الذكرى (28) لرحيل شاعر الحب والجمال والوطن إسماعيل حسن

[أحلام إسماعيل حسن]

لذكرى (28) لرحيل شاعر الحب والجمال والوطن إسماعيل حسن
تمر اليوم 18 فبراير الذكرى ال (28) لرحيل والدى شاعر الوطن والمشاعر إسماعيل حسن (رحمات ربى تتنزل عليه دون إنقطاع) ..... ما زلت أذكر ذلك اليوم الحزين عندما صمت البلبل المغرد عن الشدو .... وأظلم الكون فى عينىّ .... وتلبدت السماء باللون الأسود .... ورحل برحيله الفرح الصادق من دواخلنا .... لقد كان موته المفاجىء فاجعة تحكى رحيل حياة بأكملها .... فى تلك اللحظة خـــُيل لى أن الحياة قد توقفت تماماً وأن الكرة الأرضية لم تعد تدور ليعقب الليل فجرا .... لقد طال الليل وصار الظلام سرمديا .... كنت أري حياتى من خلال أبى .. فهو من يرسم البسمة على وجهى وهو من يحضننى فى حنية عندما أرتمى على صدره الدافىء ... إسماعيل لم يكن أباً لى فحسب بل كان الصديق والحبيب والأخ ... كان إسماعيل جميلا ... كان يحس بى قبل أن أبوح .... فقدى فيك لن يعوض .... سأظل أحتفظ بباقى فرحك الذى زرعته فىّ لأستعين به على نوائب الدهر ... خوفى أن ينضب المعين ... من أين لى غير ذكرى ذلك التوهج الذى كان يحوم حولك ....
إلى أن نلتقيك فى دار الخلود رحمات ربى تتنزل عليك بقدر ما قدمت لأسرتك ووطنك وعشاق فنك الجميل ..... كل يوم أرحل إليك بروحى لألتقيك .... وحتماً سنلتقى



فى رثاء الراحل اسماعيل حسن
كتب الشاعر د. محمد بادى



ارمي الدمعة فوق الدمعتين ياعين
بعد الليلة حابسها الدموع لي مين
نزيف الدنيا من حد البلد غربي
ونزيف الدنيا لاحد البلد شرقي
وجوم عامة الليالي العامره
كل الدنيا خاتة الخمسة فوق اتنين
رحيلك وجعة يا سماعين
رحيلك نجعة من دار الفرح والزين
رحيلك طعنة في لهات الحبى دريفين
رحيلك وقفة فوق درب العليك باكين
فيها نهاية المشوار وحد الفرحة والامال
وحد الفال وحد الزين

ارمي الدمعة فوق الدمعتين ياعين
ويعد الليلة حابسها الدموع لمين
بعد نزلت سكاكين القدر
مسنونة ديل فوق ديل
وشربت من بكرينا المعتق
حالتو ياالداسنو من السيل
وياالمخزون وحرابنا متكلات قدامو
فوقه مشنكسات الخيل
ويا الداخرنو من زمن التساب
شفعنا رابطين الحجر بالتيل
وفجأة يجينا من طرف السماء مريسيل
ينعق فوق كلنكاكول غراب هابيل
ويبقي رحيل
رحيل كل الغيوم الهاجعة متواسرات
رحيل كل الشهور العامرة بالخيرات
رحيل الطينة من طرف الجزر يومات
رحيل الخضرة قدام منجل الهدام جفاف وممات
رحيل البادية فوق برقا ورا نجيمات
رحيلك مو رحيل أفراد
رحيل اجيال
رحيل بلدا تمام وكمال
يا العرشت فوق نخل السواقي الشال
واتمددت فوق النيل من الشلال وللشلال
ويا الهاجرت فوق ريش الرهو رحال
تظل مرسوم علي باب الليالي سؤال
بعد عشعشت في خاطر الغبش موال
واتبللت من الموية بين السعفة والبلال
بعد عرقك برق في ترابنا حد ما شال
واتمددت غادي وجاي يمين وشمال
بعد الحال
منو البقدر يجيب غربال يغربل روحك المدسوسة في الاجيال
وفي نفس الدغش مبثوثة في الشتلة ونداها السال
بعد الحال
منو البقدر يطاول حرفك المعقود
علي برقا حرير وهلال
مسطر فوق رقاب البرد
فوق الصخرة والتمثال
بعد الحال
رحيلك ياالمشرشر في مداخل الدنيا كالاوصال
رحيلك هزه في العقدة
ومجامع الروح كما الزلزال

