نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتــــدي التوثيق

إضافة رد
 
أدوات الموضوع انواع عرض الموضوع
قديم 24-05-2008, 03:49 PM   #[1]
الفاتح
:: كــاتب نشــط::
الصورة الرمزية الفاتح
 
افتراضي يس عبد العظيم



رائد أغنية الطنبور، ولد بمنطقة العفاض بالشماليه، تسلط عليه الموت حين غرة من أمره إذ سقط مغشياً عليه وهو يغني في إحدى الأعراس بمنطقة منصوركتي، نقل إلى المستشفى حيث تبين أنه مصاب بالسرطان، لم يتحمل هول الصدمة فدخل في غيبوبة لازمته إلى أن فارق الحياه.
غنى للحبيبه ، وللوطن ، للتراب..
هذه دعوة لتوثيق سيرته العطرة.



الفاتح غير متصل   رد مع اقتباس
قديم 24-05-2008, 03:50 PM   #[2]
الفاتح
:: كــاتب نشــط::
الصورة الرمزية الفاتح
 
افتراضي

الشوق من حاصف لا قاصف
اتلم يهز ليك يا نوراى
يادرقة وسيف
ياحصنا كيف
من شر الصيف والشتا ضاراى
يا شملة غز بقت جواى
عدت بى ضلام بحرا عاصف
يا بت العرب النوبية
ويا بت النوبة العربية
بى شملة نخوة بجاوية
او شجرة الصحوة الزنجية
دسينى من الزمن الفارغ
من ريح المتعة الوقتية
من شر الساحق والماحق
بين دبش المدن المدعية
والليل إتحكر بيناتنا
كحل بى ديشو عويناتنا
يا شمس الناس المسبية
الجوع .. العطش .. الغد واحد
الفقر الضارب زى سوسة
الخوف والحالة المنحوسة
يا بحر الحاصل لاك ناشف
لا قلمى الفى ايدى عصا موسى
الناس عوجات تحرس ترجى
ترجعبو سلاح وانوار زينة
بنبان تواليت افات وسكى
للناس الدمنا بنزينا
يابت الناس الصالحين
الذمم المشرية الطالحة
شتان بين دينك وبين دينا
يا نورة شليلك مافات
جاييك يتزود من غلبك
القمر الطيب يفضحنى
تنبحنى سجونك وآهاتا
كجنا سجونك لولاك
منعول الزمن الخلاك
سلمت الوطن الهمباتة
على كيفك كيف بتحكم
ياسوس تكنك ما بتعلم
بى حال البتألم وساكت
يا حال الساكت وبتألم
بتفتق جرحك يوم تبرا
تتلم وقيدك يتحطم
وين عادك هارب من بكرة
وخطو التاريخ البتقدم
رغما من عنت الايام
والزمن الجهجاه الفاجع
بى النفس النازل والطالع
ولا واحد من شعبى مضارع
سميت ومشيت وما متراجع
ترتالاها تكوسلها فى الجيه



الفاتح غير متصل   رد مع اقتباس
قديم 25-05-2008, 04:17 PM   #[3]
الفاتح
:: كــاتب نشــط::
الصورة الرمزية الفاتح
 
