*** مصطلحات عامّية سودانية ***

[Sana Mursi]

المشاركة الأصلية كتبت بواسطة أشتر

الناس دي ملخبطة خلطبيطة عجيبة جدا
بين عمر سعد بتاع هناك وبين فيصل سعد بتاع هنا
اتعودو على داك ولسه ما اتأقلمو مع الهنا
داك بسب ودا ما بسب ...
يا جماعة حاولو تنفصلو عن جميع موجاتكم العاملة وقتئذٍ
عشان ما تحرجونا ... وتدخلون في مناطق ضيقة لا قِبل لكم بها ...

اشتوري يا بركة الطله مشتاقين والله
يا جماعه انا صاحيه من النوم مصدعه
الحمد لله اني بقيت انوم بدون ادوات مساعده لا الدكتوره الجميله عزه الكد كتبت حبوب تنظم لي النوم.

[شبارقة]

كتب العمدة عكود : (روّاب كافي وخمّار ممتاز وقرقريبة البوست بتسوق عجينك فوق دوكتو بلا بسدّيق ولا طايوق)
البسديق حسب تعريف عكود ليهو هو الخرقة البمسحوا بيها الدوكة أو الصاج بعد يسخن وقبل كب العجينة والكلمة غالباً نوبية الأصل .. تعرف بالمعراكة في كثير من مناطق السودان.
وبما إنو الكلام عن الدوكة والعجين فنسأل عن المقدة (بضم الميم) والشيطة اللي هي القنقروشة عند البعض .

[بابكر مخير]

المشاركة الأصلية كتبت بواسطة شبارقة

هاشم صديق ( عليه الرحمة) قال : لما شفتِك ليْلي ضوّه وبقّه نور
وشاعر البطانة الكبير قال: ساريةً تبقبق للصباح ما أنفشت والخبر اللكيد قالوا البطانة إترشّت
مفردتنا هنا هي : بقّه وتبقبقب وبقبقت ، مصدرها وإستخداماتها وإشتقاقاتها في لهجتنا السودانية من منطقة لأخرى .

قالوا واحد، أول مرة جا الخرطوم في السبعينات وفي المحطة الوسطى بالخرطوم.
وقف قدام دعاية نيون مضاءة وهي من النوع البيضيء لمدة ثوان، ليطفي ثوان ويضيء من جديد..
أها صاحبنا وقف وصنقع يعاين لي القصة دي ويقول:
أمك طفا، أومك بقَّ..
وذي ما نور وشيها بقا. هناك أم بقبق وكمان المديدة والعصيدة تبقبق.
وهي حالة فيزيائية تحصل حين الوصول لي درجة الغليان، ذي ما بطن الواطة عند إنفجار البركان، تبقبق وتقذف حمم وتشبيهاً؟؟
كدآ أنا اكون بقبقتا الفي خاطري

[شبارقة]

المشاركة الأصلية كتبت بواسطة بابكر مخير

قالوا واحد، أول مرة جا الخرطوم في السبعينات وفي المحطة الوسطى بالخرطوم.
وقف قدام دعاية نيون مضاءة وهي من النوع البيضيء لمدة ثوان، ليطفي ثوان ويضيء من جديد..
أها صاحبنا وقف وصنقع يعاين لي القصة دي ويقول:
أمك طفا، أومك بقَّ..
وذي ما نور وشيها بقا. هناك أم بقبق وكمان المديدة والعصيدة تبقبق.
وهي حالة فيزيائية تحصل حين الوصول لي درجة الغليان، ذي ما بطن الواطة عند إنفجار البركان، تبقبق وتقذف حمم وتشبيهاً؟؟
انا اكون بقبقتا الفي خاطري[/B]

ههههه تسلم دكتورنا العزيز .. وبرضو الرتينة بت بقبق ههههه