اوبريتات سودانية (اوبريت) !!! عبد الحكيم

باب العودة لإعمار سودانيات ( مفتوووووح ) الآن !!! ناصر يوسف

هَكَذَا يَمْضِي الغفاريون نَحْوَ الله: في رحيل مظفر النواب !!! عبد الله جعفر

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 13-04-2022, 06:57 PM   #[1]
علي الشيخ الحنين
:: كــاتب جديـــد ::
 
افتراضي النشاليين،،،،،،

*بي📝 الحنين،،،،،*
*د. علي الشيخ ،،،،،،،*

*النشالين ،،،،،،*
بخططوا صاح ،،،،، ومنهم تعلم الآخرون،،،
ترجع بيتك تلقى روحك اتنشلت،،، كيف🤔،،،، ومتين⏰،،،،
دي خليها ما شغلتك،،،
زمان النشل في السوق،،، في الزحمه،،، في المواصلات،،،،
دي حتات متفق عليها،،،،
وشويه شويه بقى في المقابر،،،، و المساجد،،،
سرقه و قوة عين،،،
مع السخانه المنطلقه فينا الايام دي *سخانة جو،،،، و سخانة جيب،،،،* و الجهجه الحاصله ،،،،، القصه بقت قلع عديل،،،، و فيها دق كمان،،،
هسه عيني👁️ عينك👁️،،،، لا خوف،،، من المنشول و لا خوف من الحكومه،،،،
الحكومه الفيها مكفيها،،، فارشه ليها بيت بكاء،،، ولي هسه الجنازه ما اتلقت،،،
نشالين زمان محترمين جدا،،،، بس بنشلك،،، اكعب حاجه ممكن يعملها يشرط ليك جيبك ،،،، بي موس،،،، حرفنه و خفة يد 🤞 رهيبه،،،،، تقول بديك بنج💉،،،
تتخيل معاي،،،،
وتبقى وسم وعلامه،،،، للجلابيه ولا البنطلون و تبقى ذكرى،،، ان شاء الله يوم نشلكم ما يجي،،،،
من الأدب و الاحترام بعد تتنشل،،، النشال بشيل القروش و بجدع ليك الجزلان ،،،،،
مش ملاحظين و مركزين معاي انه البتنشلوا زمان بس رجال،،،، حصل سمعتوا انه في مرأة اتنشلت،،، انا بقصد *زمااااااااان،،،،* قبل ما يتنفذ فينا المشروع الحضاري،،،، لأنه بعده اتنشلت بلد و اتسرقت امه كامله،،،،
هسه النظريه اتطورت،،، و فنياتها اتجددت بقى فيها خبت و قلع،،،، و كتل عديل،،،،
هسه انت مارق من البيت،،، تشتغل زي المدرب اللاعب النهائي و الكأس بره🏆،،،، ترجع تقفل باب الشارع،،، و توصي ناس البيت و تتلفت زي الزايق من بوليس الحركه،،،، ديل كمان بنشولك بي قانون عديل كده،،،،
وتركب عربيتك تقفل القزاز و تأمن الأبواب و تفتح الطبلون تتأكد من المسدس🔫 و تعاين تحت كرعينك تشوف العكاز ولا السيخه،،، حتين تنقر السويتش،،،، والله حرب البسوس مابدخلوها كده،،،، وحالتوا الكلام ده العين بتشوف و الناس ماشيين ،،، وجاييين،،،،
كان ضلمت،،، ارجي الراجيك،،، كرعينك و الجري ده ما حقي،،،،
لا بنفع كلب🦮 يهوهو و لا بنفع سلك شايك،،، و لا بنفع طواف بالليل،،، كان قبضوك بغنوا ليك،،، بالليل ده ماشي وين،،، و السطر البعده،،،
*الجوال و الجزلان،،،* واتفكفك ،،،،،
ده النشل و القلع المتفق عليه،،،،
الناس هسه بتتنشل وهي قاعده في بيوتها،،،، مرخمه و جنبها كباية قهوة،،،،
تفتح جوالك،،،،📲
*يجيك خبر مفبرك و مفتشب،،،* تقعد تباريهو و ترسل فيهو ،،،،
كده اتنشلت يا حريف،،، بي جوالك و بي قروشك،،،،
نشلت القروش و سرقة الموبايل بتتحله،،،
كعب ينشلوا زمنك،،، و يسرقوا تفكيرك،،،، وانت راقد في سريرك،،،، مرخم ،،،،
النشال و لا الحرامي كان قبضوه بدقوهو و بتعرف ،،،،
المشكله في الزول النشلك و سرقك،،،، و بعلمك تنشل وتسرق غيرك،،،، وانت مابتعرفوا،،، بقينا زي الدراويش في الحلقه،،، لافين بينا،،،، عكس النوبه،،،،
من ما تصبح،،،،
*عاجلا،،،،،*
*رابط فيس بوك،،،،*
*تسجيل صوتي،،،،*
*فيديو حايم*
و هاك يا بهارات،،،،
وانت يا الحبيب تفتح و ترسل،،،، حار،،،، حار،،،،
لو ركزنا و مسكنا اي خبر،،، حايم و مكرر،،، بنلقي وراهوا،،،، موضوع،،،، مقصود،،،، منه تشتيت و جهجه،،،،
و ده عند ناس الكوره اسمه اللاعب الحريف البتحرك بدون كوره⚽،،، يشغل التيم الخصم،،،، وغيره يجيب القوووووون،،،

