ناس النظام العام كان جو هنا يعملو شنو؟؟؟؟

[مرافي]

اكتب هذا البوست بعد التداعيات الكثيرة التي قجرتها قضية الصحفية لبنى احمد حسين
واعود بذاكرتي الى الوراء..حين قدومي..لدولة الامارات لاول مرة...وطبعاً والحمد لله الانسان
جاي من السودان.وعينو ملآنة من الحشمة والسترة..وللحق الانسان يقولها..والله المرة السودانية بخييير..محتشمة ومستورة..وحافظة نفسها..لايمكن إمرأة سودانية ان تكون خليعة ومبتذلة والله لو.سكروها!!!يعني المظهر العام في السودان عامة هو مظهر محتشم..والمرأة السودانية ماعايزة زول يقوليها انستري..صدقاً..محتشمات فطرة...
نرجع لموضوعنا..طبعاً..لما وصلت دولة الإمارت العربية..اول حاجة لفتت نظري وعملت لي صدمة حضارية قاسية ..ليس مبنى المطار الفخم..والذي لايقارن بالمطار حيث قدمت..ولكن ما سبب صدمتي الحضارية..هو التعري!!!!اي والله..التعري..يعني جيت من بلداً حريمو محجبين اجي لبلد زوارو متعريين..اولاً موظفات المطار عندهن ازمة امكن في القماش اليونيفورم ،طولو شبر..يعني الجاكت والبلوزة طول بعض!!وكانت في سفرية معانا روسية!!!جنس لحم مدفق تدي روحك العجب!!!بقيت اتلفت واقول لي روحي..(الزولة ما اهل العوض)..نسيت اولادي وشنطي..وبقيت اعاين للنسوان العاريــــــــــات كاسيات ديل واقول ..آجي ,,آجي..وامصمص شفايفي..ماقادرة اكتبها لكن ليكم تتخليوها..كل ما اعاين لواحدة اقول آجي عليك الله إنتي حسع لابسة حاجة.واستغفر الله!!ده شيتن اصلو ماشفناهو لا في الناس ولا في الريل ولا سمعنا بيهو.ما شفناهو.ولو في فلم في قناة السودان ..جنس ده .بري..الصدمة كانت قوية..بعد داك ،بعد ماقدمت كل واحدة بنظري. حتى الباب.التفت لي عفشي واولادي ومازلت امصمص في خشمي بحركة موسيقية كده..وبعد داك استعدت شوية توازني..وعندما تفسحت في البلد لقيت ليك دبي.. وماادراك ما.. دبي..لكن هو ما..جداااد!! يعني الفلبينيات والاوربيات ما مشكلة ..المشكلة في الافريقيات الملآنات شحم ومدفقات..ويتحاومن بقمصان نومن .اقصد فساتينن..من غير دراسة.. لتضاريس اجسادن الكلها تضاريس وعرة..دي!!وبروزات !!
وتجي تقولو لي لبنى لبسها فاضح...والله حكم..يعني ناس النظام العام ديل لو فكوهم في دبي دي ح يسو شنو؟؟؟والله باقي لي حينزلو في الحريم جلد من الطيارة.ابتدءأً من المضيفات..
والله ح يلقوها منقبة عدييل الاستاذة لبني..لانو اساساً..مافي لبس فاضح في السودان بس يهجمو في بنات الناس ساااكت!!!!
والله عايزاكم تتخيلو ناس النظام العام ديل لو فكوهم في دبي..ح يحتاجو لي كم سوط؟؟؟

[رأفت ميلاد]

سلام يا مرافى
إتخيلى فكوهم هنا ..



والله باقى لى تصرفاتهم سادية ونوع من النقص والغبن لمهانة البشر ..

كان طلعوا فى دبى ولا الواق واق .. كان ما سرحوا على حل شعرهم بقعدوا زى خلق الله .. أمراض البلد هى الطالعة فيهم ما لبس النسوان ..

الله يعفى عنا

[بابكر مخير]

[motr1]غايتو جنس حسد[/motr1]

[عثمان]

ناس النظام العام كان جو هنا يعملو شنو؟؟؟؟

بيعملوا شربات ليمون يامرافي
قولتي لي ضاربات الطرااوة ساااي ،حكيكي لذييييذ والله.

التحية/ عثمان الطيب

[مرافي]

المشاركة الأصلية كتبت بواسطة رأفت ميلاد

سلام يا مرافى
إتخيلى فكوهم هنا ..



[ [/color][/size][/B]

[align=center]والله باين لي يا أخوي رأفت كان فكون هنا....
ح....
يقهو سااااااي....
والجلد يروح ليهن تب
دي مايوهات ياعم...[/align].

