إنني أخشى عليك من صهوة ضراك !!

[علي حاج علي]

[align=center]يا أيها المنبر
ماذا دهاهم هؤلاء القوم ؟!
أم ماذا دهاك؟!
ماذا هناك!!!
أين التعقل .. ؟!
والتدبر..
والتاني...
والتمني....
بالكلام " الحلو "
باللطف وبالليّن
وبي كل الحنان
والابتسامات
والأمان....
يا أخوانا وين أيام زمان ...
لما تلقه أخوك معاك
واقف ورآك
حارس قفاك
وإذا اختلفنا
كنا بنفاكر
ما بنناكر
بالقوة البيضاء
من دون اشتباك
لا بالمفردة الجوفاء
كالحنضل...
تبقى غصة لالفي عام
في الحلق
وما بتتلحق
أيها المنبر
أنت ملك للجميع
أنت لنا...
ونحن لك
لا نهايات لنا
ولا تحديد لك
المسارات كثيرة
والحكايات كثيرة
والمقالات كثيرة
والنداءات كثيرة
اختلافات كثيرة
وقرارات مثيرة
ثم أشعار كثيرة
وقصص وقراءات أسيرة في النوافذ
مفردات وردود
كلمات كالورود
افتقدناها هناك
بين أصحاب الشتات
يا شتات
هل نشتت ؟؟!!
أم نعيد الذكريات
ثم نبني
ونغني
بالأهازيج السعيدة
والتواشيح البعيدة
للنضال
وللحراك الكبير
يا أيها المنبر
إنني أخشى عليك من صهوة ضراك !![/align]

[ناصر يوسف]

الأخ الحبيب

علي حاج علي

تحايا نواضر وكل سنة وإنت طيب

يا زول عارف بأنو كل كلمة جات منك هنا

جات مارقة من بين مسام روحك قبال جلدك ..

جات مارقة من بينات الضُفُر ..

مارقة بالحُرقة المالياني وحاسيها تماماً كما جاءت منك ..

ولكن ...



ليتهم يعقلوووووووووووووووون ... ليتهم



إنّا لله وإنّا إليه راجعون


أللهم أغفر لنا

لهم

ولسائر المسلمين


وأهدنا جميعاً إلي الصراط المستقيم

[علي حاج علي]

المشاركة الأصلية كتبت بواسطة ناصر يوسف

الأخ الحبيب

علي حاج علي

تحايا نواضر وكل سنة وإنت طيب

يا زول عارف بأنو كل كلمة جات منك هنا

جات مارقة من بين مسام روحك قبال جلدك ..

جات مارقة من بينات الضُفُر ..

مارقة بالحُرقة المالياني وحاسيها تماماً كما جاءت منك ..

ولكن ...



ليتهم يعقلوووووووووووووووون ... ليتهم



إنّا لله وإنّا إليه راجعون


أللهم أغفر لنا

لهم

ولسائر المسلمين


وأهدنا جميعاً إلي الصراط المستقيم

المحترم ناصر يوسف
الامنيات لك بالاستقرار والسعادة
كل عام وانت بخير

شكرا على المرور ، وكما يقولون (لا يصلح الدار الا اهلها)

دمت بخير

[جيجي]

زمان كان في مجاملات كتيرة حد الالم برضو
الاختلاف طريق التصحيح
بث لو تختلف لغة الكلام

[فيصل سعد]

المشاركة الأصلية كتبت بواسطة جيجي

زمان كان في مجاملات كتيرة حد الالم برضو
الاختلاف طريق التصحيح
بث لو تختلف لغة الكلام

في معيتكم يا رفاق و
كلي آذان صاغية ..

[نبراس السيد الدمرداش]

هل نشتت ؟؟!!
أم نعيد الذكريات
ثم نبني
ونغني
بالأهازيج السعيدة
والتواشيح البعيدة
للنضال
وللحراك الكبير

استاذي و اخوي علي

نشتت دي ما معانا
هو الناس بتشتت من بيوتها ولا شنو
لكن نبني و نعيد اذكريات
نقوم الاخطاء و نستفيد منها
و بالتاكيد زي ما قلت
لا يصلح الدار الا اهلوها

[علي حاج علي]

المشاركة الأصلية كتبت بواسطة جيجي

زمان كان في مجاملات كتيرة حد الالم برضو
الاختلاف طريق التصحيح
بث لو تختلف لغة الكلام

المحترمة جيجي
الاماني لك بالاستقرار والسعادة
وكل عام وانت بخير

شكرا على كلماتك ، كلامك تمام المجاملات الكثيرة برضو بتاخر ذي ما الكلام (الشين) بيعطل.
والاختلاف هو الطريق للاتفاق ، لكن بالحكمة ومن دون زعل وانفعال.
دمت بخير

[علي حاج علي]

المشاركة الأصلية كتبت بواسطة فيصل سعد

في معيتكم يا رفاق و
كلي آذان صاغية ..

المحترم فيصل سعد
امنياتي لك بالاستقرار والسعادة
كل عام وانت بخير

شكرا لك ، عايز اقول ليك الشغلانة محتاجة (لوزنة) اوتار خماسية علشان اللحن يطلع مسموع وبارتياح ، بس ما تنسى انو الاذواق تختلف من هنا وهناك.
وكلنا كما قلت (آذان صاغية)

دمت بخير

[علي حاج علي]

المشاركة الأصلية كتبت بواسطة نبراس السيد الدمرداش

استاذي و اخوي علي

نشتت دي ما معانا
هو الناس بتشتت من بيوتها ولا شنو
لكن نبني و نعيد اذكريات
نقوم الاخطاء و نستفيد منها
و بالتاكيد زي ما قلت
لا يصلح الدار الا اهلوها

المحترمة نبراس السيد الدمرداش
الامنيات لك بالاستقرار والسعادة
كل عام وانت بخير

شكر لك المرور ، والواحد ما مفكر في ما ذهبت اليه ، لكنها خرجت من طرف اللسان (اهن .. تف تف تف ).

الدار جميلة سنجملها باقلامنا وبارائنا...

دمت بخير