مفاهيــم حول الاصــلاح البنائي !!! نــادر المهاجــر

كتابات في زمن النكبة !!! عبد الله جعفــر

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 23-07-2012, 05:12 PM   #[31]
عبدالله الشقليني
:: كــاتب نشــط::
 
افتراضي

حِليل زمن الشَراب صافي
وحليل زمن الشَرِع مافي
خليل زمن الصِبا ....
*
محبتي لصاحب القص وأضيافه وضيفاته الفضليات
*



التوقيع: من هُنا يبدأ العالم الجميل
عبدالله الشقليني غير متصل   رد مع اقتباس
قديم 23-07-2012, 05:30 PM   #[32]
طارق صديق كانديك
:: كــاتب نشــط::
الصورة الرمزية طارق صديق كانديك
 
افتراضي

نظل نترقب اضافاتك لهذا العمل الجميل بتشوق واهتمام مستحقين .. !!

أتمنى ألا يطول غيابك هذه المرة.

تحياتي



التوقيع: الشمس زهرتنا التي انسكبت على جسد الجنوب
وأنت زهرتنا التي انسكبت على أرواحنا
فادفع شراعك صوبنا
كي لا تضيع .. !
وافرد جناحك في قوافلنا
اذا اشتد الصقيع
واحذر بكاء الراكعين الساجدين لديك
إن الله في فرح الجموع



الفيتوري .. !!
طارق صديق كانديك غير متصل   رد مع اقتباس
قديم 23-07-2012, 06:30 PM   #[33]
عكــود
Administrator
الصورة الرمزية عكــود
 
افتراضي

جانا فُتوح* من هناك بي خُرجو
لقى الناس سكارى يهرجو
قبّال ما ينزّل سرجو
قال يا لحمي السمين ما بترجو!**

واصل يا وليد فالقراءة لك تعادل مشاهدة مسرح الأحداث.

*فتوح، جزّار مشهور في سوق القرير
** من كتاب الإنداية للطيب محمد الطيب



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 24-07-2012, 10:26 AM   #[34]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة walid taha مشاهدة المشاركة
رمضان فى ذلك المكان
وليد طه
رمضان كريم عليك يا أخوي
مشتاقين ولي قلمك الشوق كلو ياخ ،،،

تخيلت نفسي هسي دي في بيت إنداية في هذا الشهر الكريم وبقيت أتخيل شكل البيت وناس البيت وحتي ضيوفهم ،،،


اقتباس:
"الحلومر" أبخرته ونكهتة الفريدة كانت تملأ بيت حوّه كحال كل بيت مع مقدم الشهر الكريم . "حوه الجليل" تعتزل كل شئ فى أيام رمضان فتتغير ملامح المكان ، حتى "سوس" يكاد لا يُسمع له صوت.
التوب الأبيض و"سبحة اللالوب " و"التبروقة" تكسوها حلة المتعبد المتقرب الى ربه فهى تصلى جل الوقت راكعة ساجدة والمسبحة لا تفارق يدها رافعة أكفها بالدعاء تنشد الرضا وسترة الحال .

ياخي السوداني كم هو جميل ياخ ،،،

واصل يا صاحبي واصل الحكي عن عوالم هذه الحواء الجليل ..



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 24-07-2012, 01:02 PM   #[35]
walid taha
:: كــاتب نشــط::
 
افتراضي

محمد صالح "دنقلاوي مُشلّخ" حط رحاله فى محطة القطر فى ليلة قارسة البرد تعشى عند "ست العشا " ثم سأل عن "إنداية" قريبة عله يشرب ويعود سريعا للحاق بالقطار ، فإصطحبوه إلى "إنداية حوه" فخبط بعكازه باب الإنداية خبطات قوية لم تعهدها حوه من زبائنها ولم تروف تلك الخبطات أيضا لـ "سوس" فهجم عليه إلا انه عاد وهدأ بإشارة من حوه .
حوه رغم إستيائها من القادم إلا انها كظمت غيظها وناولته عبار عسليه واسع فطفق يشرب بمزاج ويررد بعض الكلمات بالرطانة بعد أن فعلت المريسة فعلها ، "كترة الكلام" لا تعجب حوه خاصة إن كانت على شاكلة كلام هذا الدنقلاوي الغير مفهوم .
- هوى يا زول كلامك كِتِر
- الله كِتِر؟! هو ده إيه بار ديِّة (أى هل هذا Bar)؟
- هووى يا الرطاني هوى بار ولا ما بار bar أدفع قروشك خلاص ما عندنا زيادة
- هُد (خُد) ده قروشك فى ستين دهية ، ورمى لها بقطع معدنية فى عنجهية ، نظرت إليها حوه وتاكدت منها ثم أمسكت بيده بعنف ورمته خارج الإنداية بدفعة قوية سقط على إثرها فى الأرض . فسب ولعن "هاي بالله إن نقمبرو نلي" !



