نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 26-07-2014, 02:52 PM   #[31]
حافظ حسين
:: كــاتب نشــط::
الصورة الرمزية حافظ حسين
 
افتراضي

اقتباس:
المشاركة الأصلية كتبت بواسطة احمد ابوزيد مشاهدة المشاركة
سلام يا حافظ .. وتحيه تقدير علي الحروف التي تعبر مسام الروح دونما إذن، اطلق العنان واكتب.
وكن بخير دوما
‏.............

لكن ياااا حافظ اخوي الملايات ديك اظنها شينه شنه، الحمدلله ال ما جبتها ستاير، كان لي يوم الليله ما اتعلقن
ااااوه أحمد ابوزيد الراجل اللطيف شخصياً خاشي في تفاهاتي دي
تشكر كدي في البداية علي طلتك و انشاء الله نجيك في السمح
و تانياً كل سنة و انت طيب
والله يا أحمد الملايات سمحات لونهن رمادي فيهن رسم زي الفناجيل المكسرات
والله من ناحية سمحات سمحات لكن تقول شنو؟



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 26-07-2014, 10:13 PM   #[32]
احمد ابوزيد
:: كــاتب نشــط::
الصورة الرمزية احمد ابوزيد
 
افتراضي

اقتباس:
المشاركة الأصلية كتبت بواسطة حافظ حسين مشاهدة المشاركة
ااااوه أحمد ابوزيد الراجل اللطيف شخصياً خاشي في تفاهاتي دي
تشكر كدي في البداية علي طلتك و انشاء الله نجيك في السمح
و تانياً كل سنة و انت طيب
والله يا أحمد الملايات سمحات لونهن رمادي فيهن رسم زي الفناجيل المكسرات
والله من ناحية سمحات سمحات لكن تقول شنو؟
الصديق حافظ ليك كل الود ، وانت طيب وتتحقق الأماني ان شاءالله.
‏...
وكلك ذوق يا زول يا رائع، والملايات حرم سمحات مدام فيهن فناجيل ، الا الجماعة يكونو كجنو كسير الفناجين ده .. المره الجايه جيبهن فناجيل سالمات ..



التوقيع: الحالة كلها زي بعض ، إلا المساخيت الدقون
ختوها بين اهلك قرض
بالدين .. وبالطين .. بالنسب
بالمايكرفونات .. بالخطب .. بالبنطلونات بالرتب
( فرق تسد )
احمد ابوزيد غير متصل   رد مع اقتباس
قديم 29-07-2014, 05:42 AM   #[33]
حافظ حسين
:: كــاتب نشــط::
الصورة الرمزية حافظ حسين
 
افتراضي

يا ابوزيد مشيت البلد و معيد هناك يلا اوريكم كيف العيد

ونسة كويسة كانت ... الحاجة بتسوي في الملاح و انا قاعد جنبها بضوق ليها لاني علي سفر ... يجي ابوي زاتو يقعد و تقوم تجي المطرة, و انا اتزريت يا جدعان و دار الحوار كان كالأتي:
ابوي: يا حافظ اخوانك كلهم ما معيدين معانا انت بكرة تمشي معاي صلاة العيد...
انا في سري قلت (صلاة عيد مرة واحدة ).... حكمة الله ابوي عمره اكتر من 70 سنة و لحد هسي بركب عجلة و بجي من الزراعة الساعة 5 في الاحوال العادية و في رمضان بجي حوالي تلاتة, ثم ثانياً نظره كويس بعرف يصل الميدان بتاع الصلاة و أكتر ما اظن جاءه اي بوادر خرف ... لكن الطلب دا ممكن يكون وراه طلبات أخري بس الزول يتريث و قبال أرد ردت أمي , الاتنين ديل مما انا شرفت الدنيا ما شفتهم يوم متفقين علي حاجة الا الليله, ردت الحاجة داعماه: اي حافظ تمشي الصلاة بكرة مع ابوك...
حاولت افتش لي علي مراقات قلت ليه: اوكي يابا بس انا ما عندي جلابية...
أمي: كان علي الجلابية هينة .... واحاة نظري ابوك عنده جلابية جديدة جابها ليه طارق من السعودية و الله و لا لبسها ... بكرة تلبسها تمشي بيها
أنا: يما ابوي دا أقصر مني و بعدين أنا ما عندي اي رغبة ابقي زي حامد (حامد دا انصار سنة جارنا)
أمي بزهج قالت: انت ماشي تصلي و لا ترقص , البسها و خلاص
أنا: يا خي الصلاة افضل من الرقيص يما
أمي: انا ما دايرة معاك غلاط خلاص قلت جلابية ديك ياها الجلابية
انا: طيب يما الجلابية دي بتتلبس براها
و وقعت في الفخ من حيث ادري و لا أدري
أمي: هي يابا نحن قال ليك دايرين نديك جلابية و نفكك .... والله جهزت معاها السروال الطويل و العراقي يقولن يا غربتي ... و في شال والله ما يشوفوا ليه مرتين, و العجب الطاقية و عمة التوتال
أنا في سري : ديل كلهن حالبسن أنا بكرة اذا وافقت؟
غايتو الزول ما داير يستبق الحوادث لكن في مؤامرة بتحاك ضدي و إن غداً لناظره قريب و غريب
الامضاء: معيد في البلد