افتراضي

مرثية الراحل ياسين عبد العظيم
شعر حميد




حُزُنّا عليك بيبقى غضب
غضب مشروع
تدودي حمامة في دبش الغنا الفاسد
مناحاتو
ضَرَاعاتُو التّضاضِي تئن
عشان قلب الحبيبة يَحِنْ
أجل، لا حنّ لا كانت حبيبة آ خوي
ولا لما الحبيب إن كان
مسبّب عبرتو وراجيكا يا خايب الغناوي البيش
تنوح وينوح..
ويسقط حُبْ إذا ما حُولَقْ الرقراق عليهو يموع
ويسقط لحنك الرّاكد ..
كمنجاتك
سلوك طمبورك المرخية
يا مزوِّر جواز العشق يا ذاك المغني الياهو
يا مُنْدَشْ وكِت فتق القوافي الجوع
تسقط غنوتك تسقط..
وأقيف شاهد عليك وعلي
أنا البشّرت لحظة طيش
والبت الأبت ترقص، تعيش واسقط..
،
أيا هادي المُغني الفنجري المعلوم
نخيب نسقط إذا قصّرنا يا وتر الفقارى وراك
وغيّرنا الغنا المحموم.
غناك الدّغري
يا دغريتك المبثوثة شِقّيشْ ما مشيت باراك
غناك العينو ملياني
وشيهو محل يروح واحد
سمح مشروح
وإنت محل تروح واحد، وِشَيْ مطروح..
،
سلام في سلام
تمام في تمام..
تمام فلاح.. تمام عامل
تمام إنسان وماك ساهل
متِلْ ما شعاع نزل داخل، بيوت ناساً غبش بالهم،
ملاها ثبات وراح راحل،
جناح الحِن ويوم الليلي بات مجروح
أيا فارساً يا مجهول، وراك كيفِنْ؟
سَمِحْ. كيفن غنيواتنا؟
إذا مرقت براها بلاك، منو اليسرح معاها بلاك..؟
تصل لي مِيسه زي الغيم. تَضُل ما تضِل
واللا براها يتلقاها دابي الجو ..
هجاير الليل ..
طشاشات الصعيد. وسموم تسوي الهوْ..
تجفل غادي.. تجفل جاي..
تقع لا حيلة بين بلدين
بلد جملة غُنا الطمبارة
بلد بي جاي: نشيد ياسين.
،
نشيدك كالتعب مارد
مهبهب بالغضب واقد
غضب يا وليد، حُزُنّا عليك، تغيب يطلع بدل فاقد..
أيا ولداً حزُنّا عليك يقولّك: عَمِّرْ الطمبور..
وسِنْ سِلْكَاتُو بين نغمين
وجُزْ رقبةْ غناوي الزِّيف ..
ونَشِّن تالا ليل الرِّيف:
ظلاماتو..
عذاب أهلو..
معاناتم محل رحلو..
وأمش ما تقيف .. أمش ما تقيف..
فيا "عفّاضي" ديل فِقَرَاً عمار بيتم خراب بيتنا
فيا طمباري يا ود الدِّويحية الغبش جاهد
أيا ولداً مستّف بي تَرَا العفّاض .. ملفّح بي سماواتو
معمَّر بي غد الأطفال .. مدرَّع بي معاناتو
هيا انسِف قبرك الكاذب
وخُط بالدّم علي الشاهد:
تموت يا هادم الغنوات .. تطق بالهكمة والدّكمة
يبق في محلتك إنسان
يشر ضو الحياة الواعد
نشيد راعد
كما الياسين..

نشيد:
تَفْضَلْ غُنْوَاتَكْ ضُل قيلَةْ
ضد شمس الفجعة القلاية
ترتاح أو تاخد أنفاسه الناس الجاية من الورشة .. التُرَب .. السوق .. الطّاحونة
الجّامع وطرف الانداية..
فزعوك الفُقَرَا أياديهم
تالاها امتديت كارديق.
إنطرحت أصابعيك رابون ..
طالت آهاتك بنبون
يا سَكْرَة وحضْرَة ومُصلاية
من لاقيناك عرفناكْ .. تربال أيامنا وغنّاية
طلّاع النخل الكَدْرُومِي
الضام على قلبو قضيتنا
كالأرض كما الجرح اليومي
ضافرين رامْلِنْبُو هويّتنا
**
مشهد حواري سمج:
- الغنوة دي ظاهرة سياسية، وحا تودي رقبتك في داهية..
ولو مرّت بكرة البرنامج
في ناحية وكلّنا في ناحية..
- طيِّب والتاني؟
- أقول ليك:
أمسك طمبورك ده عليك..
غن في القعدات .. في الرحلات .. في الحفلات المختصرة
غن...
،
وغنّيت في كل الساحات..
بالنّفَس الحار الإنساني
برّدت حشا أولاد الفقرا ..
رقّصت بناتا السّمحات
أبشِر يا باشِر من تاني ..
عُقُبْ رجَّعتَ الرّايحات
يااا الله عليك يا ياسين .. أقْفُر خُطا غيمتاً ما جات
**
فاض نهر قضيتك فاض فاض
ضد سِكّةْ عرق الإجهاض
مركب شهدانا الجايين .. هدّن بنا قَبَلْ "العَفَّاض"
نلقاك يا قاعد تنوضا .. فوق قيف الغُبُشْ الفيَّاضْ
يا واقف حيلك وتِنْقَضّ .. على آفةْ الزّمن الرَّضْرَاض
ويا إمّا رَتُوتيكْ والعرضة .. وقدّامك عرب العفّاض
الزّحف الصحراوي.. الأرضة ... المرض.. الهدّام العاضّْ
تاريخ الجُزُر المنقرضة ..الفقر الهتك الأعراض
عينيك تطشِّشْ منقبضة .. العالم ينشرَّ بياضْ
تتلفّحُو خالي من الفوضى .. والعسكر وكل الأمراض
زي زيَّكْ زيّك ماب نرضى .. الموت يا عريس العفّاضْ
يا مقدّم باطفال الرّوضة .. شُويِمْ يا عريس العفّاض
يا سِبْحَةْ أُسُرْ الطمبارة
والأيدي الشّهرت جيتارا
للآخر نازفة محاجرنا
بالغضب الدينو دفاترنا
والطبقة وأمي وجيفارا
قُمنَا وشدّينا حناجرنا
ما بينك وبين "فكتور خارا"..