التعديل الأخير تم بواسطة walid taha ; 02-08-2012 الساعة 08:54 AM.
walid taha غير متصل   رد مع اقتباس
قديم 26-07-2012, 11:04 AM   #[36]
walid taha
:: كــاتب نشــط::
 
افتراضي

الأحباء قيس ، أمير ، أستاذنا الشقليني
رمضان كريم ولكم الشكر على المرور



walid taha غير متصل   رد مع اقتباس
قديم 26-07-2012, 11:09 AM   #[37]
walid taha
:: كــاتب نشــط::
 
افتراضي

طارق كانديك إزاى الحال

شكرا لكلماتك وتسلم



walid taha غير متصل   رد مع اقتباس
قديم 26-07-2012, 11:14 AM   #[38]
walid taha
:: كــاتب نشــط::
 
افتراضي

عكود سلام مربع يا زول
رمضان كريم

تحياتي،،

----
أوووو ناصر إزاى الحال
بالله شفت رمضان ده كريم كيف ؟

تحياتى،،



walid taha غير متصل   رد مع اقتباس
قديم 26-07-2012, 11:24 AM   #[39]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة walid taha مشاهدة المشاركة

- هُد (خُد) ده قروشك فى ستين دهية ، ورمى لها قطع معدنية فى عنجهية ، نظرت إليها حوه وتاكدت منها ثم أمسكت بيده بعنف ورمته خارج الإنداية بدفعة قوية سقط على إثرها فى الأرض . فسب ولعن


"هاي بالله إن نقمبرو نلي"
!

ولعلها تُكتب أيضاً هكذا ،،،

هي بلاهي أن نقو مبرو نلوي

وتعني بكامل الأسف :

بالله شوفو بت الخادم دي ؟؟ أو شوفو الخادم دي ،،

عنصرية مدسوسة داخل لغة خاصة غير معروفة لدي حَوَة



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 26-07-2012, 11:32 AM   #[40]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة walid taha مشاهدة المشاركة
عكود سلام مربع يا زول
رمضان كريم

تحياتي،،

----
أوووو ناصر إزاى الحال
بالله شفت رمضان ده كريم كيف ؟

تحياتى،،

وليد طه تحياتي ،،،

في واحد مسطول يا وليد ،،، أول رمضان السطلة كانت قوية خلاص
الصباح وهو داخل علي الحمام ،، مرتو قالت ليه:

- رمضان كريم
- قال ليها طيب ما يدينا ياخ



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 29-07-2012, 09:36 AM   #[41]
walid taha
:: كــاتب نشــط::
 
افتراضي

[justify]محمد صالح من نواحي "حفير مشو" ينتمى الى أسرة ميسورة الحال تمتلك أراضي ونخيل وسواقي ،عاش حياة مترفة قضى معظمها بين الشراب والسفر وأسرف فى ذلك وأهمل زرعه حتى جف فغضب منه والده فطرده فذهب الى حلفا شمالا وتزوج هناك بحلفاوية ثم طلقها ثم الى مصر ومنها صد راجعا الى حلفا ومنها ركب القطار وإتجه جنوبا دون وجهة معلومة يقصدها .[/justify]



walid taha غير متصل   رد مع اقتباس
قديم 01-08-2012, 08:43 PM   #[42]
علاءالدين عبدالله الاحمر
:: كــاتب نشــط::
الصورة الرمزية علاءالدين عبدالله الاحمر
 
افتراضي

اقتباس:
المشاركة الأصلية كتبت بواسطة walid taha مشاهدة المشاركة
إحتسى آخر ما بالكأس فى عُسر بان على تجاعيد وجهه النحيل
-لا حولى الله ده عرقى ولا موية نار يا حوّه ؟
-إنتا العرقى كمان من رجالو يا فرج الله ، شوف ليك مريسة ولا أحسن امشى أشرب ليك بستي كولا
-أنا ما من رجالو يا حوةّ؟ سمح ، على الطلاق لو ما انا عرقيك ده كان يبور
-(ضاحكة فى إستهزاء) يبور شنو يا بهيمة إنتا ما ياهو جغيماتك ديل؟!
-كدى ؟ طيب على بالحرام ما دافع ليك تعريفة والنشوف آخرتا معاك
يتبع ،،
ذكرتني حواية الفدادية لقيتها ليك سكرانة طينة قلت ليها : عليك الله أتقي الله في نفسك انتي ماخايفة من يوم القيامة ( أترعت ليها تريعة وقالت لي : نحمدك ياالله سكرانة وحقتي ملانة ويوم القيامة كان جا كان جلد جلد وكان غرامة غرامة
دمت يارائع



التوقيع: هل لي غير هذا الوجه
لأعرف وجهك من جديد
وطنا تقاسمه الحنين
غاب في ابد الرحال
ولم يعد لنا وطنا جديد
علاءالدين عبدالله الاحمر غير متصل   رد مع اقتباس
قديم 06-08-2012, 09:07 AM   #[43]
walid taha
:: كــاتب نشــط::
 
افتراضي

قطار "زرّوق" أطلق صافرته العالية مصحوبة بدخان أسود كُثيف قبل أن يغادر تلك المحطة مصتحبا معه " شنطة الصفيح " خاصة محمد صالح .
- وويبيوووو
هكذا صرخ صاحبنا عندما لم يجد القطار الذى تبعثر دخانه فى الأفق



التعديل الأخير تم بواسطة walid taha ; 03-09-2012 الساعة 11:22 AM.
walid taha غير متصل   رد مع اقتباس
قديم 12-08-2012, 08:10 AM   #[44]
walid taha
:: كــاتب نشــط::
 
افتراضي

كيس صغير تمر "قنديلة" ، جلابية ، "مركوب" قديم ، كيس تمباك و "قرقوش "
تلك كانت كل محتويات "شنطة الصفيح"

وللحديث بقية ،،،



التعديل الأخير تم بواسطة walid taha ; 12-08-2012 الساعة 08:15 AM.
walid taha غير متصل   رد مع اقتباس
قديم 03-09-2012, 11:45 AM   #[45]
walid taha
:: كــاتب نشــط::
 
افتراضي

alaa
إزاى الحال وكل عام وانتم بخير
شكرا على هذا المرور "المليان"



walid taha غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 12:32 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.