خريجو جامعة أسيوط لمزيد من التواصل

[muntasir hassan]

المشاركة الأصلية كتبت بواسطة Wad Elbeck

أخوتى الأسايطه السلام عليكم ورحمة الله وبركاته.
عاصم شبارقه والله يادوب بعد مانشرت صورتك الأسيوطيه الواحد ذاكرته انتعشت و قدر يجمّع وكمان تعرفنا على عاصم حديثاٌ, فمره أخرى شكراٌ على الأقتراح الجميل.
د. عصام عليش ما شاء اللّه لم تتغيّر كثيراٌ بل أكثر محافظةٌ من كثير من الديناصورات التى تلتكم فى أسيوط.
عزيزنا أيهاب قبانى لا بأس عليك وألف حمدلله على السلامه وجزيل شكرى على الترحيبات.


ودالبك قديماٌ [align=center]حديثا[/align]

ياود البك ماشاءالله عليك محافظ خلى باللك انا من ما لموا فينى اسامه واسامه الكاشف زى اسدين قصر النيل ماكسبته عافيه اقعد يااسامه رسل لينا جلابيه ساده وحده مقلمه تقول قولنا ليك دايرين نفتح بوتيك ياعاصم قلت د عليش بشرب وش الدواء ود البك محافظ قل لى بياكل خضروات وفواكه طازه ياود الكاشف ياخوى الجماعه ديل ماقروا معاك زراعه ولاهم مطريه وانت صحراويه

[muntasir hassan]

المشاركة الأصلية كتبت بواسطة Wad Elbeck

أخوتى الأسايطه السلام عليكم ورحمة الله وبركاته.
هذه الصوره أُخذت بشقتنا بشارع النميس فى نوفمبر عام 1983, تضم مجموعه من الأسايطه عدا أخونا عمر جعفر كان فى زيارتنا من المنيا (يجلس بين أبو نظارات وأبو قميص بنى).
بالمناسبه هذه الصوره تضم أخونا عصام كيشو, ويا كيشو آها نزّلنا صوره من أيام الشباب وفى انتظار صورتك الحديثه.
فى انتظار مشاركاتكم.

ابونضارات العزيز عصام محمود وابوقميص بنى الاخ الراقى والمهذب ياسر تاج السر

[مكي محمد الحسن]

المشاركة الأصلية كتبت بواسطة عادل عسوم

الأخ الفاضل مكي
تسلم ياأصيل
جلي لينا الشاي والقهوة والعناب ديل وقرط لينا على السحلب دة
غايتو انا متذكرو رهاب رهاب

التحية ليكم جميعا ياأحباب

الاخ عادل عسوم
تعرف يا الحبيب دي أهم المشروبات في معظم قهاوي مصر
وبالذات في الصعيد ..
الشاي الكشري - شاي حب في مويه ساخنة وسكر تقيل ( اذا بدلته تأخذ شاي أبو فتلة ) وهو شاي خفيف مكون من مويه سخنة وسكر خفيف وتي باك ..
القهوة علي الريحة - دي بتتعمل مخصوصة في ( كنكة ) وبعدما المويه تفور عليها القهوة
تصب بي رفق علي الكباية أو الفنجان وأهم حاجة (وش القهوة - الرغوة ) ولا تحتوي علي سكر.
العناب - وهو شراب الكركدي المثلج والبارد
أما السحلب - فهو شراب ابيض اللون مكون من ( الفلور وبعض المكسرات من جوز الهند والفول السوداني واحيانا يرش علي أعلاه بعض مسحوق القرفة - المكسرات تختلف من قهوة الي أخري حسب الدرجة السياحية ) وهو شراب مفيد في الشتاء القارص.

أها يالحبيب اتفضل طلبك

[مكي محمد الحسن]

السلام عليكم يا صعايده
الاخ ود البيك شكراً جزيلاً علي الصور القديمة والحديثة
ما شاء الله عليك محافظ والله ..لكن أمريكا دي مالها عملتها في أخوانا أسامه ود.منتصر؟؟
وطالما نزلت لينا صورة أخونا عصام محمود ( كيشو )
أرجو ان تناجيه معانا ..