الفاتح غير متصل   رد مع اقتباس
قديم 29-09-2008, 01:34 PM   #[4]
فيصل سعد
:: كــاتب نشــط::
الصورة الرمزية فيصل سعد
 
افتراضي

له الرحمة و المغفرة ..



فيصل سعد غير متصل   رد مع اقتباس
قديم 14-02-2009, 06:17 PM   #[5]
ازهري الحاج شرشاب
:: كــاتب نشــط::
 
افتراضي العام بدا

الا شليل
لك التحية وانت تعيدنا للزمن الجميل وتوثق للعظيم يسن عبد العظيم له الرحمة
كنا اخوة يجمعنا حب كل جميل فى الوطن الجميل .. كنا نلتقى شبه يومياً .. فى يوم ما وزمان سمح كنا نقضى الليل سوياً بالحلة الجديدة بعد سهرة ليلة رأس السنة وكتب قصيدة شخصك نبيل والتى يعرفها الناس بالعام بدا وبدأ يسن فى لحنها ومن ثم تغنى بها .. هذه القصيدة رغم مابها من فرح جميل وتخليد لذكرى رائعة الا انها تثير فى نفسى كوامن الشجون وكثير من الاحزان فمن تغنى بها يسن عبد العظيم ذلك الرائع الذى اختطفته يد المنون وهو فى ريعان الشباب بداء السرطان ومن كتبت لها هذه القصيدة توفيت بكل روعتها فى ريعان الشباب بذات الداء . وللتوثيق اقدم القصيدة :

شخصكْ نبيل
العام بدا
وأرواحنا عاد ما أسعدا
أنا وإنتَ راشينا الندى
فى جلسة العشق النبيل
يوم جيتنى لبيت النِدا
ياإنتَ ياخاتى العِدا
أناعمرى مابيك إبتدا
وفتحتَ درب المستحيل
أفراحى بيك مُتْجَدِده
ذكرنى رجِع لى الصدى
لى جلسه ليلك شاهِدَه
يوم غنى صفق لينا نيل
يوم كُنا فى عِفه وهُدى
فى روض زهورو مفرهده
لمّا الكنار طربان شدا
غنينا رقْصّنا الخميل
أنا روحى عندك قيّدَه
وأبقالها سيدى وسيّده
بس من سعادتك أسعِدا
وارويها عطفك ياجميل
روحك رويحتى تمجِده
ماأصلو بيك مُستنجِده
لو مره تعطف تَنْجِده
تسقيها ريدك سلسبيل


