الفاضِل / وجدي الأسعد الأسعد
كيف حالك؟ علك طَيِب
اقتباس:
اراك قد عممت حركة التحرير والعدالة على عموم الغرابة
بينما خصصت المفاوضين فقط للانقاذ ولم تعممهم على الشماليين؟
|
ياخ اللعبه الحلوه، حلوه بغض النظر عن الزول الشايِتا! وسؤالك الفوق ده "لعبه حلوه" لكِن انا عندي ليها مخرج، وحرم ما تبقى فوقي إتْنين، أجندة خفِية وكِضِب كمان.. شوف يا سيدي.. قطر قدرت في سنتين تجمع أغلب حركات الغرابا المُسلحة ودي لو ما عندها وجود وسند في أرض الواقِع ما كان حتكون مؤثِرة لِدرجة إنو قطر أقنعتا بِالتفاوُض، يعني الحركات الكتيرة الوصلت أكتر مِن 30 حركة مُسلحة عندها سند شعبي، وده برضو حاصِل بالنسبة للأنقاذ لو الإنقاذ ما عندها سند شعبي ما كانت حكمت البلد 21 سنة، يعني إنت ما شايِف تأسلُم حتى يافطات البوتيكات ووسائِل الترحيل، ناس [ترحيلات الساجدين]و[الراكعين] ده غير البنوك ناس [شنو كِده ماعرِف الإسلامي] المهم إنو الإنقاذ عندها سند شعبي رضينا ولا ما رِضينا، أها الإنقاذ مُسمى وااااحد، لكِن الغرابا تجمُع أكتر مِن 30 فصيل، علشان كِده بِمثِلوا شعب غرب السودان ولو بِـ50 + 1
والله أمْبارِح شُفْت ليك بِأُم عيني التي في رأسي، عدد 12 باص مدرسي ذو طابِقين، مُعْتلِنو الغرابا الجو ضِيوف لحفل التَوقيع، وباريت ليك ها الباصات لِغاية ما وِصْلت فُندق "رتاج الريان" 12 باص × النقول 30 شخص، ديل الجو الحفل، ظنك ديل منو هسِع؟! ده غير الغرابا المُقيميين في قطر والعملو حفل إبْتِهاج بِمُناسبة التوقيع، حفل كبير ومُعْلن وبِحضور قناة الجزيرة وتَوثيقِها