ارمي الدمعة فوق الدمعتين ياعين
بعد الليلة حابساها الدموع لمين
كتير من شاف ديارو العامرة
هاجت فوق درب وداي
كتير من عدا فوق درباً
بلا يوادع بلا يناشد كبار القوم وياخد راي
كتير ياعين
كتير الغابوا ماحضروا
وكتير الراحوا ما عادوا
وكتير البمشوا منو وجاي
الا الناعي
عمرو الناعي ما طاف البلاد من جم
وتبكي طويرة الاحزان سنين وسنين
مصيرة تساسق المسكينة بين الباسا والباساي
ترفرف من سخاي لسخاي
وتسال عن صدور مغسولة بالدوباي
و تنزل فوق حلقات مجالس الشاي
تقول الشيخ وفي الشاشاي
تبل الريق من الدمع البيوشل من ارامل الحي
وتشرق بالرحيح في الردحه و الووب احي
وتمرق من محاري الناس تولول فيها جرس الصي
وتصرخ فايقة ياجلابة اقيفوا لي
وتسعل ضايقة ما شفتوه زولا لي
تضيع فرخاتا في المجهول
ويرحل من دريبا الضي
آه آه ياطويرة الاحزان
آه لو كان تعرفي البي
جرحك انتي صاب الريش
وجرحا لي مسافر في النسيج الحي
دريبي بعيد وحزني فريد
ومما رحل البلبل الغريد
بسرح في عيون الناس
بسـأل ولوسؤالي يفيد
كيف الدنيا تصبح دنيا
والصيد يبقي ياهوالصيد؟
مين يقدر ينضم عقود منقوشة
ترقد في حزوز الجيد
ومين يضفر كلام الريد
كلو جميل مصيرو يجي ومصيرو يفوت بلاتخليد
كتاب الكون يظل مقفول
بلا خاتمة بلا تمهيد
وحتي النيل مصيرو يكون مجرد موية شاقة البيد
منو البيقدر يجيب ليكم خباراتو
رقصة موجو في الشاطئ
رواويسو , حكاياتو
رقاد القمرة جنب النجمة فوق رملا مراياتو
ولما تغيب ينوم النيل موشح بعباياتو
وزي ما النيل يضيع في الدلتا يتلاشي ويموت مشلول
انحنا كمان تفيض امالنا
تضيع تنشره في ساحل المجهول
وا اسفاي
وا اســــــــــفاي
وا اسفاي علي حرفاً شمخ في الطول
وكيف الليلة في بطن التراب مسبول
حرام تبلينا يا ايام
حرام تملينا شوق وهيام
اتارينا بنشيل من حرفك الجواني يا سماعين
ونقعد في حواشي الحضرة وانت تكب علينا غمام
وماعارفين حروفك نازفة من شريان
من دم القليب الاصلو مابريان
لما شربنا لما طربنا واتلفتنا ما لقيناك يا انسان
وشفنا رويحتك الشفافة ركبت هودج الاحزان
محمل فوق جناج ملكين
ودربو علي مشارف الواحد الديان
قوايمو شقايق النخل الوقع حزنان
مضفور بي سعف يابس
مفرش بي كباد اماتنا والحبان
مزمل بي حبال صبرا فقدناهو زمان
مضلل بالدموع شرقان ........
عجيب ياهودج الاحزان
مواسم الهجرة ما حانت ولا زمن الرحيل قد حان
نسافر ليك وزادنا الشربه من بحر الحزن والآهه والحرمان
وداك اليوم كان وداع الهودج المتهادي
كان جامع رجالات الحضر والريف
طيور السافل المحزونة جات بي ليله
تاركة جناها للريج والمطر والزيف
وروح ترهاقا والعباسي وروح أبواتنا
وريحة الماضي كلها جات
ملوك شايق .. وقف شاويش
منكس بي حرابو واقف بي قفاهو تابعو شايل سيف
وبعد الليلة كل بنية تلبس فوق صديره اكليل
يكون مزروع فيهو قلب الشهيد
وانت شهيدنا يا سماعين
يا الله .. يا الله .. يا الله
بعد ما شلت اسماعين
وفات معاهو باقي كلام وباقي حنين
يالله بعد الفجعة نظل شاكرين
نظل واقفين علي بابك معاي طلبين
يكون عبود مع ود توم كذا شاهدين
قدام قبر الولي سماعين
نظل واقفين
يوم الليلة والباكر
الي ماشئت يالله
الي يوم الفصل والدين
وداك اليوم يكون يومنا
ونقالد شيخنا سماعين

وداك اليوم يكون يومنا
ونقالد شيخنا إسماعين

[سمراء]

رحم الله الانسان الشاعر اسماعيل حسن
فهو لم يبارح هذه الفانيه سوى بجسده ....
وتبقت كلماته ترن فى الدواخل وفى كل منعطف تجد حرف من حروفه ...
له الف رحمة بقدر ما اذكى المشاعر بجميل نظمة ...

