خضر بشير- حين يمسك بتلابيب الروح .. !

[قاسم الحاج]

يا سلاااااااام يا فيصل ياخ ..قمه المتعه لا تكفي لوصف البوست المدفق ابداع ومطمبج روعه ..السلق احساسي رغم نشوة البوست انو البوست عمرو خمسه سنوات وانا الضهبان ما اشوفو إلا هسه ..كان يو بليف زات!!!اخوك يعشق خضر بشير حتي الثماله ولا ارضي له بديلاً حتي لو كان ابنه محمد رغم جلاء موهبته ..

متعك ربك بموفورالعافيه يا راجل يا مبدع

[أبوبكر عباس]

انا في الغرام مهما إنتهيت
برجع سقيم زي ما ابتديت

سلام يا أبو الند
يا أخي، وحات سيدي الحسن إتّا أجمل زول
والشكر لمهند الخطيب حبيبنا زمان الذي أنزل الأغنية باليو تيوب

[فيصل سعد]

المشاركة الأصلية كتبت بواسطة قاسم الحاج

يا سلاااااااام يا فيصل ياخ ..قمه المتعه لا تكفي لوصف البوست المدفق ابداع ومطمبج روعه ..السلق احساسي رغم نشوة البوست انو البوست عمرو خمسه سنوات وانا الضهبان ما اشوفو إلا هسه ..كان يو بليف زات!!!اخوك يعشق خضر بشير حتي الثماله ولا ارضي له بديلاً حتي لو كان ابنه محمد رغم جلاء موهبته ..

متعك ربك بموفورالعافيه يا راجل يا مبدع

الله يحييك يا قاسم، حقيقة
الأخ طارق صديق كانديك هو
صاحب القدح المعلى و الجهد
المبذول هنا، فله دوام الشكر و
الاحترام و التقدير..

[فيصل سعد]

المشاركة الأصلية كتبت بواسطة أبوبكر عباس

انا في الغرام مهما إنتهيت
برجع سقيم زي ما ابتديت

سلام يا أبو الند
يا أخي، وحات سيدي الحسن إتّا أجمل زول
والشكر لمهند الخطيب حبيبنا زمان الذي أنزل الأغنية باليو تيوب

سلامات يا أنيق يا أبو الوجاهة
و الشفافية و الاستنارة:

مهند الخطيب حبيبنا في زمن ماشي و زمن جاي و زمن لسة و نشوف الماضي فيو باكر، اريت باكر يكون هسة.. و الرجل زي ما قلت يمتلك مكتبة يوتوبية عامرة و سننقلها هنا بالكامل ان مد الله في الآجال كما يقول أحمد البلال الطيب في برنامجه المحضور و المشاهد تماما "في الواجهة"..

ارقد عافية..

[عكــود]

سلام يا فيصل،

ده بوست مجهبذ، فخضر بشير (عليه الرحمة) من طينة نادرة من المرهفين العشاق.
من أشباهه، في الذوبان والتحليق، بادي محمد الطيب، المادح علي المبارك، بوب مارلي، النور الجيلاني.

واصل ..

[عبد المنعم حضيري]

بوست باذخ كصاحبه

خضر بشير أروى أرواحنا بسلسبيل الغناء النابع من عمق أرخبيل روحه الجميلة

ويكفي أنه مدرسة لم يدخلها أحد قبله ولا بعده

تسلم يا باذخ

[Abdullahi Gaafar]

العزيز جدا
فيصل
شكرا ليك علي البوست الرائع والمريح جدا
خضر بشير هو سلطان الطرب السوداني ...عادة ما نستشهد بصوته في كثير من المساجلات علي المنابر.....أجمل ذكرياتنا مع خضربشير كانت أيام الجامعة ....بشمبات ...وكما هو معروف اشتهر الشمباتة بعشقهم لخضر بشير ...والذي كان يحي معظم حفلات كليتي الزراعة والبيطرة بشمبات....
لم ار في حياتي فنانا يغني بكل ما فيه من حياة كخضر بشير...كان يتسلطن ويسلطن مريديه حتي النخاع....وقمة السلطنة حين يغني برضي ليك المولي الموالي...عالم متكامل من البهاء والدهشة والاستغراق المطمئن في حدائق من نيل وضفاف وحسان.....شمبات حينها كانت عالم من البهجة والطرب...والشمباتة معروفين بحبهم لكثير من الاشياء ..أولها خضر بشير واخرها جلسات الليالي المقمرة علي ضفة النيل..وما بينهما من حكايا
اللهم اغفر له وارحمه واسكنه الجنة بفضلك

تحياتي

عبد الله جعفر

[فيصل سعد]

لك التحايا و التقدير دكتور عبدالله جعفر،
و مرحبا بحضورك الجميل..

[فيصل سعد]

برضي ليك المولى الموالي
و فيك لازم الصبر الجميل

ابراهيم العبادي/ خضر بشير

https://www.youtube.com/watch?v=pFzqyT1gkeE=409s

[فيصل سعد]

هي ليلة

عتيق/ خضر بشير

https://www.youtube.com/watch?v=A6vrr3HQ5GU&=409s

[فيصل سعد]

ما اسعدك يا ليل
عبيد عبد الرحمن / خضر بشير

https://www.youtube.com/watch?v=RJbrP-GPXAo&=409s