ليست بيت أحد منا .. ( سودانيات) منبر للجميع!!

[مي هاشم]

عبد الجليل سلام..
بما إني قد صنفت من قبل ظلامية..فكل ما أقول سيندرج تحت ذات التصنيف..
لكنب متابعة (شديد)..

[الأغبش]

سؤال للفائدة العامة ... لاحظت تكرار لفظ سلفيين وسلفيين جدد ..
من هم السلفيين ؟؟ هل التعريف يشمل الإسلاميين ؟؟أم فئة معينة منهم ؟؟أم لا علاقة له بهؤلاء أو أولئك ؟؟
أفيدونا دون تجاهل رجاء...

[فتحي مسعد حنفي]

المشاركة الأصلية كتبت بواسطة الأغبش

سؤال للفائدة العامة ... لاحظت تكرار لفظ سلفيين وسلفيين جدد ..
من هم السلفيين ؟؟ هل التعريف يشمل الإسلاميين ؟؟أم فئة معينة منهم ؟؟أم لا علاقة له بهؤلاء أو أولئك ؟؟
أفيدونا دون تجاهل رجاء...

السلفيين هم من نطلق عليهم في السودان أنصار السنة الذين يطلقون اللحي ويحفون الشوارب ويقصرون جلابيبهم ويعتبرون كل جديد بدعة وكل بدعة ضلالة وكل ضلالة في النار ويكفرون من لا يوافقهم بل في بعض الأحيان يهدرون دمه وينفذون فيه حكم الاعدام كما فعلوا بفرج فودة في مصر وحاولوا قتل نجيب محفوظ..أما السلفيين الجدد فهم من أحسوا بالخطورة وتراجعوا عن الكثير من تعصبهم بحجة الغاية تبرر الوسبلة..

[مبر محمود]

المشاركة الأصلية كتبت بواسطة عبد الجليل سليمان

ثانياً : أين هو (بوست) خلف المنبر ، إذا لم تتم مصادرته.

تحيّاتي لعبدالجليل وللجميع..
بخصوص بوست "خلف المنبر" فقد تمّ سحبه يا عبد الجليل بناءً على موافقتك..
تحاورنا بخصوصه في الخاص، وطلبت منك بصورة شخصية سحبه، وقد وافقت على ذلك مشكوراً
وبناءً على موافقتك هذى فقد قمت أنا بمخاطبة الإدارة متمثلة في الأمين العام وأخطرتها بأنك ترغب في سحب البوست.
وللمعلومية فقد كان موقف الأمين العام حينذاك رافضاً لسحب البوست، ولكن بعد مشاورات عديدة معه إستصحبت الأزمات التي فجرها البوست في المنتدى رضخ للطلب و وافق على سحب البوست مشكوراً..

هذا ما لزم توضيحه، والشاهد في كل ما ذكرت عضوة المنبر "آيات" فقد كانت شاهداً على الحوارات التي تمت بيننا.

[الأغبش]

المشاركة الأصلية كتبت بواسطة فتحي مسعد حنفي

السلفيين هم من نطلق عليهم في السودان أنصار السنة الذين يطلقون اللحي ويحفون الشوارب ويقصرون جلابيبهم ويعتبرون كل جديد بدعة وكل بدعة ضلالة وكل ضلالة في النار ويكفرون من لا يوافقهم بل في بعض الأحيان يهدرون دمه وينفذون فيه حكم الاعدام كما فعلوا بفرج فودة في مصر وحاولوا قتل نجيب محفوظ..أما السلفيين الجدد فهم من أحسوا بالخطورة وتراجعوا عن الكثير من تعصبهم بحجة الغاية تبرر الوسبلة..

خواجه ازيك ومشتاقين كتير..
تصدق ده برضو كان مفهومي الوحيد ليهم لكن الكلام هنا جهجه باكاتي ولخبط الأمور عليّ ..
شكلك كده زيي ..كدي نصبر شوية يمكن يجي زول تاني يشرح لينا ..

[الرشيد اسماعيل محمود]

أنت ليس وصياً ولا نبياً

u too

انا لم أكتب (الروض العاطر) الذي تعتبره إباحياً، كتبة النفزاوي وهو شيخ دين معروف ، كتبة رجل دين في قرون سلفه،