[مجدي مسعد حنفي]

الاخت العزيزه احلام
تحياتي
كيف يموت من خلّد اسمه بكلماته الرائعه التي
اطربتنا بالامس عندما كنا في سنوات الصبا وتطربنا الآن ونحن
في خريف عمرنا وستظل تطربنا حتى تنطفئ شمعة حياتنا وتسكن الانفاس
فينا وستطرب ابناءنا واحفادنا الى ان يرث الله الارض
تحياتي لكل اسرة الراحل المقيم وادعوا الله ان يكون اللقاء الابدي به معكم
هناك في جنان الخالدين.

[النور يوسف محمد]

[align=center]بسم الله الرحمن الرحيم

آه آه ياطويرة الاحزان
آه لو كان تعرفي البي
جرحك انتي صاب الريش
وجرحا لي مسافر في النسيج الحي
دريبي بعيد وحزني فريد
ومما رحل البلبل الغريد
بسرح في عيون الناس
بسـأل ولوسؤالي يفيد
كيف الدنيا تصبح دنيا
والصيد يبقي ياهوالصيد؟
مين يقدر ينضم عقود منقوشة
ترقد في حزوز الجيد
ومين يضفر كلام الريد

حقاً كأن ودبادى يقرأ الآتى من سترٍ رقيق
وقد خلت الساحة من العقود المنقوشة والكلام المضفور
رحمات ربى ورضوانه تتزل على قبره الى يوم يبعثون
ولكم أختى أحلام الصبر الجميل [/align]

[فيصل سعد]

له الرحمة و المغفرة
و الاجر و الثواب،
عند كريم مقتدر ..

[قمر دورين]

[align=center]رحمه الله رحمة واسعة وأسكنه فسيح جنّاته....
هو مقيم في قلوب الكثيرين يا أحلام فطيبي نفساً......

[/align]

[kabashi]

المشاركة الأصلية كتبت بواسطة أحلام إسماعيل حسن

لذكرى (28) لرحيل شاعر الحب والجمال والوطن إسماعيل حسن
تمر اليوم 18 فبراير الذكرى ال (28) لرحيل والدى شاعر الوطن والمشاعر إسماعيل حسن (رحمات ربى تتنزل عليه دون إنقطاع) ..... ما زلت أذكر ذلك اليوم الحزين عندما صمت البلبل المغرد عن الشدو .... وأظلم الكون فى عينىّ .... وتلبدت السماء باللون الأسود .... ورحل برحيله الفرح الصادق من دواخلنا .... لقد كان موته المفاجىء فاجعة تحكى رحيل حياة بأكملها .... فى تلك اللحظة خـــُيل لى أن الحياة قد توقفت تماماً وأن الكرة الأرضية لم تعد تدور ليعقب الليل فجرا .... لقد طال الليل وصار الظلام سرمديا .... كنت أري حياتى من خلال أبى .. فهو من يرسم البسمة على وجهى وهو من يحضننى فى حنية عندما أرتمى على صدره الدافىء ... إسماعيل لم يكن أباً لى فحسب بل كان الصديق والحبيب والأخ ... كان إسماعيل جميلا ... كان يحس بى قبل أن أبوح .... فقدى فيك لن يعوض .... سأظل أحتفظ بباقى فرحك الذى زرعته فىّ لأستعين به على نوائب الدهر ... خوفى أن ينضب المعين ... من أين لى غير ذكرى ذلك التوهج الذى كان يحوم حولك ....
إلى أن نلتقيك فى دار الخلود رحمات ربى تتنزل عليك بقدر ما قدمت لأسرتك ووطنك وعشاق فنك الجميل ..... كل يوم أرحل إليك بروحى لألتقيك .... وحتماً سنلتقى



فى رثاء الراحل اسماعيل حسن
كتب الشاعر د. محمد بادى



ارمي الدمعة فوق الدمعتين ياعين
بعد الليلة حابسها الدموع لي مين
نزيف الدنيا من حد البلد غربي
ونزيف الدنيا لاحد البلد شرقي
وجوم عامة الليالي العامره
كل الدنيا خاتة الخمسة فوق اتنين
رحيلك وجعة يا سماعين
رحيلك نجعة من دار الفرح والزين
رحيلك طعنة في لهات الحبى دريفين
رحيلك وقفة فوق درب العليك باكين
فيها نهاية المشوار وحد الفرحة والامال
وحد الفال وحد الزين

