تحياتي يا بروف
غايتو ما عارف كيف الزول ده ربط احترامه لبلده بالخبر ده؟!
اها اسي لو طلعت دراسة تانية وقاموا حددوا المنطقة بالضبط انها في دولة جنوب السودان...
هل ح يقل منسوب معدل احترامه لبلده؟!
من جهة اخرى لطالما كنت اؤمن بان الدينكا هم اصل البشرية، وذلك لتميزهم بسحنة دونا عن سائر البشر، ذلك التمييز يشبه تماما الميزة اللي تجعلك تفرق بين الاصل والنسخة...
وهل تعلم ان اسم "دينكا" معناه "انسان"؟
وهل تعلم ان اسم "شلك" معناه "الانسان الاصلي"؟
وانا كنت دايما بضرب بالقصة نموذج عن سبب الخلاف والشقاق والكجار الذي ظلت تتميز به الشخصية السودانية وامتدت الى يومنا هذا فنجدها في الاحزاب السياسية:
حزب الامة وانشقت منه نسخة سمت نفسها الاصل
نفس الحكاية مع الاتحادي الديمقراطي
والمؤتمر الوطني انشق منه المؤتمر الشعبي
والشيوعي انشق منه حزب الخاتم عدلان
وهكذا
والحكاية دي كنت بستشهد بيها كدليل على ان الشخصية السودانية محافظة على بداوتها القديمة ولم تنعم يوما بروح المدنية اللي تخليها تشفي نفسها من تروما بداوتها الانسانية القديمة...