نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 08-01-2011, 01:32 PM   #[16]
همس الشوق
:: كــاتب نشــط::
الصورة الرمزية همس الشوق
 
افتراضي

اقتباس:
اخوتي فى شمال السودان
نحن لا نكرهكم
ولا نحن ضد دينكم الاسلام

ولكن كل الحكومات الشمالية التى تعاقبت على حكم السودان

كانت ظالمة
ولم تهتم بالانسان الجنوبي قط
كنا فى وطن لم نحسه ابدا وطنا لنا

ومتى اهتمت الحكومة بالانسان الشمالي
ما هي الحياة الكريمة التي خلقتها لانسان الشمال غير تشريد كل الكفاءات



التوقيع:

[frame="1 80"]أنا إمراة لا أنحنى لكى ألتقط ماسقط من عينى ابداً[/frame]
همس الشوق غير متصل   رد مع اقتباس
قديم 08-01-2011, 01:38 PM   #[17]
سارة
:: كــاتب نشــط::
الصورة الرمزية سارة
 
افتراضي

اقتباس:
المشاركة الأصلية كتبت بواسطة همس الشوق مشاهدة المشاركة
هي دي حقيقه ما بقدر انسان يتجاهلها

الجنوبيين عاشو ويلات الحرب والأصبح احساسهم بالدونية دون شعب السودان

بس المشكلة في الوطن البتمزق يا سارة

بكره بجو ناس الشرق عايزين ينفصلو وربما ناس الغرب وايييييك
السودان حيصبح دويلات منتاحره
يا حليل وطن المليون ميل
يا هموس عمرنا ما حسينا انه نحن بلد واحد اهو كلام
الفى الشمال العنصرية والقبلية والمحاباة شىء متاصل فينا
لكن مما وعيت على الدنيا ما شفت الجنوبيين حالهم زى حالنا
فى اى شىء كل الانا بعرفه اناشيد واغانى تقول السودان الوطن
الواحد لكن عمره واقعنا ما كان واحد على مستوى الافراد هناك
بعض الحالات لكن عموما فى ارض الواقع ما كان فى شىء موجود
خلينا نفرح ليهم ونفرح لى روحنا ...نفرح ليهم انهم تمنوا الانفصال
وناضلوا من اجله واستحقوا انفصالهم ...ونفرح لاننا شعب الشمال
قصدنا انفصالهم وساعدناهم وعملنا كل ما فى وسعنا لانفصالهم يعنى
حركتنا وان كانت جبانة لكن اهى اتت اكلها

يا همس صدقينى انحنا بنكذب على انفسنا ومشكلتنا بنصدق روحنا
مرة فى مكان ما ... احد الاخوان عامل فيها مهموم من حكاية الانفصال دى
المهم كل يوم يلعن فى الحكومة والبشير ...مرة قلت ليهو انا فى راى نحنا
كشعب شمالى برضو لينا دور ..المهم الراجل عليك اما الله اتفتح فينى حتى
تمنيت ان يسكت ولم يفعل الى ان جاء موضوع اخر وتحول عنى المهم مرة
تانية التقينا فى مكان هو كان من ضمن الحضور وفى تلفزيون السودان كان
احد الاخوة الجنوبيون يتحدث باللغة العربية وطبعا لغته ليس من السهولة لغير
السودانييين فهمها وحتى حجته كانت ضعيفة ودا طبعا ممكن جدا اى شخص
يكون فى الموقف دا ..بس قدرة الله ينط ليك صاحبى الزمان بستفنى
ياخ بالله عليك دا زول يجيبوا لينا دايما فاضحننا
طولت عليك معليش يا هموس لكن ما تسالينى بستفتو قدر شنو



التعديل الأخير تم بواسطة سارة ; 08-01-2011 الساعة 01:52 PM.
التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا
لك الرحمة ياخالد ولنا صبرا جميلا
سارة غير متصل   رد مع اقتباس
قديم 08-01-2011, 01:48 PM   #[18]
همس الشوق
:: كــاتب نشــط::
الصورة الرمزية همس الشوق
 
