راكوبة المجادعات.. النمة والدوباي

[فيصل سعد]

المشاركة الأصلية كتبت بواسطة اسراء المهدي

اكتب يالفقير وجيب البعيدة اوصافو
التلب الاصيل فهود الغابة منو بخافو

نسخة لعناية السيد / عبد المنعم حضيري
مع وافر الود و التحايا

مرحب يا إسراء و نورت للديوان
أهلا بيك مرحب نيابة عن سجمان
دوزني بمحبة خلي الجميع طربان
و اسكبي بالمودة فرحي الحزنان

[أبو أماني]

المشاركة الأصلية كتبت بواسطة فيصل سعد

نسخة لعناية السيد / عبد المنعم حضيري
مع وافر الود و التحايا

مرحب يا إسراء و نورت للديوان
أهلا بيك مرحب نيابة عن سجمان
دوزني بمحبة خلي الجميع طربان
و اسكبي بالمودة فرحي الحزنان

*****
لا أرى صلة ولكن هو سجع في النهاية ..
المشاركة الأصلية كتبت بواسطة فيصل سعد

الشربة أن ختت بلحا منقي مقطر
ما بتروي العطش و لو قللوه السكر
قول للجميل القادل يتيه و يتبختر
في علي التلب منعم وراك مكسر

و ابقوا طيبين..


عارفك يا التلب بتجيب عاليها واطيها
والحفلة بتفرتقها وأنوارها بتطفيها ..
سودانيات شن طعمها لو إنتا خاتيها
ومن غيرك وحاتك حيأتنا ..بنجليها
^^^^^
تسلم يا ود سعد ويا أبو سعد .. لك الحب بلا حدود !!

[عبد المنعم حضيري]

المشاركة الأصلية كتبت بواسطة فيصل سعد

الشربة أن ختت بلحا منقي مقطر
ما بتروي العطش و لو قللوه السكر
قول للجميل القادل يتيه و يتبختر
في علي التلب منعم وراك مكسر

و ابشر بالخير..

الباذخ نضم رجّبْ صديقو مخير
فوق ود التمر الخلا العقول تتحير
قول للجميل صاحب الوِجيه النير
الباذخ بريدك وريدو ليك ما إتغير

[عبد المنعم حضيري]

المشاركة الأصلية كتبت بواسطة فيصل سعد

نسخة لعناية السيد / عبد المنعم حضيري
مع وافر الود و التحايا

مرحب يا إسراء و نورت للديوان
أهلا بيك مرحب نيابة عن سجمان
دوزني بمحبة خلي الجميع طربان
و اسكبي بالمودة فرحي الحزنان

مرحبتين حباب إسراء وحبابا كمان
نورتي أم حطب ونورتي كل مكان
دوزنـي بمحبـة شــان يمـوح البـان
وتتراقص زهـور الـورد والريحـان

[عبد المنعم حضيري]

المشاركة الأصلية كتبت بواسطة سجمان

البرمو الربل انقهمو شافو الودعة
والساق المتبّر وصدراً مدافع الكبعة
انطوت الهدوم من الكفل منجمعة
يالفقتي اللرايل بي رق الضمير والفدعة

البرمو الودع شافوها جاتم خلعة
الهاف المضمر زي كمنجة سُمعة
الصدر الطمح مع العجن والرنعة
بالدرب إن قدل تلقى الخلوق مجتمعة

[اسراء المهدي]

المشاركة الأصلية كتبت بواسطة فيصل سعد

نسخة لعناية السيد / عبد المنعم حضيري
مع وافر الود و التحايا

مرحب يا إسراء و نورت للديوان
أهلا بيك مرحب نيابة عن سجمان
دوزني بمحبة خلي الجميع طربان
و اسكبي بالمودة فرحي الحزنان

مرحب حباب الباذخ وحباب الطلة
ياشوفتك تفش الغبنة وتدواي العلة
ترحابك عز الخاطر وللمكانات علا
خنق النضم ورصاص القوافي اتشلا

[اسراء المهدي]

المشاركة الأصلية كتبت بواسطة عبد المنعم حضيري

مرحبتين حباب إسراء وحبابا كمان
نورتي أم حطب ونورتي كل مكان
دوزنـي بمحبـة شــان يمـوح البـان
وتتراقص زهـور الـورد والريحـان

