نعي أليم - فيصل سعد في ذمة الله !!! عكــود
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار % جانوار ؛ تسرى منزل ؛ غرام فى طوكيو ؛ سنجام ~!×!~ أفلام و أحلام الستينات .!. اسم العضو حفظ البيانات؟ كلمة المرور التعليمـــات مركز رفع الملفات البحث مشاركات اليوم اجعل كافة الأقسام مقروءة صفحة 2 من 2 < 1 2 أدوات الموضوع انواع عرض الموضوع 21-04-2007, 06:29 PM #[16] بندر شاه :: كــاتب نشــط:: اقتباس: المشاركة الأصلية كتبت بواسطة خالد الحاج كنت يا إبن عمتي مرضان بي شامي كابور وخالك الحاج كان بيسخر مني مسميني "الهندي" مرة دخلنا سينماء الوطنية غرب (تسري منزل) أذكر اليوم والله يا بندر أخوك بغني مع شامي كابور زي الكأني مولود في بومباي لووووووووووووول مرة الحاجة رحمة الله عليها أقنعتني نمش بربر... زيارة للشيخ عبد الله البدري وهناك يا إبن عمتي وأنا لافي في السوق لقيت ليك ملصق لي فلم في سينماء بربر (جانوار الفلم الهندي الجبار ) لوووووووووووووول .. يا زول طبعا البيدخل الدايرة في القدواب ما بيطلع منها إلا للقطر ... وحيات خوتك الساعة خمسة أخوك منجعص في سينماء بربر وشايل لي قرطاس تسالي قدر الضربة وقصبة سكر .. الجماعة بي غادي بيفتشوا لي أخوك قلبوا القدواب كلها ... بعد الفلم قطعت ليك الخلا داك كلو من سوق بربر للقدواب شاقي المقابر.. وهناك أخدت لي جلدة كاربة من الحاجة عليها الرحمة .. لكن والله ما ندمان... تقول لي هندي & ود خالى و خالتى العزاز على شديد .. عليهم رحمة الله ... قلت لى أدوك علقه شديده .. تستاهل .. البوديك القدواب و الدائره شنو ... تعرف كنت ببرم شوية شعر فوق الجبهه و بنزله فوق جبهتى على طريقة شامى كابور .. عندنا أستاذ فى المدرسه الإبتدائيه حذرنى اكثر من مره من عمل خصلة شعر فوق جبهتى ... فى النهايه زهج منى وقص شعرى فوق الجبهة وسط ضحكات بعض تلاميذ الفصل ... و الله زعلت لمن بكيت .. و فكيت ليك طوبه كاربه فيه و بالشباك و عيك ... مشيت حكيت لى عمك صالح الحسن الله يرحمه .. رجع الخال معاى للمدرسه و جاطه ليك تحت فوق عايز يكسر راس الأستاذ ... و طبعاً النتيجه أخوك رفدوهو من المدرسه ... و ما رجعونى إلا بالواسطه ... تقول لى هندى .. دا روسى صينى و مصنوع فى كوريا ... تكرم @&@ التوقيع: [align=center] Never argue with an idiot. They drag you down to their level then beat you with experience[/align] بندر شاه مشاهدة ملفه الشخصي إرسال رسالة خاصة إلى بندر شاه زيارة موقع بندر شاه المفضل البحث عن المشاركات التي كتبها بندر شاه 21-04-2007, 06:32 PM #[17] رأفت ميلاد :: كــاتب نشــط:: اقتباس: المشاركة الأصلية كتبت بواسطة بندر شاه & الحبيب رأفت ، شكراً معقول ما شفت و لا سمعت بالأفلام دى ... مابصدق !!! جانوار ؛ سانجام ، تسرى منزل ؛ من أجل أبنائى .. حرام عليك ياخ ... مافى سينما فى السودان ماشغلتهم بالشهور ذى فلم عنتر و عبله المثله سراج منير فى دور عنتر و كان أبيض و أسود .. وطبعا فريد شوقى مثل دور عنتر فى النسخه الحديثه الملونه ... نص عمرك ضائع ... وكمان عملت ود الحاج دفعتى ، بالغت ... شن بجيب البوكسى للكومر ... تكون لاقيتنى أنا فى الريفيرا أصلنا