[مرافي]

المشاركة الأصلية كتبت بواسطة بابكر مخير

[motr1]غايتو جنس حسد[/motr1]

الحاسد منو
نحنا ولا....
ناس النظام..؟؟؟

[مرافي]

المشاركة الأصلية كتبت بواسطة عثمان

بيعملوا شربات ليمون يامرافي
قولتي لي ضاربات الطرااوة ساااي ،حكيكي لذييييذ والله.

التحية/ عثمان الطيب

شكراً لييك الغالي عثمان ..
في الحقيقة ضاربات الكندشة ساااااي...
ومضرعات بالشحم هذا واللحم هذا... بالشوارع ساااااي!! !!

[ابومشعل]

UP

[مرافي]

المشاركة الأصلية كتبت بواسطة ابومشعل

UP

؟؟؟؟؟؟؟؟؟؟؟؟؟؟؟؟؟؟؟؟

[بابكر مخير]

المشاركة الأصلية كتبت بواسطة مرافي

الحاسد منو
نحنا ولا....
ناس النظام..؟؟؟

طيب يما،
أنا لمن قلتا

المشاركة الأصلية كتبت بواسطة بابكر مخير

[motr1]غايتو جنس حسد[/motr1]

كان قصدي دآ

المشاركة الأصلية كتبت بواسطة مرافي

المشكلة في الافريقيات الملآنات شحم ومدفقات..ويتحاومن بقمصان نومن .اقصد فساتينن..من غير دراسة.. لتضاريس اجسادن الكلها تضاريس وعرة..دي!!وبروزات !!

ولا دآ كان كتبو هاشم محمد عثمان (مدير البوليس حسي وشيخ ومنظر وصاحب شأن النظام العام)
بالله الزول دآ، قدر ما نجهتو، غير يتنتع لي فوق، ما بعمل ليه شئ،
من الأن فصاعدً؟!
حأبدع في مدحو
عسى واللعل،،
أشوفها فيهو وأشوفو سمييييييييييين وشبعان لمن ما يقدر يتحرك
وغنياييييييييييييان لمن يغرق في المال الحرام السرقو ويدخل السجن فيهو يرتاح ويتهنى ويلموا فيهو الناس الظلمهم، يقالدوهو بي محنتن شديييييييييييييييييدة لمن تخنقوا،،
ويموت شهقان (ما غلبني أقول شهيد، أصلها ما بتليق فيهو) ويطلع فوق ويلاقوهو بالترحاب الحاااااااااااااار من لظى ويستمتع بيها شوية ويزيدهو تانية ما هو البيستاهل الكتييييييييير...
قصرتا في حقو مدِّح

[همس الشوق]

المشاركة الأصلية كتبت بواسطة رأفت ميلاد

سلام يا مرافى
إتخيلى فكوهم هنا ..



والله باقى لى تصرفاتهم سادية ونوع من النقص والغبن لمهانة البشر ..

كان طلعوا فى دبى ولا الواق واق .. كان ما سرحوا على حل شعرهم بقعدوا زى خلق الله .. أمراض البلد هى الطالعة فيهم ما لبس النسوان ..

الله يعفى عنا

الأخت مرافئ تحيه ود
عاد باااااااااالغته يا عمو رأفت

يجيبهم هنا وحاة الله كان ما أغمى عليهم

جنس دا كان شافهو في التلفويون بغطوا عيونن وبعاينو ما بين الأصابع

ياخ الواحده في السودان لو ماشه وطرحتها نازله الشارع كله بعاين ليها لما بها من خلاعة تقول لي شنو؟؟؟