افتراضي

اقتباس:
المشاركة الأصلية كتبت بواسطة سارة مشاهدة المشاركة


يا هموس عمرنا ما حسينا انه نحن بلد واحد اهو كلام
الفى الشمال العنصرية والقبلية والمحاباة شىء متاصل فينا
لكن مما وعيت على الدنيا ما شفت الجنوبيين حالهم زى حالنا
فى اى شىء كل الانا بعرفه اناشيد واغانى تقول السودان الوطن
الواحد لكن عمره واقعنا ما كان واحد على مستوى الافراد هناك
بعض الحالات لكن عموما فى ارض الواقع ما كان فى شىء موجود
خلينا نفرح ليهم ونفرح لى روحنا ...نفرح ليهم انهم تمنوا الانفصال
وناضلوا من اجله واستحقوا انفصالهم ...ونفرح لاننا شعب الشمال
قصدنا انفصالهم وساعدناهم وعملنا كل ما فى وسعنا لانفصالهم يعنى
حركتنا وان كانت جبانة لكن اهى اتت اكلها

يا همس صدقينى انحنا بنكذب على انفسنا ومشكلتنا بنصدق روحنا
مرة فى مكان ما ... احد الاخوان عامل فيها مهموم من حكاية الانفصال دى
المهم كل يوم يلعن فى الحكومة والبشير ...مرة قلت ليهو انا فى راى نحنا
كشعب شمالى برضو لينا دور ..المهم الراجل عليك اما الله اتفتح فينى حتى
تمنيت ان يسكت ولم يفعل الى ان جاء موضوع اخر وتحول عنى المهم مرة
تانية التقينا فى مكان هو كان من ضمن الحضور وفى تلفزيون السودان كان
احد الاخوة الجنوبيون يتحدث باللغة العربية وطبعا لغته ليس من السهولة لغير
السودانييين فهمها وحتى حجته كانت ضعيفة ودا طبعا ممكن جدا اى شخص
يكون فى الموقف دا ..بس قدرة الله ينط ليك صاحبى الزمان بستفنى
ياخ بالله عليك دا زول يجيبوا لينا دايما فاضخننا
طولت عليك معليش يا هموس لكن ما تسالينى بستفتو قدر شنو
وانتي كمان يا الحبيبه بسألوك بستفتي كيف

لا ابدا ما طولتي هو انا لاقياك وين يا حبيبه

دا اس المشكلة يا سارة النظرة الدونية لانسان الجنوب

انا في الجامعة كان معانا في المدرج طالب من الجنوب
ياخ كمية من التهذيب والاحترام والشياكة
انا ما كنت بفرزو من اي قبيله سودانية بلاقيهو بقعد اتونس معاهو بعزمني داخل الجامعة بمشي معاهو النشاط .... لقيت في هذا الجنوبي صفات جميله جدا
يلا اولاد الشمال بدأوا يتريقوا علي
وكيييييييييف تقعدي من جنوبي ما بتخجلي
قلته ليهم صحي القلم ما بزيل بلم



التوقيع:

[frame="1 80"]أنا إمراة لا أنحنى لكى ألتقط ماسقط من عينى ابداً[/frame]
همس الشوق غير متصل   رد مع اقتباس
قديم 08-01-2011, 06:33 PM   #[19]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

مساء الخيرات ياهمس ,

غايتو أنا شايف انو مافى حاجة بتخلى الجنوبيين يقعدو مع الشماليين فى دولة واحدة,
والانفصال دا لوكان حصل من زمان كان جنبهم ويلات الظلم والاضطهاد والحروب,
ليس من شئ واحد يجمع الشمال مع الجنوب,
ودعونا نكون واقعيين ولانحدث بعضنا عن تاريخ مشترك لاوجود له وبوتقة وانصهار.
الجنوب حتمآ أفضل حالأ دون الشمال,
فهو لم يجد منه سوى الاستعلاء والاذدراء والتهميش والتقتيل,
هذه ليست علاقة مواطنة فى دولة واحدة..
فلم تكن ولن تكون,
فلبناء وعى يستوعب الجنوبى كمواطن من الدرجة الأولى نحن فى حوجة لأعوام اخرى كثيرة,
ولانود حتمآ أن يتحمل المواطن الجنوبى كل هذا الاستعلاء والاذدراء والتهميش لمئة عام أخرى ..

