لكل قاعدة شواذ ... كيشو نموذجن !!!!

[أشتر]

المشاركة الأصلية كتبت بواسطة هاشم طـه

عاوز إجابة واضحـة ومـحـددة

ممكن ادخل ليك بحمد ... واطلع بحمد تاني ...
بجعلنا من بين ايديهم سدا...
وكالمغشي عليكم ...
فقط ...
.
.
.
.
سوري ... مودي أشتر !!!

[منال]

المشاركة الأصلية كتبت بواسطة محمد أبوعاقلة

النسوان ديل قاعدات على الهبشة يا هاشم يا خوي ...
ولعلعتهن تجيب الضهبان في كتير من حساسيات الأماكن التي تشعرنا بالانتماء ... لنونهن ... واصبحن يجقلبن بالواحد منذ أن نالت استقلالها عن جيبونا ... فاصبحن يستعلين بلا استحياء ... شكرن ...
ديمكريتوس كان عارف القصة بتجوط بالطريقة دي كان عمل نائم بلا قطيع بلا دوشة ولكن ...
في الأرض أناس خلقهم الله للعمار وآخرين يعلمهم الله ... للدمار ...
وقووووومي يا المرا حومي ... جنس كسح هو ... الله لا ورّاك ...
بتعرف التوج ...
بس !!!

الليلة ود ابوعاقلة

اليك ديمكريتوس ذاتو في انتظارك
في انتظارك .. في انتظارك ..

وفي شراييني بيدمدم حس قطارك
لو اطير من سجني وانزل في جوارك
وعنك امسح بي رموش العين غبارك
واملا عيني من نهارك
انتي يا صحو المدارك
كل نجمة جميلة تلمع في مدارك
وكل نخلة ظليلة عندها من ثمارك
وكل نسمة حنينة دارك
وباختياري وباختيارك
كم نشارك في المعارك
وما بنخلي فرسنا بارك
وما بنقيف نستني
في الآخر نبارك
شدي ايدي وتبقي زادي
نظرة من عينيك تنادي
يا بلادي .. يا بلادي .. يا بلادي
وكلمة منك جمرة
للفداء في فؤادي
يوم اجيك وعلي جبيني
وسم عنادي
ولا مت وراي يجيك
يعتب جوادي
ولا خفت وفت منك
غادي غادي
انتي ما الحضن البلم
من ساحة هارب
ولا البنكس راسو
من الذلة شارب
ولا البدس الراية
في قش المغارب
انتي ساحل لما
عصف الموج يضارب
وانتي صافي النبع
في سكة محارب
وانا وانت حدين سيف سنين
وسوا بنحارب

سلميلي علي البحسو
بكل نبض الارض ديا
و سلميلي على البيابو
الحق هدية
وسلميلي علي مهيريات
شهيدن نارو حية
وسلميلي علي رفاقي
وبلغيهم اشتياقي
وعن حياتم قولي لي
وسلميلي علي حبايب
في زوايا المغربية
وقولي ليهم حبو غنو
الدنيا ما زالت ندية
وما حنقبل في
وطنا الغالي دية
وما بنخلي وطن سبية
ولا وطن زوجين
وحارس وبندقية

[نواريا]

تعــــــــــــادل يا ود ابو عاقلة .. انت ومنال نموذجن


وانا وعمو بابكر نموذجن

[سوسن حمد]

المشاركة الأصلية كتبت بواسطة MISSY

تعــــــــــــادل يا ود ابو عاقلة .. انت ومنال نموذجن


وانا وعمو بابكر نموذجن


[bimg]http://filaty.com/i/811/71730/equal.JPG[/bimg]

شنو يا MISSY
وأنا إسمي مابينفع نموذج ولا شنو؟؟؟
ولا مامحسوب إسم

زقاق
ود أبوعاقلة ......... بث
والسلام عليكم ورحمة الله وبركاته

[أشتر]

المشاركة الأصلية كتبت بواسطة منال

سمح ياابوعاقلة قال طوبة .. امشير برسلو ليك وين ما تكونooool
عاين يا محمد حسب التعديل فى الميثاق و اللوائح لمنتدى سودانيات (سيرة الصليب دى بتركبك التونسية) ههههههههه

ارقد عافية

التونسية دي بركبوها كم مرة !!!!!!!!!!!!!!
نفهم من كدا شنو ... مشرفة ...
على فكرة ... موجود في كل منتديات VB عشان تكوني عارفة ...
وبكون موجود لم تكون بنت واحدة وسط اعضاء ضكور ...
حاجة زي خمسة وخميسة كدا ...*

[منال]

المشاركة الأصلية كتبت بواسطة محمد أبوعاقلة

التونسية دي بركبوها كم مرة !!!!!!!!!!!!!!
نفهم من كدا شنو ... مشرفة ...
على فكرة ... موجود في كل منتديات VB عشان تكوني عارفة ...
وبكون موجود لم تكون بنت واحدة وسط اعضاء ضكور ...
حاجة زي خمسة وخميسة كدا ...*