ولو اتفقت معك على اباحية النفزاوي فهو رجل دين وفقيه وقاضي شرعي

أراك تطالبني بأن آخد برأي النفزاوي بدعوي أنه رجل دين معروف في زمانه وتستنكر عليّ قول رأيي في أن كتابه إباحي بحت.. هسّع السلفي منو فينا..؟؟
هي السلفية دي كيفن يعني.. ليه ما أقول رأيي ..؟ النفزاوي دة مقدّس مثلاً..؟ هسّع كلامك دة كلام سلفي راسو عدييييل يا جليل.. راكب معاي سرج واااحد..
وبعدين ياخي دة رأيي الشخصي.. إنت ليه تحرمني من أنّي اختلف معاك في رؤيتك للنفزاوي وكتابو..؟.. ولاّ الديمقراطيّة صعبة..؟
بالطبع ليس رأي يقيني وإلهي وقاطع ولكن يخصني أنا الرشيد السّلفي المغلّف بالليبرالية دة..
شايفك ركّزت علي النفزاوي وخلف المنبر وما جبت سيرة البوستات العميقة التانية التي صودرت بواسطة الإدارة.. وهما بوستان يخصّانك وحدك.. مما يشير لفرضيّة أنّك معنِي بمفترعيك الإتنين ديل علي وجه التحديد والدِّقة.. وما قلت لي هل حتجيب لينا عناوين البوستات العميقة التانية اللي تمّت دسدستها ومصادرتها ولا حننتظر طويل..؟
بعدين ما علّقت لي علي مدلول كلمة مصادرة في حد ذاته الكتبتو ليك آخر مداخلتي الفاتت.. فهمك ليه شنو..؟ ولو ممكن أسألك بالمرّة عن رأيك في لائحة سودانيات في عضمها..؟ الاستفسار دة جوهري بالمناسبة.. علي الأقل بالنسبة لي.. في سبيل أنّنا نمشي بالحوار لأبعد ما يمكن..

لكن قبل كدا تعال وقول رأيك – ليه تزوغ جاي وجاي. أنت ما عندك رأي واضح في وضوع الحريات و في الذين يستخدمون ( سودانيات بيتنا) فزاعة لإخافة الآخرين، ليه ما عايز تقول رأيك بوضوح. قولو

قلت ليك من البداية عندي ملاحظات.. و وافقتك علي جزئيّة من كلامك من أن الكتابة بقت جانحة بشكل كبير تجاه السّمت الإجتماعي والمواجبات.. لكن اختلفت معاك في أن السبب هو فكرة "بيتنا" والخراب الذي حاق بالحريّات علي حدّ تعبيرك.. لأنو انا شايف إنّك منطلق من موقف شخصي محض.. حال أنّ الإدارة (السّابقة) تصدّت لبوست النفزاوي "الإباحي" وحوّلته للمكتبة.. يعني انا من خلال مرافعتك الفوق دي تبيّن لي انك ما عندك نماذج غير بوست النفزاوي الليهو عام كامل إلا بضعة أيّام.. وكل ما ذكرته أنتَ من تغوُّل ومصادرة الإدارة للبوستات لا يعدو أن يكون محض مناصرة ذاتيّة فقط..
المهم:
في انتظار دلقك للأسانيد هنا.
تحيّاتي مُرفقة..

[الجيلى أحمد]

ليالى الحلمية

[الأغبش]

المشاركة الأصلية كتبت بواسطة الجيلى أحمد

ليالى الحلمية

الجيلي يانبيل ..(قصة نبيل دي بحكيها ليك يوم تاني) كيفك ياراجل ..

إشتقنا لنقاشاتك وإسهاماتك المتفردة ..
شايفك الفترة الأخيرة دي طلعت المدرجات ..

[الجيلى أحمد]

المشاركة الأصلية كتبت بواسطة الأغبش

الجيلي يانبيل ..(قصة نبيل دي بحكيها ليك يوم تاني) كيفك ياراجل ..

إشتقنا لنقاشاتك وإسهاماتك المتفردة ..
شايفك الفترة الأخيرة دي طلعت المدرجات ..

حبيبنا الأغبش

أى والله أشتقنا لتلك السجالات

ولكنى
مشغول شديد ياصديقى

كما ان الحياة مدت يدها بعيدآ فى سحارتها وأخرجتها مليئة بالدهشة
والألوان

فالى لقاء ياصاحب

[الأغبش]

المشاركة الأصلية كتبت بواسطة الجيلى أحمد

حبيبنا الأغبش

أى والله أشتقنا لتلك السجالات

ولكنى
مشغول شديد ياصديقى

كما ان الحياة مدت يدها بعيدآ فى سحارتها وأخرجتها مليئة بالدهشة
والألوان

فالى لقاء ياصاحب

بالتوفيق ..وستجدنا في إنتظارك ..

بعد أن تستفق من الدهشة وسحابة الألوان ..