شوف كيف عيونى مُسَهَده
مشتاقه ليك مُتْعَوِده
وطيفك تملى يعانده
ياريتو مره يزوره ليل
غنوة هواكَ بردده
والإلفه شوقى يأكده
أنا ريدى لى آخر مدى
إنشاء الله بالعمر الطويل
كل يوم محاسنك أعدده
القاها دايماً مُفْرده
عنك مناقص مُبْعده
شخصك نبيل معدوم مثيل

الخرطوم
2/1/1984



ازهري الحاج شرشاب غير متصل   رد مع اقتباس
قديم 16-02-2009, 08:58 AM   #[6]
الفاتح
:: كــاتب نشــط::
الصورة الرمزية الفاتح
 
افتراضي

اقتباس:
المشاركة الأصلية كتبت بواسطة ازهري الحاج شرشاب مشاهدة المشاركة
الا شليل
لك التحية وانت تعيدنا للزمن الجميل وتوثق للعظيم يسن عبد العظيم له الرحمة
كنا اخوة يجمعنا حب كل جميل فى الوطن الجميل .. كنا نلتقى شبه يومياً .. فى يوم ما وزمان سمح كنا نقضى الليل سوياً بالحلة الجديدة بعد سهرة ليلة رأس السنة وكتب قصيدة شخصك نبيل والتى يعرفها الناس بالعام بدا وبدأ يسن فى لحنها ومن ثم تغنى بها .. هذه القصيدة رغم مابها من فرح جميل وتخليد لذكرى رائعة الا انها تثير فى نفسى كوامن الشجون وكثير من الاحزان فمن تغنى بها يسن عبد العظيم ذلك الرائع الذى اختطفته يد المنون وهو فى ريعان الشباب بداء السرطان ومن كتبت لها هذه القصيدة توفيت بكل روعتها فى ريعان الشباب بذات الداء . وللتوثيق اقدم القصيدة :

شخصكْ نبيل
العام بدا
وأرواحنا عاد ما أسعدا
أنا وإنتَ راشينا الندى
فى جلسة العشق النبيل
يوم جيتنى لبيت النِدا
ياإنتَ ياخاتى العِدا
أناعمرى مابيك إبتدا
وفتحتَ درب المستحيل
أفراحى بيك مُتْجَدِده
ذكرنى رجِع لى الصدى
لى جلسه ليلك شاهِدَه
يوم غنى صفق لينا نيل
يوم كُنا فى عِفه وهُدى
فى روض زهورو مفرهده
لمّا الكنار طربان شدا
غنينا رقْصّنا الخميل
أنا روحى عندك قيّدَه
وأبقالها سيدى وسيّده
بس من سعادتك أسعِدا
وارويها عطفك ياجميل
روحك رويحتى تمجِده
ماأصلو بيك مُستنجِده
لو مره تعطف تَنْجِده
تسقيها ريدك سلسبيل


شوف كيف عيونى مُسَهَده
مشتاقه ليك مُتْعَوِده
وطيفك تملى يعانده
ياريتو مره يزوره ليل
غنوة هواكَ بردده
والإلفه شوقى يأكده
أنا ريدى لى آخر مدى
إنشاء الله بالعمر الطويل
كل يوم محاسنك أعدده
القاها دايماً مُفْرده
عنك مناقص مُبْعده
شخصك نبيل معدوم مثيل

الخرطوم
2/1/1984
سعيد بتواجدك هنا ، وإضافتك الترة لهذا البوست ، بل وإحياؤك له
أنت إضافة حقيقية للمنتدى..
أطمح في المزيد.



الفاتح غير متصل   رد مع اقتباس
قديم 31-05-2010, 10:39 AM   #[7]
سمراء
:: كــاتب نشــط::
الصورة الرمزية سمراء
 
افتراضي

مابين
ليل الغلابة
وفرحة المحزون

تفر الدمعه قبل فرة القلب الرهيف ، يوم جانا خبرك ياعظيم ....
بوست متوهج بشعلة نار الحزن الابت تنطفى يايسن ..
ربنا يرحمك

وبجيك ياشلو نتم ونرفع الكتف الميل بينا بفقدو



التوقيع:
غيرنا التوقيع عشان النور قال طويل 
اها كدة كيف ؟
<img src=images/smilies/biggrin.gif border=0 alt= title=Big Grin class=inlineimg />
سمراء غير متصل   رد مع اقتباس
قديم 01-06-2010, 05:20 PM   #[8]
تجـــاني
:: كــاتب نشــط::
الصورة الرمزية تجـــاني
 
افتراضي


أفتقدك يا صاح ...
أفتقدك والله ...
وأمنياتي أن تكون بخير وعافية ..

