نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 09-03-2011, 07:00 AM   #[1]
عباس الشريف
Banned
 
افتراضي حفرة الدخان .... والكوز بتاع الشرطه الشعبيه

الشرطة الشعبية اللجان الشعبية مسميات اتت بها الانقاذ مع الخلطه الدينيه للبحث عن الهوية اول ما جات الانقاذ كسرت بيها شعار لا شرقية لا غربية سودانية مية المية مستعينه بتجربة القذافي في خلط الدين بالكتاب الاخضر ويقال والعهد علي الراوي اول من وضع لبنات الكتاب الاخضر كاتب سوداني مغمور توجهاته اسلاميه ونتيجة هذه الخلطه كان محافظ مدينة وادمدني محمود صالح في بداية الانقاذ لجان ثورية وغالبية الذين ينتمون للشرطة الشعبية والامن الاقتصادي هم سواقط مجتمع علي مستوي الاشخاص الذين اعرفهم .... المقال غير سياسي نخش في الموضوع.
السودان قبل قوانيين سبتمبر كانت شكل الحياة تختلف فيه حاليا اتعقدت طه ود ستونه يكبرنا عمرا يسمي مربي الاجيال وصاحب بدع غريبه منذ صغره يعرف كيف يتحصل علي المال تستعين به نساء الحي في حفر حفرة الدخان مقابل قرش احيانا كنا نساعده في استخراج التراب من داخل الحفره بي علبه صلصه فارغه بعد انتهاء المهمة الشاقه واستلامه مبلغ الحفر كان يتجود علينا بكمية من البلي او حلوي حسب مزاج طه وهو محبوب من نساء الحي للخدمات التي يقدمها لهن نكون بنلعب في الدافوري فجأة تلقي واحده من نسوان الحي نص الميدان ومسكت الكوره بي يدها توقف الدافوري عشان تسأل من طه ود ستونه واكثر سؤال عنه جارتنا التي لم يرزفها الله بابناء هذه المرأة كانت تحب الدخان لدرجة ايام رمضان تجد نهارا جهارا الدخان طالع من البيت تقول السكه حديد جابوها بي نص بيت المراة من كثرة الدخاخين دائما لون ايديها أحمر لقد اطلقت عليها لقب قرد الطلح لارتباط اسم الطلح بالدخان كما ان لون ايادي القرد احمر غامق .... طه ود ستونه له حس فكاهه غبي عندما يتحدث وهو منهمك في عمله في حفرة الدخان تكون هنالك ونسة مع صاحبة الحفره وبين كل جملتين ست الحفره تضحك مره جارتنا قرد الطلح سالتني؟؟؟
ود الشريف مشيتو حفلة ناس فلانه حضرتو رقيص العروس...
جاوبتها اي والله بس الحفله ما حلوة وخاصة رقيص العروس ما بتستاهل مننا المجازفة في الطلوع والقعاد علي الحيطه بتاعت الزباله كان ما الله ستر علينا كان وقعت بينا والعريس خزلنا قون واحد ما قبضو العروس جابت الاقوان كلها.
التفتت قرد الطلح لي طه ود ستونه .... صحي يا طه الكلام ده
رد طه: ود الشريف ما ناقش حاجة والله العريس ده احسن من سبت دودو ذاتو لو فكو ليهو حمامه في القون امسكا بس العروس ما عندها حاجة امسكوها منها العريس ما فضل ليهو كان اقبض الحمالات.......
ضحكت قرد الطلح لما دمعت !!!!!!
نسبة لانتقالنا لحي اخر في المدينة لم اتمكن من مقابلة طه ود ستونه سنين وانشغالي خارج المدينة سبب ايضا الي ان فتحها الله علينا بالصالح العام اغتربته وفي احدي الاجازات قابلت طه ود ستونه لابس شرطه اندهشت كنت اعرف طه يعمل محصل مالي باحدي مجالس المدينة ولقد علمت بانه التحق بالشرطه الشعبية حسب افادته سألته عن هذا التحول اجابني بان الله هداه وبقي كوز.
قلت ليهو يا طه حظك بس انشاءالله العتله بتاعت القوية قاعده (( اقصد العتله البحفر بيها الدخان عشان الناس ما تمشي بعيد)) عتله وكوز يا طه تحفر وترش مع الشرطه الشعبيه والكشات.
تغيرت ملامح وجهه زعل ... ثم قال: يا عباس انت لا علم لا اغتراب ما بصلحك تقصد شنو من الرش والعتله والكوز.
يا خوي طه ما تزعل وتفكيرك اكون مريض العتله اقصد حفرك لي حفرة الدخان والكوز تساعد بيهو ست الحفره لما الحطب اعمل لهب.



