وكنا هناك يا منعم

[حافظ حسين]

منعم وأنا متخاصمين ومبلكين بعض في حوش مارك .... لكن حقيقة غلبني هذا الخصام دا .... وأطلب السماح بصراخ الدم المسفوح سمبلة في بلدنا يا صديقي
سوف اواصل بعد رد منعم

[عكــود]

حبابك حافظ ويا لجمال مدّة إيدك بالمصافحة.
منعم رجل أصيل وشهم، ولا يرد الإيد الممدودة خاصة وأنت في بيته.

[عبدالمنعم الطيب حسن]

لا حولا يا حافظ
الف سلامة بالشوفة ياخ
ياخ فتشتا ليك في اي جخنون،
وحارة حارة
حاولت الدخول ليك من اي قاسم مشترك
او شبه التشابك كي اوصلك..

..
اول بالتبادي طمنا على الحاج والحاجة
والله قربت ابكي لما لمحت اسمك والبوست
ودي اجمل هدية تلقيتها منذ شهور طويلة..
انا في حالة من الانهيار تماما،
واتخيل نفسي مكان الاب والام الاخ والاخت
الذي تم اغتصابهم جميعا امامهم جميعا..
رسالتك هنا مرقتني من حالة لحالة من انو الدنيا
لساتا بخير
لساتا بخشها ضوء
احبك واشتاقك وبشدة
..
وشكرا ياسحبي
حيث مفاجأتك سحبت بي
ثم ارعتني وامطرتني
حبا وكرامة
..

[عبدالمنعم الطيب حسن]

ولتعلم يا صديقي انك واحدا من القلائل جدا الذين احبهم في هذا العالم..

[حافظ حسين]

المشاركة الأصلية كتبت بواسطة عبدالمنعم الطيب حسن

لا حولا يا حافظ
الف سلامة بالشوفة ياخ
ياخ فتشتا ليك في اي جخنون،
وحارة حارة
حاولت الدخول ليك من اي قاسم مشترك
او شبه التشابك كي اوصلك..

..
اول بالتبادي طمنا على الحاج والحاجة
والله قربت ابكي لما لمحت اسمك والبوست
ودي اجمل هدية تلقيتها منذ شهور طويلة..
انا في حالة من الانهيار تماما،
واتخيل نفسي مكان الاب والام الاخ والاخت
الذي تم اغتصابهم جميعا امامهم جميعا..
رسالتك هنا مرقتني من حالة لحالة من انو الدنيا
لساتا بخير
لساتا بخشها ضوء
احبك واشتاقك وبشدة
..
وشكرا ياسحبي
حيث مفاجأتك سحبت بي
ثم ارعتني وامطرتني
حبا وكرامة
..

والله يا منعم ما تتخيل دموعي بقت قراب كيف وشكله دا من الحرب ومن الشفناهو والله لا وراهو لحبيب علي قول خالتي حليمة .... لكن كويس بعد بقيت مدير متوسط كدا بقي عندي مكتب براي حجب الدموع والانفعالات الأخري...... شكراً يا منعم على القلب الكبير تصدق وقت الدانا تقع بقول دييييييييييينك يعني الزول يموت بزعلة منعم منه ....
شكرا يا صديق الازمنة الكعبة والي حين شكلة جديدة لكن المرة دي باللاي بلك ما معانا .....

عكود شكرا على حسن ظنك بمنعم بس ما تظن شديد وما كل مرة تسلم الجرة ولكم من المحبة ما تنوء بحمله الجمال

[عكــود]

قرب الدموع ما بسبب الحرب يا حافظ،
أبداً ما بسبب الحرب بس.

عشمي في منعم ما ليهو حدود والله، مش لأنها معرفة سودانيات براها، لا فقد تكلم ورأيناه، ودونك البوست أعلى المنبر.

[عبدالمنعم الطيب حسن]

المشاركة الأصلية كتبت بواسطة عكــود

قرب الدموع ما بسبب الحرب يا حافظ،
أبداً ما بسبب الحرب بس.

عشمي في منعم ما ليهو حدود والله، مش لأنها معرفة سودانيات براها، لا فقد تكلم ورأيناه، ودونك البوست أعلى المنبر.