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 29-07-2014, 05:52 AM   #[34]
حافظ حسين
:: كــاتب نشــط::
الصورة الرمزية حافظ حسين
 
افتراضي

ايها الفقراء لا بديل لكم سوي الجنة
مشيت الصلاة لابس جلباب ابي و ما اجمل أم تعيش في جلباب ابو اهلك ... جلابية قصيرة تحتها عراقي و سروال طويل اضافة لحاجات تانية, الله يكتلني لبست عمة و وقت الزول عملها قلت يعملها صاح يا كابيلا ... طلعت منها ضنب طوبل بتاع الانصار داك و بقيت ليبرالي اسلامي, غايتو شكلي بقي عرص جدا و انا باللبس دا.... بالهدوم الكتار ديل كلهن مشيت ميدان الصلاة انا و أبوي و أحمد ود أخوي الكان زعلان من امي أمس لانها شتمت ابوه و وقت زعل صرفت ليه هو ذاته و الداير يعرف الشتيمة يجي في الخاص لكن الزول ممكن يقول ليكم تداعياتها علي الاسرة و الأحفاد .... احمد المسكين دا بكي كيف انو حبوبته تقول علي ابوه قليل ادب و أصر يمشي بيتهم ... ابوي في اطار مماسكته لهذا الأحمد مشتوم الوالد قال ليه يا ولدي ما تبكي أصلاً النسوان ديل وقت يكبرن ببقن كدا , و لقي فرصة الحاج يصفي بعض الحسابات العالقة مع السيدة حرمه المصون ال هي أمي و قال: و الله صحي النسوان قدر ما يكبرن ينطمسن و الرجال قدروا ما يكبروا بعقلوا ... الحاجة ردت قالت ليه يا كا كبرت لكن ما شفناك بقيت نبي ..... مشينا الميدان و المهيرة الميدان فرشوه و البياض سيد المكان ... ما بعرف ناس كتار لانو نحنا في الحتة دي جداد... لكن بعرف جيداً ترنيمة (الله أكبر.... الله أكبر... الله أكبر و لله الحمد).... سرحت كثيرا و طويلا في مع هذه الترنيمة لكن ما في داعي اقول ليكم سرحت وين لكن تذكرت فيصل صديق طفولتي و صباي الذي صار جندي و التحق بحرب لا تخصه من قريب او بعيد و عاد بشعر ابيض و مدمن علي البنقو, رفيع الذي أختطفة اليرقان باكراً, خالدة التي تيمت باكراً و تزوجت ايضاً باكراً و تطلقت و سلكت اقصر الطرق الي جدة الكرنتينة و لكنها لم تزل صديقتي المحببة, نتلاقي بعد سنين و ناخد أحضان بعضنا و كل يلعن حظه العاثر... تذكرت الثلاتي هذا و انا رابعة نطوف القرية من بيت الي بيت نستمتع بدعوي الأمهات و أكثر بكعكهن و طيب قولهن.... دموعي انهمرت غزيرة و انا سارح في الخطبة التي لا تعنيني و بارك الله في النظارة و منديل الورق.... انتهت القصة و ربتنا علي كتوف بعضنا بامنيات لا تتحقق حتي في السينما الهندية و أخيراُ عدت سالماً بكثير من الحزن و الدموع
و كل سنة و الفقراء طيبون و لا ملاذ لهم سوي الجنة ....



