... قلت ارحل ......
... اسوق خطواتى ... من زولا ..نسى الالفه ...!!!
.... الشاعر الرقيق التيجانى سعيد .... تلمس فى مفرداته شفافيه راقيه .. لعله نقاء التصوف ... رائعته .. قلت ارحل ...اجمع كل المهتمين بانها كانت النقله الحقيقيه للفنان وردى ... من اسار المباشره ... الى الرمز المحبب ...
كتب التيجانى قلت ارحل فى عام 1971 عن تجربه عاطفيه ..... وتم تسريب النص ...الى الفنان وردى ...داخل زنازين السجن ..... وشرع فى تلحينها داخل الزنازين ...
وبعد اطلاق سراح الفنان وردى قدمها لاول مره فى حفل ساهر بحدائق المقرن ...
وبدأ وردى يعيد ويكرر مقطع .... فى بعدك لقيت كل الارض منفى ... !!
وهناك من همس فى اذن الشاعر .. امشى جهز شنطتك ..باكر حترجع كوبر مع وردى ...!!
لان هذه الاغنيه سوف تفسر تفسيرا سياسيا .... ضد الوضع القائم ... وبالفعل ... ذهب خيال الوزير عمر الحاج موسى ... ورحل الى اصقاع لم يقصدها الشاعر اطلاقا ....فرسم لها صوره رمزيه باهيه الالوان والجمال .....
و منع بثها ..!!......
لم يتم اطلاق سراح الاغنيه الا بعد خطاب نداء ارسلته صاحبه النص ..الى عمر الحاج موسى ...وكانت الرساله عباره عن لوحه ادبيه تخاطب الوزير الاديب الفنان ... بان النص قيل فى فتاه تزوجت ورحلت ... !! ....
وعلى الفور صدرت التعليمات الى.. محمد خوجلي صالحين .. باطلاق سراح الاغنيه ... يقول التيجانى بانه كتب النص بزاويه عاطفيه معينه .... فمن يراها عاطفيه فهو محق فى رؤيته ... ومن يرى فيها اشارات سياسيه فهو محق ايضا …..!!!
أو .. كما قال المتنبى :
.. أنام مل جفونى عن شواردها ...
.. ويسهر الخلق جراها ويختصم ...
قلت ارحل ... …
اسوق خطواتي....
من زولا نسي الالفة ...
اهون ليل ..
اسافر ليل ...
أتوه من منفي.. لي منفي ...
أبدل ريد ... بعد ريدك ...
عشان يمكن .. يكون اوفي ...
رحلت وجيت .. في بعدك لقيت ...
كل الأرض منفي ...
عيونك .. زي سحابة صيف ...
تجافي بلاد .. وتسقي بلاد ...
وزي فرحا .. بشيل مني الشقا...
ويزداد ...
وزي كلمات .. بتتأوه تتوه..
لمن يجي الميعاد ...
وزي عيدا .. غشاني وفات ..
وعاد عم ... البلد اعياد ...
وزي فرح .. البعيد العاد ..
وزي وطناً ... وكت اشتاقلو...
برحل ليهو.. من غير زاد ...
بدون عينيك........ بصبح زول ..
بدون ذكري... وبدون ميلاد ..
زمان الفرقة .. والتجريح
بسيبو .. …
بسيبو... عشان تشيلو الريح ...
بسيبو عشان صحيح الذكري ...
بتوه... عمرنا صحيح ...
وإنتي معايا لا بندم ...
ولا بقضي العمر تبريح....
اصلو العمر شوقا كان .. وحزنا كان ....
وصبراً كان .. فسيح وفسيح .......
أصلو العمر كان .. دربا مشيتو كسيح ....
وكان غرسا ... سقيتو بكاء .......
وقبضت الريح .... ..
…. كل الحب ….