مش بى تذاكر تركبها متين ما تدور ... و تخليها تدور كمان

اها ذكرتنى حاجة عاين لازم تعاين فى السلك

فكرة الاصل و الظل ، فكرة النقائض ، لكن الانحياز هنا يبدو امر طبيعى جدا
ـ طيب انا اذكرك بي حاجة ، سمعت ـ بناديها ـ لعمر الطيب الدوش
ـ طبعا
ـ في مقطع بقول
بفتش ليها في التاريخ
واسال عنها الاجداد
وفي احزان عيون الناس
وفي الضل الوقف ما زاد
هنا تفتكر يا هندسة، الضل الوقف مازاد ، ضل افقده عمر الدوش الحركة ، هل يكون ذلك هو تعبير عن معني الثبات ، عن جمود في الزمن
ـ ما هو شوف ، الاغنية الجميلة عندها القدرة العالية جدا في انها تسرب للمتلقي مفاهيم فلسفية قد تبدو في غاية التعقيد ، يعني مثلا التساولات العميقة عند شعراء الحقيبة
يا طبيب انا سالك
قول لي بكل صراح
انحنا هل جنينا
ام عقولنا نحن نصاح ؟
او
انت صاحي و لانايم
ولا طرفك من طبعو نعسان؟

اها شفت النحل نازل كيف
اها بركة البنيات النورن البيت و بنجيب الطوووووووووب

[نواريا]

المشاركة الأصلية كتبت بواسطة سوسن حمد

شنو يا MISSY
وأنا إسمي مابينفع نموذج ولا شنو؟؟؟
ولا مامحسوب إسم

زقاق
ود أبوعاقلة ......... بث
والسلام عليكم ورحمة الله وبركاته

لا لا لا .. بينفع ولوووو

مشكلتك ما جيتي في اللقطة بتاعت كميرتنا المكسورة

الا نصيدك بطريقة خبائثية

[أشتر]

المشاركة الأصلية كتبت بواسطة كيشو

النص دا عندنا في الشريعة بنقول عنو: ظني الدلالة
يعني نخت طوبة جنب المعطوبة، وللا نخت طوبة في راس المعطوبة؟

ظني دلالة دقّاش ...
هي كلها طوبة ومعطوبة ...
لو ختيتا في اي مكان ما فرقت كتير ...
زي المتعوس على خايب الرجا لما يتلمو !!!!!!

[منال]

المشاركة الأصلية كتبت بواسطة محمد أبوعاقلة

وبكون موجود لم تكون بنت واحدة وسط اعضاء ضكور ...
حاجة زي خمسة وخميسة كدا ...*

محمد لقيتك ما جندر سنستف Gender Sensitive التقول ابوعاقلة ما هدا فيك ... و لا اداك من بركتو اصلو...الا البركة فى اخوانك منورين امدرمان و حارسين الحيشان ...انت الغربة طمستك

[AMAL]

محمد دا كل ما يغطس يهب بي مصيبة من شذا شذ الي النار ياود ابو عاقلة

[أشتر]

المشاركة الأصلية كتبت بواسطة MISSY

تعرف يا مان احتمال يكون استخدام الانجليزي من باب التشبب و التمسك بالزمن الطش مننا

كلامك دا بحيّر لينا مخير حيرة شديدة خلاص ...
والدبل كيك بتاعك دا هبشو ...
وما اجمل أن يهبشك ... دبل كيك أنثوي*...

المشاركة الأصلية كتبت بواسطة MISSY

وبرضو تعال كلم ليك واحد ليبي بلغتك .. ( هتعيش حالة نادرة اسمها حوار الطرش ) الا تيجي تكلمو انجليزي علشان يفهم عليك !!

ما بداخل البوستات ربما نفهو وربما لا ...
انا بتكلم عن ابواب البشر التي تفتح عملهم اولا والشيطان لو لقى فرقة يدخل بعداك (بعداك يعني بعد ذلك) العناوين ... الأعلام ...
ختي في بالك ... لو ليبي اجاد الانجليزية معناها عندو محاولة لافساد بهجة في مكان آخر تتحدث الانجليزية !!!!!

المشاركة الأصلية كتبت بواسطة MISSY

انا كتبت اسمي انجليشي تفادين للادغام بغنة

الادغام بقلنا مالو ...
انتي من جيل التطلعات لغد أفضل تحت تأثير التمدد الفكري الأجنبي والعولمة الآخذة في السريان داخل الشريان ... و ح تبقى عليك البقت في البورصات ... (مفلسة عربيا ... وغير مقبولة دوليا على أقل تقدير) **

[أشتر]

المشاركة الأصلية كتبت بواسطة Babiker Mukhayer

الحبيب
محتار بين شيتين سمحين
خلقتك وأخلاقك
لكني مرتاح من إتنين جادين
دينك وعلمك
وبفرح بي إتنين من عندك جاين
فنك وخفة روحك