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 29-07-2014, 08:40 AM   #[35]
عكــود
Administrator
الصورة الرمزية عكــود
 
افتراضي

سلام يا حافظ وكل سنة إنت والأسرة بخير وسعادة،

والله ده حكي جميل جدّاً وصادق جدّاً، واصل الله يرضى عليك.

اقتباس:
أمي بزهج قالت: انت ماشي تصلي و لا ترقص , البسها و خلاص
تحياتي للحاجة بالله!




التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل   رد مع اقتباس
قديم 30-07-2014, 01:19 AM   #[36]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

حافظ حسين

عيد أتمناه ليك بإنو يكون سعيد ياخ

هي فعلا تفاهات مؤلمة بحق

إستوقفتني تفاهة الطفلين أكتر ساقتني لأصحابي ( الشماسه )
يا ربي عيدو كيفن ؟
وكيفنو طعم العيد عندهم

يا الله .. يا الله .. يا الله



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 02-08-2014, 05:20 AM   #[37]
حافظ حسين
:: كــاتب نشــط::
الصورة الرمزية حافظ حسين
 
افتراضي

اقتباس:
المشاركة الأصلية كتبت بواسطة عكــود مشاهدة المشاركة
سلام يا حافظ وكل سنة إنت والأسرة بخير وسعادة،

والله ده حكي جميل جدّاً وصادق جدّاً، واصل الله يرضى عليك.

تحياتي للحاجة بالله!

يصل يا عكود
و كيفك يا ملك



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 02-08-2014, 05:21 AM   #[38]
حافظ حسين
:: كــاتب نشــط::
الصورة الرمزية حافظ حسين
 
افتراضي

اقتباس:
المشاركة الأصلية كتبت بواسطة ناصر يوسف مشاهدة المشاركة
حافظ حسين

عيد أتمناه ليك بإنو يكون سعيد ياخ

هي فعلا تفاهات مؤلمة بحق

إستوقفتني تفاهة الطفلين أكتر ساقتني لأصحابي ( الشماسه )
يا ربي عيدو كيفن ؟
وكيفنو طعم العيد عندهم

يا الله .. يا الله .. يا الله
سوف نظل كثيرا في إطار التمني...
كن بخير يا ناصر



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 02-08-2014, 05:30 AM   #[39]
حافظ حسين
:: كــاتب نشــط::
الصورة الرمزية حافظ حسين
 
افتراضي

عمري العامر و ملعون ابو الكافر مما قمت بقرأ, لو لقيت لي ورقة مجدوعة ساي بنش منها الغبار و بقراها لكن كتابة زي دي ما لاقتني قي السودان....علي المك و ما ادراك علي المك ... اكون صريح معاكم ما قريت ليه كتير سوي نتف من هنا و نتفات من هناك و بعض المعط الذي يكتبه بعضهم عنه بعد وفاته انه كان عظيم اي يا خي عظيم شديد لكن كان تورونا العظمة و يا سايق العظمة... الليله مشيت زيارة لصديقي الجميل زوالنون في سنار اتونسنا كتير ما خلينا بركة ساكن لا محمد بدوي لا الطيب صالح, لا حبيب نورا و كلهم .... زوالنون فار قراية جاب لي مكتوبتو و قال لي هيت لك , انا أشيل شنو و لا شنو؟ كل الكوني المكسرني حضور, ماريو بارغاس يوسا و قلة أدب الخالة بتاعت الشفع ما بخليه رغم اني قريته, شبل دق شيل دق فايز السليك روايته ما قريتها برضو شلتها , رواية انتباه لكاتب شهير ايطالي ما متذكر اسمه و كتب اخري و اخري , المهم مجموع الكتب كان 10 بالتمام و الكمال عارف نفسي حأقراهن لكن ارجعن بس الله يقدرني’ و الشهر دا انا ما ماشي مفروش لانو لي موؤنة شهر و نيف من الكتتب, أها بين العشرة كان علي المك و حمي الدريس , بديت في الاتوس بين سنار و سنجة اقرأ القصة الاولي و من العشر سطور الاولي فيها صحي الكائن الجهنمي في و الذي يطلب المزيد وصلت سنجة و انا وصلت قصة القمرية و قمرية قوقت عصر قالوا مخرفة ونام بسلام يا حميد, يا خي سيد الاتوس دا جاري كدا لاحق شنو؟ ... من الاتوس ركبت ركشة لبيتنا و كل الحوار مع سيد الركشة اني ماشي العشرة .... هنا الناس كلهم بتعارفوا الا أنا... قال لي في العشرة وين؟ قلت ليه بيت ناس طه حسين؟ ....
طه حسين ابراهيم؟
دا سؤال سيد الرقشة و انا ما بتغشي هههههههههه
بس اكتفيت باي... بعدين هو ذاتو سيد ركشة عبيط ما عارف ان الله أعدل و ارحم من ان يخلق نفرين مثل طه حسين في حي قدر العشرة دا , واحد يكفي بلد وقاحة و سوء ادب
واصلت قرايتي في الركشة و بس القي ليك نفسي في البيت
أصلاً اعتذرت لزوالنون صحبي اني راجع لاني ماشة الحلة لعرس ود جيرانا لانو بالجد يستحق المشي و خاصة انه شاب عصامي ولد و تربي يتيم لكن مع علي المك ما في عرس بعدين الزول دا انا لا كتلت امه لا ابوه أما موضوع عصاميته فامر يخصه... دخلت الأوضة و انا اقرأ ... أمي جات سلمت و قالت لي لقيت صحبك كيف.... يا الله يعني حالقاه كيف بس أكتفيت بكويس ....
بت أخوي جات يا عمو حمودي دقاني.. ردي كان خليه يطلع عينك
يا حافظ الغداء و مع علي المك مش ح تقدر تتغدي
انتهيت من علي المك و قلت (أأأأأأه)و أه الكاتب الاسرائيلي
يا فرد و يا فردات عليكم الرسول تقروا الكتاب دا عشان تشاركوني متعة القراية و نستمتع بالقراية و نترك النقد لناسو
علي المك ليك وثير المرقد و الليلة انا أتأكدت نحن كشعب ما بنقيم مبدعينا حتي بعد الممات
ز دي تفاهة تخصني وحدي لا شريك لي لاني لم أهتم انا بين ايدينا كنز يسمي علي المك