تعرف زكرتني بي حادثه حصلت لي هنا ايامي الأولى في دبي
جيت طبعا من السودان ياني زي ناس النظام ديل كان واحده لابس ( كط) بتلف وقول شوف بالله البت الما بتخجل دي ..
المهم جيت الإمارات وأصر علي أخوي الا اقيم هنا وأشتغل .. عمل لي ( سيرة زاتيه ) ووزعها .. أها بقى كل يوم يجيني عندك مقابلة بكره خليك جاهزة .. اها في واحده من المقابلات انتهيت بدري وهو بيشغل دوام طويل يعني لحدي الساعة خمسة .. قال لي هسه الساعة ( 11) وما ممكن تمشي معاي المكتب وتقعدي لحدي الساعه خمسة حتزهجي .. عشان كدا حأوديك حته لذيذه تتفرجي فيها لحدي ما أخلص شغل وأجيك ... بصراحة انا ما حبيت الفكرة .. يعني معقول امشي لي سوق لا دكان ( طبعا على حسب الفكرة السودانية ) لحدي الساعة خمسة .. مشيت واذا به يدخل بي على سيتي سنتر ديرة - دبي .. ويوقف العربية في مدخل رقم كم ما متزكره .. ويشيل ويشرح لي .. عايني دا المدخل رقم كدا وداك السلم الكهربائي .. الساعة خمسة شوكة القاك واقفه هنا .. لانه صعب امشي اجيبك من جوه .. أختكم جديده لا موبايل ولا عرفه بالبلد ... أقوم ادخل واقول بسسسسسم الله .. ما ألاقي ليك الا اللحم الأبيض المتوسط منتشر وبكثرة في السيتي ..ز سجمي ... سجمي ... سجمي ... أنا وين ... وهسه لو جو ناس النظام العام هنا أعمل شنو؟؟؟ . بصراحة الوهلة الأولى حسيت بأني زي الما في وعيي .. كمية الجمال + كمية التعري + كمية الحرية .. حيروني ... بقيت بدل ما أستمتع بالفرجة في المحلات .. الاسكسسوارات ..... وكل الموجود في السيتي .. بقيت متابعة ليك كل واحده خليعة ( بالفهم السوداني ) وأمنطقها ليك وأشاكلها ليك في سري .. يخسي عليك .. عليك الله دي لبسه الواحده تطلع بيها .... وأقبل كدا الاقي ليك تانية .. وب علييييا دا شنو ؟؟ أسنر يا رب . وانا في غمرة الإندهاشة تظهر واحده او شله جديده .. وأروح مسيراهم ليك .. لحدي ما أشوف اخرهم شنو .... مناظر عجيييييييييبه .... واختكم أهل العوض في جنس دا .. أتاريك يا ساعة اجري جري .. ثلاثة جاءت ......... أربعة جات ......... خمسة جات ......... سته جات وانا ما بين وما بين دي بالغت ودي مالها .. وقال ليك واحده لابسه من غير هدوم .. وواقفه ليك مع واحد ... لا خجلانه لا خايفة لا مستحيه .. حسبي الله ونعم الوكيل .. ديل لو جو ناس النظام كان قطعو راسهم من غير تفاهم .. المهم انا في اللحظة ديك حسيت ليك انه عيوني وصلت حد شعري من الإندهاشه وانا في غمرة الخلعة دي اذا بي صوت مااااااااااا غريب لي ينادي بأعلى ما عنده ( اهل العوض .......... أمرقي ) اتلفت الاقيهو ليك اخوي الما يغباني وخلاص وصل مرحله ... لكن شكلي حننوا ... قال لي امرقي طيب ... خاتي انا البجيبك محلات زي دي ....

[نعمات حمود]

الاخت مرافي ..
وهمس الشوق ...اسي عليكم الله البنات الجوكم في بيتكم اليوم داك لابسين بناطلين لو لاقهم ناس النظام كان حيجلدوهم وكدا ؟؟؟عشان كدا قلنا جينا نهائيييييييي ...
وبعدين ناس النظام ديل انتو قايلين شنو عاملين (حاميها حراميها )
كلما امشي على الحدايق والبتش اتذكر حسادتهم لمن يلقوا ليهم اتنين قاعدين مع بعض طوالي (لو
سمحتوا قوموووا من هنا )..او قوموا تعالوا ....
واقول ياريت الواحد لو بيرجع الزمن .....
لكم محبتي

[ناصر يوسف]

المشاركة الأصلية كتبت بواسطة مرافي

..لانو اساساً..مافي لبس فاضح في السودان بس يهجمو في بنات الناس ساااكت!!!!

[align=justify]منو القال ليك الكلام ده ؟؟!!!!!!!!!!!!!


اللبس الفاضح رااااااااقد في شوارع الخرطوم

في جامعات الخرطوم

في حفلات الخرطوم العامة والخاصه

والمرأه في الشارع المصري ملتزمه أكتر من المرأه في الشارع السوداني

أسعلوني أنا عن الكاسيات العاريات الفي السودان

أحييييييييييييييييييييا أنا منهن ومن مفهومية الموضات العوراء


وده طبعاً ما بيقول بإنو لبني لبستها ديك لبسَه فااااضحه

التوب السوداني الآني لبس فاضح يا أختي مرافئ

فاضح جداً

توب الحرير البربطوهو داك ويشف عمّا تحته تماااااااااماً من تكورات وتضاريس وفساتين فوق الرُكبه ومجدوع بحبلين علي الأكتاف


ربنا يدي نساء بلادي مُخَهن[/align]

[طارق صديق كانديك]

والجايبن هنا .. شنو ... ؟؟

تجيهم الكشة ... !!!


