الكوجين،،،،، و خم الرماد ،،،،
*بي📝 الحنين،،،،،،*
*د. علي الشيخ ،،،،،،،،*
*الكوجين ،،،،، و خم الرماد،،،،،،*
ال تسوي بي يدك بغلب سواسيوك،،،
🐥🐣🐥🐤🐥
وضع البلد مكوجن كجونه جد،،،،،
*M, K, G*
الترجمه على الشريط،،،،
يجوطوها الكبار ،،،،،
و
يقعوا فيها الثوار،،،،،،
الجاط البلد دي منو،،،،،
حوار مشروع،،،،
في استئذان،،،، و في تحنيس،،،،،
🙏🙏🙏
كدي ياولدي،،،، افتح لينا الترس ده عشان نمشي،،،،
معانا زول عيان،،، مودينو المستشفى،،،،
حااااااااضر يا خال،،،، اي مساعده،،، نحن جاهزين ،،،،
افتح ليهم يعدوا،،،، وترس تاني يا شفت،،،
*دي بي لهجه تاني،،،،*
يا ولد،،،، انت يالقاعد هناك،،، افتح القرف ده خلينا نمشي نشوف شغلنا،،، كرهتونا البلد دي،،،،
الشباب داقين طناش ولا شغالين بيهو،،،
زولنا نزل من العربيه المظلله و مكيفها ضارب،،، قال عايز يزح الترس،،،
جاتوا كم نغمه تحذيريه،،،
ارجع يازول ،،،، خليك بعيد،،،،
اتلفت شمال،،،، و يمين،،، ماعرف البتكلم منو،،،،
رجع مدنقر راسه،،، زي الطلقوها في نفاسها،،،
*ده اسمه ادب الحوار مع الثوار،،،،،*
التتريس ده ،،،،
رساله أخرى ترسلها ادبيات ثورة ديسمبر،،،،
شغل بي فهم،،،، انه نحن موجودين،،،
انه حارسين الثوره،،، زي العيان في العنايه المركزه،،،،
الثوار هم الحارسنو،،، ،،،
و اكيد ،،،، اكيد بعد مايبقى طيب و تترد روحه،،،،
الناس القبيل القالوا ده لعب شفع،،، هم أول ناس،،، بركبوا عرباتهم🚗🚕🚙
و بضربوا البوري،،، و بيطلعوا من شبابيك العربات و في يدينهم اعلام السودان🇸🇩،،، و هاك يا فيديوهات🎥 و يا صور📷 و يا لايف،،،،
انتوا كنتوا وين،،،،، بس راجينها تبرد،،،
و تجوا ناس صفقه👏👏👏،،،، و رقيص 🕺💃🏼🕺💃🏼،،،
كوجين الكبار و السواطه العملتوها هي الحرقت البلد،،،،
طيب،،،،، نحن هسه ،،،،
دايرين *نخم الرماد* ،،،،،
دايرين نخم الرماد بي فهم تاني،،،،
نار الثوره لسه ملهلبه🔥🔥🔥
و رمادها عمره ما ببرد،،، يموت جمر،،، بولع جمر تاني،،،،
دايرين نخم رماد الزعزعه الحاصله في البلد،،،، نبدله بي وطن أمن،،،،
دايرين نخم رماد الكسل،،،، و الونسه الفارغه و مقدوده،،،
ننشط و نشتغل و نبني بلدنا،،،
دايرين نخم رماد الحسد
و الحقد و الانانيه،،،، نرجع هتاف،،،، *كان عندك خت،،، كان ماعندك شيل،،،*
دايرين نخم رماد سنين عجاف،،،، اضرت بالسودان ،،، و فرملة عجلة إنتاجه
و تقدمه،،،،
دايرين نخم رماد ناس حقنا وين،،،
دايرين نخم رماد يا فيها يا نفسيها،،،، ،،،
و اي شغله يكون فيها حق الوطن اساسي و حاضر،،،
دايرين قبل خم الرماد،،،، نبطل الكوجين،،،
المابعرف يكوجن مايمسك الكنش،،،،
ما يهبب النيران،،،، يزح لينا بعيد ونعمل ليهو شخيط،،،
و يقيف لينا عكس الهواء،،، ،،،،
في ناس شدة مابتعرف تكوجن،،، تشهيك السواطه ،،،،
ديل مدسوسين و محترمين،،،، بس نصلهم كيف،،، ونقنعهم كيف،،،، ديل كان مسكوا لينا الكنش،، ،،،، بقوة قلب و بحب البلد
و ترابه،،،، بجيهونا،،،، صاااااح ،،،،، ما نديهم فرصه،،، و نهبب ليهم من بعيد لي بعيد،،،،
نحن كان بارينا الدرب ده بي الكوجين الحاصل هسه ،،،،،
الرماد في خشمنا،،، ،،،،
*جاطت ،،، جوطه،،، جد،،،*
*3Gs,,,,,,,*
*د. علي الشيخ*
*الحنين*
*امدرمان*
*٣٠ مارس ٢٠٢٢*
|