تسلم عمدتنا،
مش كتبتا فوق انو في قلائل في الدنيا دي بحبهم
انتا واحد منهم يا عمدة..
حظي مش..
بعدين حافظ دا هو الحظرني، 😂😂😂😂
نحن اولاد النهار دا بس خلاص..

[عبدالمنعم الطيب حسن]

المشاركة الأصلية كتبت بواسطة حافظ حسين

والله يا منعم ما تتخيل دموعي بقت قراب كيف وشكله دا من الحرب ومن الشفناهو والله لا وراهو لحبيب علي قول خالتي حليمة .... لكن كويس بعد بقيت مدير متوسط كدا بقي عندي مكتب براي حجب الدموع والانفعالات الأخري...... شكراً يا منعم على القلب الكبير تصدق وقت الدانا تقع بقول دييييييييييينك يعني الزول يموت بزعلة منعم منه ....
شكرا يا صديق الازمنة الكعبة والي حين شكلة جديدة لكن المرة دي باللاي بلك ما معانا .....

عكود شكرا على حسن ظنك بمنعم بس ما تظن شديد وما كل مرة تسلم الجرة ولكم من المحبة ما تنوء بحمله الجمال

..
كلنا في البكاء شرق والله،
دموعنا بقت قريبة والاسباب كتيرة..
ياخ عليك الله دي كم سنة ونحن في المحنة..
بالله ارفع الحظر في الفيسبك
اسمي في الفيس
عبدالمنعم الطيب بشيري
بالعربي
..
حافظ عرستا ول لسا (اعذب)
واما نحن فقد هرمنا ههههها

[وجيده]

حافظ حسيم سلامات ياخ
عودا حميد سودانيات نورت

[بابكر مخير]

المشاركة الأصلية كتبت بواسطة حافظ حسين

والله يا منعم ما تتخيل دموعي بقت قراب كيف وشكله دا من الحرب ومن الشفناهو

هههههه
دي واحدة من العلامات العظيمة في حقيقة الكُبر...
وعلى كلٍ مرحب بيك في دنيانا وسط "الجلاكين" عبارة مستعملة لناسن ياهم ذينا، بقت دمعتهم قريييييييبة (ممكن بسبب جفاف العين وبرضهو الكُبر وراها) أو بسب أنهو قلبهم بقآ رهيييييف؛ مش بقصد حبيبين وجكاسة حتى لو كانت خالية من الشهوات.
رهافة بتاعت محنة زايدة ومحبة فايضة. لي ناسك، كان حقينك الإتا منهم ولا هم منك ولا من الجو معاك ولا قرايب أو أهل ، صحبان وزملاء ورفقاء وزخم من الخوف عليهم ما يصابوا بمكروه..
حافظ،، أشواق ولي كلامك الظريف

[النور يوسف محمد]

المشاركة الأصلية كتبت بواسطة حافظ حسين

منعم وأنا متخاصمين ومبلكين بعض في حوش مارك .... لكن حقيقة غلبني هذا الخصام دا .... وأطلب السماح بصراخ الدم المسفوح سمبلة في بلدنا يا صديقي
سوف اواصل بعد رد منعم

بسم الله الرحمن الرحيم

يا زول انت حىٌ تفسبك
ما شايفك مع انو اسمك فى المفضلة ،
يبدو انك ما ب تطلنا ، ولا بتهود ناحيتنا ههههه

مشتاقون ياخ

[عكــود]

المشاركة الأصلية كتبت بواسطة النور يوسف محمد

بسم الله الرحمن الرحيم

يا زول انت حىٌ تفسبك
ما شايفك مع انو اسمك فى المفضلة ،
يبدو انك ما ب تطلنا ، ولا بتهود ناحيتنا ههههه

مشتاقون ياخ

تحياتي جنابو،

عشان كده قلنا الناس أحسن تتلاقى في حوشها بدل السوق وشوارع الحلة

[ناصر يوسف]

المشاركة الأصلية كتبت بواسطة حافظ حسين

منعم وأنا متخاصمين ومبلكين بعض في حوش مارك .... لكن حقيقة غلبني هذا الخصام دا .... وأطلب السماح بصراخ الدم المسفوح سمبلة في بلدنا يا صديقي
سوف اواصل بعد رد منعم

دي سودانيات البعرفها

أحبكم ياخ