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 02-08-2014, 09:02 PM   #[40]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة حافظ حسين مشاهدة المشاركة
عمري العامر و ملعون ابو الكافر مما قمت بقرأ, لو لقيت لي ورقة مجدوعة ساي بنش منها الغبار و بقراها لكن كتابة زي دي ما لاقتني قي السودان....علي المك و ما ادراك علي المك ... اكون صريح معاكم ما قريت ليه كتير سوي نتف من هنا و نتفات من هناك و بعض المعط الذي يكتبه بعضهم عنه بعد وفاته انه كان عظيم اي يا خي عظيم شديد لكن كان تورونا العظمة و يا سايق العظمة... الليله مشيت زيارة لصديقي الجميل زوالنون في سنار اتونسنا كتير ما خلينا بركة ساكن لا محمد بدوي لا الطيب صالح, لا حبيب نورا و كلهم .... زوالنون فار قراية جاب لي مكتوبتو و قال لي هيت لك , انا أشيل شنو و لا شنو؟ كل الكوني المكسرني حضور, ماريو بارغاس يوسا و قلة أدب الخالة بتاعت الشفع ما بخليه رغم اني قريته, شبل دق شيل دق فايز السليك روايته ما قريتها برضو شلتها , رواية انتباه لكاتب شهير ايطالي ما متذكر اسمه و كتب اخري و اخري , المهم مجموع الكتب كان 10 بالتمام و الكمال عارف نفسي حأقراهن لكن ارجعن بس الله يقدرني’ و الشهر دا انا ما ماشي مفروش لانو لي موؤنة شهر و نيف من الكتتب, أها بين العشرة كان علي المك و حمي الدريس , بديت في الاتوس بين سنار و سنجة اقرأ القصة الاولي و من العشر سطور الاولي فيها صحي الكائن الجهنمي في و الذي يطلب المزيد وصلت سنجة و انا وصلت قصة القمرية و قمرية قوقت عصر قالوا مخرفة ونام بسلام يا حميد, يا خي سيد الاتوس دا جاري كدا لاحق شنو؟ ... من الاتوس ركبت ركشة لبيتنا و كل الحوار مع سيد الركشة اني ماشي العشرة .... هنا الناس كلهم بتعارفوا الا أنا... قال لي في العشرة وين؟ قلت ليه بيت ناس طه حسين؟ ....
طه حسين ابراهيم؟
دا سؤال سيد الرقشة و انا ما بتغشي هههههههههه
بس اكتفيت باي... بعدين هو ذاتو سيد ركشة عبيط ما عارف ان الله أعدل و ارحم من ان يخلق نفرين مثل طه حسين في حي قدر العشرة دا , واحد يكفي بلد وقاحة و سوء ادب
واصلت قرايتي في الركشة و بس القي ليك نفسي في البيت
أصلاً اعتذرت لزوالنون صحبي اني راجع لاني ماشة الحلة لعرس ود جيرانا لانو بالجد يستحق المشي و خاصة انه شاب عصامي ولد و تربي يتيم لكن مع علي المك ما في عرس بعدين الزول دا انا لا كتلت امه لا ابوه أما موضوع عصاميته فامر يخصه... دخلت الأوضة و انا اقرأ ... أمي جات سلمت و قالت لي لقيت صحبك كيف.... يا الله يعني حالقاه كيف بس أكتفيت بكويس ....
بت أخوي جات يا عمو حمودي دقاني.. ردي كان خليه يطلع عينك
يا حافظ الغداء و مع علي المك مش ح تقدر تتغدي
انتهيت من علي المك و قلت (أأأأأأه)و أه الكاتب الاسرائيلي
يا فرد و يا فردات عليكم الرسول تقروا الكتاب دا عشان تشاركوني متعة القراية و نستمتع بالقراية و نترك النقد لناسو
علي المك ليك وثير المرقد و الليلة انا أتأكدت نحن كشعب ما بنقيم مبدعينا حتي بعد الممات
ز دي تفاهة تخصني وحدي لا شريك لي لاني لم أهتم انا بين ايدينا كنز يسمي علي المك
علي المك ....