غناي اتنازل وقال والله ما بقدر
ياسيد الكلام ومنو العسل بتقطر
كل ما اقول رجل الحروف تتقصر
حبابك قدر ذاتك وبعد ذاتك ولا اكتر

[اسراء المهدي]

جيتو واتاريهو منشغل بالحيل
مسروق فؤادو ومساهر الليل
في ديوانو حياني ياجماعة بديل
ياسجمان عاذراك بس عليك بالتقليل

السماح بفوت وياني خابرة سواتو
جنن كتير واعرف كمان كتير الماتو
متل ود الملوح الوداهو لي فلواتو
البهادل سيبها يابتلحق يمين الفاتو

[سجمان]

المشاركة الأصلية كتبت بواسطة تماضر حمزة

كتبان الفقير ما بفيدني وان لا بدّ
أكتب بالعيون للغرامو اشتدَّ
فارقني المنام ما مس راسي مخدة
ما بنلقالنا منك يا الحِبيّب كَدّة?

الدائم بكون في الريدة أنفع واجدى
والشوق العليك مو شوق سريع بتعدى
الفرق المنام نيرانو هواو محتدة
سجمان في رجاو مدروك وطالب نجدة

[سجمان]

المشاركة الأصلية كتبت بواسطة تماضر حمزة

دايماً في الكلام تجري وتمش تتخفّى
شلنالك صبر كبرنا ليك اللفة
دلوكة ولقاك جهزنا حتى الزفّة
ويوم شمّر ضراعك نط القلب في الكفة

ما بسو القول وافعالي تجي مختلفة
وبوفيها الوعود ماء العيون كان جف
بي رغم الجموع في الريدة ليك منصفة
ان جيتك بسيلك سواة كلّنْقا ساعة الختفة


الوشين ديل لي خرماج

[رأفت ميلاد]

أبشرك آ جنا جبنالك جنس مصلاية
لاعاد كيس مخدة ولا شرشف ملاية
تمم قعادك وبل شوق الوالده بالكفاية
وتعال صادى ما ناسينا من الوصايا

[سجمان]

المشاركة الأصلية كتبت بواسطة فيصل سعد

نسخة لعناية السيد / عبد المنعم حضيري
مع وافر الود و التحايا

مرحب يا إسراء و نورت للديوان
أهلا بيك مرحب نيابة عن سجمان
دوزني بمحبة خلي الجميع طربان
و اسكبي بالمودة فرحي الحزنان

يا خلي ام شعب جهمورة للغاشيها
وانتو اسيادا تب صوت نمكم باشّيها
ترحبو بالضيوف فوق الصباح وعشيها
ودايماً في الغياب حافظين بياضو وشيها

[سجمان]

المشاركة الأصلية كتبت بواسطة عبد المنعم حضيري

البرمو الودع شافوها جاتم خلعة
الهاف المضمر زي كمنجة سُمعة
الصدر الطمح مع العجن والرنعة
بالدرب إن قدل تلقى الخلوق مجتمعة

لهجك يام نفل شفخانة للمتوجع
وفمك في السكات والنضمي فوقو مبدع
بعد الشيب ضرب حالي العلي مو مشدّع
ياني دغورك المن ريدو ليك متصدّع

[سجمان]

المشاركة الأصلية كتبت بواسطة اسراء المهدي

جيتو واتاريهو منشغل بالحيل
مسروق فؤادو ومساهر الليل
في ديوانو حياني ياجماعة بديل
ياسجمان عاذراك بس عليك بالتقليل

السماح بفوت وياني خابرة سواتو
جنن كتير واعرف كمان كتير الماتو
متل ود الملوح الوداهو لي فلواتو
البهادل سيبها يابتلحق يمين الفاتو

غافلت الحرص والحلة طافي سراجا
وجيت فسراع علي الـ لمراية مي محتاجة
الجاهلة المتل نار اليهود سهراجة
كاسيها العفاف لي وليها مي حرّاجة

الجن ما بصد ريدي وينقصو حاجة
نيران البعاد جهمورة والع صاجة
كان ست البنات فتحت علي نفّاجة
بعديها اليطير عقلي وتجيهو صناجة

[جيجي]

غايتو الناس يودوهم سويسرا وهم في رواكيبهم