اقتباس:
المشاركة الأصلية كتبت بواسطة رهف
ود عثمان
المرة دي أحمد الصطفي .. زول الروقة و الرقي
تسجيل بكر .. و خالي تماما من الات الجوطة ..
فنان سبق زمنه بكسرة اللحن
شفت كيف المعني هنا متناقض كعادة اغنيات احمد المصطفي
كوبليه لوم و كوبليه لوعة
حبيتك
أريتني ما كنت حبيت
كم ضقت في حبك
نار هجرك و رضيت
وين حلمك يحميني
من ظلمك وتلين
وين .. وين .. وين
وين عطفك يا قاسي
وين لطفك وين
حتي في النصوص اللي كتبها شعرا مختلفين تلاقي نفس الجهجهة دي
و كانها اختياره المفضل
و في الأغنية المتفردة .. فارق لا تلم
حبيبي أراك سليت
قليبي الصار لديك
حلفتك عليك قسم
تفارق لا تلم
هجرك لي هلكني
وقربك فيهو سم
بعشق فيك عفاف
وأبعد لا تخاف
إن طال المطاف
تحن للقاك ظروف
ألقاك وانسجم
واسكب دمعي دم
حبّك لي جسارة
وحبي ليك قسم
و ياا سلاااااااااام
|
رهف...
سلااام و عودا حميدا
صعوبات فى النت و الدخول اخرت الرد و ما باليد حيله...
احمد المصطفى و الروقه الشديده و روعه الكلمات و حلاوه الالحان و تاريخ
طويل ممتد من عصر سرور و حسن عطيه و عثمان حسين و حتي الجيل الثالث
فلقد كان مجددا و حااضرا دايما فهو غنى للحبيبه و للوطن و لام ادرمان و غني
لفتاه الوطن...
بدا باغنيات الجاغريو فهو ابن منطقته و كان قريبا منه فغنى للخرطوم تلاته و بيت
الخياطه و انتقل اليى عبد المنعم عبد الحي و غنى له الكثير من الاغنيات و تغنى
ايضا بجميل الكلمات لشعرا اخرين...و غنا ايضا لشعرا من خارج السودان فتغنى بكلمات
احمد رامى و ايليا ابو ماضى...
اكيد حنواصل فى سيره عميد الفن و لربما كانت اغنيه هذا البوست ظالمنى و طول
عمرى ما ظلمتك يوم و التى جاء عنوان البوست وليد لحظه معينه
ببيت من كلماتها "ليه تحرم يا روحى من رؤياك العين..؟!"
مدخل للخول فى اغوار هذا الفنان الكبير الذى اثرى باغنياته مكتبه الاغنيه السودانيه...
تحاايا كتار...