*لحدي هسه دخلت فينا جنس اقوان كلها سارق،،،*

*الحكم قابض،،،، و الكهرباء قاطعه،،،*

*و الخوف يا عَالي تسرح طوالي،،، ،،،،،*

*د. علي الشيخ*
*الحنين*
*امدرمان*
*١٣ أبريل ٢٠٢٢*



علي الشيخ الحنين غير متصل   رد مع اقتباس
قديم 20-04-2022, 07:41 PM   #[2]
بابكر مخير
:: كــاتب نشــط::
الصورة الرمزية بابكر مخير
 
افتراضي

من زمن أيامي مغترب في الإمارت (78-1986) وأنا بدخن سجاير جولدن فرجينيا اللف (ذي القامشة) ومتفلسف عامل ليهو محفظة وفي حجمها ذي الجزلان. وهي فعلن ذي الجزلان لأنها أول الشهر بتكون مليانة. ما الواحد بيشتري الكوتة وبيختها في المحفظة..
مشيت السودان في إجازة ووصلتا يوم الوقفة والمحفظة مليانة لمن الأبازين ما عايزاة ينسدن، منفوخة تقول تطرشق ومن الصباحية وطبعا أنصاري بس عيبي السجاير (التابة والبتابة) فمشيت صلاة العيد في جامع الخليفة والإمام كان سيد صادق له الرحمة.
لابس جناح أم جكو الدمورية الباكستانية وبي تابتي وبتابتي دخلتا المسجد..
وكان من بين المصليين أصحاب مأرب أُخر..
ما لا حظتها إلا بعد ما مرقنا من القبة بعد الزيارة وقلتا أولع ليا سجارة أتمخمخ بيها...
دخلتا يدي في الجيب اليسار ما ذي السجاير ما بتختا في اليمين لأنهو ما حق أصحاب اليمين وإلا العافيي عليهم المولى عز وجل وإن شاء الله منهم..
لقيت أنهو يدي مرقت ليها بي درب تاني وأتحسس حراية الشمس دون حماية الدمورية الباكستانية وإذا به قطع طويل بآلة حادة (الوصف مستوحى من تقارير الطب الشرعي) والجيب فاضي من المحفظة بتاعت التباكو..
بيني وبين نفسي قلتا قولتنا السودانية الشهيرة: الجاتك في مالك فادتك والجاتني في القولدن فرجينيا، إتفرجت عليا بعدم تدخين في ذآك اليوم الجميل..
متأسف حلجتا ليك بوستيك..
لكني إتذكرتا كيف النشاليين بعض مرات بيصيبوا ومرات خيبوا



التوقيع:
بابكر مخير غير متصل   رد مع اقتباس
قديم 21-04-2022, 06:16 AM   #[3]
فيصل سعد
:: كــاتب نشــط::
الصورة الرمزية فيصل سعد
 
افتراضي

سلامات يا علي و رمضان كريم 💚💚

"علي اهل العاصمة خلق قوة دفاع الخرطوم مكونة من لجان الاحياء والمتقاعدين من الاجهزة الامنية واصحاب الرؤية الثاقبة لان الذي يحدث الان بالخرطوم لا يخفي علي العين المجردة فهو عمل ممنهج ومدروس يراد به ايصال فكرة معينة ورسالة واضحة وهي ان الخرطوم مدينة غير امنة وغير قابلة للعيش فيها وحياة البشر فيها معرضة للخطر حيث يتطور الوضع الي عرض الناس بيوتهم للبيع والهجرة الي خارج السودان وابعاد المستثمرين بسبب تلك الهالة الاعلامية والتي اصبحت حديث المدينة .... المشترين الجدد يريدون تغير التركيبة السكانية مما ينتج عنه السيطرة علي المركز والتحكم في باقي السودان.... الذي يتابع تطورات ما يسمي ب٩ طويلة او النهب المسلح بصورته الجديدة يلاحظ ان الهالة الاعلامية الهائلة التي تحيط ب٩ طويلة ما هي الا ايصال رسالة الي ناس الخرطوم مفادها ان الموت يحيط بكم من كل حزب وصوب ، ويا ايها المستثمرون من خارج وداخل السودان الويل لكم ان اتيتم اليها ، ونصيحتهم لسكانها اخرجوا منها فهم لهم من الناصحين ..هذا هو مغزي و رسالة ٩ طويلة وايضا حصار الخرطوم بصورته الجديدة : تردي وانهيار الخدمات وانقطاع المياه والكهرباء وجميع الخدمات الصحية والاجتماعية وتردي الاوضاع الاقتصادية ايضا هو نوع من انواع الضغط الجديد علي سكانها ..علي الناس ان تتماسك.... صنعت تلك الاحداث بصورتها الحالية و التي يريدون بها خلخلة التركيبة الاجتماعية والتاريخية لمدينة الخرطوم والتي تتشكل من شتي قبائل السودان ، المستوطنون الجدد اتوا من خارج السودان ومن اقاليم من داخل السودان و الجوازات السودانية اصبحت تباع في افريقيا الوسطي وتشاد والنيجر وسفاراتنا بالخارج .... علي الناس الانتباه ، الذي يراد باهل الخرطوم ليس عملية ٩ طويلة فهي استراتيجية طويلة ستهدم وتغير ما تبقي من وطننا الحبيب فاحذروا فانا لكم من الناصحين.
لك الله ياوطن 🇸🇩🇸🇩
"منقول"