كن بخير يا صاحب



التوقيع: [align=left][flash=http://www.sudanyat.org/upload/uploads/tigani.swf]WIDTH=800 HEIGHT=160[/flash]
[/align][align=left]
تم تعديل التوقيع بواسطة أشتر[/align]
تجـــاني غير متصل   رد مع اقتباس
قديم 16-08-2010, 01:00 AM   #[9]
الهادي قنديل
:: كــاتب جديـــد ::
الصورة الرمزية الهادي قنديل
 
افتراضي

اخونا شليل

خضّت ليك بحراً ماهو ساهل وسأكون معك من الخائضين

وادخل اليك بمرثية الشـاعر خالد عباس شقّوري لفقيد الفـن يس عبدالعظيم


لـِـيـلـْــنـَـا الـطـَّـويــلْ

عـِــيـــنــِـيـــنـَــا سَـــالـَـــتْ أدْمُــعــِــنْ كـِـيــفـِـــنْ دُمُــوعْـــنـَـــا بــِـنـَـحْــبــِــسـِــن
مَــانـِـحْــنَ يـَـا الــرَّاحْـــلْ الـمُـقـِــيـــمْ فـِي الــدُّنـْــيــَـــا لـِــسَّـــه بــِــنــِـمْـــتـَـحـِــن
الــلـِّـيـــلـَــه يـَـا لـِـيــلـْــنـَــا الـطـَّـويـــــلْ ويـــنـِــنْ نـُـجـُــــومَــــكْ وضَــــوَّهــِـــن
والــــــلاَّ الــحُـــــــزُنْ غـَـــيـَّـــــمْ سَــــمَـــــاكْ خـَـــلاَّهـُـــو سَـــاهــِــلْ عـَـــدَّهــِـن
أنـَــا كـَـانْ بـَـكـِـيـــتْ أنـَــا كـَـانْ شَـــكـِــيـــتْ أنـَــا لـَــوْ عـُــيـُـونـِـى أقــَــلـِّــعــِــن
دَمْـــعـَـــاتـِــى مَــابْ طـُــولـِــــنْ رَثــَـــاكْ عــِــيـــنـَــيـَّــا حَـــقــَّـــكْ مَــابْ يـَــفـِــن
(يـَــســـنْ)أخـُــوىْ عـَـــادْ الــسِّــــنــِــيـــنْ كـُــــلَّ الـحَــصَــــلْ مَــامـِــنــَّـهــِـن
وأيــَّــامْـــنـَــــا مَــحْــسُـــوبــَــاتْ هـِــنـَـــاكْ فـِـى الــلـُّـــوحْ مَـــلاكْ بــِــيـــدَوِّنــِـن
يـَـاحـِـلـِــيــلْ حـِــلـِــيــلـُـو غـُــنـَـا الــفـَـريــقْ لـَــمَّــنْ يـُــطـُــوفْ فـِـى حَــيـَّـهــِـن
تـَــلـْــقـَـــاهـِــنْ الـــبـَــنـُّــوتْ هـِــنـَــاكْ فـِـى لـَــهْــفـَــه لـِـيــك بــِــيـَـسْــمَــعــِـن
يـَـا حـِـلـِـيــلْ رَبـَــابـْــتـَــكْ فـي الــعــِـصــِـيــرْ وأسْـــلاكـَــه دِيـــمَــه يـَــنـَــوِّحـِــن
تـَـحْــكـِـى الـدَّفـِـيــنْ شُــوقْ أبْــنـَـعُــوفْ فـِى ألـَــمْ الــسِّــنـِــيــنْ ومَــصَـايــِــبــِـن
صُــوتـَــكْ يـَــسَـــافــِــرْ فـِـى الــقـُــلـُـــــوبْ جُـــوَّانـَـــا يـَــرْسَـــى ويــِـنـْــكـَـمــِـن
وحـِــنـَّـــكْ يـَــبــِــيـــنْ بــِــيـــنْ الـحُــــرُوفْ ومـِــنـُّــو الـحُــــرُوفْ يــِـتـْــأوَّهــِـن
حـَــتــَّـى الـغـُــصُـــــونْ الـكـَـــانْ تـَــمــِــيـــلْ حـِـــسْ الـقـَــمَـــارى يـَــهــِــزَّهــِـن