ارمي الدمعة فوق الدمعتين ياعين
ويعد الليلة حابسها الدموع لمين
بعد نزلت سكاكين القدر
مسنونة ديل فوق ديل
وشربت من بكرينا المعتق
حالتو ياالداسنو من السيل
وياالمخزون وحرابنا متكلات قدامو
فوقه مشنكسات الخيل
ويا الداخرنو من زمن التساب
شفعنا رابطين الحجر بالتيل
وفجأة يجينا من طرف السماء مريسيل
ينعق فوق كلنكاكول غراب هابيل
ويبقي رحيل
رحيل كل الغيوم الهاجعة متواسرات
رحيل كل الشهور العامرة بالخيرات
رحيل الطينة من طرف الجزر يومات
رحيل الخضرة قدام منجل الهدام جفاف وممات
رحيل البادية فوق برقا ورا نجيمات
رحيلك مو رحيل أفراد
رحيل اجيال
رحيل بلدا تمام وكمال
يا العرشت فوق نخل السواقي الشال
واتمددت فوق النيل من الشلال وللشلال
ويا الهاجرت فوق ريش الرهو رحال
تظل مرسوم علي باب الليالي سؤال
بعد عشعشت في خاطر الغبش موال
واتبللت من الموية بين السعفة والبلال
بعد عرقك برق في ترابنا حد ما شال
واتمددت غادي وجاي يمين وشمال
بعد الحال
منو البقدر يجيب غربال يغربل روحك المدسوسة في الاجيال
وفي نفس الدغش مبثوثة في الشتلة ونداها السال
بعد الحال
منو البقدر يطاول حرفك المعقود
علي برقا حرير وهلال
مسطر فوق رقاب البرد
فوق الصخرة والتمثال
بعد الحال
رحيلك ياالمشرشر في مداخل الدنيا كالاوصال
رحيلك هزه في العقدة
ومجامع الروح كما الزلزال

ارمي الدمعة فوق الدمعتين ياعين
بعد الليلة حابساها الدموع لمين
كتير من شاف ديارو العامرة
هاجت فوق درب وداي
كتير من عدا فوق درباً
بلا يوادع بلا يناشد كبار القوم وياخد راي
كتير ياعين
كتير الغابوا ماحضروا
وكتير الراحوا ما عادوا
وكتير البمشوا منو وجاي
الا الناعي
عمرو الناعي ما طاف البلاد من جم
وتبكي طويرة الاحزان سنين وسنين
مصيرة تساسق المسكينة بين الباسا والباساي
ترفرف من سخاي لسخاي
وتسال عن صدور مغسولة بالدوباي
و تنزل فوق حلقات مجالس الشاي
تقول الشيخ وفي الشاشاي
تبل الريق من الدمع البيوشل من ارامل الحي
وتشرق بالرحيح في الردحه و الووب احي
وتمرق من محاري الناس تولول فيها جرس الصي
وتصرخ فايقة ياجلابة اقيفوا لي
وتسعل ضايقة ما شفتوه زولا لي
تضيع فرخاتا في المجهول
ويرحل من دريبا الضي
آه آه ياطويرة الاحزان
آه لو كان تعرفي البي
جرحك انتي صاب الريش
وجرحا لي مسافر في النسيج الحي
دريبي بعيد وحزني فريد
ومما رحل البلبل الغريد
بسرح في عيون الناس
بسـأل ولوسؤالي يفيد
كيف الدنيا تصبح دنيا
والصيد يبقي ياهوالصيد؟
مين يقدر ينضم عقود منقوشة
ترقد في حزوز الجيد
ومين يضفر كلام الريد
كلو جميل مصيرو يجي ومصيرو يفوت بلاتخليد
كتاب الكون يظل مقفول
بلا خاتمة بلا تمهيد
وحتي النيل مصيرو يكون مجرد موية شاقة البيد
منو البيقدر يجيب ليكم خباراتو
رقصة موجو في الشاطئ
رواويسو , حكاياتو
رقاد القمرة جنب النجمة فوق رملا مراياتو
ولما تغيب ينوم النيل موشح بعباياتو
وزي ما النيل يضيع في الدلتا يتلاشي ويموت مشلول
انحنا كمان تفيض امالنا
تضيع تنشره في ساحل المجهول
وا اسفاي
وا اســــــــــفاي
وا اسفاي علي حرفاً شمخ في الطول
وكيف الليلة في بطن التراب مسبول
حرام تبلينا يا ايام
حرام تملينا شوق وهيام
اتارينا بنشيل من حرفك الجواني يا سماعين
ونقعد في حواشي الحضرة وانت تكب علينا غمام
وماعارفين حروفك نازفة من شريان
من دم القليب الاصلو مابريان
لما شربنا لما طربنا واتلفتنا ما لقيناك يا انسان
وشفنا رويحتك الشفافة ركبت هودج الاحزان
محمل فوق جناج ملكين
ودربو علي مشارف الواحد الديان
قوايمو شقايق النخل الوقع حزنان
مضفور بي سعف يابس
مفرش بي كباد اماتنا والحبان
مزمل بي حبال صبرا فقدناهو زمان
مضلل بالدموع شرقان ........
عجيب ياهودج الاحزان
مواسم الهجرة ما حانت ولا زمن الرحيل قد حان
نسافر ليك وزادنا الشربه من بحر الحزن والآهه والحرمان
وداك اليوم كان وداع الهودج المتهادي
كان جامع رجالات الحضر والريف
طيور السافل المحزونة جات بي ليله
تاركة جناها للريج والمطر والزيف
وروح ترهاقا والعباسي وروح أبواتنا
وريحة الماضي كلها جات
ملوك شايق .. وقف شاويش
منكس بي حرابو واقف بي قفاهو تابعو شايل سيف
وبعد الليلة كل بنية تلبس فوق صديره اكليل
يكون مزروع فيهو قلب الشهيد
وانت شهيدنا يا سماعين
يا الله .. يا الله .. يا الله
بعد ما شلت اسماعين
وفات معاهو باقي كلام وباقي حنين
يالله بعد الفجعة نظل شاكرين
نظل واقفين علي بابك معاي طلبين
يكون عبود مع ود توم كذا شاهدين
قدام قبر الولي سماعين
نظل واقفين
يوم الليلة والباكر
الي ماشئت يالله
الي يوم الفصل والدين
وداك اليوم يكون يومنا
ونقالد شيخنا سماعين