تحياتي

[مرافي]

المشاركة الأصلية كتبت بواسطة همس الشوق

الأخت مرافئ تحيه ود
عاد باااااااااالغته يا عمو رأفت

يجيبهم هنا وحاة الله كان ما أغمى عليهم

جنس دا كان شافهو في التلفويون بغطوا عيونن وبعاينو ما بين الأصابع

ياخ الواحده في السودان لو ماشه وطرحتها نازله الشارع كله بعاين ليها لما بها من خلاعة تقول لي شنو؟؟؟

تعرف زكرتني بي حادثه حصلت لي هنا ايامي الأولى في دبي
جيت طبعا من السودان ياني زي ناس النظام ديل كان واحده لابس ( كط) بتلف وقول شوف بالله البت الما بتخجل دي ..
المهم جيت الإمارات وأصر علي أخوي الا اقيم هنا وأشتغل .. عمل لي ( سيرة زاتيه ) ووزعها .. أها بقى كل يوم يجيني عندك مقابلة بكره خليك جاهزة .. اها في واحده من المقابلات انتهيت بدري وهو بيشغل دوام طويل يعني لحدي الساعة خمسة .. قال لي هسه الساعة ( 11) وما ممكن تمشي معاي المكتب وتقعدي لحدي الساعه خمسة حتزهجي .. عشان كدا حأوديك حته لذيذه تتفرجي فيها لحدي ما أخلص شغل وأجيك ... بصراحة انا ما حبيت الفكرة .. يعني معقول امشي لي سوق لا دكان ( طبعا على حسب الفكرة السودانية ) لحدي الساعة خمسة .. مشيت واذا به يدخل بي على سيتي سنتر ديرة - دبي .. ويوقف العربية في مدخل رقم كم ما متزكره .. ويشيل ويشرح لي .. عايني دا المدخل رقم كدا وداك السلم الكهربائي .. الساعة خمسة شوكة القاك واقفه هنا .. لانه صعب امشي اجيبك من جوه .. أختكم جديده لا موبايل ولا عرفه بالبلد ... أقوم ادخل واقول بسسسسسم الله .. ما ألاقي ليك الا اللحم الأبيض المتوسط منتشر وبكثرة في السيتي ..ز سجمي ... سجمي ... سجمي ... أنا وين ... وهسه لو جو ناس النظام العام هنا أعمل شنو؟؟؟ . بصراحة الوهلة الأولى حسيت بأني زي الما في وعيي .. كمية الجمال + كمية التعري + كمية الحرية .. حيروني ... بقيت بدل ما أستمتع بالفرجة في المحلات .. الاسكسسوارات ..... وكل الموجود في السيتي .. بقيت متابعة ليك كل واحده خليعة ( بالفهم السوداني ) وأمنطقها ليك وأشاكلها ليك في سري .. يخسي عليك .. عليك الله دي لبسه الواحده تطلع بيها .... وأقبل كدا الاقي ليك تانية .. وب علييييا دا شنو ؟؟ أسنر يا رب . وانا في غمرة الإندهاشة تظهر واحده او شله جديده .. وأروح مسيراهم ليك .. لحدي ما أشوف اخرهم شنو .... مناظر عجيييييييييبه .... واختكم أهل العوض في جنس دا .. أتاريك يا ساعة اجري جري .. ثلاثة جاءت ......... أربعة جات ......... خمسة جات ......... سته جات وانا ما بين وما بين دي بالغت ودي مالها .. وقال ليك واحده لابسه من غير هدوم .. وواقفه ليك مع واحد ... لا خجلانه لا خايفة لا مستحيه .. حسبي الله ونعم الوكيل .. ديل لو جو ناس النظام كان قطعو راسهم من غير تفاهم .. المهم انا في اللحظة ديك حسيت ليك انه عيوني وصلت حد شعري من الإندهاشه وانا في غمرة الخلعة دي اذا بي صوت مااااااااااا غريب لي ينادي بأعلى ما عنده ( اهل العوض .......... أمرقي ) اتلفت الاقيهو ليك اخوي الما يغباني وخلاص وصل مرحله ... لكن شكلي حننوا ... قال لي امرقي طيب ... خاتي انا البجيبك محلات زي دي ....

الغالية همس..
والله صحي خاتي هو البجيبك المحلات دي!!!
نفس المرً.. بي ..صدمة حضارية نفسية صااااح..تخلي الواحد مهود وماقادر يتوازن ولا يوازن بين ماتربى واتعود عليهو وبين البقى واقع في حياتة الآنية ...
لكي جميل وعاطر المنى...