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 21-04-2022, 07:16 AM   #[4]
فيصل سعد
:: كــاتب نشــط::
الصورة الرمزية فيصل سعد
 
افتراضي

🔥 عاجل :
تم اليوم إجتماع لتكوين الدرع الواقي لأحياء الخرطوم وسيكون من عامة الشعب والجيش والشرطة المحالين للمعاش في كل حي لمقابلة 9 طويلة والنهب المسلح وستكون الأحكام فورية وميدانية بما شرع الله أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض وتم الإتفاق بعدم دفن جثامينهم بل رميهم في البحر و على كل لجان الأحياء العمل الفوري لحماية أحياءهم..

"منقول"



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 25-04-2022, 11:01 AM   #[5]
حسن النضيف
:: كــاتب جديـــد ::
 
افتراضي

أول مرة أتنشل كان شراب جديد إشتراو لي ود خالي من سوق أمدرمان لمن مشيت معاو يشتري حاجات.
تقول قروشو حقت حرام. ركبنا بص الخرطوم من موقف المحطة الوسطى أمدرمان ولمن وصلت البيت دخلت يدي شان أغيظ أخواني بالشراب الجديد فغاظوني هم.
تاني سرقة كان شبط جديد من جامع فاروق وسط الخرطوم. الزول البقفل الجامع كتر خير أداني سفنجة قديييييييييييييييييييييييييييييييييييييييييييييييي يييييييييييمة رجعت بيها بيتنا.
النشل أقسى مافيو إنك تشعر غفلوك وإنك أهبل.
أما ناس 9 طويلة ديل فالزول يكسر كرعين البقع في يدو بس.



التوقيع: حسن
حسن النضيف غير متصل   رد مع اقتباس
قديم 04-05-2022, 04:10 PM   #[6]
أبو جعفر
:: كــاتب نشــط::
الصورة الرمزية أبو جعفر
 
افتراضي


تحياتي للجميع وكل عام وأنتم بألف خير

طبعاً الموضوع ده ذو شجون ... ومافي زول شفت لدرجة ما ينشلوه ... حتى المحافظ كما حكى شوقي بدري نشلوه في المولد وسط جنوده.

أنا متذكر نشلوني مرتين ... ووقتها ما كان في فليق أو قطع للجيوب ... ناس فنانين بحق ... ويستاهلوا فوق البنشلوه جائزة.

مرة في البص راكب من المحطة الوسطى أمدرمان لما وصلت سينما أمدرمان أقترب الكمساري ... هبشت الجيب عرفت أني خاوي الوفاض ... فأحترمت شخصي ونزلت من سكات ... ورغم أن المبلغ وقتها كان 2 جنيه أي يومية دكتور يهز ويرز ... لكن إنبسطه من الزول الحريف.

المرة الثانية في الدفار ... ومعاها البطاقة التي وصلتني بعد كم يوم من بحري رغم أني كنت راكب من الخرطوم لأمدرمان ... ما قلت ليكم ناس فنانين وبيحترموا المهنة ...







التوقيع:
مسك العصا من النصف لا يوصلها إلى رأس الحية
آفة الرأي الهوى
أبو جعفر غير متصل   رد مع اقتباس
قديم 05-05-2022, 11:31 AM   #[7]
Hassan Farah
:: كــاتب نشــط::
الصورة الرمزية Hassan Farah
 
افتراضي

سلام وعيد مبارك للجميع
البلد سايبة و٩ طويلة مجرد علامة طريق فقط....انتظروا القادمات




Hassan Farah غير متصل   رد مع اقتباس
قديم 05-05-2022, 11:32 AM   #[8]
Hassan Farah
:: كــاتب نشــط::
الصورة الرمزية Hassan Farah
 
افتراضي




Hassan Farah غير متصل   رد مع اقتباس
قديم 05-05-2022, 11:41 AM   #[9]
Hassan Farah
:: كــاتب نشــط::
الصورة الرمزية Hassan Farah
 
افتراضي




Hassan Farah غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 08:40 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.