سلامات يا دكتور
والسلام موصول لشاعرنا الزول اللطيف (أحمد طه)
...
تصدقوا
أنا ضد الفكرة دي بأكملها
بل ضد كل هذا التفرق والتشظي
واذيدكم بيت
وكمان ضد كل هذه المنتديات المتناسلة ذاتية الانقسام
الليلي منتدى (منتدى الحجير والمقل)*
باكر بعد باكر زول يتزاعل مع ناس المنتدى
يقومو يعملو منتدى ويسميهو منتدى الحجير وواحد تاني منتدى المقل
وهل ستقتصر على المواد الخاصة بالحجير والمقل ؟
يعني الزول ما يسمعلو فيها غنا غير قرشي الحجير ومعاوية المقل؟
وما يسمع فيها غير اخبار المنطقتين؟
اذا كان الجواب نعم
من وين يجيبو ليهم مواد للإذاعة دي؟
وإذا كانت الإجابة لا
فالفرق شنو بينها وبين إذاعة الاراك والبرصة ومورة والدهسيرة ومقاشي ...الخ
الح تبدأ قريبا بنفس الطريقة
ياخي المناطق دي كلها ما عندها اي فرق من بعضها
ممكن تعتبرها مجرد احياء في مدينة كبيرة
التشارك والمنتديات الموحدة ادعى لإثراء المكان بأقلام ومواهب لو تفرقت لما كان لها تأثير
زمان اختلفت مع عزيزنا المرحوم خالد الحاج في تسمية منتديات البركل
فهو أرادها جامعة شاملة لكل المنطقة وكما قال كان اختياره لاسم البركل كرمز ليس الا (جبل البركل)
ولكن الاسم جعل الكثير من الأقلام الموهوبة تنفر
لاعتقادهم انها تعني بمنطقة البركل تحديدا
مما اضطره لبذل جهد جبار لاستكتاب عدد من الأقلام عبر الاتصال المباشر بهم
جهد كان في غنى عنه لو كان الاسم (منتديات منحنى النيل) مثلا
|