عباس الشريف غير متصل   رد مع اقتباس
قديم 09-03-2011, 07:28 AM   #[2]
ام التيمان
:: كــاتب نشــط::
الصورة الرمزية ام التيمان
 
افتراضي

يا ود الشريف يا لذيذ
حفرت لى حفرة فى الزقاق و برضو بنستعملو كممر فى خلف البيت
و انا اهتمامى بالدخان ضعيف خالص ما زى قرد الطلح
راجلى كل يوم امش و اجى بيها
و لا يوم ما شاف ليهو نار مولعة و لا دخان فيها
الحكاية دى حرقتو شديد
قام ..قال لى
و الله الحفرة دى اكان دايرة ترمينى فيها



ام التيمان غير متصل   رد مع اقتباس
قديم 09-03-2011, 07:44 AM   #[3]
Amin Bushari
Banned
 
افتراضي

عباس

أزيك وانت لسه متذكر حفرة الدخان باللاي
هنا طبعا حفر ماف نواااااااااهي
والنســوان عندهم بستله بدخنن بيها
والما عندها بلكونه الله معاها

رايك شـــنو في الحفرة دي



Amin Bushari غير متصل   رد مع اقتباس
قديم 09-03-2011, 07:44 AM   #[4]
عباس الشريف
Banned
 
افتراضي

اقتباس:
المشاركة الأصلية كتبت بواسطة ام التيمان مشاهدة المشاركة
يا ود الشريف يا لذيذ
حفرت لى حفرة فى الزقاق و برضو بنستعملو كممر فى خلف البيت
و انا اهتمامى بالدخان ضعيف خالص ما زى قرد الطلح
راجلى كل يوم امش و اجى بيها
و لا يوم ما شاف ليهو نار مولعة و لا دخان فيها
الحكاية دى حرقتو شديد
قام ..قال لى
و الله الحفرة دى اكان دايرة ترمينى فيها
من حفر حفره لاخيه وقع فيه اعملي حسابك من الشرك العملتيهو للراجل و ل اقول ليك ربي فيها سمك عشان بعد اكبر اضحك.
قلتي لي اهتماماتك وهواياتك ضعيفه بالدخان اكيد عندك اهتمامات اخري



عباس الشريف غير متصل   رد مع اقتباس
قديم 09-03-2011, 07:50 AM   #[5]
جيجي
:: كــاتب نشــط::
 
افتراضي

عباس ياخ شكرا للبسمة والله رغم الحال الحاصلة



جيجي غير متصل   رد مع اقتباس
قديم 09-03-2011, 07:58 AM   #[6]
ام التيمان
:: كــاتب نشــط::
الصورة الرمزية ام التيمان
 
افتراضي

اقتباس:
المشاركة الأصلية كتبت بواسطة Amin Bushari
عباس

أزيك وانت لسه متذكر حفرة الدخان باللاي
هنا طبعا حفر ماف نواااااااااهي
والنســوان عندهم بستله بدخنن بيها
والما عندها بلكونه الله معاها