"عودة كيشو مطلب سودانيات"

[Wad Elbeck]

أخى مكى شكراً جزيلاً,
أضم صوتى ليك ولجميع الأصوات الى بتنادى بعودة كيشو
"عودة كيشو مطلب سودانيات"

[مكي محمد الحسن]

المشاركة الأصلية كتبت بواسطة Wad Elbeck

أخوتى الأسايطه السلام عليكم ورحمة الله وبركاته.
هذه الصوره أُخذت بشقتنا بشارع النميس فى نوفمبر عام 1983, تضم مجموعه من الأسايطه عدا أخونا عمر جعفر كان فى زيارتنا من المنيا (يجلس بين أبو نظارات وأبو قميص بنى).
بالمناسبه هذه الصوره تضم أخونا عصام كيشو, ويا كيشو آها نزّلنا صوره من أيام الشباب وفى انتظار صورتك الحديثه.
فى انتظار مشاركاتكم.

الاخوة من اليمين لليسار: محمد سيد أحمد ود البيك (زراعة ) عصام محمود ( كيشو - حقوق ) عبد الماجد صديق عبد الماجد الزمزمي ( زراعة ) عصام محمود ( زراعة ) عمر جعفر ( المنيا ) ياسر تاج السر (زراعة )

الاسماء بعد معاونة الاخ مجدي جاد الكريم ( مصور الصورة ) - زراعة - القضارف

[شبارقة]

المشاركة الأصلية كتبت بواسطة Wad Elbeck

ودالبك قديماٌ [align=center]حديثا[/align]

[align=justify]ما شاء الله تبارك الله أخونا ود البك ما زال محافظا ً ...وفعلا ً الصور القديمة لها فائدة عظيمة في إنعاش الذاكرة ... وبالمناسبة أنا يا دوب إتذكرتك تماما ً (من يوم ما تداخلت معانا وأنا بحاول أتذكرك وصورتك تمشي وتجيني لغاية ما قطعت لي الشك هسه) الشكر للجميع ونرجو التواصل بالصور القديمة والحديثة عشان نتذكركم (يا أخوانا دي فترة إنقطاع لا تقل عن 22 سنة ... يعنى لازم ندي الذاكرة دفرة بالصور لأنها خلاص بقت في الباي باي )[/align]

[شبارقة]

المشاركة الأصلية كتبت بواسطة مكي محمد الحسن

الاخوة من اليمين لليسار: محمد سيد أحمد ود البيك (زراعة ) عصام محمود ( كيشو - حقوق ) عبد الماجد صديق عبد الماجد الزمزمي ( زراعة ) عصام محمود ( زراعة ) عمر جعفر ( المنيا ) ياسر تاج السر (زراعة )

الاسماء بعد معاونة الاخ مجدي جاد الكريم ( مصور الصورة ) - زراعة - القضارف

[align=justify]أخيرا ً ظهرت صورة قديمة لكيشو .. شكراً يا ود البك
طبعا ً أنا أعرف الأخ عصام محمود حق المعرفة أيام كنا في أسيوط ولكن لم يكن يحمل لقب كيشو ولذلك لما تلاقينا في النت لم أتعرف عليه ولكن لما علمت أنه عصام محمود بتاع حقوق تعرفت عليه مباشرة وذكرت له بعض المواقف التي تدلل على معرفتي به ، وكذلك الإخوة في زراعة أعرفهم جميعا ً (بحكم جيرة الكليات) صورهم القديمة في الذاكرة ولكن الأسماء طارت بحكم الزمن والكــُبر الدخل وكده [/align]

[شبارقة]

