نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > نــــــوافــــــــــــــذ > أوراق

إضافة رد
 
أدوات الموضوع انواع عرض الموضوع
قديم 08-02-2008, 04:00 AM   #[1]
تاج السر الملك
:: كــاتب نشــط::
الصورة الرمزية تاج السر الملك
 
افتراضي عندما يغنى عركى...



فى تلك الليلة..
كان ( نادر بهلوان) ، يمشى فكأنما يتزلق على وسادة من الهواء !!
يهمهم بهدوء و ثقة و هو يتحسس ربطة عنقه الحمراء ، مثل شخصية نجيب محفوظية
..حلفنا نعيش لحاضرنا.


بين الفواصل ظل ( عركى) يغنى لعركى ، سلاما ووردا و تحايا ، و مراسيل شوق..
صاح....ياربنا
قلنا...يا قادر
صدح..واحشنى...فذهب الخلق مناسك شتى!!
هتف...بخاف
ذهبنا من ساعتنا نسأل الناس ، دون خوف او استحياء ، عن كل النساء اللواتى تدثرنا بعشقهن، عدنا بزهو الحب على اذرعتنا و بيننا الأطفال ابهى ما نكون جمالا و اشد ما نكون سطوعا ، قلنا..مافى الحقائق اكثر عارا من العشق الذى لا يورث الوجل ، و لا الشدو الذى يورث الملل، انصتنا بكلياتنا الى ألأغنية ..خضراء ، ما ذبلت و لا آلت الى حريق تقلب فيه الوطن بين بزة عسكرية و اخرى ، و بصدرينا –يقول صلاح- آمالنا و رغائبناو احلامنا المشتهاة ، و حبائل سرية مع الذين ولدوا فى اكناف الصدق ، و الذين وشموا بسمات انفاسنا و ملامح افراحنا التى لم تأت على وعدها ، صفاءا يسمو فوق هزيم رعد غربتنا الممتدة ، هفونا الى بعض حمأ الهوى الذى اكتوينا بناره و لهيبه ، حتى تهاوينا
قطعة قطعة
قطرة قطرة
زفرة زفرة

بين الفواصل ..كان
يحمد السرى و السعى بين المقاعد المتراصة المتحفزة ، بينها و بين المساحة المحتقنة بفراغ شحيح ، و حتى ساعة اعتلاءه لفسحة ضيقة على المسرح، تمتد عبرها اسلاك و اشواق و الات موسيقية ووشم صينى على الحائط الخلفى و افواج الذين اتوا من اقاصى الأمكنة ليؤدوا فروض السمع و الطرب ، يقابلهم بأبتسامة مشعة ، مبتسرة متشربة بأرق و قلق و حزن و عاطفة و فطنة و شاعرية ، ثم لايلبث يبادلهم ، شوقا بشوق ، و اغنية بأغنية ..مسكون بصوقبة الأيقاع، قال ابنى يصف موسيقاه بأقصى ما تأتى له من مفردات خياله الغض
Damn..Thats groovy!!
فأستقام كتفا لكتف ، (آيك تيرنر) ( ستيفى ووندر) ، و ( موريس وايت) ، بيد ان شع فى خاطرى ، مداخلة ( الترومبيت) المحسوبة بمقدار فى أعماق ( نوبية) ، و تهويمات ( تشايكوفسكى) فى خضم سيل صداءات ( بستنشقك) الحالمة ، و تواتر نقاط التقابل فى اغنيات عذبة مثل ( فى عينيكى دنيا غريبة) ، و ( انتى نيل) ، و التأرجح الذى لا ينقطع عن نقاط ارتكازه فى ( التوب) ، و ( يوم رحيلك) ثم ( ياقلب).


ظل ( نادر بهلوان) سابحا فوق اثيره ، ووسائده الهوائية ، حتى ختام الأمسية ، عاد اصبى من صباه الذى تصرم خلال ثلاثين عاما قضاها ( فى شعب الصقيع) ، توهج و لازمته الأبتسامة و السماحة، فأقتصد فى جمع الحزن و كف يداه عن اللحاق به ، و بذل بسخاء فرحه على الذين من حوله ... (عركى) بلحمه و دمه يقف مغنيا على مبعدة ميل من شقته!! شقته التى امتلأت بتسجيلات عركى ، صور عركى ، و ازدانت بأستار الولاء لعركى
ما أسعد ( بهلوان) هذه الليلة!!!
تاج السر الملك