رايك شـــنو في الحفرة دي



يا ود بشارى
يا حولا
دى حفرة دخان و لا بئر

تحياتى



ام التيمان غير متصل   رد مع اقتباس
قديم 09-03-2011, 08:03 AM   #[7]
Amin Bushari
Banned
 
افتراضي

اقتباس:
المشاركة الأصلية كتبت بواسطة ام التيمان مشاهدة المشاركة
يا ود بشارى
يا حولا
دى حفرة دخان و لا بئر

تحياتى

امهم أزيك

دي حفــرة أصلية كــــ ـــــدا
ما قلت ليك اتلخبطت علينا الاختساسات
هنا عندنا بســـتله الواحدة تتدخن وتسلفها لجارتها
واحد سال ليهو مســـطول: ما أجمل (صور) سور القــرآن الكريم؟
قال ليهم: ودي دايره ليها سؤال
طبعاً النســـاء والدخان



Amin Bushari غير متصل   رد مع اقتباس
قديم 09-03-2011, 08:27 AM   #[8]
wadosman
:: كــاتب نشــط::
 
افتراضي

بوست مكانه المنتدى الاجتمااعى..

سمعت النكته بتاعت الحرامى اللقى المره قاعده فى حفره الدخان..؟؟؟



wadosman غير متصل   رد مع اقتباس
قديم 09-03-2011, 08:44 AM   #[9]
عباس الشريف
Banned
 
افتراضي

اقتباس:
المشاركة الأصلية كتبت بواسطة Amin Bushari مشاهدة المشاركة
عباس

أزيك وانت لسه متذكر حفرة الدخان باللاي
هنا طبعا حفر ماف نواااااااااهي
والنســوان عندهم بستله بدخنن بيها
والما عندها بلكونه الله معاها
رايك شـــنو في الحفرة دي
امين سلامات انت جديد في المواضيع دي بلكونة شنو يا زول في صندوق اسمو احفظ مالك يتم بيعه في غبيرا لو مشيت تلقاهو في المحلات بره يستعمل في للدخان انت من زمن البلكونه الغريبه علاقة الاسم بالصندوق شنو ما فهمت والله.
لو عايز نصيحتي البلد دي ابعد من حاجة اسمها صندوق فيها (( صندوق الخته بتاع النسوان للقروش - صندوق الدخان .. احفظ مالك)) تعيش سعيد ومتهني تباري لي صندوق الدخان ده والله تتملي شفع تاني لو عزمت ليك زول غداء لو ما ربط يدو بي حريره ما اقدر افرزا من زحمة الايادي



عباس الشريف غير متصل   رد مع اقتباس
قديم 09-03-2011, 08:47 AM   #[10]
عباس الشريف
Banned
 
افتراضي

اقتباس:
المشاركة الأصلية كتبت بواسطة جيجي مشاهدة المشاركة
عباس ياخ شكرا للبسمة والله رغم الحال الحاصلة
جيجي يا زوق والله انتي وام التيمان ليكم مكانة خاصة جوه صندوق حناني .
شكرن ليك ....
قلنا نطلع اليومين دي من السياسة بالتدريج زهجنا المنبر اصبح جمعيه تاسيسية.



عباس الشريف غير متصل   رد مع اقتباس
قديم 09-03-2011, 09:20 AM   #[11]
ام التيمان
:: كــاتب نشــط::
الصورة الرمزية ام التيمان
 
افتراضي

اقتباس:
المشاركة الأصلية كتبت بواسطة عباس الشريف
جيجي يا زوق والله انتي وام التيمان ليكم مكانة خاصة جوه صندوق حناني .
شكرن ليك ....
قلنا نطلع اليومين دي من السياسة بالتدريج زهجنا المنبر اصبح جمعيه تاسيسية.



