كنتا قايلهو عازب وقايلها ما متزوجة
شفتهو والفرحة في عينهو
حيوية ونشاط ماليينهو
يهازر دآك ويطايب ديك
والبسمة الفي وشيهو؟؟
عيييييييييييييك
سألتا وقلتا دآ مش فلان الفلاني
قالوا ليا: تمام
قلتا: والله هو السعيد..
رد عليا واحد وقال:
يا أخي دآ مرتهو .....
ما خليتهو تما كلامهو..
ولا شعورين قلتا:
تقصد أنه متزوج وبرضهو سعيد....
حسنة المظهر،
نظرة واحدة وكانت كافية لأني ما أعدت النظر،،
(أصلي مسلم ملتزم)
حقيقة جميلة ومكملاهو..
إختيار التوب على كيفك
ما ظهر من يدها ما عليهو إلا قطعة جميلة من خاتم مفصفص ولونهو فضة، بث أتاريهو بلاتنيم...
حذاء مع إختلاف لونه وتناسق اللون مع الشنطة الأنيقة لكنه عامل حاجة غريبة مع التوب "بدون ووووووووب"..
المشية ثقة تجبر الأسد أن ينزاح من طريقها وحتى لو سد مروي في دربها ظنيتهو يمرقها في طرابلس الغرب ويديها المجال،،
النظرة الي قدام والخف ينقر في الارض ذي درب الحمام...
قلتا أكيد العاجباها روحها دي وقادرة أنها تفرض شخصيتها على الشارع،،
ما متزوجة،،
ما هو لو معرسة راجلها ما بخليها تمرق وهي سمممممممممممممممحة كدي..
قالوا:
لا والله معرسة وعندها تلاتآ أطفال.........
والله الدنيا دي فيها مفارقات....
ديلآ إتنين، كل واحد براهو،،
لكنهم!؟!؟!؟
ما شاء الله وما أراد فعل.........
|