يا سلاااااااام ياخ علي ... علي المك

الأجمل كمان لو سمعتو وهو بيقرأ في قصة من قصصه الجميله دي بصوته واسلوبو في الحكي

يا الله يا حافظ ياخ من هذ الرجل

ربنا يرحمو ويغفر ليه



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 03-08-2014, 01:19 AM   #[41]
أيمن مضوي
:: كــاتب جديـــد ::
الصورة الرمزية أيمن مضوي
 
Post

المهم ...
تتعلا ما تدلا اى والله حبوبتى ادعت لى كده يوم العيد . ماعارف دايره تطيرنى وين . اها تتعلا ماتدلا كلوكلو ياحافظ



أيمن مضوي غير متصل   رد مع اقتباس
قديم 17-10-2014, 01:49 PM   #[42]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

المفترع ده ،،، انا زي محتاج لي فيه شوية تفاهات أخريات يا حافظ حسين

مِمكِن ؟؟
آي ياخ عليك الله تعال وكُب تفاهاتك السمحات ديل هني ياخ



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 17-10-2014, 02:36 PM   #[43]
حافظ حسين
:: كــاتب نشــط::
الصورة الرمزية حافظ حسين
 
افتراضي

أمسك يا ناصر تفاهة صغيرة كدا لمن نجي صادين

حقك علي أنا يما البسمع كلام أمين أب صلعة
أها امين سليمان حي الدنيا فاتح ليه بوست حدادي مدادي عن فضل الوالدين و في النهاية بناشد اي زول لو والدينه احياء يضرب يقول ليهم أنا بحبكم .... البوست حزني شديد يا خي و عيوني رقرقرن فيه اتذكرت خالدة زميلة شجرة النيمة و الاعياد اللئيمة ... خالدة اليتيمة, معتصم و اخواته الثلاثة و كيف حالهم بيكون يوم العيد و الخ من يتم لئيم في الحلة و لكن الحاضر الحاضر كانت أمي و تجربتها مع اليتم, البوست دخلني في جوء كعب جداً و الغريبة قبل اشوفه بعشرة دقايق ضربت للحاجة و خستكت بيها شديد .... أها على قرار البوست اتصلت تاني و من الحب ما أحرج:
الو يما كيفكم انشاء الله كويسين
يما: كويسين الحمد لله يا حافظ
و مع كويسين الحمد لله امي منتظرة مفروض اقول ليها شنو أو ازف ليها أي خبر و انا تاني اشيل و أقول (الو يما كيفكم انشاء الله كويسين)... كويسين الحمد لله , أها دورنا في اللوب دا كم كويسين و الحمد لله و عندما ضاقت معي صبراً سألت بكل جديتها السابقة: يا حافظ في شنو؟
ما عرفت في شنو لاني ببساطة والله كنت ما عارف أها أتوكلت على الحي الدايم و قلت ليها هضربة امين سليمان (يما انا بحبك)
بزهج ردت علي: خلاص شربت السم الهاري و بديت تلغلغ...
حقك علي انا يما البسمع كلام امين ... و دا كان ردي
و قفلت التلفون و عشرة مس كولات و انا ما رديت في النهاية ضربت لأخوي عشان تشوف موضوع الحب دا شنو .... امين صليبك يا خي في داعي تدخلنا في تجارب زي دي