يا ود الشريف
عاوزة اكون جوه صندوق القروش



ام التيمان غير متصل   رد مع اقتباس
قديم 09-03-2011, 09:28 AM   #[12]
طارق الحسن محمد
Banned
الصورة الرمزية طارق الحسن محمد
 
افتراضي

اقتباس:
المشاركة الأصلية كتبت بواسطة عباس الشريف مشاهدة المشاركة
امين سلامات انت جديد في المواضيع دي بلكونة شنو يا زول في صندوق اسمو احفظ مالك يتم بيعه في غبيرا لو مشيت تلقاهو في المحلات بره يستعمل في للدخان انت من زمن البلكونه الغريبه علاقة الاسم بالصندوق شنو ما فهمت والله.
لو عايز نصيحتي البلد دي ابعد من حاجة اسمها صندوق فيها (( صندوق الخته بتاع النسوان للقروش - صندوق الدخان .. احفظ مالك)) تعيش سعيد ومتهني تباري لي صندوق الدخان ده والله تتملي شفع تاني لو عزمت ليك زول غداء لو ما ربط يدو بي حريره ما اقدر افرزا من زحمة الايادي
اقتباس:
تباري لي صندوق الدخان ده والله تتملي شفع تاني لو عزمت ليك زول غداء لو ما ربط يدو بي حريره ما اقدر افرزا من زحمة الايادي
موبالغة دى والله
اقتباس:
- صندوق الدخان .. احفظ مالك
ولانجض مالك
هههههههههههههه



طارق الحسن محمد غير متصل   رد مع اقتباس
قديم 09-03-2011, 10:48 AM   #[13]
فخري الزين
:: كــاتب نشــط::
الصورة الرمزية فخري الزين
 
Talking

ود الشريف سلامات يا حبوب
انت عارف
العلاقه بين حفرة الدخان والشرطه الشعبيه واضحه
والعلاقه بين حفرة الدخان والكيزان واضحه جدا جدا
يا ود الشريف ما تفلق ياخ والله بعد دا بنحتو قرض
تحياتي



التوقيع: خربانه ام بُناياً قش
فخري الزين غير متصل   رد مع اقتباس
قديم 09-03-2011, 12:43 PM   #[14]
عباس الشريف
Banned
 
افتراضي

اقتباس:
المشاركة الأصلية كتبت بواسطة wadosman مشاهدة المشاركة
بوست مكانه المنتدى الاجتمااعى..

سمعت النكته بتاعت الحرامى اللقى المره قاعده فى حفره الدخان..؟؟؟
يخس عليك يا ود عثمان يعني عشان انا قلت الحفرة بالزقاق عايز تودي بوست عباس الشريف لي الزقاق.
بتحرش في سمراء شوف عيني سمراء هرشت من بوست خطاب حق ما بتشوفوني تاني لو ما رجعتوا لي البوست بتاعي وكمان ناصر تماها ليها ببوست تهنئة يعني عشان عباس مسكين سجم خشمي كان اخليهو براه........... بلسان ام التيمان

بلسان عباس:
يا الحبيب كل مره فاكي لينا طرف نكته وزايغ لو خايف من شهر او انذار رسلها لي في الخاص انا بحول النكته لي عم فتحي برشها ليك هنا.



التعديل الأخير تم بواسطة عباس الشريف ; 09-03-2011 الساعة 12:47 PM.
عباس الشريف غير متصل   رد مع اقتباس
قديم 09-03-2011, 12:49 PM   #[15]
عباس الشريف
Banned
 
افتراضي

اقتباس:
المشاركة الأصلية كتبت بواسطة ام التيمان مشاهدة المشاركة
اقتباس:
المشاركة الأصلية كتبت بواسطة عباس الشريف
جيجي يا زوق والله انتي وام التيمان ليكم مكانة خاصة جوه صندوق حناني .
شكرن ليك ....
قلنا نطلع اليومين دي من السياسة بالتدريج زهجنا المنبر اصبح جمعيه تاسيسية.



يا ود الشريف
عاوزة اكون جوه صندوق القروش
كان كده يا ام التيمان انا الصرفه الاولي حقتي



عباس الشريف غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:35 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.