المشاركة الأصلية كتبت بواسطة مكي محمد الحسن

الاسماء بعد معاونة الاخ مجدي جاد الكريم ( مصور الصورة ) - زراعة - القضارف

[align=justify] تحياتنا للأخ مجدي جاد كريم ونسأل عنه (تداخل معنا هنا قبل فترة ولكنه إنقطع عننا) وتواصل معنا مشكورا ً هاتفيا ً أكثر من مرة ... ويا ريت يا مكي تشوف لينا صورة قديمة وأخرى حديثة لأخينا مجدي حتى تنتعش الذاكرة (أصلو بصراحة صورتو تمشي وتجيني ... ما قلنا ليكم خرّفنا )[/align]

[شبارقة]

[align=justify][align=justify]عاصم أيام أسيوط[/align]

[align=justify]وعاصم حديثا ً [/align] [/align]

المشاركة الأصلية كتبت بواسطة حليمة

شبارقة ما قادرة اصدق إنك فى اسيوط كنت كدة وهسة بالصورة الشفناك بيها!!!!!!!!!.
برافو عليك واحييك على شجاعتك الكبيرة وعقبال نشوف الباقيين.
ابراهيم قال عليك فرق كبير وسألنى ده منو ده. ما قدر يصدق لما كلمته وقال لى بالله هو كان صغير كده؟

[align=justify]يا إبراهيم يا أخوي الصورة الأولى دي ونحنا خريجين عام 1986م .. ومال لو شفتني وأنا برلوم كان تقول شنو ؟ ياخ نحن أسيوط دي دخلناها بأسنان اللبن [/align]

[د.عصام الدين عليش]

المشاركة الأصلية كتبت بواسطة شبارقة

[align=justify]الزول الفي الصورة التحت دي أنا غايتو كان لاقيتو في أي حتة في أي مكان من العالم ما ح أعرفو .... إن شاء الله إنتو تعرفوهو أنا قايلو عبد الرحيم حمدي [/align] [align=center][/align]
[align=justify]واضح من ربطة العمة (البغطو بيها الإضنين دي) إنو تحتها في حاجات بتلمع وتجهر مع الضوء وأشعة الشمس [/align]

[align=justify]الاخ شبارقة
السلام عليكم ورحمة الله وبركاته
يااخي انا فعلاً قايلوا عبد الرحيم حمدي لكن وجاهة خاصة العمة والشال
لك الف تحية وألى لقاء [/align]

[حليمة]

المشاركة الأصلية كتبت بواسطة Wad Elbeck

أخوتى الأسايطه السلام عليكم ورحمة الله وبركاته.
عاصم شبارقه والله يادوب بعد مانشرت صورتك الأسيوطيه الواحد ذاكرته انتعشت و قدر يجمّع وكمان تعرفنا على عاصم حديثاٌ, فمره أخرى شكراٌ على الأقتراح الجميل.
د. عصام عليش ما شاء اللّه لم تتغيّر كثيراٌ بل أكثر محافظةٌ من كثير من الديناصورات التى تلتكم فى أسيوط.
عزيزنا أيهاب قبانى لا بأس عليك وألف حمدلله على السلامه وجزيل شكرى على الترحيبات.


ودالبك قديماٌ [align=center]حديثا[/align]

ود البك لك التحية وسلام عليك
عايزنك وعصام عليش تقعدوا وبدون غتاتات تورونا سر الشباب الدائم عشان ناس اسامة ومنتصر وشبارقة يستفيدو وخاصة اخوانا اللسة ملاوزين من الظهور بالصلع وما ننسى الجماعة المصرين على لف العمة.لو ابو يطلعوها اقترح اللجوء للزوجات وده اسرع حل ونافع جدا.
اسامة انا بس اتشهدت وغلبنى اقول اى حاجة عشان كدة امس غبت عنكم.الفرق كبير جدا.تنفع رئيس جمهورية رايك شنو ترشح نفسك؟
رايكم شنو عرض صور الزول وهو برلوم وهسة والناس الجرسة نقول التلاتة(برلوم ـخريج وهسة)
شبارقة شكلك من انصار حليل زمن الصبا الماضى وحليل زهر الحياة الزاهر
مكى ان شاء الله ناس ماجستيك شغلوك معاهم وادوك دبورة
عازف الاورغ ألف لابأس عليك إن شاء الله اجر وعافية. كيف حالك ؟انت هسة وين؟
ميسرة علام وين انت ؟طولنا من اخبارك.