تاج السر الملك غير متصل   رد مع اقتباس
قديم 08-02-2008, 04:03 AM   #[2]
تاج السر الملك
:: كــاتب نشــط::
الصورة الرمزية تاج السر الملك
 
افتراضي

قائظ صباح الجليد !!
لذعة الحرة و لسعتها ، مثله مثل هواء طيب، صاف، نقى السيرة ، يتملكه سحر الشعر ، و آفة الشدو ، يفنى فى رصد لازمة حتى و مستقرها بين سحائب الحب و الثورة و الشوق و الأشفاق ، حتى و مستقرها فى اعطاف الحب و عطش الحرية
/ يا السر..أنا ما دخلت مدرسة نظامية فى طفولتى...اشتغلت سمكرجى فى ورشة ابوى ..فى سن العاشرة مشيت اتسجلت فى دار محو الأمية ، الشهر بعشرة قروش ، الدار كانت فى العشير ، سجلت كمان تلاتة من أعمامى /..
حتى و مستقرها من عطش الى الواح المحو و الأثبات . بارد هذا المساء مثل خاطرة ظل أحمق، و نغمة تلوب وراء شفق البيوت الكالحة ، البيوت المستترة بظل الصهد و الصدأ و المنافحة ، ظل دافئا متقرفصا فى خصر المساء ، ملتحفا مسوح حزن ازرق يكلل زهو الثلج اشراقه و تفرده ، ارخت الظلال ظلالا ، و تمدد الضياء الصباح على سوح المفارق...
/ عركى نوديك الكوفير؟؟...هوى..يا منعم..هوى / يجيب مداعبا ، بجد و عناد ، / يا ميرغنى انا بغنى فى البروفة دى لى ستة ساعات..تعبت ياخى../
يحك ( ميرغنى) منتصف راسه باليد التى تحمل القوس ، ماهر، مجدى ، مليجى ، و نادر يطلب اف ميجور ، جميعنا تظاهرنا بالشعور بالذنب و نحن كاذبون ، و لكن بقيت عن حبيبتى اقول لكم..عيونك روعه ، من يحل محل عجاج فى المقدمة؟؟؟..بخاف..بستنشقك..يوم رحيلك.. لا يملك ( عركى) ان يحتج على نفسه و الأغنيات التى أحب ، و نحب ، تشبث بأطراف ذكريات موغلة فى النفس و الزمن .
/ الصادق ابو العافية يا السر ..لقيتو شغال ساعاتى..عجز خلاص ..رفع راسو و عاين لى مسافة...ازيك يا ود البخيت قال لى ، قالوا مشى و اتوفى بعد داك عند اهلو فى مورا../
مشينا فوق اثير من عهود و نواميس و حياة
/ كنا ماشين لحفلة فى الجزيرة ...فى كلب من الجهة التانية للترعة جارى مع العربية ، عامل فيها داير يعضينا ، قام من اللخمة وقع فى الترعه .انخلع.قال ..هو و مرق/
ضحك حتى فاضت عيناه بالدمع ، دمع حر طليق ، دمع مؤاس..سكت و تطلع الى صورته فى المرآة المقابلة
/ الزول العجوز البشبهنى ده منو؟؟؟/
فارع ، نحيل مثل الخلال فى وصف الخليل ، متماسك ، حال السماء غائمة و ثلج على حواف الطرقات مثل مشيب باكر ، لا يلبث ان تبتلعه صبغة الأسفلت القاتمة فيحور ثلجا أسودا..جلست ( عفاف) فى خاطره ، و خرجت من انفاسه ، ذخيرة يحارب بها حين يهم المغنى بتقمص روح الشاعر و معنى ان يغنى!! متى ينشد المغنى شعرا ينبع من داخله ، حتى نقول ...قال عركى ، جانى هاتف فى المنام ، و هو محق بالأصالة ، يعلم تماما هيئة التى جاءت تزحف فى برزخ أحلامه ، ( بستنشقك) ، يقول ، وهى تسكن منه الرئة ، و نصف عقله الأيمن ، تمنحه الأطفال ، و الديمومة ، يتعادل حبه بين مدينتين ، و تمتلكه كله سيدة واحدة.
/تدربت يا السر على القراءة بتهجى اللافتات فى السوق و المنطقة الصناعية ، محلات اب خنيجر ، فندق الخواض ، استديو رونق ( أناقه) /
فى الأذاعه كانوا عمالقة حينما احترفت الغناء ، الكاشف، أحمد المصطفى ، وردى ، عثمان حسين ، حسن عطيه ، علمت حينها الا سبيل لى الى المنافسة سوى المزيد من التعلم ، /
..سوى المزيد من الحرية..
ظل ساطعا فى ضياءه، حين حمل وحيدا شعلة الحرية .
تهب الرياح الباردة فى عظم يناير ، فما تخاذلت و ما انطفأت جذوتها..
.........................................
و من المحن يا عزة يا ست الكرام
ان و المعايا بنحرسك
ومن المخن يا عزة يا ست الكرام
وحدة نضالنا بتحرسك
بستنشقك
...................................
هل لنا تقرع الأجراس؟؟؟
تاج السر الملك



