عملاق صيانة الحاسوب الشامل (TuneUp Utilities)

[سمراء]

اقتباس:
المشاركة الأصلية كتبت بواسطة Amin Bushari
تعاني من بطء في جهازك
هل تود اجراء صيانة مجانية لجهازك (ملح)
إذن عليك بعملاق الصيانة الالمــاني TuneUp Utilities

يا امينكو
ياخ حسينا بعد دخولك المكان ده اننا حانتعلم حاجات كتيرة ونستفيد
بس طول بالك معانا
انا غايتو شوية اخير من عكود ده
بس سؤالى
ليه انا دائما البرامج بتجينى على هيئة بقول لى تفتحيها عبر شنو ؟
وماتفتح معاى ؟

[Amin Bushari]

المشاركة الأصلية كتبت بواسطة الرشيد اسماعيل محمود

الرجل المناسب..في المكان والزمان المناسبين..
شكرا يا ود البشاري..
مجهوداتك مقدرة..
وبقينا بنطل قسم الكومبيوتر كل مرة
عشان نشوف الجديد..
تسلم.

الرشيد

حبابك الف .. ومرحب بيك دايما
وما تقطع رجلك باللاي
كلامك دا بدي الزول حافز لتقديم المزيد

[Amin Bushari]

المشاركة الأصلية كتبت بواسطة سمراء

يا امينكو
ياخ حسينا بعد دخولك المكان ده اننا حانتعلم حاجات كتيرة ونستفيد
بس طول بالك معانا
انا غايتو شوية اخير من عكود ده
بس سؤالى
ليه انا دائما البرامج بتجينى على هيئة بقول لى تفتحيها عبر شنو ؟
وماتفتح معاى ؟

سمرمر

بطلي محاثيث وكدا قلت لي اخير من عكـــود
يا سمراء المرة الماضية قلت ليك لازم يكون عندك برنامج لفك ضغط الملفات
لأنو الملفات بتاعة اي برنامج بتكون كبيرة وعشان يقللوا حجم هذه الملفات
يتم ضغطها بواسطة أحد برامج الضغط وعشان كدا ما بتفتح معاك طوالي
اشهر برامج الضغط هي برنامج (WinZip) و (Winrar)
ولازم يكونوا في جهازك عشان تتعاملي مع الملفات وتفتحيها
هنا سوف تجدين رابط لبرنامج وينرار لفك ضغط الملفات الرابط هو:
http://www.4shared.com/account/file/94Q5Yz7v/Setup.html
اضغطي على (تنزيل الآن) بالعربي وبعدين سطبي البرنامج في جهازك
بعد كدا اي حاجة بتنزل معاك سمح

[حافظ اسماعيل احمد]

البشاري سلامات
والله انا بمر مارت كدة بهنا بس
ما بركز لانو الشبكة عندنا زفت
جا واحيانا مافي الي دانولود الا بعد حرق
روح عشان كدة اي فيديو او لينك في المنتدي
ماحصل شاهتدو ولا استمعت ليه
والمشغل Zain connect
البرنامج ماعندو علاقة بنوع النسخة
اصلية ولا تقليد ؟
لانو نحن شغالين بنسخة ويندوز 7 الشهرية دي
برضو شوف لينا كراك او حاجة نعدل الويندوز بتاعنا
دا
عموما لوشبكتنا اتصلحت حنكون في حلقة تطبيقية
ولك سلامي

[Amin Bushari]

المشاركة الأصلية كتبت بواسطة حافظ اسماعيل احمد

البشاري سلامات
والله انا بمر مارت كدة بهنا بس
ما بركز لانو الشبكة عندنا زفت
جا واحيانا مافي الي دانولود الا بعد حرق
روح عشان كدة اي فيديو او لينك في المنتدي
ماحصل شاهتدو ولا استمعت ليه
والمشغل Zain connect
البرنامج ماعندو علاقة بنوع النسخة
اصلية ولا تقليد ؟
لانو نحن شغالين بنسخة ويندوز 7 الشهرية دي
برضو شوف لينا كراك او حاجة نعدل الويندوز بتاعنا
دا
عموما لوشبكتنا اتصلحت حنكون في حلقة تطبيقية
ولك سلامي

حبابك 1000
ومرورك يسعدنا

[مرافي]

تسلم يا امين يابشاري
ماعندي غير اقوليك تتنفع يابا بي وليداتك اللي هم لسة امهم ماجات.
البرنامج رهيييب بالله فلفل لي جهازي فلفلة نفضو لي نفيض مووبالغة
ممنونيييين وفقك الله

[سر الختم إبراهيم نقد]

شكراُ ياالبشاري
البرنامج يعمل بطريقة جيدة، اكتشف مشاكل كتيرة في الكمبيوتر ، وسرع الانترنت
وإنت مشكور، نفس مشكلة عكود ، عن طريق قوقل حاحاول أنزلها بطريقتك.
شكراُ ليك يا جميل
تمنياتنا بالتوفيق.