الـــلـِّـــيـــلـَـــه عـَـــادْ حـُـــزْنْ الـــزَّمـَــــانْ قــَــبـَّـــلْ عـَــلـِــيــهــِـنْ ويـَــبـَّــســِـن
نـَــخـَـــلْ الــغـُــبـُــشْ أهَـــلـِـى الـحُــنـَـانْ يـَـا غـَــالــِـى لـِــيـــكْ دَايـْـمَـــاً يـَـحـِــن
وفـِى الـطـِّـيــنْ تـِـحـِـتْ مِـنْ فـُـوقْ يـَـحـِـتْ تـَــمْــرَاتْ سَــبــِـيــطـُـو يـَــشَــتــِّـتـِـن
الــنـِّـــيــــلْ هَـــمَـــدْ حـَــزْنـَــانْ عَــلـِــيـــكْ رَافــِــضْ مَـــرَاكـْــبـُــو يـَــسَــــيــِّـرن
ومِـنْ قـِـيــفْ حَــضَـــنْ فـِي يـُــومْ خـُـطـَـاكْ مُـوجـَـاتـُــو قــَـاسـِـى بــِـيـَـرْحَـــلـِـن
أتــَـارى الــسَّـــوَاقـِــى الــكـَــانْ زَمَــانْ تـِــتـْــبـَـاكـَــا طـُــولْ الــلـِّــيـــلْ تـَـــئــِــن
عـَـــارْفـَــــاتْ فــُـــرَاقــَــــكْ لـلـــدِّيـَــارْ ودَه الــشِّــى الـحَــمَـــاهــِـنْ يـَــفـْــرَحـِــن
وآه الــشَّـــمـِــسْ حـَــضَـــنـَـــتْ غـُـــيــُــومْ مَـــزَجـَــتْ صَــفــَــارَا بــِحُــمْــرَتــِـن
سَـــكـَــبـَـــتْ دُمُــــــوعْ لـُــــونْ الــشَّـــفـَـــقْ كـَـــانْ الـغـُــيــُــومْ يــِـتـْــصَــبــَّـرن
والـكـُــونْ بـَــكـَــاكْ لـَــفـَّــاهـُــو لـِــيـــلْ مَــا عـَـادْ نـُــجُـــومُـــو بــِـيـَــشْـــرقــِــن
وقــَــفْ الــزَّمـَــنْ فِـى يـُـــومْ أسَـــاكْ أسْـــــيـَــانْ ســِــنـِــيـــنـُــو يـَــضُـــمَّــهــِـن
يـَــبـْــكـِــيــــكْ أخـُـــــوكْ يـَــبـْــكـِــيـــكْ أبـُــــوكْ أخـْـــوَاتـَـــكْ إنـْــتَ وأمَّـــهــِـــن
وأصْـحـَــابـَــكْ الـعَــايـْــشـِــيـــنْ مَـعـَـــاكْ حـِـلـْــوَاتْ ســِــنــِــيــنـَـــكْ ومُـــرَّهــِـن
نـَــبـْــكـِــيـــكَ نـِـحْـــنَ الــكـَـــانْ دَوَامْ فـِـى عـِـــزْ غـُـــنـَـــاكَ بــِــنــِــنـْــسَـــجــِــن
وغـُـــنـَــــاكَ يـَـا طـِـــــــبَّ الـجـِّــــــرَاحْ الـــمــِــــنْ غـُــنــَـــــاكَ بــِــيـَــنـْـــزفــِــن
يـَـا غـَــالـِــى لـَـــوْ كـَــانْ الــسِّـــنــِـيـــنْ الــــزُّولْ بــِـى إيـــِـــدُو يـَـــقـَــسِّـــمــِــن
قــَــدْرْالــبـَـعــِــيــشـِــنْ تـَــانــِـى عـَـــادْ أنـَـــا لــِــيـــكـَـــا طـَـــايــِــعْ أوْهــِـبـــِــن
لــَـــكـِــنـُّـــو آه رَاحْ الـــزَّمَــــانْ وتـَــانـِـى الــسِّـــــنـِــيـــنْ مَــــابْيـَــرْجـَـــعــِــن
وعـَـــزَانـَـــا إنــَّـــكْ فـِى الــشُّــعـُـــورْفـِى ذاتـْـــنـَـــا فـِى الــسِّـــــلـْـــكْ الــبــِــرن