ولمَ الحيرة يا رفيق ...
خلقتي خلها للخالق جلت قدرته وعلا شأنه وليس لي في ذلك يد ...
اها المحيرك في اخلاقي شنو؟
شايفني بغازل ها
شايفني بخرج عن النص ها
شايفني بفجخ الخط الاحمر ها
تكون ما عرفتني كويس بس ... وفي الحالة دي بعذرك يا الحبيب ...
والما بعرفك بجهلك ...
يا جماعة قلنا ليكم بوست ترفيهي لا يخلو من الشنكبة احيانا ...
وكلامي دا ما تاخدو بمحمل الجد ... لانو اليوم جمعة وقاعد ما وراي اي حاجة غير حيطة واضنين ما عندها ...
احبك ... سرا ... وجهرا ... وتغني ...
وبمفهومي الخاص ...*

[نواريا]

المشاركة الأصلية كتبت بواسطة محمد أبوعاقلة

كلامك دا بحيّر لينا مخير حيرة شديدة خلاص ...
والدبل كيك بتاعك دا هبشو ...
وما اجمل أن يهبشك ... دبل كيك أنثوي*...


**

والله لو كيك بشنبات ما اعتقد بيبقى انثوي

اللي هبشك ما ضراك برضو واحتمال ما ينفعك ..

المشاركة الأصلية كتبت بواسطة محمد أبوعاقلة

ما بداخل البوستات ربما نفهو وربما لا ...
انا بتكلم عن ابواب البشر التي تفتح عملهم اولا والشيطان لو لقى فرقة يدخل بعداك (بعداك يعني بعد ذلك) العناوين ... الأعلام ...
ختي في بالك ... لو ليبي اجاد الانجليزية معناها عندو محاولة لافساد بهجة في مكان آخر تتحدث الانجليزية !!!!!:

هسة منو جاب سيرة ( موضوعات) في الكلام ياخ .. !!
الاسم المستعار ممكن نفهمو وممكن لا .. كمان لو فتحت ال ( الموضوع ) تبقى مصيبة وفي احتمال تفكها بعد ما الدنيا تتفكفك مننا !! او
تستخدم مفك مقاس عشرين فوق الصفر بصنه لفك مكنتك اللتي لا تقسم بغير الله .. ولا تضرب احدا !

وما تخاف الناطقين بالانجليزية هما مبسوطين كدا كدا .. مريحنهم نحنا كاتبين لوح العربيات و اسماء كل حاجة باللغتين العربية والانجليزية لغير الناطقين بخير !

المشاركة الأصلية كتبت بواسطة محمد أبوعاقلة

الادغام بقلنا مالو ...
انتي من جيل التطلعات لغد أفضل تحت تأثير التمدد الفكري الأجنبي والعولمة الآخذة في السريان داخل الشريان ... و ح تبقى عليك البقت في البورصات ... (مفلسة عربيا ... وغير مقبولة دوليا على أقل تقدير) *

احسن برضو من تمدد الاوعية الدموية ... والسم الجديد في الوريد !!

يا جيل التندم على الماضي والتحسر على روح لم تقرا عليها الفاتحة لسة !

وحتبقى زي البقت في المطابخ : ( خبز مرغوب يوميا .. عفنان طبيا او مأكول رأسك اكلا لينا على افضل تقدير ) !!

[منال]

المشاركة الأصلية كتبت بواسطة محمد أبوعاقلة

يا جماعة قلنا ليكم بوست ترفيهي لا يخلو من الشنكبة احيانا ...
وكلامي دا ما تاخدو بمحمل الجد ... لانو اليوم جمعة وقاعد ما وراي اي حاجة غير حيطة واضنين ما عندها ...

طيب ما تكورك ... عشان الجيران ... شوف الجكس جابو صوتك واقف ليك فى البلوكنة و اشارة ياخى ... شووووووووت الكرة فى ملعبك ... ختها براااااااحة

[أشتر]

المشاركة الأصلية كتبت بواسطة منال

الليلة ود ابوعاقلة

اليك ديمكريتوس ذاتو في انتظارك
في انتظارك .. في انتظارك ..

وفي شراييني بيدمدم حس قطارك
لو اطير من سجني وانزل في جوارك

اكتبي لينا محجوب شريف باللاهي ...
هسي محجوب دا لو شارك في منتدى بكتب اسمو بالانجليزي ...
ما اعتقد ...
عرفناهو محجوب شريف اسما وانسانا وعالم من روائع ...
طلع للناس بمحجوب شريف وح يموت (امد الله في عمرو) برضو بمحجوب شريف
وانا زاتي بطمح اكون نُص محججوب شريف في يوم من الأيام من كتابتو ...*
وهسي انا لو دخلت بـ STARTEC او الرمش الحزين بكون فوتّا علي نفسي فرصة تعرفني الناس او حتى اعرفهم ... مش الاعضاء بس ... الزوّار كمان ليهم عيون وذاكرة وحس ربما احسن مننا بكتير ...
اتخيلي معاي ممكن الطيب صالح بقرا كلامنا البنكتبو دا ...
اها في داعي ندخل الزول في حسكنة واحنا ما جايبين خبر ...
ففي ظل هذه البراقع ... أنت واقع ...