[رأفت ميلاد]

المشاركة الأصلية كتبت بواسطة الجيلى أحمد
ليالى الحلمية

[AMAL]

جليلو ياكركبة
مشتاقين ياخ
نغيب شوية نلقاك موقف المنبر قرون قرون
قلتا لي برنامج بيتنا مالو؟
اليف وحميم ووهيط وكان النفوس اتطايبت
بشيلنا كلنا وعناقريبو كتيرة
شفتا كيف
يعني فكرة البيت دي مافايتانا مافايتانا

ياخ نحن السودانيين ديل مابنعرف نعيش خارج الفكرة دي
كلوكلو وكان مسكنا في السوداناوية دي ابتجينا عوجة
كدي تعال نطبقاهنا
نلقا فعلا ان سودانيات فعلا هي البيت الذي بناه خالد الحاج
عليه الرحمة وضع اساسو ونادي الناس يختو معاهو الطوب
فكرة ومشروع
والحيطان ميثاق ولوائح
وكان بدفع من حر مالوثمن كل ذلك
وهناك من يفعل ذلك الان
عارف ياجليلو
المصيبة مش في البقولو دا بيتنا
وانا مامنهم بالمناسبة
المصيبة في البدخلونا بيوتهم غصبا عننا
والمشكلة مابختاررو لينا الا الحمام وغرفة النوم
ومرة مرة المجاري
ياجليل انت قاعد
وبتكتب امسك في دا
وواصل ياخ
وخلي العندو راي يلقاك امام المنبر وليس خلفه
طبيعي جدا يكون في مخالفين ليك في الرأي
والادارة هنا ماليها يد طالما التزمت باللوائح
وفي اكيد صراع هنا ودا صحي وطبيعي
وكل مرة الكفة بتميل لي جهة
ولو ميلت للحتة الغلط
العيب اكيد مافي الادارة ولا اللوائح
امسك في فكرتك قوي
وابقي الف
فالزبد يذهب جفاء
ويبقي ماينفع الناس
خليك هنا
واتلفت شوف المعاك في الصف منو

[عبدالمنعم الطيب حسن]

المشاركة الأصلية كتبت بواسطة بابكر عباس

بالمرة كمان الواحد يعتذر لعبد المنعم و أقول ليهو: أنا فعلا كنت بتعامل مع ملاحظاتك على انها ضعيفة، لكن ما دام زول زي عبد الجليل شاركك الرأي لازم أتحسس راسي و أعتذر ليك إعتذار صريح و كبير

ياخ والله انت مسيكين

[فتحي مسعد حنفي]

المشاركة الأصلية كتبت بواسطة عبدالمنعم الطيب حسن

ياخ والله انت مسيكين

شكلك كدا والله انت المسيكين..الرويعي دا بكون راقد ليهو علي قول

[لسان الدين الخطيب]

[justify]عبد الجليل أحبك رغم انك ....(حب ممتنع التواصل) ومؤكد انا لم التقيك زمن مديد فلست بالتالي من رهط من شاورت وتشاورت أو أكثر ( إنقطاع لا أعلم له من سبب ) ولكنك عبرت عني وكما رأفت واكبت الحديث عني ومني وبعد : لي شقيقة عضوة بالمنتدى ولم اتحسس يوماً من كتابة فيه تتطلع علية ( انا الذي دعوتها ) وفي كثير من المرات اناوشها ان تلج كتاباتك وأم التيمان لما تحوي من مختلف وكذا متميز وكما قالت هي ( شقيقتي الصغرى )ايضاً ( ممتعضة ) إن منتداكم هذا موقع صحبة وونسة وتفارقة أزمان طويله إنقطاع والحق يقال ان مدلولات وأساليب الإقصاء كثيرة وأخبثها مادار أوقات كثيرة من نوع ( مايجب ان يكتب وما لا ) خوف إطلاع الأسر - الأزواج الأمهات الأباء والأبناء- كنشيد مشروخ يتداوله كثيرين/رات من ماهو موثق كحاله تخلق هياج وضباب يخرج بالفكرة والمفكرين معاً من دائرة التواصل وتخلق فتقاً يستعصى على الرتق حين لات وكذا مندم
عزيزي جليل إن كان هو بالفعل منبر ( سودانيات هذا أو الشبكة أو أي أخر) أحق به ان يحتفل بالأخر المختلف ولا يضيق به من أي من الزوايا وأخيراً انا متفق معك في كل ماذهبت ( هذا قولك انت الذي وافقته انا ) أما قولي :
فتباً للقوانين والأعراف واللوائح لأنها مرادف موضوعي للسائد والمتعود بل وهي صيغة جاهزه للحكم على كل جديد مختلف ومصادرته بإسمها وكل جديد حورب بها وفي كل المجالات حتى العلوم التجريبية والتوضحية لم تسلم منها وشواهد التاريخ تزدحم بالصور وكثرة الأمثلة فالإبداع والفكر خروج عن السائد والمتعود ومن المؤكد إن ( الفتل ) في حبل الأغلبية لن ينتج بواخر للعبور الى ما نصبو (علية ) ولك ولك المتداخلين السلام[/justify]