؛ وإن شئت نملاء ليك البوست دا بغنــاء الراحل يس سنكون رهن اشــارتك



الهادي قنديل غير متصل   رد مع اقتباس
قديم 10-11-2010, 09:37 AM   #[10]
نورالدين عثمان
:: كــاتب جديـــد ::
الصورة الرمزية نورالدين عثمان
 
افتراضي

شليل والمتداخلين مااروعكم وانتم توثقون لواحد ممن كانت لهم بصمه
واضحه في اغنية الطمبورلحنا ومعني .يسن حمتو.يسن ليل الغلابه
يس فرحة المحزون ويسن بت العرب النوبيه وابكن ياسيحبات وبريدك
وثنائيته مع الشاعرالفذ ابراهيم ابنعوف
شكرا شليل فقداثرت في ما لاطاقة لي به الان من الشجون ولي عوده بي
مهل



نورالدين عثمان غير متصل   رد مع اقتباس
قديم 14-11-2010, 12:03 AM   #[11]
ناصر أوسلى
:: كــاتب جديـــد ::
 
افتراضي

لك الشكر أخى العزيز .من اكثر الشعراء اللذين تغنى لهم الرائع يس هو الشاعر الكبير ودأبنعوف . ومن أشهر ما تغنى به للشاعر ود ابنعوف ( اكتب ليك واطول فى رسالاتى)
يس كان له الفضل فى تقديم الاغنية الشايقية للمجتمع الحضرى( اى ناس المدينه) مثله مثل النعام أدم . سوف تكون لى عودة مرة اخرى



التوقيع:
يا الكنت في دنياي شموس وانا كنت في دنياك قمر
البينّا كان مضرب مثل ، ملء السمع ...ملء البصر
نتهنّى بي صفو الحياة ...ماب نشقى ، ماب نرد العَكَر
نتقاسم الهم والفرح نوم عافـي أو مُر السهـر
الليلة صابت ريدنا عين ..قلبت حياتنا أسى وكدر؟
ولاَّ المحبة بقت سراب ..؟ واحساسك الغامر فتـر؟
ناصر أوسلى غير متصل   رد مع اقتباس
قديم 08-03-2011, 12:17 PM   #[12]
سمراء
:: كــاتب نشــط::
الصورة الرمزية سمراء
 