تاج السر الملك غير متصل   رد مع اقتباس
قديم 08-02-2008, 09:08 AM   #[3]
خالد الحاج
:: كــاتب نشــط::
الصورة الرمزية خالد الحاج
 
افتراضي

[align=center][flash=http://www.youtube.com/v/WfsoLbLzGps&autoplay=1]WIDTH=500 HEIGHT=400[/flash][/align]

هذه يا تاج جرعة مكثفة من الجمال..
ليتنا كنا هناك... ولو جلسنا "في طرف الغمامة" نحتسي شاي العصرية.



التعديل الأخير تم بواسطة خالد الحاج ; 08-02-2008 الساعة 02:36 PM.
التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل   رد مع اقتباس
قديم 08-02-2008, 09:13 AM   #[4]
خالد الحاج
:: كــاتب نشــط::
الصورة الرمزية خالد الحاج
 
افتراضي

[align=center][flash=http://www.youtube.com/v/uk2xs5eLgzw&rel=1]WIDTH=500 HEIGHT=400[/flash][/align]



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل   رد مع اقتباس
قديم 08-02-2008, 02:24 PM   #[5]
تاج السر الملك
:: كــاتب نشــط::
الصورة الرمزية تاج السر الملك
 
افتراضي

خالد ود الحاج
هى شن جرعه
زول ساسو ما قوى ما بقدر عليها
و الله ..زى الليمون البارد فى حر شهر خمسة..يووجع المداغات..
لكم جميعا مودتى.
الملك



تاج السر الملك غير متصل   رد مع اقتباس
قديم 08-02-2008, 04:38 PM   #[6]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي

قلنا..مافى الحقائق اكثر عارا من العشق الذى لا يورث الوجل
يحمد السرى و السعى بين المقاعد المتراصة المتحفزة ، بينها و بين المساحة المحتقنة بفراغ شحيح
Damn..Thats groovy!!

شكيتك علي ألله يا ود الملك:داير الواحد بعد العمر دا كلو يقوم يقل عقلو ويجيك بي تمباكو في الاستيتس!!!!!
ياخوي في الأول خليني أكتب ليك بالدارجي لأني ما بقدر أجاريك في اسلوبك الرائع دا لانك عارف أنا راجل درست في بلد علي الرغم من انو في أوروبا الا انهم بيرطنوا لانهم عندهم رطانة ما لغة. أهلنا التشيك الضيعنا نص عمرنا وسطهم حتي العربي نسيناهو.
بعدين ياخي حرام عليك تقول تقول العشق عار لانو لو كلامك صاح يبقي العار لابسنا كلنا وانت أولنا.
أنا شايف الصوفية لسة متمكنة منك شديد فجمعك الاسراء والسعي في حركة واحدة شئ في منتهي البلاغة لا يصدر الا عن عبقري قاعد وقدامو اونص سنسميليا
ياخوي احنا ما يانكيز عشان تقول لينا groovy وكأنك متأكد احنا فاهمين ياملك فبالله شوية شوية علينا يا ترجمتك تكون علي الشريط
لو ابو عركي لسة قاعد قول ليهو الحلبي الزمان عزمك للامارات وانت في مطار السيب بيسلم عليك ولو ما اتذكر قول ليهو نسيب فاروق دياب الكان بيشتغل معاهو صاحبك حمد..
ما تقطعنا يا ملك من دررك الغالية وواصل امدادنا بهذا الاكسير النادر...



