن جربتنا الارضة
لكن ناسي ديل نسوي معاهم شنو؟



Dr. Mohammed Hassan غير متصل   رد مع اقتباس
قديم 16-07-2006, 11:51 AM   #[10]
Dr. Mohammed Hassan
:: كــاتب نشــط::
 
افتراضي

اقتباس:
المشاركة الأصلية كتبت بواسطة Deer
[align=justify]د. محمد حسن...

ههههههههههه بيت البكا ما عندك !!!!.. والشمااااار الحااااااار بالغت فيهو... لكن يا أخوي مسئول من الخير ليبيا مالهاااااااااا؟ سمعته ولا جابوهو ليها؟؟؟؟؟؟؟ غايتو جنس حالة.... هي الزولة دي حتى في البكيات مشاترة؟؟؟؟؟

بكا حكومااات ... ولا عزاء للمواطنين!!!!

يديك ألف عااافية...
[/align]
القال ليك منو

ليبيا جات داخلة لابسة توب شيفون اخضر يتلف في فنجان ، وعاملة شامة في الخد بي قلم الدلال ومارقة الضراع وما عاينت لي زول وقعدت بعيد، الخليجية مع اليمنية : يا اختي ده مترو كم
اليمنية :بري ما قطعوا لي منه ، لكن حسب سمعي ليبيا زعلانة ، قالت ما حدثوها بالبكا ، وهي جات بس حالفة ما تعزي مرة و ايدها تختها في الحيطة ما تختها في راس واحدة منهن



Dr. Mohammed Hassan غير متصل   رد مع اقتباس
قديم 16-07-2006, 12:04 PM   #[11]
Dr. Mohammed Hassan
:: كــاتب نشــط::
 
افتراضي

اقتباس:
المشاركة الأصلية كتبت بواسطة أبو العز الجنوبي
يا دكتور...
ابداع .. وقمة في الروعة....
زي ما قالت دير : هي ليبيا دي وينا؟؟؟
اصلها مشاترة في كل شيء، لكن باين عليها انها حتجي مع ناس محور صنعاء، شاويشهم داك بيكون لسه بيربط في اشرطته
...
انت في ليبيا والا موريتانيا قالت ناضرة الما عزاها في ولد الطايع القطاعة



Dr. Mohammed Hassan غير متصل   رد مع اقتباس
قديم 16-07-2006, 12:32 PM   #[12]
Deer
:: كــاتب نشــط::
 
افتراضي

اقتباس:
تخيلت آن حكومة السودان وبعض حكومات العالم التقين في بيت بكا ...
[align=justify]سمعنا شماااار انه باقي الحكومات ما مشن بيت البكا لأنهن كانن مهججات في بيت حنة.. وجبجبة شديدة في راجل المرا حلو حلا... ما فرتقتهن الا دورية 999...

الله يفرتقن سام صربي ما يفضل فيهن الحبة ...

قول آمين...
[/align]



Deer غير متصل   رد مع اقتباس
قديم 17-07-2006, 01:06 PM   #[13]
danya
Guest
 
Talking

رائــــــــع التصوير يادكتور محمد الحسن



سمع أخوكم
[AREA] شماااار انه باقي الحكومات ما مشن بيت البكا لأنهن كانن مهججات في بيت حنة.. وجبجبة شديدة في راجل المرا حلو حلا... ما فرتقتهن الا دورية 999...
الله يفرتقن سام صربي ما يفضل فيهن الحبة ... [/AREA]


ياdeer اجمل تعليق ليك كان بدون منافس
شكرا لكم لهذة المساحه من المرح.