افتراضي

مالى انا كل مااقول
فى نفسى إتلمينا
ألقى أقدارى تضحك .. لى تقول كضِّاب
وكل ما أعمل حساب لظروفى
زى الما عملت حساب
مالو فراقنا مترقبنا .. دون خلق الله
واقف ديمة عند الباب
نعمل إيه .. عشان يختانا جاى أو جاى
وبينَّا وبينو يبقى حجاب
ونشوف الدنيا موكب فرحة
غني ليّا فى ترحاب
وتدنى عليِّا آمالن .. بشوفا سراب
ويهل سعدى .. ونجم سعدى ..
بعد ما منِّى طوَّل غاب
وأقيف خاشع .. وأقول يا الله
كل النَّاس يكونوا أحباب
***
بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى
بجمع ليك لغات الدنيا وأكتب ليك
بى لغة العجم مرات ..
وبالعربى الشديد وفصيح ..
وبى لغة الملايكة أحيان ..
وبالسريانى والتسبيح ..
وفوق كل ذرة فى ها الكون ..
بكتبا ليك وارسلا فوق جناح الريح
***
بكتب ليك على الأشجار .. وفى الأنهار ..
ومحل ما تمشى قدامك
تلاقى حروف رسالاتى
لأنك إنتى من ذاتى .. وفى ذاتى .. وياك ذاتى
ومهما كتبت ما بقدر أعبر ليك عن الجوايا
مهما طاوعت أقلامى كلماتى
***
وليه ما أكتب وإنتى الماضى بى أحزانو
بى أفراحو والمستقبل الآتى
كتاباتك شوية خلاص .. ورسالاتك شوية خلاص
علىَّ الفى منامى أحلام .. علىّ الفى صحاى وسواس
وأنا الراجيكى تكتبى لىَّ .. كم دفتر وكم كرَّاس
منَّها داير أفصِّل جبة وانْدروشْ ..
وكمان طاقيِّى فوق الراس
ومن كلماتا أسوى السبحى والبخرات وكم حجبات
أداريبن عيون النَّاس
كمان تقروقة .. فى محراب هواكى اجلس مع الجُلاّس
واخلى الباقى واتغتابو .. كان بعدك غشانى نُعاس
***
أنا الراجيكى تكتبى لى ..
كتاباتك تكون فى الظلمة لى نبراس
أنا العايش فراقك لى ..
وأشوفك فى عيون النَّاس
وعازرك لو كتبتى قليل ..رضيان بيهو
ما دام بى وفا وإخلاص
أريت يومن فرقنى معاك ..
يكون محذوف من التاريخ ..
وتبقى أيامنا ستة .. ونبقى فيها قراب
أريت بلدن تحرمك منى ..
لو ما إنتى تبقى خراب
يسكن فى خرابا البوم ..
ويتصايح عليها غراب
وصاقعة تقع تدكها ما تفضل فيها
ذرة تراب ..
تولِّع فيها نار الله ..
وتصبح كوم رماد وهباب
تمسخها لعنة من عند الله ناسها
تصير قرود وكلاب ..
وتمرقى إنتى والنَّاس المعاكى قراب..
وما دعيت خاتي الا الفراق اسباب ..
-------------------
الشاعر ابنعوف



التوقيع:
غيرنا التوقيع عشان النور قال طويل 
اها كدة كيف ؟
<img src=images/smilies/biggrin.gif border=0 alt= title=Big Grin class=inlineimg />
سمراء غير متصل   رد مع اقتباس
قديم 09-03-2011, 09:20 AM   #[13]
عبده سعد
:: كــاتب نشــط::
 
افتراضي ياسمراء .

مشكورة لتزويدنا درر الكلام وتوثيقه .



التعديل الأخير تم بواسطة عبده سعد ; 10-03-2011 الساعة 07:01 AM. سبب آخر: تعديل
عبده سعد غير متصل   رد مع اقتباس
قديم 06-07-2015, 07:47 AM   #[14]
حسن النضيف
:: كــاتب جديـــد ::
 
افتراضي

عرف عن ياسين حبه للاناقة وحسن المظهر، وكانت فلسفته في ذلك إنو الزول اللي بيقابل الناس لازم يطل عليهم بصورة جميلة.. لذلك كان يقضي وقتاً طويلاً أمام المرآة..عرف عنه حساسيته العالية وعطفه علي الغلابي .. سكن فترة بابو حمامة قشلاق البوليس ومما يجدر ذكره إنه إنتمي لقوات الشرطة في بضع سني حياته...هذه ملامح خفيفة عن الرجل .. لكن الأخطر هو هذا الصوت الفريد الذي كان يتميز به ويطرب به الانس..وال.... موهبة ضخمة قدمت الغناء الشايقي الجميل بصورة مبتكرة...لازال اهل الشمال وفنانوه يعمدونه عليهم ربما لا يضاهيه هذا الزمن سوي ميرغني النجار.... شكرا للبوست الجميل وجيبو لي خبروا...وياأعز إنسان...



التوقيع: حسن
حسن النضيف غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:09 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.