[د.عصام الدين عليش]

المشاركة الأصلية كتبت بواسطة عازف الأورج

عموم الأسايطة...سلام عليكم
والغيبة كانت بسبب اخت الكانت عند شبارقة واجر وعافية يا عاصم
ود البيك والأخت حليمة منورين والله..التحية موصولة للأخ/ابراهيم عباس
ود عليش و اسامة ماشاااااااااااءالله...لكن يااسامة علييييييييييييك الله شيل العمة

[align=justify]الاخ عازف الاورج
السلام عليكم ورحمة الله وبركاته
كلامك ده طمًنا لابأس عليك والف سلامة
مع الف تحية وإلى لقاء [/align]

[د.عصام الدين عليش]

المشاركة الأصلية كتبت بواسطة أسامة الكاشف

يا دكتور عصام تعرف أنا دفعة الشاذلي
يعني اتقابلنا بس يمكن ما تعارفنا كويس

صدقت في موضع العلاقات والتعامل المادي
يعني الشاذلي ده أنا ما خليت ليه قميص عاجبو
وقروش ناس الشقة كلها كانت ملك مشاع
يمكن بحسن نية انتقلت المسألة دي مرات للتعامل مع آخرين
والبعض اعتبرها تجني على حقوقه
(الكلام ليك يالمنطط عينيك)

غايتو أيام ربنا يسهل لي أولادنا يعيشو ذيها

[align=justify]الاخ اسامة
السلام عليكم ورحمة الله وبركاته
فعلاً ربما اكون ماقعدنا مع بعض كثير ايام اسيوط وذلك لسبب انه في آخر عام وهو عام التخرج كنت معتزل تقريباً ومعظم الشباب كانوا يعرفوني لسببين هو انه في هذا العام تقريباً بأكون اكبر طالب عمراً والثاني كان الاخ صابر احمد الزبير زميلي في الشقة كان عضو في الاتحاد وكان كان ماشاءالله اجتماعي جداً تحية له من هذا المكان ولن انس في هذا المكان كل الاسايطة اللذين احمل لهم جميعاً حتى اللذين اتو من بعدي كل ود وتقدير لقد كانوا يحملون كل معاني الوفاء وروح التعاون بينهم وهذا ربما نفتقده هذه الايام خاصة هنا في هذه البلاد التي نعيش فيها الان واتمنى كما قلت ربنا يسهل لي أولادنا يعيشوا مثلها بالمناسبة انا الان في بوادي المنطقة الشرقية اين انت ؟
لك الف تحية وألى لقاء [/align]

[د.عصام الدين عليش]

المشاركة الأصلية كتبت بواسطة Wad Elbeck

أخوتى الأسايطه السلام عليكم ورحمة الله وبركاته.
عاصم شبارقه والله يادوب بعد مانشرت صورتك الأسيوطيه الواحد ذاكرته انتعشت و قدر يجمّع وكمان تعرفنا على عاصم حديثاٌ, فمره أخرى شكراٌ على الأقتراح الجميل.
د. عصام عليش ما شاء اللّه لم تتغيّر كثيراٌ بل أكثر محافظةٌ من كثير من الديناصورات التى تلتكم فى أسيوط.
عزيزنا أيهاب قبانى لا بأس عليك وألف حمدلله على السلامه وجزيل شكرى على الترحيبات.


ودالبك قديماٌ [align=center]حديثا[/align]

[align=justify]الاخ ود البيك
السلام عليكم ورحمة الله وبركاته
اشكرك على التعليق وماشاء الله مازلت محافظ علي الشباب ماعندك مشكلة
لك الف تحية وألى لقاء [/align]