والآن دعونا نرى,
هل بقية السودانيين مواطنين من الدرجة الأولى,
ام ان هنالك انفصاليين آخرين يملكون كامل الحق ليقولو بعلو صوتهم,
نحن لانود أن نكون جزء من الشمال المتعالى والمذدرى ..؟

تحياتى همس,
لك ولضيوفك وكونى بخير



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل   رد مع اقتباس
قديم 09-01-2011, 10:42 AM   #[20]
همس الشوق
:: كــاتب نشــط::
الصورة الرمزية همس الشوق
 
افتراضي

اقتباس:
المشاركة الأصلية كتبت بواسطة الجيلى أحمد مشاهدة المشاركة
مساء الخيرات ياهمس ,

غايتو أنا شايف انو مافى حاجة بتخلى الجنوبيين يقعدو مع الشماليين فى دولة واحدة,
والانفصال دا لوكان حصل من زمان كان جنبهم ويلات الظلم والاضطهاد والحروب,
ليس من شئ واحد يجمع الشمال مع الجنوب,
ودعونا نكون واقعيين ولانحدث بعضنا عن تاريخ مشترك لاوجود له وبوتقة وانصهار.
الجنوب حتمآ أفضل حالأ دون الشمال,
فهو لم يجد منه سوى الاستعلاء والاذدراء والتهميش والتقتيل,
هذه ليست علاقة مواطنة فى دولة واحدة..
فلم تكن ولن تكون,
فلبناء وعى يستوعب الجنوبى كمواطن من الدرجة الأولى نحن فى حوجة لأعوام اخرى كثيرة,
ولانود حتمآ أن يتحمل المواطن الجنوبى كل هذا الاستعلاء والاذدراء والتهميش لمئة عام أخرى ..


تحياتى همس,
لك ولضيوفك وكونى بخير
تسلم يا جيلينا
مهما كان يا عزيزي فالجنوب جزء لا يتجزأ من السودان ... والإنفصال يعني تقطيع جزء من هذا الوطن ... انا معاك ان الانسان الجنوبي عاش منذ ان تولى الشماليين الحكم على هامش المواطنة ... بل ومواطنين من الدرجه الثالثه قل ...
بس ما بتوافقني ان السحنه لانسان الجنوب في كل بقاع العالم وخاصه هي التي تأخذ لون السمار طابع لها .. تعيش نفس الإضهاد ونفس الإستعلاء من بني الشمال ... حتى في أمريكا وبلاد الغرب التي تنتهج منهج الحرية ... يعاني الأسمر في كثير منها من عقدة اللون...

ولكن سؤال هل سينجح الجنوب كدولة مستقله ....؟؟؟؟؟؟ والجنوب يفتقد لأبسط مقومات الحياة ولا توجد به بنية تحتيه .. ولا اي إستعداد لدولة ذات سيادة مستقله .. اتمنى ان نرى العكس في مقبل الأيام ...

اقتباس:
المشاركة الأصلية كتبت بواسطة الجيلى أحمد مشاهدة المشاركة
مساء الخيرات ياهمس ,

والآن دعونا نرى,
هل بقية السودانيين مواطنين من الدرجة الأولى,
ام ان هنالك انفصاليين آخرين يملكون كامل الحق ليقولو بعلو صوتهم,
نحن لانود أن نكون جزء من الشمال المتعالى والمذدرى ..؟

تحياتى همس,
لك ولضيوفك وكونى بخير
هي مشكلة يا جيلينا تعدد السحنات والأعراق في السودان .. السودان وطن شمولي تقطنه مزيج من القبائل التي تختلف في نهجها ودينها وحتى في أعرافها .. وهنا يكمن الخوف من إنفصال اهل الشرق او الغرب ويبقى السودان كمريض السكري بين فترة وفترة تقطع أجزائه ...
والله يجازي الكان السبب



التوقيع:

[frame="1 80"]أنا إمراة لا أنحنى لكى ألتقط ماسقط من عينى ابداً[/frame]
همس الشوق غير متصل   رد مع اقتباس
قديم 09-01-2011, 11:33 AM   #[21]
رضا
:: كــاتب نشــط::
 
افتراضي

جدودنا زمان وصونا على الوطن
على التراب الغالي الما ليهو تمن
نحن حافظين للوصية
جوه في قلوبنا الوفية
ذكراهم بتلهمنا
وتشجينا بعزيمة قوية
**************************
ليك يا بلدنا عاد
صارفين روحونية
صاينين للتراب
وحافظين للوصية
جدودنا زمان وصونا على الوطن
على التراب الغالي الما ليه تمن

**************************
بي سواعدنا القوية
حققنا استقلالنا ورفعنا علم الحرية
بيهوا الشعب احتفل
يوم جمع صفوفو
واتشمر للعمل
بي وحدة نضالو
كم حقق أمل
جدودنا زمان وصونا على الوطن
على التراب الغالي الما ليه تمن