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
قديم 17-10-2014, 03:51 PM   #[44]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة حافظ حسين مشاهدة المشاركة
أمسك يا ناصر تفاهة صغيرة كدا لمن نجي صادين

حقك علي أنا يما البسمع كلام أمين أب صلعة
أها امين سليمان حي الدنيا فاتح ليه بوست حدادي مدادي عن فضل الوالدين و في النهاية بناشد اي زول لو والدينه احياء يضرب يقول ليهم أنا بحبكم .... البوست حزني شديد يا خي و عيوني رقرقرن فيه اتذكرت خالدة زميلة شجرة النيمة و الاعياد اللئيمة ... خالدة اليتيمة, معتصم و اخواته الثلاثة و كيف حالهم بيكون يوم العيد و الخ من يتم لئيم في الحلة و لكن الحاضر الحاضر كانت أمي و تجربتها مع اليتم, البوست دخلني في جوء كعب جداً و الغريبة قبل اشوفه بعشرة دقايق ضربت للحاجة و خستكت بيها شديد .... أها على قرار البوست اتصلت تاني و من الحب ما أحرج:
الو يما كيفكم انشاء الله كويسين
يما: كويسين الحمد لله يا حافظ
و مع كويسين الحمد لله امي منتظرة مفروض اقول ليها شنو أو ازف ليها أي خبر و انا تاني اشيل و أقول (الو يما كيفكم انشاء الله كويسين)... كويسين الحمد لله , أها دورنا في اللوب دا كم كويسين و الحمد لله و عندما ضاقت معي صبراً سألت بكل جديتها السابقة: يا حافظ في شنو؟
ما عرفت في شنو لاني ببساطة والله كنت ما عارف أها أتوكلت على الحي الدايم و قلت ليها هضربة امين سليمان (يما انا بحبك)
بزهج ردت علي: خلاص شربت السم الهاري و بديت تلغلغ...
حقك علي انا يما البسمع كلام امين ... و دا كان ردي
و قفلت التلفون و عشرة مس كولات و انا ما رديت في النهاية ضربت لأخوي عشان تشوف موضوع الحب دا شنو .... امين صليبك يا خي في داعي تدخلنا في تجارب زي دي
هههههه
انت ما سمعت بالمثل القاااااائل

الباري آمين محمد سليمان .. بتجيهو صلعه ولا صرعه ؟؟

ههههههه

بالله قلت للحاجة ( يما انا بحبك ) ؟؟؟؟

ياخي أحمد الله الجات علي تعليقها ده بس

ههههههه



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 22-02-2015, 07:51 AM   #[45]
حافظ حسين
:: كــاتب نشــط::
الصورة الرمزية حافظ حسين
 
افتراضي

الله يا صلاح اللمين ... والله من ذاكرة النار
مريم يحي تحجل في قيدها و بينها وبين الموت خطوات
رجل الدين ذو اللحية العدائية قال كلمته و انصرف
القاضي الموتور القي المرسوم و لم يتبق سوى قص الرقبة
الناشطون و الناشطات في صمت حذر و مخيف
يسرا فؤاد, خالد بحر, و إحسان فقيري خطبوا في الجمع مناهضين لحكم الجور و الطغيان... رفعنا اوارق تنادي بحرية الإعتقاد و اللاعتقاد و كذك و الضمير في صمت .. و لكنك يا كبيرنا و يا جميلنا و أشجعنا كسرت صمتنا الخجول بهتاف صادق و داوي (الشعب يدين تجار الدين)...لم نجاريك في هتافك لان حسب الخطة ان الوقفة صامتة... هتفت و لم تكن تعلم ان للهتاف جائزة نقدية و معنوية في واشنطون دي سي و لا انه بقدر قدير يتحول الي ورش مدفوعة الأجر في كمبالا و كينيا...
والله يا صلاح
و وداعاً ايها العلماني الجميل



التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة

مريد البرغوثي
حافظ حسين غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 08:37 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.