  رد مع اقتباس
قديم 17-07-2006, 01:40 PM   #[14]
عطر
:: كــاتب نشــط::
 
افتراضي

قال ليك فجأة جا ليك حزب الله داخل و رافع راسو فوق ... والكبكبة بدت
أمريكا صرت ليك وشها وقبلت وقالت لي إنجلترا : وكمان ليو عين يجي خاشي وأنا موجودة ؟
قامت السودانية إتنفضت واقفة وقررررررررربت تقول (تكبييييير) (قايلة روحا في الساحة الخضرا)
قامت السعودية تتضاير وجرت قعدت بين مصر والأردن وعملت روحا مشغولا بفنجان القهوة
الحكومة المصرية تحت تحت: يا لااااااااهوي ... دا أيه إلي جااابو .؟ أنا ألت للبنانيين ما تتعبوش نفسكم وتيجو إحنا عاذرنكم لكن دا طبعاً عامل نفسو صاحب واجب ومش ممكن يتأخر في حاجة زي دي ...
قامت الحكومة الليبية رفعت حاجب ونزلت التاني وشكلها كدا عندها كلام حااارقا لكن بتقاوم فيو خوفاً من الحكومة الأمريكية المصرصرة وشها لمن بقا أحمااااااار ففضلت تنكتم

لو عجبكم السيناريو زيدو عليهو وأنا بجي تاني



التوقيع: [align=center]
وما من كاتب إلا سيفنى *** ويُبقى الدهرُ ما كتبت يداه
فلا تكتب بكفك غير شئٍ *** يسرك في القيامة أن تراه
[/align]
عطر غير متصل   رد مع اقتباس
قديم 18-07-2006, 06:55 AM   #[15]
غاندي
:: كــاتب نشــط::
الصورة الرمزية غاندي
 
افتراضي

سوريا قاعدة وعيونه مطايرات زي الصابه فيها مطرة، ومخلوعة تتلفت بي هينا تلقي الأردن بتعاين في الواطة وتتلفت بهناك تلقي مصر بتعاين في السماء، تعين لأيران تلقاها بترجف وركبها سايبة، ومما عينها تقع علي أمريكا تقبل في الجهة التانية زي العامله ليها عملة وتتشاغل بطرف توبها المرسوم فيهو النجمات الثلاثة وتقش في عراقها .. حزب الله قاعد هناك ومادي صدرولأعلي وطز في أمريكا، واسرائيل وحزب الله الشحمة والنار وكل واحد فيهم بحدر في التاني بطريقة باردة وكانهم بلعبوا في (كشتينة)، والنسوان العرب يطقطقوا في اللبان والكحل سايل لحدي الجطوم زي الجاين ليهم حنة عروس .. وأمريكا تعبي ليهم في الوسكي والفاليوم والفياغرا.. وأي واحدة تقول ماشة مخلية بيت البكاء تتطلع ليها من شنطة يدها صاعق قنبلة يدوية وللبعض الآخر صور فاضحة، ولي هناية ديك وثائق تقسيم التركة، والكل قاعد ومتبكم وماعارف يعمل حاجة، وحزب الله مادي صدره ويعاين بإحتقار لنسوان البكاء العرب، وهو ما عارف أنو عضام صدره ظاهرة من الضعفة .. وأمريكا وأنجلترا بتهامسوا ها شوف العوقة ده .. والله اسرائيل دي لو فكينها ليهو زيادة شوية تخلي رحيتو طير طير الجني المتل المشيقة ده شوف كريعاتو عاملات متل عصاة النقارة (اللغة السودانية دي علم ليها واحد سوداني لوتراوي) .. هو قايل نفسو في زول بعاين ليهو ولا شغال بيهو الغبيان ما عارف أنو المقصود البت سوريا وجارتها ايران .. نحن بندردق فيهم براحة براحة .. وإنكان سوريا عامله فيها حريفة وحريصة لكنها مصيرها نلاقيها .. تتضحك انجلترا بخبث وتغمز عينها .. نلقاها نلقاها في الرملة الدقاقة ..



التوقيع: هذه الأرض لم نرثها من أجدادنا وإنما استلفناها من أجيالنا القادمة فالنحافظ عليها
غاندي غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:25 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.