وداك اليوم يكون يومنا
ونقالد شيخنا إسماعين

[align=justify] العزيزة إحلام هو أبوك بتسني عشان نطراه في الأزمان كلا دا جونا بين الحدقة و الإنسان وجاري في دمانا جو الوردان ..
ألف رحمة ونور عليه بقدر ما ذاب وجداً في حب وطنه وتغنى بجماله فأضحى معلم من معالم السودان التحية لك ولكل أسرة الراحل عبرك والتحية للمرهف الشفيف محمد بادي العكودابي .[/align]

[أبو أماني]

أقترح من الإبنة الزميلة الأديبة والشاعرة : احلام إسماعيل حسن .. أن تواصل مسار هذا البوستر وتغذيته من حين لآخر .. بإحدى روائع الوالد رحمه الله .. ولو أمكن نبذه قصيرة باسلوب بنتننا الرائع الفريد عن القصيدة وربما المناسبة التي لازمتها .. أرجو أن لا اكون قد أثقلت عليك يا بنتي ولكن الفكرة أعجبتني .. فما رائيك ؟؟؟
* * *
كذلك يا إحلام يا بنتي .. ممكن توضحي للجيل الجديد ده .. من لم يعاصر العصر الذهبي للسودان حيث كان لطيب الذكر القدح المعلى في مجال الشعر والأدب .. بتسليط الضوء على تلك الحقبة التي تزاوج فيها الشعر والفن والغناء ليأتي بروائع صاغها هرمان أولهما أبيك والثاني فنان السودان وإفريقيا الأول محمد وردي حفظه الله .. أنتظر وكلي أمل ..

[فيصل سعد]

[align=center]امير الحسن
اسماعيل حسن/وردي[/align]

[align=center]
[rams]http://sudanyat.org/files/ameer_alhusn.wma[/rams]
[/align]

[فيصل سعد]

[align=center]
اسفاي

اسماعيل حسن/وردي

[/align]
[align=center]
[rams]http://albrkal.com/khalid/asfai.sudanyat.org.wma[/rams][/align]

[فيصل سعد]

[align=center]
الغروب
اسماعيل حسن/عثمان مصطفى

[rams]http://sudanyat.org/files/wlla_mushtageen.wma[/rams]

[/align]

[أبو أماني]

المشاركة الأصلية كتبت بواسطة فيصل سعد

[align=center]
اسفاي

اسماعيل حسن/وردي

[/align]
[align=center]
[rams]http://albrkal.com/khalid/asfai.sudanyat.org.wma[/rams][/align]

عليك الله يابن العم .. أمتعنا بكل ما تحمله مكتبتكم العامرة بمثل هذه الدرر والرائع .. رأيك شنو تتضافرالجهود من كل الزملاء لتجميع كل الأغاني التي جمعت العملاقين لك التقدير ..