بنتشابه ... و أخوك كان بحب الريفيرا و الكريزى هورس بتاع المقرن و و أتنى و كوبا كوبانا و سنت جيمس و و الجى ام اتش و طبعاً حديقة البلديه و كازينو النيل الأزرق فى بحرى ... و أبو بت و أبو خمسه نجوم و قمرنا و أبو جمل فى كافتيريا النيل الأزرق و طبعاً أخيراً المؤسسه قبل التحريم و رميهم فى النيل لحدى ما طلعوا التمساح وقالوا التمساح جنَّ ( الما بجننوا شنو و النعمه جاتوا مدفقه فى نيله مستورد و محلى .. دين جونى ووكر و الكورفوازير ) ... محروق زفت النميرى و الترابى كمان ... تكرم @&@ كيفك يا بندر شاه الحقيقة نكرت عشان أطلع من الجلكنة وأتحسب من الشباب لكن رجعتنى للذكريات الما بتتفطى . المقرن كان من أجمل القعدات ومن أقرب الأمكنة لقلبى لما كنا فى الفرع نطلع على الليدو . ننسى المزكرات هناك وتانى يوم نلقاها فى دار الطلاب فى الجامعة الليدو كان حكر فراعة . بالمناسبة الفنان أبو عركى البخيت فى مدنى كان بغنى لينا أغانى شامى كابور طبعآ قبل ما يبقى فنان . أيام مودتى التوقيع: رأفت ميلاد سـنمضى فى هذا الدرب مهما كان الثمن الشـهيد سـليمان ميلاد رأفت ميلاد مشاهدة ملفه الشخصي إرسال رسالة خاصة إلى رأفت ميلاد زيارة موقع رأفت ميلاد المفضل البحث عن المشاركات التي كتبها رأفت ميلاد 21-04-2007, 07:03 PM #[18] بندر شاه :: كــاتب نشــط:: اقتباس: المشاركة الأصلية كتبت بواسطة haneena سلام بندر شاه و على الأخوة (الجلاكين) قولوا لي ليه؟ قبل ساعتين كنت بتفرج في التلفزيون و به إعلان عن زواج مرتقب للممثل أبيشيك باتشان إبن أميتاب باتشان و الممثلة أجايا على الممثلة و ملكة جمال العالم إيشواريا راي في زواج (متواضع) اللنك من البي بي سي http://news.bbc.co.uk/1/hi/world/south_asia/6563823.stm طبعآ أتلخبتت على الأغاني و الأفلام لو تسمح لي بإبداء وجهة نظري ممكن تخت فيديو واحد و الباقين خط الروابط لأنه يبدو إنه الحل الوحيد أها ما لقيتهم في اليو تيوب؟ يا الله ما أبسط و أجمل أحلامكم في أيام كانت جميلة بي ناسها و ببساطة تطلعاتهم و قلوبهم النظيفة ليتك تحكي بندر شاه عن تلك الأيام فدائمآ ما أجد الكثير عند التحدث إليك و أستفيد من أيام مضت و لن تعود طبعآ من أجل أبنائي حفظته بس من عالم السينما و غالبآ معاهو بكاء و دموع تخفيها من أخوانك الشامتين في البيت ليك على يا بندر أفتش ليك في محلات الهنود القريبين لي حتى أجدهم مودتي الصادقة & الأخت الكريمه حنينه ، شكراً راجعت اللنك و بهرنى جمال العرسان ... ياخ والله الهنود ديل أجمل شعوب العالم ... ملامحهم مريحه و هادئه ... فكرتك صاح وقمت بتنفيذها و اتحلت مشكلة التداخل .. أعتقد إذا تعددت صفحات البوست سأضع فيديو على كل صفحه لوحده ... [align=center]* [flash=http://sudanclips.com/flvplayer.swf?file=http://sudanclips.com/flvideo/413.flv&autostart=true&showfsbutton=true]WIDTH=400 HEIGHT=350[/flash] *[/align] فعلاً يا حنينه كانت أيام جميله و كان الناس طيبين و نفوسهم عفيفه ... و المشاكل كانت أقل تعقيداً ... ما عارف إمكن عشان كنا صغار وقتها و ما علينا مسؤوليه كبيره ... ... تعرفى كان لقيتى لى الأفلام ديل تكون دى معجزه ... أصلهم قدام و انقرضوا ... تكرمى يا أصيله @&@ التوقيع: [align=center] Never argue with an idiot. They drag you down to their level then beat you with experience[/align] بندر شاه مشاهدة ملفه الشخصي إرسال رسالة خاصة إلى بندر شاه زيارة موقع بندر شاه المفضل البحث عن المشاركات التي كتبها بندر شاه 21-04-2007, 08:26 PM #[19] خالد الحاج :: كــاتب نشــط:: اقتباس: المشاركة الأصلية كتبت بواسطة رأفت ميلاد كيفك يا بندر شاه الحقيقة نكرت عشان أطلع من الجلكنة وأتحسب من الشباب لكن رجعتنى للذكريات الما بتتفطى . المقرن كان من أجمل القعدات ومن أقرب الأمكنة لقلبى لما كنا فى الفرع نطلع على الليدو . ننسى المزكرات هناك وتانى يوم نلقاها فى دار الطلاب فى الجامعة الليدو كان حكر فراعة . بالمناسبة الفنان أبو عركى البخيت فى مدنى كان بغنى لينا أغانى شامى كابور طبعآ قبل ما يبقى فنان . أيام مودتى غايتو البوست ده فيه جنس "فك آخر" قلت لي يا رأفت أبوعركي كان بيغني ليكم هندي لووووووووووووووول الكلام ده سنة كم "بدون زعل يعني وكده " التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align] خالد الحاج مشاهدة ملفه الشخصي إرسال رسالة خاصة إلى خالد الحاج زيارة موقع خالد الحاج المفضل البحث عن المشاركات التي كتبها خالد الحاج 21-04-2007, 09:22 PM #[20] رأفت ميلاد :: كــاتب نشــط:: اقتباس: المشاركة الأصلية كتبت بواسطة خالد الحاج غايتو البوست ده فيه جنس "فك آخر" قلت لي يا رأفت أبوعركي كان بيغني ليكم هندي لووووووووووووووول الكلام ده سنة كم "بدون زعل يعني وكده " يا زول ما زمن بعيد السلم التعليمى بديناهو من تالتة عام . الوكت داك إنت تكون أم فكو قالت الجد شعبان بزكرنا طفولتنا . ليها حق تقول لينا يا جلاكين تلقاها كانت فى طلائع مايو كمان عندنا عمنا ما بدور الكبر أبدآ . ود عمنا تانى فى ونسة قال عمرو 50 سنة قال ليه يا أهبل أنا هيصت فى عرس أمك ما حصلت الخمسين التوقيع: رأفت ميلاد سـنمضى فى هذا الدرب مهما كان الثمن الشـهيد سـليمان ميلاد رأفت ميلاد مشاهدة ملفه الشخصي إرسال رسالة خاصة إلى رأفت ميلاد زيارة موقع رأفت ميلاد المفضل البحث عن المشاركات التي كتبها رأفت ميلاد 22-04-2007, 12:07 AM #[21] بندر شاه :: كــاتب نشــط:: اقتباس: المشاركة الأصلية كتبت بواسطة abu-wsam شكرا بندرشاه علي الفلاشباك نحنا الديامة كان عشقنا (كابويات) من نوع ( اشعث اغبر قادم من تلال المكسيك تعج وجهه الكآبة و يكسوه الحزن ) الترجمة للعمين خوري و عبيد الا انو مودتنا للهندي لها طعم خاص بلون ممتاز و شامي كابور و راجيش كنا جانوار ؟ تسري منزل و من اجل ابنائي كانت مداخلنا لماجاهيل ما وراء الوطن . الجالية الهندية كانت من اكبر الجاليات في السودان ( كانوا مغتربين عندنا) و منهم من ولد و تربي في السودان النيل مابتلال كان يحلف بالطلاق في سوق امدرمان و عمك كانتي رامنكلال شيث اكبر مورد لعجلات الرالي في السودان كان يبيع و يشتري بي ( صلي علي نبيك) شكرا علي الخيظ & الأخ abu-wsam ، شكراً أفلام الكابوى هى الأصل طبعاً قبل و خلال و بعد موجة و ظاهرة الأفلام الهنديه الحديثه وقتها و المذكوره فى هذا البوست ... استيف المكنالى ( أب سوط ) جارى كوبر جون واين شين جيف شاندرى ادى مورفى جاك بلانس انتونى كوين كيرك دوقلاس بيرت لانكستر راندولف اسكوت ريتشارد ودمارك وبعدهم أتى شارلز برنسون و استيف ماكوين يول براينر و بعدها افلام الكابوى الإيطاليه .. من أجل حفنة دولارات من أجل المزيد من الدولارات Once Upon A Time In The west و الممثلين : أنتونى استيفن وكلنت استود و المكسيكى الشهير فرناندو سانشو تصدق يا ابو وسام لعبتنا المفضله بعد الكوره طبعاً كانت تقليد الأفلام و حرب الكاوبويات ضد الهنود الحمر و بعدها عصابات الميكسيكانو ... كنا بنعمل مسدسات من الخشب و ناشابات من القنا و فروع الأشجار ... و بالعدم الأصبع كمسدس ... و فى حالة الحصار الشديد الساق و القدم كمدفع ... صاح الهنود كانوا اكثر رواد للأفلام الهنديه ... اليمن أفلام عنتر و فلم ظهور الإسلام و ما شابهها من الأفلام المصريه عن الجزيره العربيه ... أولاد الهنود و الله لعبوا معانا الدافورى حفايه .. يشهد الله ... تكرم @&@ التوقيع: [align=center] Never argue with an idiot. They drag you down to their level then beat you with experience[/align] بندر شاه مشاهدة ملفه الشخصي إرسال رسالة خاصة إلى بندر شاه زيارة موقع بندر شاه المفضل البحث عن المشاركات التي كتبها بندر شاه 22-04-2007, 03:16 AM #[22] بندر شاه :: كــاتب نشــط:: اقتباس: المشاركة الأصلية كتبت بواسطة رأفت ميلاد كيفك يا بندر شاه الحقيقة نكرت عشان أطلع من الجلكنة وأتحسب من الشباب لكن رجعتنى للذكريات الما بتتفطى . المقرن كان من أجمل القعدات ومن أقرب الأمكنة لقلبى لما كنا فى الفرع نطلع على الليدو . ننسى المزكرات هناك وتانى يوم نلقاها فى دار الطلاب فى الجامعة الليدو كان حكر فراعة . بالمناسبة الفنان أبو عركى البخيت فى مدنى كان بغنى لينا أغانى شامى كابور طبعآ قبل ما يبقى فنان . أيام مودتى اقتباس: المشاركة الأصلية كتبت بواسطة خالد الحاج غايتو البوست ده فيه جنس "فك آخر" قلت لي يا رأفت أبوعركي كان بيغني ليكم هندي لووووووووووووووول الكلام ده سنة كم "بدون زعل يعني وكده " & الحبيب رأفت و العزيز خالد ، كيفكم .. عشان أزيدكم دهشه .. تصدقوا حضرت حفل عرس فى كسلا .. و شفت العروس فى قطع الرحط بترقص على أغانى جانوار بالدلوكه و أصوات البنات السودانيات برددوا فى الأغانى و بْرَقِصوا فى العروس و الحضور بتلك الأغانى ... كنت مع ابن عمك يا خالد ؛ محمد عمر قرينات و أصحابه من المدرسه و الحى .. و كانوا برددوا فى نفس الأغانى و ببشروا فى بعض ... بالمناسبه كسلا كان فيها جاليه هنديه كبيره %% تكرموا @&@ التوقيع: [align=center] Never argue with an idiot. They drag you down to their level then beat you with experience[/align] بندر شاه مشاهدة ملفه الشخصي إرسال رسالة خاصة إلى بندر شاه زيارة موقع بندر شاه المفضل البحث عن المشاركات التي كتبها بندر شاه صفحة 2 من 2 < 1 2 تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع أرسل هذا الموضوع إلى صديق انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 06:20 AM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2024, vBulletin Solutions, Inc.