هسه الأغنية دي مصيرها شنو يا همس



التوقيع:
رضا غير متصل   رد مع اقتباس
قديم 09-01-2011, 11:48 AM   #[22]
همس الشوق
:: كــاتب نشــط::
الصورة الرمزية همس الشوق
 
افتراضي

اقتباس:
المشاركة الأصلية كتبت بواسطة رضا مشاهدة المشاركة
جدودنا زمان وصونا على الوطن
على التراب الغالي الما ليهو تمن
نحن حافظين للوصية
جوه في قلوبنا الوفية
ذكراهم بتلهمنا
وتشجينا بعزيمة قوية
**************************
ليك يا بلدنا عاد
صارفين روحونية
صاينين للتراب
وحافظين للوصية
جدودنا زمان وصونا على الوطن
على التراب الغالي الما ليه تمن

**************************
بي سواعدنا القوية
حققنا استقلالنا ورفعنا علم الحرية
بيهوا الشعب احتفل
يوم جمع صفوفو
واتشمر للعمل
بي وحدة نضالو
كم حقق أمل
جدودنا زمان وصونا على الوطن
على التراب الغالي الما ليه تمن




هسه الأغنية دي مصيرها شنو يا همس
مصير خريطة السودان يا رضا ومصير اغاني ومعاني كتيره يا رضا تتجلى فيها معاني الوطن الواحد

ونقول لجدودنا أسفين إذا لم نستطيع ان نحافظ على الوصية كما ينبغي

سلامات يا رجل



التوقيع:

[frame="1 80"]أنا إمراة لا أنحنى لكى ألتقط ماسقط من عينى ابداً[/frame]
همس الشوق غير متصل   رد مع اقتباس
قديم 09-01-2011, 08:09 PM   #[23]
محمد مصطفي
:: كــاتب نشــط::
الصورة الرمزية محمد مصطفي
 
افتراضي

اقتباس:
اقتباس:
المشاركة الأصلية كتبت بواسطة همس الشوق

تعرفي يا جانيت ليه الانسان الجنوبي اختار الانفصال والاستقلال بعيدا .... نسبه لتهميش انسان الشمال لانسان الجنوب ... اصبح مهمش ومتهضد ودي حقيقه لابد من الاعتراف بها لا الحكومات التي توالت على الحكم ولا الشعب اعطى انسان الجنوبي حقه ...فلابد لصرخة ليستعيدوا انسانيتهم
ويعيشوا ولو قليل شعب له كينونته وذاته

اكره الانفصال لوطن المليون ميل مربع ولكن يجب ان ياخذ كل جنوبي حقه في عيش كريم

والله ما اصبتي الا كبد الحقيقة بهذا يا هموسة
ما عارف من وين جاتنا التفرقة القبلية .... التي اثرت سلباً في مجتمعنا
غايتو ارجح الرأي انها ممكن تكون جات مع القبائل العربية
التي دخلت السودان بهدف الرعي وليس نشر الدعوة
أغلب الامر ان تلك القبائل بها ما بها من جهل ... له تأثير واضح في عاداتها وتقاليدها
ما زال في كل بقاع الوطن حين الزواج ... اول سؤال ممكن يخطر
من ياتو قبيلة اتا يا زول ...
ثم يليه ومن اي عائلة في تلك القبيلة
ويأتي السؤال عن الاخلاق والاوضاع الاخري علي الهامش
الي الآن نحن عندنا عب وودالعرب
وما زال الجنوبيين هم عبيد البلد والي ما شاء الله
فكيف لهم ان يختارو العيش في وطناً لا يتقبل انصهارهم الاجتماعي وسط مجتمعهم
نحن لسة ممكن نزوج الاجنبي حتي لو كان لسانو عجمي ... بس لانو ابيض اللون
لكن ما ممكن نزوج جنوبي من بناتنا لو طار السماء
اضافة للتهميش ونظرة الاستفزاز الواضحة ...
وما زال الاعراب ينادون العبد عبد ولو لبس العمامة
فليذهبوا الي حيث يحترم اشيائهم ... ويعيشون حياتهم دون عبودية واستفزاز



التوقيع: أتوق لينابيع شعر ، تتهيأ مفردات الحب فيها للتحليق بعيدا داخل احلامي
أشواق يضحك الفجر لها وتضمها مدائن الفرح

اشراق ضرار

ستبقي في قلوبنا ابداً يا خال
محمد مصطفي غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 01:41 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.