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل   رد مع اقتباس
قديم 09-02-2008, 02:24 AM   #[7]
تاج السر الملك
:: كــاتب نشــط::
الصورة الرمزية تاج السر الملك
 
افتراضي

الحلبى
ازيك
بعدين انا قلت العشق حرام؟؟ انت ما سمعت بنفى النفى اثبات؟؟
بجيك صادى بعد م عركى يورينى البلوة العملتها.
لك الشوق و التحايا
الملك



تاج السر الملك غير متصل   رد مع اقتباس
قديم 09-02-2008, 02:45 AM   #[8]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي

قلنا..مافى الحقائق اكثر عارا من العشق الذى لا يورث الوجل


يازول انت فاطي ولا شنوأنا متين قلت انك قلت العشق حرام؟ كمان جاي تكلمني باسلوب الشيوعيين نفي النفي اثباتكلامي واضح قلت ليك حرام تقول العشق عار ودي أقراها فوق...
بطل حركاتك دي وبعدين ابو عركي راجل تمام وانا ما سويت معاهو أي بلوة الا لو داير تلفق لي تهمة وانت طبعا زول ما مضمون..والراجل كان نكر المعرفة سوقو معاك البيت ووريهو الصورة ولو برضو نكر يبقي يادوب أنا حأسوي بلوة وأوعك تلخبط حروف بلوة ديوانت راجل أسد



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل   رد مع اقتباس
قديم 09-02-2008, 01:50 PM   #[9]
تاج السر الملك
:: كــاتب نشــط::
الصورة الرمزية تاج السر الملك
 
افتراضي

الحلبى
ما تشيعنى كان انا ما شيوعى..انا زول ساكت يا رجل.
( العشق الذى لا يورث الوجل)..الحب الذى لا تعترف فيه بقولك ( بخاف)....عار
وقع ليك؟؟
عركى ما نكر.. و يبلغك تحياته..و الله ياريت لو انت معانا اليومين ديل.
جبت الوصايا من وطنية؟؟



تاج السر الملك غير متصل   رد مع اقتباس
قديم 12-02-2008, 05:57 PM   #[10]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

ياملك

انتا شايل فى راسك شواطين الدنيا والاخرة..
ابوعركى دا تقراهو براهو,
لانو جامعة حياة منفصلة
غناه طرب وكلامو مخموج بى هم الناس..
ناس ابوعركى مازجوا بين السياسى والفنان
وانسان الشارع دون حوجة لخلخلة موازين التضاد
العامرة بها هذه الثلاثية المتحولة..

شكرأ ياملك



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 12-02-2008, 07:04 PM   #[11]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

http://sudanyat.org/vb/showthread.php?t=1720&page=6
تابع هذا الحوار ياملك,

حين تغنى هذه الاهزوجة : "بالعود" يكن لها طعم مغاير
يفرتق شتلات الروح ,
ويضرب اى خاطر فى العمق

بس تسمع
طاخ
طاخ



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 12-02-2008, 07:15 PM   #[12]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

هاك وان شاء الله تلحق الغطس
http://www.alrakoba.net/ss/abo3raky/fe3naik.mp3



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 13-02-2008, 01:09 AM   #[13]
تاج السر الملك
:: كــاتب نشــط::
الصورة الرمزية تاج السر الملك
 
افتراضي

الجيلى الحبوب
اشكرك ايها الصديق على تحف عركى الخالدة
فعركى ينبع و يصب فى دواخلنا.



تاج السر الملك غير متصل   رد مع اقتباس
قديم 15-02-2008, 11:38 PM   #[14]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي


سلامات ياملك

بلغ عركى عنا السلام
فلقد اسهم هذا المختلف فى تكوين وجداننا

حتى اصبحت اغانيه اوطان نتحرك بها ونحوها دون تراخيص واذونات



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 24-03-2010, 07:51 AM   #[15]
أميرى
:: كــاتب نشــط::
الصورة الرمزية أميرى
 
افتراضي

اقتباس:
عندما يغنى عركى...
بجي العالم قريب مني و يكون أجمل

ــــــــ
تمن التزكرة خمسة الف ولا نملك حينها الا انو نعتلى
حافلة العازفين ونحمل الساوند والآلات الموسيقية
وندخل...فمن يمنعنا من عركى؟

الملك قلت ليك شكرا!!!



أميرى غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 04:13 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.